Terdzo-SA-014

ཕྱག་རྡོར་གཏུམ་པོ་མེ་ལྕེ་ཕྲེང་བ་ཆོས་དབང་ལུགས་ཀྱི་བླ་མ་བརྒྱུད་པའི་གསོལ་འདེབས་

phyag rdor gtum po me lce phreng ba chos dbang lugs kyi bla ma brgyud pa'i gsol 'debs

by གནུབས་བན་བསྟན་འཛིན་ཡེ་ཤེས་ལྷུན་གྲུབ་ (Nupben Tendzin Yeshe Lhundrup)
revealed by གུ་རུ་ཆོས་ཀྱི་དབང་ཕྱུག་ (Guru Chökyi Wangchuk)
in cycle དཔལ་ཕྱག་ན་རྡོ་རྗེ་གཏུམ་པོ་མེ་ལྕེ་ཕྲེང་བ་ (Dpal phyag na rdo rje gtum po me lce phreng ba)
Volume 28 (ས) / Pages 175-176 / Folios 1a1 to 1b2

Citation	gnubs ban bstan 'dzin ye shes lhun grub. phyag rdor gtum po me lce phreng ba chos dbang lugs kyi bla ma brgyud pa'i gsol 'debs. In Rin chen gter mdzod chen mo pod nyer brgyad pa (The Great Treasury of Rediscovered Teachings Volume 28) by 'jam mgon kong sprul, 175-176. New Delhi: Shechen Publications, 2007-2016.
Author	Gnubs ban bstan 'dzin ye shes lhun grub གནུབས་བན་བསྟན་འཛིན་ཡེ་ཤེས་ལྷུན་གྲུབ་
Source Revealer	Gu ru chos kyi dbang phyug གུ་རུ་ཆོས་ཀྱི་དབང་ཕྱུག་
Cycle	Dpal phyag na rdo rje gtum po me lce phreng ba དཔལ་ཕྱག་ན་རྡོ་རྗེ་གཏུམ་པོ་མེ་ལྕེ་ཕྲེང་བ་
Terdzö Category	Mahayoga
Tibetan Colophon(s)	།ཆོས་དབང་གཏུམ་པོའི་བརྒྱུད་པའི་བླ་མ་རྣམས་ལ་གསོལ་བ་འདེབས་པའི་ཚིགས་སུ་བཅད་པ་འདི་ཡང་ཁྱབ་བདག་པདྨ་དབང་ཆེན་སྙིང་རི་ཞབས་དྲུང་རིན་པོ་ཆེའི་བཀའ་བཞིན་བསྟན་འཛིན་ཡེ་ཤེས་ལྷུན་གྲུབ་ཀྱིས་ཡུད་ཙམ་ལ་སྨྲས་པ་ཡི་གེའི་སྲད་བུར་འགྱུར་མེད་ཚུལ་ཁྲིམས་ཀྱིས་སྤེལ་བའོ། །མངྒ་ལཾ།། །།
Wylie Colophon(s)	chos dbang gtum po'i brgyud pa'i bla ma rnams la gsol ba 'debs pa'i tshigs su bcad pa 'di yang khyab bdag pad+ma dbang chen snying ri zhabs drung rin po che'i bka' bzhin bstan 'dzin ye shes lhun grub kyis yud tsam la smras pa yi ge'i srad bur 'gyur med tshul khrims kyis spel ba'o/_/mang+ga laM
Notes	Front left-side note: brgyud 'debs Back left-side note: gter mdzod chos dbang phyag rdor gtum po
Links	No TBRC link // No THL link

< Previous Text

Next Text >

[edit]

