Property:Colophonwylie
From Rinchen Terdzö
This is a property of type Text.
T
de ltar bsnyen pa'i dmigs gnad dmar byang du bkod pa 'di nyid/_kong por rgyal mchog 'jig rten dbang phyug la chos kyi gtad rgya phul skabs skal ldan grwa slob mang tsam la dbang lung thob cing de 'phral bsnyen mtshams byed mi mang ba dang /_lhag tu pad+ma rig 'dzin lo gcig nyams len la gzhol ba'i dam bca' phul bas rkyen byas/_rang gzhan la phan pa'i blos bsnyen rkyang gi dmigs rim gter gzhung ltar khrigs chags su bltas pas kun grol zhes pa 'di nyid tshes bcu'i nyin kun bzang bde chen rgyal pos spel ba mang+ga laM/_shu b+haM// +
ces pa'ang kun mkhyen bla ma dkyil 'khor rgya mtsho'i khyab bdag mchog gis bka' yis rjes su gnang ba ltar/_pad+ma gar dbang blo gros mtha' yas pa'i sdes tsa 'dra rin chen brag gi sgrub gnas su bsdebs pa dge legs 'phel// +
ces pa'ang grub pa'i dpyid mtsho skyes bla ma dgyes pa'i 'bangs kyi mos gus kyi chu gter las byung ba'o/_/sarba dA mang+ga laM// +
ces rgyud kyi rdo rje'i gnas chen po rnams la mkhas shing dngos grub brnyes pa'i slob dpon dag gi zhal gyi bdud rtsis mdzes par byas te rig pa 'dzin pa'i sde snod bla na med pa'i nges gsang dbang bzhi'i lam gyi snying por dril ba 'di'ang /_theg pa mchog gi rnal 'byor pa mtsho skyes bla ma dgyes pa'i 'bangs kyis nags tshal drwa ba can gyi bsti gnas su sbyar ba dza yan+tu/_/sarba dA ka l+yA NaM b+ha ba tu//_//'di ni 'jam mgon rin po che dang rigs bdag bla ma rnams kyi dgongs rdzogs kyi phyir du kha bskangs te par gsar du bsgrubs pa yin pas dbang lung sogs la zhib cha bya dgos pa yod do/_/zhes kho bo si tu pad+ma dbang mchog gis ched du gdams pa'o// +
ces pa'ang mdo smad byang phyogs re bgong rig pa'i 'byung gnas su rin chen gter mdzod chen mo'i chos sgo 'byed pa'i skabs/_gser mdog cod pan 'chang ba pis mdo mkhan chen ngag dbang blo bzang bstan 'dzin rgya mtsho zhes mkhas btsun bzang po'i yon tan phun sum tshogs pa mnga' ba gang gis deng sang chos lugs kyi sdang zhen de shin tu skyon chen po 'dug_/kho bo mang du thos shing na tshod rgan bzhin bstan pa thams cad 'gal med du mthong gi 'dug pas rin chen gter mdzod las kun go gcig chod kyi dbang lung khrid dang bcas pa zhig khyod las zhus te bsnyen sgrub kyi 'brel ba bzhag nas/_gzhan la'ang ci nus spel te skye ba rjes ma rnying ma bka' gter yongs rdzogs 'chad spel nyams len byed pa'i smon lam dang /_gter mdzod kyi phyag dpe yongs rdzogs shig bzhengs dgos zhes bka' bstsal pa bzhin zab chos mchog 'di'i dbang khrid lung bcas dgyes ston du phul cing /_rang nyid nas kyang gsang bde'i dbang dang rgyud bshad bcas chos 'brel du zhu skabs zin bris su spel ba po sngags btsun 'gyur med theg mchog bstan pa'i rgyal mtshan gyis te 'gro kun bla ma sku bzhi'i dkyil 'khor du 'jug ste rdo rje'i rigs can du grub pa'i skal pa mchog tu gyur cig/ +
ces pa'ang rgyam rgyal pad+ma shel ri'i gnas zhol rang byung pad+ma yab sras kyi rdzu 'phrul phyag rtags kyi re khAs bkra ba mtsho nag ma'i khar tshogs kyi mchod pa phul ba'i skabs sngags btsun 'jigs med mkhyen brtse'i ming can gyis bris pa brgyud gsum bla mas byin gyis brlab pa'i rgyur gyur cig/ +
lam zab 'di dang 'dra min tsam gter kha gsum du sbas pa las/_'di ni mdo khams shar phyogs pad+ma shel ri'i gsang phug nas ye shes kyi mkha' 'gros dngos su spyan drangs shing gtad pa'i shog ser zhing sor do /_dkyus sor drug pa zhig las 'ja' tshon las 'phro gling pa'i ye shes kyi skus rjes su bzung ba'i zab gter gsang ba'i mdzod 'dzin pad+ma 'od gsal mdo sngags gling pas gtan la phab ste rgyal bas lung bstan gter 'byin mkhas grub yongs kyi 'khor los sgyur ba blo gros mtha' yas pa'i sde o rgyan 'chi med bstan gnyis gling pa'i spyan sngar phul ba zab chos rin po che'i gter mdzod kyi phrin las mkha' khyab tu rtag cing rgyas pa'i rgyur gyur cig_/sarba dA ka l+yA NaM b+ha ba tu// +