ཕྱག་རྡོར་གཏུམ་པོ་མེ་ལྕེ་ཕྲེང་བ་ཆོས་དབང་ལུགས་ཀྱི་བླ་མ་བརྒྱུད་པའི་གསོལ་འདེབས་བཞུགས་སོ། །ཀུན་བཟང་གསང་བདག་པདྨ་འབྱུང་གནས་ཞབས། །ཡེ་ཤེས་མཚོ་རྒྱལ་གཏེར་སྟོན་ཆོས་དབང་དང་། །མི་བསྐྱོད་རྡོ་རྗེ་དྭགས་སྟོན་གཉན་སྟོན་རྗེ། །སེ་སྡིངས་ཡབ་སྲས་རྣམས་ལ་གསོལ་བ་འདེབས། །གུ་རུ་ཆོས་འོད་དྷརྨ་བཛྲ་དང་། །ཤེས་རབ་དབང་ཕྱུག་དྲན་མཆོག་ཆོས་ཀྱི་དབང་། །ཀརྨ་གུ་རུ་ཀརྨ་དབང་འབྱོར་མཚན། །ཀུན་བཟང་རྡོ་རྗེ་རྣམས་ལ་གསོལ་བ་འདེབས། །བློ་མཆོག་རྡོ་རྗེ་འཇམ་དབྱངས་ལེགས་བཤད་ཞབས། །པདྨ་རང་ཤར་པདྨ་དབང་འབྱོར་གཉིས། །གསང་བདག་རྡོ་རྗེ་ཡེ་ཤེས་ལྷུན་གྲུབ་དང་། །ཆོས་ཀྱི་རྒྱལ་མཚན་མཁྱེན་བརྩེའི་དབང་པོ་སོགས། །དངོས་བརྒྱུད་བླ་མ་རྣམས་ལ་གསོལ་བ་འདེབས། །བསྐྱེད་རིམ་གསལ་བས་གང་སྣང་ལྷ་སྐུར་ཤར། །བཟླས་བརྗོད་སྔགས་ཀྱིས་ཐོགས་མེད་ནུས་པ་གྲུབ། །རྫོགས་རིམ་འོད་གསལ་ཟབ་མོའི་རྣལ་འབྱོར་གྱིས། །ལྷན་སྐྱེས་ཡེ་ཤེས་རྗེན་པར་རྟོགས་པར་ཤོག །ཕ་རོལ་རིག་སྔགས་བཟློག་དང་ཀླུ་ནད་སྲུང་། །སེར་བ་སྲུང་འབེབས་ཆུ་ཆར་དབབ་དང་བཅད། །ཞི་རྒྱས་དབང་དྲག་ཕྲིན་ལས་སྦྱོར་བ་ཀུན། །གང་བརྩམ་མྱུར་དུ་འགྲུབ་པར་བྱིན་གྱིས་རློབས། །འགྲོ་ཀུན་རྒྱུད་ལ་གདོད་ནས་ཉེར་བཞུགས་པའི། །ཐུགས་ཀྱི་རྡོ་རྗེ་གསང་བདག་སེང་གེའི་སྒྲ །མ་ནོར་མ་བཅོས་རང་ཞལ་མངོན་གྱུར་ནས། །འཁོར་བ་དོང་ནས་སྤྲུགས་པའི་མཐུ་ཐོབ་ཤོག །ཆོས་དབང་གཏུམ་པོའི་བརྒྱུད་པའི་བླ་མ་རྣམས་ལ་གསོལ་བ་འདེབས་པའི་ཚིགས་སུ་བཅད་པ་འདི་ཡང་ཁྱབ་བདག་པདྨ་དབང་ཆེན་སྙིང་རི་ཞབས་དྲུང་རིན་པོ་ཆེའི་བཀའ་བཞིན་བསྟན་འཛིན་ཡེ་ཤེས་ལྷུན་གྲུབ་ཀྱིས་ཡུད་ཙམ་ལ་སྨྲས་པ་ཡི་གེའི་སྲད་བུར་འགྱུར་མེད་ཚུལ་ཁྲིམས་ཀྱིས་སྤེལ་བའོ། །མངྒ་ལཾ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).