de las mchog grub rig 'dzin bgrang yas 'phel/_/des kyang bstan 'gro'i bde skyid dgung du spor/_/'od gsal rdo rje snying po'i nyin mor byed/_/mi 'grib skye dgu'i yid mkhar 'char gyur cig_/tshul 'di'ang rigs brgya'i khyab bdag gter chen bla ma nyid kyis smin grol zab mos rjes su bzung ste bka'i cod pan spyi bor bstsal pa las/_rje nyid kyis ji ltar gnang ba'i phyag bzhes la 'phri bsnan med par/_'chi med bstan gnyis g.yung drung gling pas rdo rje'i rdzong lnga 'dus pa'i sgrub chen dgu'i pho brang du bkod pa dge legs 'phel// +
kho bo mchog gyur bde chen gling pas nam mkha' mdzod nas gdan drangs shing skyid 'byams 'chi med seng ge rdzong du dag par phabs pa ste/_bla ma rtsa gsum yongs rdzogs kyi bshad bya rtsa ba'i rgyud le'u gcig_/'chad byed bshad pa'i rgyud le'u lnga/_bshad pa'i snying po mdor dril ba phyi ma'i rgyud le'u gcig_/phyi ma'i phyi ma man ngag gi rgyud le'u gcig ste rgyud bzhi le'u bkra shis pa'i grangs kyis phye bas/_rtsa ba gsum gyi rgyud bzhi zhes grags pa rgya che ba dang zab mo'i gzhung dang man ngag thams cad kyi 'byung gnas sa bon lta bu'i chos sde snying po'i snying po bla na med pa ngo mtshar can no/_/mang+ga laM b+ha ba tu// +
ces rtsa gsum tshe'i zab pa'i brgyud 'debs 'di'ang /_zab chos 'di nyid kyi bdag po dbon sprul rin po che'i bka' gnang ltar pad+ma gar dbang blo gros mtha' yas kyis dpal spungs snying po yid dga' chos 'dzin du sbyar ba dge legs 'phel// +
sprul pa'i gter chen mchog gyur bde chen gling pas karma'i dam can brag gi rten mkhar rgyab ngos nas spyan drangs pa'i gnam lcags phur sgrom nang gi byang bu o rgyan phyag bris las dag par phab pa'o// +
zhes pa'ang dbon sprul rin po che'i bka' ltar gu Nas zhabs tog tu spel ba'o// +
ces pa 'di'ang sprul pa'i gter chen nyid dang /_lung zin chos bdag lang gro lo tsA'i rnam par rol ba rje dbon mchog sprul karma sgrub brgyud bstan 'dzin phrin las kyis gsung bskul rjes su sgrub slad/_pad+ma'i rjes 'jug pad+ma gar gyi dbang phyug rtsal gyis dpal spungs yang khrod de bI ko Ti tsa 'dra rin chen brag gi mgul kun bzang bde chen 'od gsal gling du sa ga zla ba'i dkar tshes bcu bzhi la legs par sbyar ba dge legs 'phel// +
* '''Treasure colophon page 615:''' gung thang rgyal po la gsungs pa'i gsol 'debs bsam pa lhun grub ma zhes bya ba 'di ni:_lha sras mu khri btsan pos ru lag rgyang gi lha khang du sbas so:_gter bdag lha mo dre'u zhon ma la bcol lo:_sA mA thA/:_thA/thA/:_sa ma ya:_rgya rgya rgya:_chu pho stag gi lo ru lag rgyang gi lha khang nas:_sprul sku bzang po grags pas gter nas bton te:_rig 'dzin rgod kyi ldem 'phru can la gtad pa:_rig 'dzin chen pos shog ser las bsgyur pa'o:_gter rgya:_sbas rgya:_zab rgya:_
* '''Editor's colophon page 616:''' de ltar gsol 'debs le'u bdun ma 'di nyid phyogs thams cad du 'gro don rgya che stabs/_yi ge dag min gyis mi gcig pa mang du 'phel 'dug phyir/_rig 'dzin chen po tshe dbang nor bu'i dgongs par/_bzang po grags pas rgod ldem can la gnang ba'i le'u bdun ma'i shog ser rnams/_mang yul ri bo dpal 'bar gyi o rgyan sgrub phug tu 'dab gter la sbas nas bzhugs yod 'dug pa de/_slar yang gter nas bzhes te zhu dag mdzad par bzhed kyang /_rten 'brel ma 'grigs nas da lta gnas der yod pa yin 'dug cing /_gzhan lhad gtan nas ma 'dres pa'i dpe da dus 'dir mi rnyed 'dug na'ang /_da lam/_mnga' ris gtsang dbus lho mon dwags kong mdo khams rnams su yod pa'i le'u bdun ma'i dpe bris ma dang spar ma'i rigs gsar rnying 'dra min thams cad dang /_de la mchog dman 'ga' yis brtags dpyad zhu dag bgyis pa gang 'dug dang /_pad+ma dbang rgyal gyi rig 'dzin yongs 'dus su byung ba bcas zhib mor bsdur zhing /_gya tshom rig pas rang bzo rigs gtan nas ma 'dres par/_tshig don ma nor ba gang 'dug bzhin legs par bris te shin tu dag par yod do//
+
/ces blo dman kha ton la brtson pa rnams la phan 'dod sems kyis kun nas bslangs te/_rig pa 'dzin pa'i gzugs brnyan pad+ma gar dbang blo gros mtha' yas pa'i sdes rang lo brgyad cu gya bdun pa la smras pa'i yi ge pa ni nye bar gnas pa gsang sngags bstan 'dzin gyis bgyis pa'o// +
/yang dag man ngag lam mchog 'di lta bu/_/sngon byon gong ma rnams kyi thugs kyi dbyig_/gzhan gyi ngo mtshar mchog tsam rtogs na yang /_/skal ldan nyams su len la gnad kyis dben/_/de'i phyir brgyud ldan bla ma'i gsung gi rgyun/_/thabs mchog dbang bzhi'i rim pa la brten nas/_/snying gi zhal gdams ngo mtshar don gsal ba/_/brda' don lam zab dngos grub byin 'bebs 'di/_/gsang chen rgyud sde'i mnga' bdag rig 'dzin rje/_/rnam kun 'bral ba med par rtag bsten pa/_/sngags 'chang bkra shis stobs rgyal dbang po'i sde/_/ngag dbang blo mtshor 'phel ba'i dang por bkod/_/bshad thabs ngag 'don kun tshang rgyas pa ste/_/de las ser mas phye ba shin tu bsdus/_/rgya tshos kyis phye ser mar bsnan pa 'bring /_/nyams len skabs kyang de bzhin shes par bya/_/shu b+haM// +
* '''Colophon page 661:''' ces pa'i sku gsum lam khyer khrid yig 'di/_/dad ldan 'ga' dang rnal 'byor ku sa li/_/mtshan ldan yum sras dag gis rab bskul nas/_/dus mtha'i rnal 'byor bdud 'joms rdo rje yis/_/snye mo'i lhun po dpal 'bar nyid du bkod/_/dge bas sku gsum 'bras bu myur byed shog_/'di bla ma sku gsum ma'i rtsa ba chu bo ri mtsho rgyal phug gi gter ma dngos de yin yang /_mjug tu legs ldan rjes mdzad pa 'dra zhig 'dug pa/_shog ser bu yig snye mo bong ra rdzong lhun po dpal 'bar du bris pa'i rgyu mtshan yin 'dug_/rig 'dzin mnga' ris pa chen po'i phyag bris dngos shog ser bu yig las zhus dag pa'i ma phyi las zhal bshus shing zhus lan gyis dag par bgyis pa lags so/
+
'di'i lung gi brgyud pa ni/_rig 'dzin pad+ma phrin las yan khrid yig ltar la/_des bya btang su d+hI ar+tha/_des lha rigs ngag dbang kun dga' legs pa'i 'byung gnas la'o/_/dge legs 'phel// +
bla ma'i gsung 'phros khrid 'dis khrid che ba gzhan gyi sngon 'gro byas/_gzhan khrid che ba re byas kyang yong /_'di ka dag byas/_lhun grub gzhan byed pa'am/_'di rang gis lhun grub byas kyang chog_/gang ltar 'di rgyab chos kyi tshul du byas na yong /_zhes bla ma'i gsung rgyun 'khrul med las byung ba'o/_/dge'o// +
* '''First colophon page 691:''' da lta'i dus 'dir kha ba can ljongs kyi/_/'gro ba kun la rgyal ba thams cad bas/_/ches cher byin rlabs myur ba'i grub pa'i rje/_/pad+ma 'byung gnas zhabs dang bla ma mchog_/dbyer med sgrub 'di thar lam nying khu' \u0f7c/_/sngon tshe thub dbang zhabs sen nor bu'i 'od/_/gtsug gi pad+mor gus mchod ma ga d+hA/_/bzang mo zhes grags byang phyogs 'dir 'ong pa/_/bstan dang bla ma gtsug rgyan nor bu'i spor/_/'du 'bral med par gus mchod mi'i dbang po/_/gang de'i gsung gis bskul nas nyams bzhes zhus/_/pad+mas rjes bzung ban+des sbyar ba dge/
* '''Second colophon page 693:''' ces tshar chen rdo rje 'chang blo gsal rgya mtsho'i zhal snga nas mdzad pa'i o rgyan bla ma'i rnal 'byor gyi bla brgyud gsol 'debs ngo mtshar pad+ma'i phreng ba zhes bya ba 'di ni lam 'di la nyams len rtse gcig tu byed pa shA sa na d+ha ren+d+ra rA dzas yang yang bskul ba'i ngo ma chog par shAkya'i dge slong mai tri karma gu Nas sug bris su bgyis pa'o//_sarba dA mang+ga laM
* '''Third colophon page 694:''' zhes pa'ang 'jam dbyangs mkhyen brtses so//
+
