Terdzo-NI-039

Download PDF

བླ་མ་དགོངས་པ་འདུས་པ་ལས༔ སྲུང་འབུམ་རྡོ་རྗེའི་ཕྲེང་བ་

bla ma dgongs pa 'dus pa las:_srung 'bum rdo rje'i phreng ba

by  སངས་རྒྱས་གླིང་པ་ (Sangye Lingpa)
revealed by  སངས་རྒྱས་གླིང་པ་ (Sangye Lingpa)
in cycle  བླ་མ་དགོངས་པ་འདུས་པ་ (Bla ma dgongs pa 'dus pa)
Volume 42 (ནི) / Pages 593-655 / Folios 1a1 to 32a5

Rinchen Terdzö Volumes List > Volume 42 > Text #39 (Scroll to Bottom)

Citation	sangs rgyas gling pa. bla ma dgongs pa 'dus pa las srung 'bum rdo rje'i phreng ba. In Rin chen gter mdzod chen mo pod zhe gnyis pa (The Great Treasury of Rediscovered Teachings Volume 42) by 'jam mgon kong sprul, 593-655. New Delhi: Shechen Publications, 2007-2016.
Author	Sangs rgyas gling pa སངས་རྒྱས་གླིང་པ་
Source Revealer	Sangs rgyas gling pa སངས་རྒྱས་གླིང་པ་
Cycle	Bla ma dgongs pa 'dus pa བླ་མ་དགོངས་པ་འདུས་པ་
Terdzö Category	Mahayoga
Tibetan Colophon(s)	Treasure colophon: མཁའ་འགྲོའི་སྲོག་གནད་བསྐུལ་བའི་ཡིག་རྒོད་སྲུང་བའི་རིམ་པ་རྣམས༔ ད་ལྟ་མངའ་བདག་ཡབ་སྲས་དང༔ མ་འོངས་རྗེས་འཇུག་རྣམས་ཀྱི་དོན་དུ༔ བདག་འདྲ་པདྨ་འབྱུང་གནས་ཀྱིས་བཞག་པའོ༔ ས་མ་ཡ༔ རྒྱ་རྒྱ་རྒྱ༔ སྦས་རྒྱ༔ གཏད་རྒྱ༔ གཏེར་རྒྱ༔ དྷ་ཐིམ༔ གུ་ཧྱ༔ Revealer colophon: སྤྲུལ་པའི་སྐུ་མཆོག་སངས་རྒྱས་གླིང་པས་པུ་རི་ཕུག་མོ་ཆེ་ནས་གདན་དྲངས་པའི་གཏེར་མའོ། །ཤུ་བྷཾ།། །།
Wylie Colophon(s)	Treasure colophon: mkha' 'gro'i srog gnad bskul ba'i yig rgod srung ba'i rim pa rnams:_da lta mnga' bdag yab sras dang:_ma 'ongs rjes 'jug rnams kyi don du:_bdag 'dra pad+ma 'byung gnas kyis bzhag pa'o:_sa ma ya:_rgya rgya rgya:_sbas rgya:_gtad rgya:_gter rgya:_d+ha thim:_gu h+ya:_ Revealer colophon:sprul pa'i sku mchog sangs rgyas gling pas pu ri phug mo che nas gdan drangs pa'i gter ma'o/_/shu b+haM
Notes	Front left-side note: srung rgya Back left-side note: gter mdzod thung mong las tshogs sangs gling
Links	No TBRC link // No THL link

< Previous Text

Next Text >

Tibetan Text

Tsagli (0)

Mandalas (0)

[edit]

༁ྃ༔ བླ་མ་དགོངས་པ་འདུས་པ་ལས༔ སྲུང་འབུམ་རྡོ་རྗེའི་ཕྲེང་བ་བཞུགས་སོ༔ ྈྈྈྈྈ ན་མོ་གུ་རུ་དྷེ་བ་དྷཱ་ཀི་ནཱི་ཧཱུྃ༔ བླ་མ་རྣམས་དང་ཡི་དམ་ལྷ༔ མཁའ་འགྲོ་ཆོས་སྐྱོང་སྲུང་མའི་ཚོགས༔ ཞི་དང་ཁྲོ་གར་སྟོན་པ་ཡི༔ རྡོ་རྗེ་ཅན་ལ་ཕྱག་འཚལ་ལོ༔ གང་ཞིག་ལུས་ཅན་སྐྱེ་འགྲོ་ལ༔ གནོད་བྱེད་བགེགས་ཀྱིས་མི་ཚུགས་ཤིང༔ སྐྱབས་མཛད་ལྷ་ཡིས་སྐྱོབ་པ་དང༔ ཚེ་སོགས་བསོད་ནམས་འཕེལ་བ་དང༔ འདོད་དགུ་ཡིད་བཞིན་འབྱུང་བ་དང༔ བདུད་དང་བར་ཆད་ཟློག་པ་སྟེ༔ མདོར་ན་ཞི་རྒྱས་དབང་དྲག་གི༔ ལས་ཚོགས་རིན་ཆེན་ཕྲེང་བ་ལས༔ སྲུང་བའི་གོ་རིམ་ཇི་བཞིན་རྣམས༔ འདི་ལྟར་སུས་ཀྱང་བཅངས་གྱུར་ན༔ བདེ་ལེགས་ཡོན་ཏན་དཔལ་དང་ལྡན༔ ཉེས་པ་ཀུན་ལས་བསྲུང་བར་འགྱུར༔ གནོད་བྱེད་གང་གིས་མི་འཚེ་ཞིང༔ འཆང་བས་ལུས་ངག་ཡིད་གསུམ་བདེ༔ དུས་མིན་འཆི་སོགས་རྐྱེན་ལས་ཐར༔ སོ་སོར་འདོད་གསོལ་སྤེལ་ཚིག་བཞིན༔ རེ་འདོད་བསྐངས་ནས་བསྲུང་བའི་ཕྱིར༔ བརྩོན་འགྲུས་ལྡན་པའི་རྣལ་འབྱོར་གྱིས༔ གཟའ་སྐར་དུས་སྦྱོར་བཟང་བའི་ཚེ༔ སྐྱབས་འགྲོ་སེམས་བསྐྱེད་སྔོན་སོང་ནས༔ བླ་མ་ཡི་དམ་མཁའ་འགྲོ་ཡི༔ མངོན་རྟོགས་གང་རུང་གསལ་བའི་ངང༔ གཞུང་ནས་ཇི་ལྟར་འབྱུང་བ་ཡི༔ སོ་སོའི་རྫས་ཀྱིས་བྲི་བ་ནི༔ དར་རས་གྲོ་ཤོག་ལ་སོགས་པར༔ དཔེའུ་ཆུང་བཞིན་བྲི་འདོད་གསོལ་རྣམས༔ ལྟེ་བའི་མུ་ཁྱུད་ཁ་བསྒྱུར་གདབ༔་་་ལྟེ་བའི་མུ་ཁྱུད་ཀྱི་ཡི་གེ་དཀྱུས་ལྟར་འདོད་གསོལ་གང་འདོད་ཁ་བསྒྱུར་རྣམས་རིམ་པར་སྦྱར་ཞིང་ཐམས་ཅད་ལ་འགྲེས་ཤེས་པར་བྱའོ། །ཕོ་བྲང་སྲུང་བའི་སྲོག་ཡིག་རྣམས༔་་་ཡི་གེ་ཐམས་ཅད་དབུ་ཅན་ལ་དཀྱུས་ལྟར་གང་འདོད་ཁ་བསྒྱུར། གཟུགས་དོད་སྒྲོས་ཐོན་ཟུར་མ་ཉམས༔ ནོར་འཁྲུལ་བྲིས་སུབ་མེད་པ་གཅེས༔ ཇི་ལྟར་དཀྱུས་ནས་འབྱུང་བ་ལྟར༔ རྫས་དང་བྲི་ཚུལ་རབ་གནས་བཅས༔ བཏགས་ཚུལ་ལ་སོགས་གོ་རིམ་རྣམས༔ འཕྲི་བསྣན་རང་བཟོ་ལྷག་ཆད་མེད༔ ལུང་བཞིན་བྱས་པའི་ཡོན་ཏན་རྣམས༔ སོ་སོའི་ནང་ནས་འབྱུང་བས་ཤེས༔ གལ་ཏེ་གཞུང་ལས་ཅུང་ཟད་ཙམ༔ ནོར་འཁྲུལ་ལྷག་ཆད་བྱུང་གྱུར་ན༔ ཕན་མེད་རྒྱུ་བ་གྲོན་པའི་རྒྱུ༔ དོན་དུ་མི་འགྱུར་གཞུང་མཐུན་གཅེས༔ དེ་ཕྱིར་རང་གཞན་ཕན་བྱེད་པའི༔ སྲུང་བའི་རིམ་པ་འདི་ལྟར་བྲི༔ དེ་ལ་མུ་ཁྱུད་རིམ་པ་བདུན་བྱས་ལ༔ ལྟེ་བ་ལ་ཡིག་རྒོད་སོ་སོ༔ མུ་ཁྱུད་ནང་མ་ལ༔ ཨཱོྃ་ཨཱཾཿཧཱུྃ་ཧྲཱི༔ བཛྲ་གྷུ་རུ་དྷེ་ཝ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱ༔ ཞེས་པའི་མཐར་འདོད་གསོལ་གྱིས་ཁ་སྒྱུར༔ དེའི་ཕྱི་རིམ་མུ་ཁྱུད་འདབ་བརྒྱད་ལ༔ དཀྱིལ་དུ་ཧྲཱིཿབརྒྱད་ཤད་གཉིས་བར་དུའོ༔ དེའི་ཕྱི་རིམ་རྩིབས་བཅུ་ལ་ཧཱུྃ་བཅུས་བསྐོར༔ དེའི་ཕྱི་རིམ་མུ་ཁྱུད་ལ་ཨཱ་ལི་ཀཱ་ལིའི་ཤམ་བུར༔ མ་མ་ཀཱ་ཡ་ཝཱ་ཀ་ཙིཏྟ་རཀྵ་ཀུ་རུ་ཡེ་སྭཱ་ཧཱ༔ ཤམ་བུར་འདོད་གསོལ་གྱིས་ཁ་བསྒྱུར༔ དེའི་ཕྱི་རིམ་མུ་ཁྱུད་ལ༔ ན་མཿས་མནྟ་བུདྡྷཱ་ནཱཾ༔ ན་མཿས་མནྟ་དྷརྨཱ་ནཱཾ༔ ན་མཿས་མནྟ་སཾ་གྷཱ་ནཱཾ༔ ཨཱོྃ་སི་ཏཱ་ཏ་པ་ཏྲེ༔ ཨཱོྃ་བི་མ་ལེ༔ ཨཱོྃ་ཤངྐ་ར༔ ཨཱོྃ་པྲ་ཏྱཾ་གི་ར༔ ཨཱོྃ་བཛྲ་ཨུཥྞི་ཥ་ཙཀྲ་ཝརྟི༔ སརྦ་ཡནྟྲ༔ མནྟྲ༔ མཱུ་ལ་ཀརྨ༔ བནྡྷ་ནཱཾ༔ ཏཱ་ཊཱ་ནཱཾ༔ ཀཱི་ལཱ་ནཱཾ་ཝཱ༔ མ་མ་ཀྲི་ཏེ༔ ཡེ་ན་ཀེ་ན་ཙིཏྟ༔ ཀྲྀ་ཏནྟ་སརྦནྟུ༔ ཙྪིནྡྷ་ཙྪིནྡྷ༔ བྷིནྡྷ་བྷིནྡྷ༔ ཙི་རི་ཙི་རི༔ གི་རི་གི་རི༔ མཱ་ར་མཱ་ར༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ མ་མ་རཀྵཾ་ཀུརྦནྟུ༔ ཤམ་བུར་འདོད་གསོལ་གྱིས་ཁ་སྒྱུར༔ མུ་ཁྱུད་ཕྱི་མ་ལ༔ ཏདྱ་ཐཱ་ཨཱོྃ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ༔ ཡེ་དྷརྨཱ་ཧེ་ཏུ་པྲ་བྷ་བཱཿ ཧེ་ཏུནྟེ་ཥཱནྟ་ཐཱ་ག་ཏེ་ཧྱ་བ་དཏྟ། ཏེ་ཥཱཉྩ་ཡོ་ནི་རོ་དྷ། ཨེ་ཝཾ་བཱ་དཱི་མ་ཧཱ་ཤྲ་མ་ཎཿ བཻ་རོ་ཙ་ན་ཨཱོྃ༔ བཛྲ་ཨཀྵོ་བྷྱ་ཧཱུྃ༔ རཏྣ་སཾ་བྷ་ཝ་ཏྲཱཾ༔ པདྨ་དྷཱ་ར་ཧྲཱི༔ ཨ་མོ་གྷ་སིདྡྷི་ཨཱ༔ ཨཱོྃ་སུ་པྲ་ཏིཥྛ་བཛྲཱ་ཡ་སྭཱ་ཧཱ༔ མ་མ་ཀཱ་ཡ་ཝཱ་ཀ་ཙིཏྟ་རཀྵ་ཀུ་རུ་ཡེ་སྭཱ་ཧཱ༔ འཆང་བ་པོ་ལ་འདོད་གསོལ་གྱིས་ཁ་སྒྱུར༔ ཡི་གེ་ཐམས་ཅད་གཟབ་རིས་སུ་ཚག་དང་ཤད་མེད་པར་བྲི༔ སྔགས་མགོ་ཕྱིར་ཟློག༔ ཕྱི་ཟུར་བྱང་ཤར་མཚམས་ནས་རྡོ་རྗེ་ཕྱེད་པ༔ ཤར་ལྷོ་མཚམས་སུ་ནོར་བུ༔ ལྷོ་ནུབ་མཚམས་སུ་པདྨ༔ ནུབ་བྱང་མཚམས་སུ་རལ་གྲི་རྣམས་མགོ་བོ་ཕྱིར་བསྟན་པ་དང་མེ་རིས་བསྐོར་བར་བྱའོ༔ ཡི་གེ་ཐམས་ཅད་ལྷག་ཆད་མེད་པ་དང་བྲིས་སུབ་མེད་པར་བྲིའོ༔ ༼༡༽སྡེ་བརྒྱད་ཀྱི་གནོད་པ་སྲུང་བ། ༼༢༽གྲིབ་དང་མི་གཙང་སྲུང་བ། ༁ྃ༔ ཙཀྲ་འདི་དར་དཀར་པོ་ལ་བྲིས་ཏེ་ ༁ྃ༔ ཙཀྲ་འདི་མཚལ་ལམ་གསེར་སོགས་ཀྱིས་ བཟང་དྲུག་དང་ག་པུར་གྱི་ཆུས་བྱུགས་ནས་ བྲིས་ཏེ་དར་སྣ་ལྔས་གྲིལ་ལ་རབ་ཏུ་གནས་པས་ སྤྱི་བོར་བཏགས་པས་ཕྱོགས་བཅུའི་རྒྱལ་ གང་གི་ལུས་ལ་བཏགས་པའི་མི་དེ་ལ༔ ལྷ་མ་ བ་ཐམས་ཅད་ཀྱིས་རྗེས་སུ་འཛིན་པར་འགྱུར་ སྲིན་སྡེ་བརྒྱད་ཀྱི་གནོད་པ་ལས་ཐར་བར་འགྱུར་རོ༔ཨྠིྀ༔ ཞིང༔ གྲིབ་དང་མི་གཙང་བའི་འཇིགས་ པ་ཐམས་ཅད་ལས་སྐྱོབ་པར་བྱེད་དོ༔ཨྠིྀ༔ ༼༣༽མིག་ནད་སྲུང་བ། ༼༤༽རིམས་སྲུང་བ། ༁ྃ༔ ཙཀྲ་འདི་ཆུ་དག་གི་ཁུ་བས་བྲིས་ཏེ་གླ་རྩིའི་ ༁ྃ༔ ཙཀྲ་འདི་ཙནྡན་དཀར་པོའི་ཁུ་བས་བྲིས་ཤིང་ ཆུས་བྱུགས་ནས་མཆན་ཁུང་གཡོན་དུ་བཅང་ན་ སྦྲུལ་གྱི་ཤུན་པས་གྲིལ་ཏེ་མགུལ་དུ་བཏགས་ན་མིག་ འགོ་བའི་ནད་ཐམས་ཅད་ཐུབ་ཅིང༔ ཁྱད་ ལ་སོགས་པའི་དབང་པོ་ཐམས་ཅད་རབ་ཏུ་གསལ་བར་ པར་དུ་རིམས་ཀྱི་རིགས་གང་གིས་ཀྱང་ འགྱུར་ཞིང༔ ཁྱད་པར་དུ་མིག་ནད་ཀྱི་རིགས་གང་ མི་ཚུགས་སོ༔ཨྠིྀ༔ གིས་ཀྱང་མི་ཚུགས་ཤིན་ཏུ་ཟབ་བོ༔ཨྠིྀ༔ ༼༥༽མཚོན་སྲུང་བ། ༼༦༽ལྷ་ཁྲོས་པ་སྲུང་བ། ༁ྃ༔ ཙཀྲ་འདི་རས་དྲི་མ་མེད་པ་ལ་གུར་གུམ་གྱིས་ ༁ྃ༔ ཙཀྲ་འདི་གྲི་ཁྲག་གིས་བྲིས་ཤིང་ བྲི་བའམ༔ གྲོ་ཤོག་སྲབ་མོ་ལ་བྲིས་ཏེ་གུར་གུམ་གྱི་ དར་དམར་པོའི་ཁུད་དུ་གྲིལ་ནས་མིས་མི་ ཆུས་བྱུགས་ལ༔ རབ་གནས་དང་ལྡན་པར་གང་གི་མཐོང་བར་ལུས་ཀྱི་དྲོད་དང་མ་བྲལ་བར་ ལུས་ལ་བཏགས་པའི་མི་དེ་ལ་ལྷ་ཁྲོས་པའི་གནོད་པས་ བཅང་ན་མཚོན་ཆའི་འཇིགས་པ་ཐམས་ཅད་ མི་ཚུགས་པར་བསྲུང་བར་འགྱུར་རོ༔ཨྠིྀ༔ ལས་སྐྱོབ་པར་འགྱུར་རོ༔ཨྠིྀ༔ ༼༧༽ཀླུའི་གནོད་པ་སྲུང་བ། ༼༨༽ས་བདག་གི་གནོད་པ་སྲུང་བ། ༁ྃ༔ ཙཀྲ་འདི་སྐྱེས་དར་མ་གྲིར་ཤི་བའི་ཁྲག་སྣག་ཚྭར་ ༁ྃ༔ ཙཀྲ་འདི་དར་རས་གྲོ་ཤོག་གང་འཛོམ་ལ་ བསྲེས་པས་བྲིས་ཤིང༔ ཆུ་ཤིང་ཕུར་པ་ ལེགས་པར་བྲིས་ཏེ་གླ་རྩི་དང་ཆུ་དག་གུ་གུལ་གྱི་ཁུ་ སོར་བཞི་པ་དང་ལྷན་ཅིག་ཏུ་གྲིལ་ནས་ བས་བྱུགས་ལ་རབ་ཏུ་གནས༔ སྦལ་པའི་ཤུན་ ལུས་ལ་བཅངས་པའི་སྐྱེས་བུ་དེ་ལ་ས་ པས་གྲིལ་ཏེ་གང་གི་ལུས་ལ་བཅངས་པ་དེ་ལ་ཀླུའི་ བདག་གི་གནོད་པས་མི་ཚུགས་ཤིང་ གནོད་པ་ཐམས་ཅད་ལས་བསྲུང་བར་འགྱུར་རོ༔ཨྠིྀ༔ ཐམས་ཅད་བསྲུང་བར་འགྱུར་རོ༔ཨྠིྀ༔ ༼༩༽མཛེ་འཕྲོ་གཅོད་པ། ༼༡༠༽གནོད་སྦྱིན་གྱི་གནོད་པ་སྲུང་བ། ༁ྃ༔ ཙཀྲ་འདི་དར་དམར་པོ་ལ་བྲིས་ཏེ་ ༁ྃ༔ ཙཀྲ་འདི་མཛེ་ཕོའི་ཁྲག་གིས་ རིན་པོ་ཆེ་སྣ་ལྔ་དང་ལྷན་ཅིག་ཏུ་སྲེ་མོའི་ བྲིས་ཤིང་རུས་སྦལ་གྱི་ཁོག་པར་བཅུག་ རླིད་བུར་བཅུག་ནས་གང་གི་ལུས་ལ་ ནས་ལུས་ལ་བཅངས་ན་མཛེ་འཕྲོ་ཆོད་ བཏགས་ན་གནོད་སྦྱིན་གྱི་གནོད་པ་ལས་ པར་འགྱུར་རོ༔ཨྠིྀ༔ སྲུང་ཞིང་གནོད་སྦྱིན་རྣམས་ཀྱིས་ནོར་ སྟེར་རྟག་ཏུ་སྐྱོབ་པར་འགྱུར་རོ༔ཨྠིྀ༔ ༼༡༡༽མ་མོའི་གནོད་པ་སྲུང་བ། ༼༡༢༽སྲིན་པོའི་གནོད་པ་སྲུང་བ། ༁ྃ༔ ཙཀྲ་འདི་ར་རྒྱ་བོའི་ཁྲག་གིས་བྲིས་ཏེ་གང་གི་ ༁ྃ༔ ཙཀྲ་འདི་དང་ལྷན་ཅིག་ཏུ་ཉུངས་དཀར་འབྲུ་བདུན་ ལུས་ལ་བཏགས་པ་དེ་ཡི་ལུས་ངག་ཡིད་ ལ་བྷྱོ་མ་མ་རུ་ལུ་རུ་ལུ་དུན་ཏིང་རཀྵྱྃ༔ ཞེས་ཉེར་བརྒྱད་ གསུམ་ལ་སྲིན་པོའི་གནོད་པ་ཐམས་ཅད་ བཟླས་ཏེ༔ དར་ནག་གམ་སྣམ་བུ་ནག་པོས་གྲིལ་ནས་ ལས་བསྲུང་བར་འགྱུར་རོ༔ཨྠིྀ༔ ལུས་ལ་བཏགས་པའི་གང་ཟག་དེ་ལ་མ་མོའི་གནོད་པ་ ཐམས་ཅད་ལས་བསྲུང་ཞིང་སྐྱོབ་པར་འགྱུར་རོ༔ཨྠིྀ༔ ༼༡༣༽གཤིན་འདྲེའི་གནོད་པ་སྲུང་བ། ༼༡༤༽ཐེའུ་རང་གི་གནོད་པ་སྲུང་བ། ༁ྃ༔ ཙཀྲ་འདི་ཤིང་སྣ་དགུ་དང་ལྷན་ཅིག་ཏུ་ལུས་ལ་བཅངས་ ༁ྃ༔ ཙཀྲ་འདི་ག་པུར་གླ་རྩི་ཙནྡན་གྱི་ཁུ་བ་སྣག་ བའི་སྐྱེས་བུ་ཕོ་མོ་གང་ལའང་ཐེའུ་རང་གི་གནོད་པས་ ཚྭར་བསྲེས་ཏེ་བྲིས་ལ་རབ་ཏུ་གནས༔ གང་གི་ མི་ཚུགས་ཏེ་བསྲུང་བར་འགྱུར་རོ༔ཨྠིྀ༔ ལུས་ལ་བཏགས་པ་དེ་ལ་གཤིན་འདྲེའི་གནོད་པ་ ཤིང་སྣ་དགུ་ནི༔ བལ་དཀར༔ ཤུག་པ༔ ཨ་ཀ་རུ༔ ཐམས་ཅད་ལས་བསྲུང་བར་འགྱུར་རོ༔ཨྠིྀ༔ སེང་ལྡེང༔ སྐྱེར་པ༔ ཚེར་ནག༔ སེ་བ༔ སྲུབ་ཤིང༔ འོམ་བུ་སྟེ་ཤིང་སྣ་དགུའོ༔ ༼༡༥༽མོ་འདྲེའི་གནོད་པ་སྲུང་བ། ༼༡༦༽སྲིད་སྤེལ་བ། ༁ྃ༔ ཙཀྲ་འདི་འགྲོན་བུ་སྦྲུམ་མ་མིག་མ་བུག་པ་དང་ ༁ྃ༔ ཙཀྲ་འདི་བུད་མེད་འཕྱོན་མའི་སྐྲས་བཅིངས་ཏེ་ ལྷན་ཅིག་ཏུ་དར་རས་དཀར་པོས་གྲིལ་ནས་ སྣམ་རས་ནག་པོས་གྲིལ་ཞིང་མཆན་ཁུང་གཡོན་པར་ བུད་མེད་ཀྱི་ལུས་ལ་བཏགས་ན་སྲིད་ བཅངས་ན་མོ་འདྲེའི་གནོད་པ་ལས་བསྲུང་ འཕེལ་བར་འགྱུར་རོ༔ཨྠིྀ༔ བར་འགྱུར་རོ༔ཨྠིྀ༔ ༼༡༧༽སྲིད་བུར་སྐྱེ་བ། ༼༡༨༽གསོན་འདྲེ་མོ་སྲུང་བ། ༁ྃ༔ ཙཀྲ་འདི་སེང་ལྡེང་གི་བྱང་བུ་མཚོན་གང་བ་ལ་ ༁ྃ༔ ཙཀྲ་འདི་བོ་དྷེ་ཙིའི་ཕྲུ་གུ་དང་ མཚལ་གྱིས་ཀྵྱྃ་ཞེས་བྲིས་པ་དང་ལྷན་ཅིག་ཏུ་ ལྷན་ཅིག་ཏུ་བུད་མེད་བུ་བདུན་སྐྱེས་པའི་ གང་གི་ལུས་ལ་བཏགས་པ་དེ་ལ་གསོན་འདྲེ་ གོས་དྲི་མ་ཅན་གྱིས་གྲིལ་ནས་བུད་མེད་ མོའི་གནོད་པ་ཐམས་ཅད་ལས་བསྲུང་ བུ་འདོད་པ་ལ་བཏགས་ན་སྲིད་བུ་ བར་འགྱུར་རོ༔ཨྠིྀ༔ ཉིད་དུ་འགྱུར་རོ༔ཨྠིྀ༔ ༼༡༩༽གསོན་འདྲེ་ཕོ་སྲུང་བ། ༼༢༠༽ཕོ་ཤི་གྲི་བོ་སྲུང་བ། ༁ྃ༔ ཙཀྲ་འདི་སྐྱེས་དར་མ་གྲིར་ཤི་བའི་ཁྲག་དང་ ༁ྃ༔ ཙཀྲ་འདི་དང་ལྷན་ཅིག་ཏུ་སྐྱེར་པའི་རལ་གྲི་ སྣག་ཚྭ་བསྲེས་པས་བྲིས་ཏེ་གྲི་ལྕགས་དུམ་བུ་ མཚོན་གང་བ་གཅིག་ལ་རྣྲྀ་ཏྲི་ཛ༔ཞེས་པ་དུག་ཁྲག་གིས་ གཅིག་བདར་བའི་ཕྱེ་མ་དང་ལྷན་ཅིག་ཏུ་རོ་ བྲིས་པ་སྣམ་རས་དམར་པོས་གྲིལ་ནས་གང་གི་ རས་ཀྱིས་གྲིལ་ནས་གང་གི་ལུས་ལ་ མགུལ་དུ་བཏགས་པ་དེ་ལ་གསོན་འདྲེ་ཕོའི་ བཏགས་པ་དེ་ལ་ཕོ་ཤི་གྲི་བོའི་གནོད་པ་ གནོད་པ་ཐམས་ཅད་བསྲུང་བར་འགྱུར་རོ༔ཨྠིྀ༔ ལས་བསྲུང་བར་འགྱུར་རོ༔ཨྠིྀ༔ ༼༢༡༽མོ་ཤི་གྲི་མོ་སྲུང་བ། ༼༢༢༽རི་འདྲེ་སྲུང་བ། ༁ྃ༔ ཙཀྲ་འདི་རི་བོང་གི་གསོན་སྤུས་དྲིལ་ཏེ་ལུས་ལ་ ༁ྃ༔ ཙཀྲ་འདི་བུད་མེད་ཤི་བའི་དུར་རྡོ་ བཏགས་ན་རི་འདྲེའི་གནོད་པ་ལས་བསྲུང་བར་ དམར་པོ་དུམ་གཅིག་དང་ལྷན་ཅིག་ཏུ་གྲིལ་ འགྱུར་རོ༔ཨྠིྀ༔ ནས་བཏགས་ན་མོ་ཤི་གྲི་མོས་གནོད་པ་ བྱེད་པ་ལས་བསྲུང་བར་འགྱུར་རོ༔ཨྠིྀ༔ ༼༢༣༽མཛེ་འདྲེ་སྲུང་བ། ༼༢༤༽བཙན་གྱི་གནོད་པ་སྲུང་བ། ༁ྃ༔ ཙཀྲ་འདི་བྱ་ཕོ་མཚའ་ལུའི་དང་རུ་གཡས་པ་ ༁ྃ༔ ཙཀྲ་འདི་དུག་ཤོག་ལ་མཛེ་ཁྲག་གིས་བྲི་ དང་སྣམ་རས་དམར་པོའི་ཁུད་དུ་གྲིལ་ནས་ བའམ༔ དེའི་ཆུས་བྱུགས་ཏེ་གང་གི་ལུས་ལ་ གང་གི་ལུས་ལ་བཅངས་པ་དེ་ལ་བཙན་གྱི་ བཅངས་པ་དེ་ལ་མཛེ་འདྲེའི་གནོད་པ་ལས་ གནོད་པ་བྱེད་པ་ལས་བསྲུང་བར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༢༥༽དྲང་སྲོང་གཟའི་གནོད་པ་སྲུང་བ། ༼༢༦༽འབྱུང་པོ་སྤྱིའི་གནོད་པ་སྲུང་བ། ༁ྃ༔ ཙཀྲ་འདི་ཚོན་སྐུད་སྣ་ལྔས་བཅིངས་ཏེ་ ༁ྃ༔ ཙཀྲ་འདི་དར་དམར་པོ་ལ་བཟང་ གྲི་ལྕགས་ཀྱི་བྱང་བུ་མིག་དགུ་པ་དང་ དྲུག་དང་སྣག་ཚས་བྲིས་ཏེ་ཚོན་སྐུད་སྣ་ ལྷན་ཅིག་ཏུ་ལུས་ལ་བཅངས་ན་འབྱུང་པོའི་ ལྔའི་སྲད་བུས་གྲིལ་ནས་མགུལ་དུ་ གནོད་པ་ལས་བསྲུང་བར་འགྱུར་རོ༔ཨྠིྀ༔བཏགས་ན་དྲང་སྲོང་གཟའི་གནོད་པ་ ལས་བསྲུང་བར་འགྱུར་རོ༔ཨྠིྀ༔ ༼༢༧༽རྒྱལ་འགོང་གི་གནོད་པ་སྲུང་བ། ༼༢༨༽བསེན་མོའི་གནོད་པ་སྲུང་བ། ༁ྃ༔ ཙཀྲ་འདི་ཁྱི་ནག་པོའི་སྤུས་གྲིལ་ནས་ ༁ྃ༔ ཙཀྲ་འདིའི་དཀྱིལ་དུ་གྲི་ཤ་དང་གུ་གུལ་བཅུག་ལ་ ཡུགས་སའི་སྐྲ་ཤད་ཀྱི་སྐུད་པས་བཅིངས་ཏེ་ སྤྲེའུའི་པགས་པས་གཏུམས་པའམ་སྤུས་གྲིལ་ཞིང་གང་གི་ ལུས་ལ་བཅངས་ན་བསེན་མོའི་གནོད་པ་ ལུས་ལ་བཅངས་ན་དེའི་ལུས་ངག་ཡིད་གསུམ་ལ་རྒྱལ་ ལས་བསྲུང་བར་འགྱུར་རོ༔ཨྠིྀ༔ འགོང་གི་གནོད་པ་ལས་བསྲུང་བར་འགྱུར་རོ༔ཨྠིྀ༔ ༼༢༩༽ལྟོག་འདྲེ་བསེ་རག་གི་གནོད་པ་སྲུང་བ། ༼༣༠༽མ་ཡམས་ཀྱི་གནོད་པ་སྲུང་བ། ༁ྃ༔ ཙཀྲ་འདི་ཤུག་པའི་བྱང་བུའི་བར་དུ་ ༁ྃ༔ ཙཀྲ་འདི་ཙནྡན་དམར་པོ་དང་གྷི་ཝང་གི་ བལྟེབས་ནས་ལུས་ལ་བཅངས་ན་མ་ ཆུས་སྦྱར་བའི་ལྡེ་གུ་བྱུག་སྟེ་ལུས་ལ་བཅངས་ན་ ཡམས་ཀྱི་གནོད་པ་ཐམས་ཅད་ལས་ ལྟོག་འདྲེའི་གནོད་པས་ཟ་ཐང་ཆུང་བ་ལས་ཐར་ཏེ་ བསྲུང་བར་འགྱུར་རོ༔ཨྠིྀ༔ ཕྱུག་ཅིང་ཟ་ཐང་ཆེར་འཕེལ་བར་འགྱུར་རོ༔ཨྠིྀ༔ ༼༣༡༽དམ་སྲིའི་གནོད་པ་སྲུང་བ། ༼༣༢༽གྲིབ་གནོན་སྲུང་བ། ༁ྃ༔ ཙཀྲ་འདི་རབས་ཆད་ཕོ་མོའི་ཁྲག་གིས་ ༁ྃ༔ ཙཀྲ་འདི་སྔགས་པ་ནུས་པ་ཅན་གྱིས་བཀལ་བའི་ བྲིས་ཏེ་དུག་གི་ཁུ་བས་བྱུགས་ནས་ སྐུད་པ་ནག་པོས་དཀྲིས་ཏེ་མགུལ་དུ་བཏགས་ན༔ མགུལ་དུ་བཏགས་ན་གྲིབ་གནོན་གྱི་ དམ་སྲིའི་གནོད་པ་ལས་བསྲུང་བར་འགྱུར་ཏེ་ཙཀྲ་ འཇིགས་པ་ལས་སྐྱོབ་པར་འགྱུར་རོ༔ཨྠིྀ༔ ལ་གུ་གུལ་གྱི་ཆུས་བྱུག་གོ༔ཨྠིྀ༔ ༼༣༣༽གཏད་ཀྱི་གནོད་པ་སྲུང་བ། ༼༣༤༽ཡ་བདུད་ཀྱི་གནོད་པ་སྲུང་བ། ༁ྃ༔ ཙཀྲ་འདི་ཤིང་ཤུན་ལ་བྲིས་ནས་ ༁ྃ༔ ཙཀྲ་འདི་སེང་ལྡེང་སྐྱེར་པ་ཚེར་ནག་གང་ དར་སྣ་ལྔས་དྲིལ་ཏེ་གང་གི་ལུས་ལ་ འཛོམ་པའི་ཕུར་པ་ཚོན་གང་བ་དང་ལྷན་ཅིག་ཏུ་རོ་ བཅངས་པ་དེ་ལ་བདུད་ཀྱི་གནོད་པ་ རས་ཀྱི་ཁུད་དུ་གྲིལ་ནས་ལུས་ལ་བཅང་ན་གཏད་ཀྱི་ ཐམས་ཅད་ཀྱིས་མི་ཚུགས་ཏེ་བསྲུང་བའི་ གནོད་པ་ལས་བསྲུང་ཞིང་ཐར་བར་འགྱུར་རོ༔ཨྠིྀ༔ མཆོག་ཏུ་འགྱུར་རོ༔ ཁྱད་པར་ཡ་ བདུད་ཀྱི་བསྲུང་བ་དམ་པའོ༔ཨྠིྀ༔ ༼༣༥༽མ་བདུད་ཀྱི་གནོད་པ་སྲུང་བ། ༼༣༦༽ཤ་ཟ་མཁའ་འགྲོའི་གནོད་པ་སྲུང་བ། ༁ྃ༔ ཙཀྲ་འདི་ཡུགས་ས་མོའི་མངལ་ ༁ྃ༔ ཙཀྲ་འདི་བ་ནག་པོའི་སྤུ་ལ་ཕྱིང་པ་བྱས་པའི་ཁུད་དུ་ ཁྲག་གིས་བྲིས་ཤིང་རོ་རས་ནག་པོས་ གྲིལ་ནས་ལུས་ལ་བཏགས་ན་མ་བདུད་ཀྱི་གནོད་པ་ལས་ གྲིལ་ཏེ་བཅངས་ན་མི་དེ་ལ་འཇིག་རྟེན་ བསྲུང་བར་འགྱུར་རོ༔ ཙཀྲ་འདི་ལ་ཆུ་དག་ནག་པོ་དང་ ཤ་ཟ་མཁའ་འགྲོའི་ཚོགས་ཀྱི་གནོད་འཚེ་ རྟ་ནག་པོའི་བོན་གྱིས་བྱུག་གོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༣༧༽གཉན་གྱི་གནོད་པ་སྲུང་བ། ༼༣༨༽ཐབ་གཞོབ་སྲུང་བ། ༁ྃ༔ ཙཀྲ་འདི་མགར་བའི་ཁྲག་གི་བྲིས་ནས་ ༁ྃ༔ ཙཀྲ་འདི་གུ་གུལ་གླ་རྩི་ཤིང་ཀུན་གྱི་ཆུས་ མགར་སྦུད་ཟད་པའི་ཚལ་བུས་གྲིལ་ཏེ་ བྱུག་གམ་བྲིས་ནས་ལུས་ལ་བཏགས་པའི་མི་དེ་ལ་ ལུས་ལ་བཅངས་པའི་མི་དེ་ལ་ཐབ་ གཉན་གྱི་གནོད་པ་ལས་སྲུང་བར་བྱེད་དོ༔ཨྠིྀ༔ གཞོབ་ཀྱི་གནོད་པ་ལས་སྲུང་ཞིང་ཐབ་ གཞོབ་རི་ལུང་གང་ཤོར་ཡང་ལྷ་འདྲེ་ ལ་ཕོག་ཐུག་མི་འབྱུང་ངོ༔ཨྠིྀ༔ ༼༣༩༽ས་སྲིན་གྱི་གནོད་པ་སྲུང་བ། ༼༤༠༽འབྲོག་སྲིན་གྱི་གནོད་པ་སྲུང་བ། ༁ྃ༔ ཙཀྲ་འདི་གོང་མོའི་ཁྲག་གིས་ ༁ྃ༔ ཙཀྲ་འདི་དང་ལྷན་ཅིག་ཏུ་སྡིག་པ་ནག་པོའི་རོ་ བྲིས་ནས་རི་དྭགས་གང་རུང་གི་པགས་ དུམ་བུ་ཕྱི་བའི་པགས་པས་གྲིལ་ཞིང་ལུས་ལ་བཅངས་ པས་གཏུམས་ནས་བཅངས་པའི་མི་དེ་ལ་ པའི་མི་དེ་ལ་ས་སྲིན་གྱི་གནོད་པ་གང་གིས་ཀྱང་མི་ འབྲོག་སྲིན་གྱི་གནོད་པ་མི་འབྱུང་ཞིང་ ཚུགས་པར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༤༡༽ལྷོག་གཟེར་སྲུང་བ། ༼༤༢༽ཐབ་མཁོན་སྲུང་བ། ༁ྃ༔ ཙཀྲ་འདི་ར་རྒྱ་བོའི་ཁྲག་གི་བྲིས་ནས་ ༁ྃ༔ ཙཀྲ་འདི་མུ་ཟི་ནག་པོ་གླ་རྩི་རྟ་ནག་གི་ ཉ་སྲམ་གྱི་པགས་པས་གྲིལ་ནས་ བོན་གྱི་ཁུ་བས་བྲིས་ཤིང་ལྡོང་རོས་ཀྱི་ཆུས་བྱུགས་ ལུས་ལ་བཅངས་ན་ཐབ་མཁོན་གྱིས་ ནས་སྦྲུལ་གྱི་ཤུན་པས་གྲིལ་ནས་ལུས་ལ་ བསླངས་པའི་གནོད་པ་མི་འབྱུང་ཞིང་ བཅངས་པའི་མི་དེ་ལ་གག་ལྷོག་གཟེར་གསུམ་གྱིས་ སྲུང་བའི་མཆོག་གོ༔ཨྠིྀ༔ མི་ཚུགས་ཤིང་བསྲུང་བར་འགྱུར་རོ༔ཨྠིྀ༔ ༼༤༣༽རྒན་སྲི་སྲུང་བ། ༼༤༤༽གཞོན་སྲི་སྲུང་བ། ༁ྃ༔ ཙཀྲ་འདི་རིའུ་ཚེ་ཁོང་དུ་ཤི་བའི་ཁྲག་གིས་ ༁ྃ༔ ཙཀྲ་འདི་ཤིང་ཚེ་ཟད་ཀྱི་ཐེམ་བར་དུ་ བྲིས་ཤིང་སྤྲེའུའི་པགས་པས་གཏུམས་ བཅུག་ནས་ལུས་ལ་བཅངས་ན་རྒན་སྲིའི་ པའམ༔ ཡང་ན་སྤྲེའུའི་ཁྲག་གི་བྲིས་པ་ གནོད་པ་ལས་སྲུང་བར་འགྱུར་རོ༔ཨྠིྀ༔ རིའུ་ཚེའི་ཤུན་པས་གྲིལ་ནས་ལུས་ལ་ བཏགས་ན་གཞོན་སྲིའི་གནོད་པ་ལས་ བསྲུང་བར་འགྱུར་རོ༔ཨྠིྀ༔ ༼༤༥༽དར་སྲི་སྲུང་བ། ༼༤༦༽རྒྱལ་པོ་པེ་ཧར་སྲུང་བ། ༁ྃ༔ ཙཀྲ་འདི་ཁྱི་དཀར་པོའི་ཁྲག་གི་བྲིས་པའམ་ ༁ྃ༔ ཙཀྲ་འདི་སྐྱེས་དར་མ་གྲིར་ཤི་བའི་ མ་རྙེད་ན་ཁ་ཆུས་བྲིས་ཏེ་དར་དཀར་གྱི་ ཁྲག་གིས་བྲིས་ནས་སྔགས་པའི་སྐྲ་སྐུད་ཀྱིས་ ཁུད་དུ་གྲིལ་ནས་ལུས་ལ་བཅངས་ན་ བཅིངས་ནས་ལུས་ལ་བཏགས་ན་དར་སྲིའི་ རྒྱལ་པོ་པེ་དཀར་གྱི་གནོད་པ་ལས་བསྲུང་ཞིང་ གནོད་པ་བསྲུང་བར་འགྱུར་རོ༔ཨྠིྀ༔ ཁྱིམ་ཕུགས་སུ་སྦས་ན་ཁྱིམ་དེར་པེ་དཀར་གྱི་ འགྲིམ་ལམ་ཆད་པར་འགྱུར་རོ༔ཨྠིྀ༔ ༼༤༧༽དམ་ཅན་རྡོར་ལེགས་སྲུང་བ། ༼༤༨༽དྲེགས་པའི་སྡེ་དཔོན་སུམ་ཅུ་སྲུང་བ། ༁ྃ༔ ཙཀྲ་འདི་དར་ནག་པོ་ལ་སྔགས་པ་ནུས་པ་ ༁ྃ༔ ཙཀྲ་འདི་ར་རྒྱ་བོའི་སྙིང་ཤུན་གྱིས་གྲིལ་ནས་ ཅན་གྱི་གསོན་ཁྲག་གིས་བྲིས་ནས་མི་མིང་ལུས་ལ་བཏགས་ན་སྐྱེས་བུའི་ཕྲག་དོག་གི་གནོད་པ་ རུས་མི་གཅིག་པ་དགུའི་སྐྲ་སེན་དང་ལྷན་ཅིག་ཏུ་ ལས་སྲུང་ཞིང་ཐེའུ་རང་སྤུན་དགུའི་གནོད་པ་ རོ་རས་ཀྱིས་གྲིལ་ནས་བཅངས་ན་སྡེ་དཔོན་ ལས་བསྲུང་བར་འགྱུར་རོ༔ཨྠིྀ༔ སུམ་ཅུའི་གནོད་པ་དང་འཚེ་བ་ཐམས་ཅད་ ལས་བསྲུང་བར་འགྱུར་རོ༔ཨྠིྀ༔ ༼༤༩༽སྔགས་བདག་དྲེགས་ཆེན་བཅོ་བརྒྱད་སྲུང་བ། ༼༥༠༽ནང་འཐབ་སྲུང་བ། ༁ྃ༔ ཙཀྲ་འདི་ཁྱིའི་སྤུ་དང་ར་བལ་གྱི་སྐུད་པས་ ༁ྃ༔ ཙཀྲ་འདི་མོན་ནག་གི་ཁྲག་གིས་བྲིས་ནས་རྟ་ནག་པོའི་ བཅིངས་ཏེ་བྱི་ལའི་པགས་པས་གྲིལ་ཅིང༔ སྙིང་ཤུན་གྱིས་གཏུམས་ཤིང་གང་གི་ལུས་ལ་བཅངས་པ་དེ་ལ་ དཔོན་སློབ་བམ༔ ཕ་མ་མ་སྨད་བཟའ་ སྔགས་བདག་དྲེགས་པ་བཅོ་བརྒྱད་ཀྱི་གནོད་པ་ལས་ མི་ལ་སོགས་ནང་འཐབ་རྒྱུན་དུ་བྱེད་པ་ལ་ བསྲུང་བར་འགྱུར་རོ༔ཨྠིྀ༔ རེས་མོས་ཀྱིས་བཏགས་ན༔ ནང་ འཐབ་ལས་སྐྱོབ་པར་འགྱུར་རོ༔ཨྠིྀ༔ ༼༥༡༽མནའི་ཉེས་གྲིབ་སྲུང་བ། ༼༥༢༽བྱ་བ་ལས་ཐབས་ཉེས་པ་སྲུང་བ། ༁ྃ༔ ཙཀྲ་འདི་སྦལ་བ་སྦྲུལ་སྡིག་པ་གསུམ་གྱི་ཤ་ ༁ྃ༔ ཙཀྲ་འདི་དང་ལྷན་ཅིག་ཏུ་རི་བོང་གི་རྣ་བ་དང༔ སྦང་བའི་ཁུ་བས་བྲི༔ གྲི་ལྕགས་ཀྱི་བྱང་བུ་ གྲུམ་པའི་ལྕེ༔ ཕག་གི་སྣ༔ རོ་མང་པོ་ཁུར་བའི་ མིག་དགུ་པ་དང་བཅས་ཏེ་ལུས་ལ་བཏགས་ན་ མིའི་གོས་དུམ་བུས་གྲིལ་ནས་ལྷམ་གྱི་ནང་ངམ་རྐེད་པ་ ས་གཉན་རྐོ་བ་རྡོ་གཉན་སློག་པ་ཤིང་གཉན་ མན་ཆད་ལ་ཡོད་པར་བྱས་ན་མནའི་ཉེས་པ་ལས་ གཅོད་པ་ལ་སོགས་ཉེས་པའི་བྱ་བ་ཅི་བྱས་ཀྱང་ བསྲུང་བར་འགྱུར་རོ༔ཨྠིྀ༔ ཉེས་པ་མི་འབྱུང་ཞིང་བསྲུང་བར་འགྱུར་རོ༔ཨྠིྀ༔ ༼༥༣༽དུག་སྲུང་བ། ༼༥༤༽མི་ནད་ཀུན་སྲུང་བ། ༁ྃ༔ ཙཀྲ་འདི་ཞ་ཉེ་གནུར་བའི་ཁུ་བ་དང་ཁྱི་འདྲེ་ ༁ྃ༔ ཙཀྲ་འདི་རྨ་བྱའི་ཁྲག་གིས་བྲིས་ནས་རི་བོང་གི་ ཟུག་བྱེད་པའི་ཆུ་བསྲེས་པས་བྲིས་ཤིང་བཟའ་ ཁ་སྤུ་དང་བཅས་ཏེ་སྤྲེའུའི་ཕོ་བས་གྲིལ་ཞིང་མགུལ་དུ་ དཔོན་གྱི་ལུས་ལ་བཏགས་ན༔ ནད་འདྲེ་ བཏགས་ན་དུག་གི་གནོད་པ་ལས་བསྲུང་བར་འགྱུར་རོ༔ ཟུག་པ་ལས་བསྲུང་ཞིང་མི་གཅིག་དུས་ སྲུང་བ་དེ་ལུས་ལ་ཡོད་ཙམ་ཕན་ཆད་དུག་ཁོང་དུ་སོང་ན་ རྒྱུན་དུ་མི་ན་དགུ་ན་བྱེད་པ་ལ་བཏགས་ན་ སྲུང་བ་ལས་རླངས་པ་འབྱུང་ངོ༔ཨྠིྀ༔ ཕྱིན་ཆད་མི་ན་བར་འགྱུར་རོ༔ཨྠིྀ༔ ༼༥༥༽རྨི་ལམ་ངན་པ་སྲུང་བ། ༼༥༦༽ལྟས་ངན་པ་སྲུང་བ། ༁ྃ༔ ཙཀྲ་འདི་འུག་པའི་ཁྲག་གིས་བྲིས་ནས་ ༁ྃ༔ ཙཀྲ་འདི་མི་འདྲེ་མཐོང་བྱེད་པའི་མིག་ཆུས་ སྤྲེའུའི་སྤུས་གྲིལ་ཏེ་ཝའི་པགས་པས་ བྲིས་ཏེ་རང་གི་རྫི་མ་དང་མཉམ་པོར་གྲིལ་ནས་ གཏུམས་ཤིང་གང་གི་ལུས་ལ་བཅངས་ མི་མིང་རུས་མི་གཅིག་པ་དགུའི་ལག་ཏུ་བརྒྱུད་ནས་ པ་དེ་ལ་ལྟས་ངན་པའི་གནོད་པ་ལས་ ལུས་ལ་འཆང་ན་རྨི་ལམ་ངན་པ་ལས་བསྲུང་ཞིང་ བསྲུང་བར་འགྱུར་རོ༔ཨྠིྀ༔ རྨི་ལམ་བཟང་པོར་འགྱུར་རོ༔ཨྠིྀ༔ ༼༥༧༽བསམ་སྦྱོར་ངན་པ་སྲུང་བ། ༼༥༨༽ཕྲ་མེན་འགོང་ཆོག་སྲུང་བ། ༁ྃ༔ ཙཀྲ་འདི་བདུད་རྩི་ཆོས་སྨན་དང་མཚལ་བསྲེས་པས་ ༁ྃ༔ ཙཀྲ་འདི་སྔགས་པའི་མཆིལ་སྣབས་དང་ བྲིས་ཤིང་དར་སྣ་ལྔས་གྲིལ་ནས་སྤྱི་བོར་བཏགས་ན་ སེར་བའི་ཆུས་ཁུ་བ་བྱས་པའི་སྣག་ཚྭས་བྲིས་ཤིང་ ཕྲ་མེན་འགོང་ཆོག་གི་གནོད་པ་ཐམས་ཅད་ལས་བསྲུང་ དུག་ཤིང་གི་བྱང་བུའི་ཐེམ་བར་དུ་བཅུག་ནས་ བར་འགྱུར་རོ༔ ཡང་ན་རང་གི་མལ་སའི་སྟེང་ངམ་ ལུས་ལ་འཆང་ན་ཕ་རོལ་གྱི་བསམ་སྦྱོར་ངན་པའི་ ཞྭའི་ནང་དུ་ཡང་གཞུག༔ དེས་སྔར་བྱས་པའི་ གནོད་པ་ལས་བསྲུང་བར་འགྱུར་རོ༔ཨྠིྀ༔ ཉེས་པ་ལས་ཀྱང་གྲོལ་བར་འགྱུར་རོ༔ཨྠིྀ༔ ༼༥༩༽མནན་པ་སྲུང་བ། ༼༦༠༽ཉེ་འབྱེད་སྲུང་བ། ༁ྃ༔ ཙཀྲ་འདི་ཞིང་ལྤགས་ལ་བྲིས་པའམ༔ ༁ྃ༔ ཙཀྲ་འདི་དྲི་བཟང་པོའི་ཆུས་བྲིས་ཤིང་མཆོད་རྟེན་ ཡང་ན་གྲོ་ཤོག་ལ་བྲིས་ཏེ་ཞིང་ལྤགས་ཀྱིས་ རབ་གནས་ཅན་གྱི་ས་དང་མཉམ་དུ་དར་ནག་གིས་དྲིལ་ནས་ གྲིལ༔ ཙནྡན་གྱི་བྱང་བུ་ལ་དེ་དག་ མགུལ་དུ་བཏགས་ན་མནན་པ་ལས་དགྲོལ་ཞིང་རང་གིས་ཕར་ མཚལ་གྱིས་བྲིས་པ་དང་ལྷན་ཅིག་ཏུ་ བྱས་ཀྱང་ཚུར་ལ་མི་ལྡོག་སྟེ་བསྲུང་བར་འགྱུར་རོ༔ ཁྱད་པར་ ལུས་ལ་བཏགས་ན་ཉེ་འབྱེད་བྱས་པའི་ ངག་མནན་གྱི་གནོད་པ་ལས་བསྲུང་བར་འགྱུར་རོ༔ཨྠིྀ༔ གནོད་པ་ལས་བསྲུང་བར་འགྱུར་རོ༔ཨྠིྀ༔ ༼༦༡༽བསྐྲད་གཟིར་སྲུང་བ། ༼༦༢༽ལྷ་འདྲེ་སྟོང་གི་སྒྲིབ་ཤིང་། ༁ྃ༔ ཙཀྲ་འདི་ཞིང་ལྤགས་ཀྱི་ཁུག་མར་བཅུག་ནས་ ༁ྃ༔ ཙཀྲ་འདི་གསེར་སྦྱངས་པའི་ཁུ་བས་བྲིས་ཏེ༔ གང་གི་ལུས་ལ་བཏགས་ན་མི་དེ་བསྐལ་པའི་ དར་སེར་པོའི་ཁུད་དུ་གྲིལ་ཅིང་མཆན་ཁུང་གཡོན་དུ་ མེ་དཔུང་ནང་དུ་མཐོང་ནས་འདྲེ་ངན་ཐམས་ཅད་ཀྱི་ བཏགས་ན་ཕ་རོལ་གྱི་མི་དང་མི་མ་ཡིན་གྱིས་ གནོད་པ་ལས་བསྲུང་བར་འགྱུར་རོ༔ཨྠིྀ༔ བསྐྲད་གཟིར་གཏོང་བའི་རིག་སྔགས་ཀྱི་ སྦྱོར་བ་ལས་བསྲུང་བར་འགྱུར་རོ༔ཨྠིྀ༔ ༼༦༣༽ཁྱིམ་ལ་རྐུན་མ་སྲུང་བ། ༼༦༤༽སྲིས་རྨེ་བར་བྱེད་པ། ༁ྃ༔ ཙཀྲ་འདི་སྐྱེས་དར་མའི་ཐིག་ལེས་བྲིས༔ དར་ཤིང་ ༁ྃ༔ ཙཀྲ་འདི་རྐུན་ཆེན་གྱི་ཁྲག་གིས་བྲིས་ནས་བྱི་ སེར་པོའི་བྱང་བུ་མཚོན་གང་བ་ལ༔ རཀྵྱྃ་ཞེས་ བའི་ཤུན་པར་གྲིལ་ཏེ་སྦྲ་ཁྱིམ་ལ་སོགས་པའི་ཀ་བ་ལ་ བརྐོས་པ་ལ་བྱི་བའི་ཁྲག་གིས་བྱུག་པ་དང་ལྷན་ བཏགས་ན་སྦྲ་ཁྱིམ་དེར་རྐུན་མ་མི་འབྱུང་ཞིང་བསྲུང་ ཅིག་ཏུ་ནས་ཀྱི་སྣོད་ལ་སོགས་པའི་སྟེང་ངམ༔ སྒྲོ་ བར་འགྱུར་ལ༔ འདི་བཅངས་ནས་ཕ་རོལ་དུ་ སྣོད་གང་འོས་ཀྱི་ལུང་ལ་བཏག་ན་སྲིས་རྨེ་ཞིང་སྲིས་ རྐུས་ན་ཐོབ་ཅིང་རྩད་མི་ཆོད་པར་འགྱུར་རོ༔ཨྠིྀ༔ རྐུན་གྱི་གནོད་པ་ལས་བསྲུང་བར་འགྱུར་རོ༔ཨྠིྀ༔ ༼༦༥༽གོད་ཁ་སྲུང་བ། ༼༦༦༽འདྲེའི་རྒྱུ་ལམ་གཅོད་པ། ༁ྃ༔ ཙཀྲ་འདི་སྤྱང་ཀིའམ་ཁྱི་འདྲེ་ཟུག་བྱེད་པ་ ༁ྃ༔ ཙཀྲ་འདི་གྲོ་ཤོག་ལ་བྲིས་ཏེ་མཚལ་ལམ་ མཚན་མོ་རྒྱུ་བའི་བྱ་རིགས་གང་འཛོམ་པའི་ཁྲག་ བ་བླ་བྱུགས་ཏེ་ཕྱི་སྒོའི་ཡ་ཐེམ་ལ་ཁ་ཕྱིར་བལྟས་ རྣམས་ཀྱིས་བྲིས་ནས་ཕྱི་སྒོའི་མེ་ལོང་ལ་ཁ་ཕྱིར་ བཏགས་ན་རྟག་ཏུ་གོད་ཁ་མི་འབྱུང་ཞིང་གོད་འདྲེའི་ བསྟན་ཏེ་སྦྱར་བས་ཁྱིམ་སྒོ་ལམ་སྲང་གི་འདྲེ་ གནོད་པ་ལས་བསྲུང་བར་འགྱུར་རོ༔ཨྠིྀ༔ ཡི་རིགས་མཐའ་དག་གི་འགྲིམ་ལམ་ཆད་ ནས་བསྲུང་བར་འགྱུར་རོ༔ཨྠིྀ༔ ༼༦༧༽མེའི་འཇིགས་པ་སྲུང་བ། ༼༦༨༽ལོ་ཏོག་གི་གནོད་པ་སྲུང་བ། ༁ྃ༔ ཙཀྲ་འདི་རི་བོང་གི་གསོན་སྤུས་གྲིལ་ཏེ་བུ་མོ་ ༁ྃ༔ ཙཀྲ་འདི་སྦལ་པའི་ཁྲག་གིས་བྲིས་ཏེ་ཆུ་ གྲོང་པའི་ཆོས་ཀྱིས་མ་གོས་ངེས་པས་བསྒྲིམས་པའི་ ཤིང་གི་ཕུར་པ་སོར་བཞི་པ་དང་ལྷན་ཅིག་ཏུ་སྲམ་གྱི་ སྐུད་པ་དཀར་པོས་བཅིངས་ནས་རོ་རས་ཀྱིས་གྲིལ་བ་ ཐོད་པར་བཅུག་ནས་ཁང་པའི་ཕུགས་སུ་སྦས་ན་མེའི་ ཞིང་གི་དཀྱིལ་དུ་དབྱུག་པ་རིང་པོའི་རྩེ་ལ་བཏགས་ གནོད་པ་ལས་བསྲུང་བར་འགྱུར་རོ༔ཨྠིྀ༔ ནས་བཙུག་ན་ཞིང་གི་ལོ་ཐོག་ལ་གནོད་པའི་རིགས་ ཐམས་ཅད་ལས་བསྲུང་བར་འགྱུར་རོ༔ཨྠིྀ༔ ༼༦༩༽བྱིས་པ་འདྲེས་གཙེ་སྲུང་བ། ༼༧༠༽སོ་ནད་སྲུང་བ། ༁ྃ༔ ཙཀྲ་འདི་ཤིང་ཀུན་གུ་གུལ་མུ་ཟི་ནག་པོ་ ༁ྃ༔ ཙཀྲ་འདི་སྲེ་མོའི་ཤུན་པས་གྲིལ་ཞིང་ སྦྱངས་པའི་ཁུ་བས་བྲིས་ཤིང་ཁྱིའི་སྤུས་གྲིལ་ནས་ བྱིས་པ་འདྲེས་གཙེས་ནས་དྲག་ཏུ་ངུ་བའི་ བཏགས་པས་སོ་ནད་ལས་བསྲུང་བར་འགྱུར་རོ༔ མགུལ་དུ་བཏགས་ན་མི་ངུ་ཞིང་བསྲུང་ སྔར་ན་བ་ཡིན་ན་གང་དུ་ན་བའི་ཕྱོགས་སུ་ བར་འགྱུར་རོ༔ཨྠིྀ༔ མ་ན་བའི་གོང་ནས་བཏགས་པར་བྱའོ༔ཨྠིྀ༔ ༼༧༡༽ཐོག་གི་འཇིགས་པ་སྲུང་བ། ༼༧༢༽སོ་དུག་ཅན་སྲུང་བ། ༁ྃ༔ ཙཀྲ་འདི་བཙན་དུག་དང་གླ་རྩིའི་ཆུས་ ༁ྃ༔ ཙཀྲ་འདི་བུད་མེད་ཀྱི་མངལ་ཁྲག་གིས་བྲིས་ཏེ་ བྲིས་ནས་ཕག་གི་ཤུན་པས་གྲིལ་བ་ལུས་ལ་ ཡུགས་ས་མོའི་དོར་རྟས་གྲིལ་ནས་ལུས་ལ་ བཏགས་ན་སོ་དུག་ཅན་མཐའ་དག་གི་ བཏགས་ན་ཐོག་དང་སེར་བའི་གནོད་པ་ལས་ གནོད་པ་ལས་སྲུང་བར་བྱེད་དོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༧༣༽གཅན་གཟན་སྲུང་བ། ༼༧༤༽འབྲུམ་ནད་སྲུང་བ། ༁ྃ༔ ཙཀྲ་འདི་བསེ་ཤིང་གི་ཁུ་བས་བྲིས་ཤིང་ ༁ྃ༔ ཙཀྲ་འདི་གྲི་ལྕགས་ཨ་རུ་རའི་ཆུས་ འབྲུམ་ནད་ཀྱིས་ཤི་བའི་རུས་པ་བརྡར་བའི་ བཏུལ་བའི་ཁུ་བས་བྲིས་ཏེ་གླ་རྩིའི་ཆུས་ ཁུ་བས་བྱུགས་ཏེ་ལུས་ལ་བཏགས་ན་ བྱུགས་ནས་བཅངས་པའི་མི་དེ་ལ་གཅན་ འབྲུམ་ནད་ཀྱི་རིགས་ཐ་དག་གིས་མི་ཚུགས་ གཟན་གྱི་གནོད་པ་མི་འབྱུང་ཞིང་ ཤིང་བསྲུང་བར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༧༥༽སྨྱོ་འདྲེ་སྲུང་བ། ༼༧༦༽མི་ཁ་བསྲུང་བ། ༁ྃ༔ ཙཀྲ་འདི་མགྲོན་ཁང་གི་དུད་པའམ་སྨད་ ༁ྃ༔ ཙཀྲ་འདི་རྒྱ་མཚལ་གྱིས་བྲིས་ཏེ་བོང་བུའི་ འཚོང་མའི་རྫ་དྲེག་གི་སྣག་ཚྭས་བྲིས་ཏེ་བྲ་བའི་ སྙིང་ཤུན་གྱིས་གྲིལ་ཏེ༔ གང་གི་ལུས་ལ་ རླིད་བུར་བཅུག་ནས་ལུས་ལ་རྒྱུན་དུ་བཏགས་ན་ བཏགས་པ་དེ་ལ་སྨྱོ་འདྲེའི་གནོད་པ་ལས་ མི་ཁ་གླེང་གཞིའི་གནོད་པ་ལས་བསྲུང་བ་དང་ བསྲུང་ཞིང༔ སེམས་ཕྱ་ཕྱོ་བྱེད་པ་ལ་ མ་ཉེས་པའི་ཁ་ཡོག་མི་འབྱུང་སྟེ་སྔར་བྱུང་ ཕན་པར་འགྱུར་རོ༔ཨྠིྀ༔ ནའང་ཕྱིས་རྒྱུན་ཆད་པར་འགྱུར་རོ༔ཨྠིྀ༔ ༼༧༧༽ཁྱི་སྲུང་བ། ༼༧༨༽རྐུན་མ་སྲུང་བ། ༁ྃ༔ ཙཀྲ་འདི་འཕར་སྤྱང་གི་ཁྲག་གིས་ ༁ྃ༔ ཙཀྲ་འདི་གཟིག་ཁྲག་གིས་བྲིས་ནས་ བྲིས་ནས་ལུས་ལ་བཅངས་ན་ཕ་རོལ་ གཟིག་ལྤགས་དུམ་བུ་གཅིག་དང་མཉམ་དུ་ལུས་ གང་གིས་ཀྱང་རྐུན་མས་མི་གནོད་ཅིངས་ ལ་བཏགས་ན་ཁྱིས་མི་རྨུག་ཅིང་ཁྱི་ཐམས་ཅད་ བསྲུང་བར་འགྱུར་རོ༔ཨྠིྀ༔ ཟིལ་གྱིས་གནོན་པར་འགྱུར་རོ༔ཨྠིྀ༔ ༼༧༩༽དགྲ་ཇག་སྲུང་བ། ༼༨༠༽བླ་བརྡོལ་སད་ལངས་སྲུང་བ། ༁ྃ༔ ཙཀྲ་འདི་བྲིས་ནས་བལྟེབས་ལ་ཡུགས་ས་ ༁ྃ༔ ཙཀྲ་འདི་ཁྱི་ནག་པོའི་ཁྲག་གིས་བྲིས་ནས་ ཕོ་མོའི་སྐྲ་སྐུད་ཀྱིས་གྲིལ་ཏེ་ལུས་ལ་བཅངས་ན༔ ལུས་ལ་བཅངས་ན་ཕ་རོལ་དགྲ་ཇག་ཆོམ་པོའི་ བླ་བརྡོལ་སད་ལངས་ཀྱི་གནོད་པ་ལས་ གནོད་འཚེ་ལས་བསྲུང་བར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༨༡༽རྟ་ཕྱུགས་ལ་དགྲ་ཇག་གཅན་གཟན་སྲུང་བ། ༼༨༢༽ཐིག་ལེ་འཛག་པ་སྲུང་བ། ༁ྃ༔ ཙཀྲ་འདི་པདྨ་རཀྟས་བྲིས་ཤིང་བུ་མོ་ ༁ྃ༔ ཙཀྲ་འདི་མི་མིང་རུས་མི་གཅིག་པ་དགུའི་ གྲོང་པའི་ཆོས་ཀྱིས་མ་གོས་པས་ སྐྲ་ཕྱིང་གིས་བཏུམས་ནས་རྟ་ཕྱུགས་ལ་བཏགས་ན་ བཀལ་བའི་སྐུད་པ་སྔོ་དམར་གྱིས་ དགྲ་རྐུན་དང་གཅན་གཟན་གང་གི་ཡང་གནོད་པ་ བཅིངས་ནས་ལུས་ལ་བཏགས་ན་ཐིག་ལེ་ མི་འབྱུང་ཞིང་བསྲུང་བར་འགྱུར་རོ༔ཨྠིྀ༔ མི་འཛག་ཅིང་བསྲུང་བར་འགྱུར་རོ༔ཨྠིྀ༔ ༼༨༣༽གཟའ་སྐར་ངན་པ་སྲུང་བ། ༼༨༤༽ཚེས་གྲངས་ངན་པ་སྲུང་བ། ༁ྃ༔ ཙཀྲ་འདི་ཟླ་བ་གང་ཡང་རུང་བའི་ཚེས་ ༁ྃ༔ ཙཀྲ་འདི་གཟའ་སྐར་ངན་པར་ཤི་བའི་རོ་ བཅོ་ལྔ་མ་འཆུག་པའི་དུས་བྲིས་ཤིང་ བསྲེགས་པའི་སོལ་བ་དང་རུས་པ་བརྡར་བའི་སྣག་ སྨན་སྣ་ཚོགས་པའི་ཁུ་བས་བྱུགས་ཏེ་ ཚས་བྲིས་ཤིང་ཟངས་ཀྱི་བྱང་བུ་མིག་དགུ་པ་དང་ ལུས་ལ་བཏགས་ན་དུས་ཚོད་ཚེས་ ལྷན་ཅིག་ཏུ་ལུས་ལ་བཅངས་ན་གཟའ་སྐར་ གྲངས་ངན་པའི་གནོད་པ་ལས་ ངན་པ་ལས་བསྲུང་བར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༨༥༽ཕྱོགས་ངན་སྲུང་བ། ༼༨༦༽འདྲེ་ལྔ་སྲུང་བ། ༁ྃ༔ ཙཀྲ་འདི་ཆུ་དག་དཀར་པོ༔ གུར་གུམ༔ ༁ྃ༔ ཙཀྲ་འདི་ཕོ་ཤིང་ཤུག་པ་དང་མོ་ཤིང་ ཙནྡན་དཀར་པོ་གསུམ་གང་འཛོམ་པའི་ གླང་མའི་བྱང་བུའི་བར་དུ་གཏེམས་ཏེ་ལུས་ལ་ ཁུ་བས་བྲིས་སམ་ཙཀྲ་ལ་བྱུགས་ནས་ བཏགས་ན་ཕྱོགས་ངན་གྱི་གནོད་པ་ལས་ ལུས་ལ་བཅངས་ན་འདྲེ་ལྔའི་གནོད་པ་ བསྲུང་བར་འགྱུར་རོ༔ཨྠིྀ༔ ལས་བསྲུང་བར་འགྱུར་རོ༔ཨྠིྀ༔ ༼༨༧༽བདུད་གཅོད་སྲུང་བ། ༼༨༨༽ཆུ་འདྲེ་སྲུང་བ། ༁ྃ༔ ཙཀྲ་འདི་གསེར་རམ་གཞན་ཡང་རིན་པོ་ཆེ་ ༁ྃ༔ ཙཀྲ་འདི་མཚལ་ལམ་རིན་པོ་ཆེ་གང་རུང་ གང་འཛོམ་གྱིས་བྲིས་ཏེ་གསེར་མཚོན་ཙམ་ བཏུལ་པའི་ཁུ་བས་བྲི༔ ཡང་ན་དེ་དག་གིས་ ཙཀྲའི་ལྟེ་བ་རུ་ཡོད་པ་བྱས་ལ་ལུས་ལ་ བྱུགས་ནས་དར་ཚོན་སྣ་ལྔས་གྲིལ་ཞིང་ལུས་ལ་ བཅངས་པའི་མི་དེ་ལ་ཆུ་འདྲེའི་གནོད་པ་ བཏགས་ན་བདུད་གཅོད་བྱེད་པའི་གནོད་པ་ ལས་བསྲུང་བར་འགྱུར་རོ༔ཨྠིྀ༔ ཐམས་ཅད་ལས་བསྲུང་བར་འགྱུར་རོ༔ཨྠིྀ༔ ༼༨༩༽ཤྭ་འོད་སྲུང་བ། ༼༩༠༽འགབ་འདྲེ་འགྲུལ་རྔུར་སྲུང་བ། ༁ྃ༔ ཙཀྲ་འདི་ནད་པ་ལ་སོགས་འགྲུལ་རྔུར་ ༁ྃ༔ ཙཀྲ་འདི་སཱཙྪའི་ནང་དུ་གཞུག་ཅིང་ སྡང་བ་ལ་གུ་གུལ་ཤ་ཆེན་རྒྱ་ཤོག་གི་ རབ་གནས་དང་ལྡན་པས་ཤྭ་འོད་འབྱུང་བའི་ དུད་པས་ནད་པ་དང་ཙཀྲ་གཉིས་ཀར་ སར་ཐོ་སེར་པོ་བརྩིགས་པའི་ནང་དུ་ བདུག་ནས་བཏགས་ན་འགྲུལ་རྔུར་གནོད་པ་ བཞུགས་སུ་གསོལ་ན་ཤྭ་འོད་ཀྱི་གནོད་པ་ ལས་བསྲུང་བར་འགྱུར་རོ༔ཨྠིྀ༔ ཟློག་ཅིང་བསྲུང་བར་འགྱུར་རོ༔ཨྠིྀ༔ ༼༩༡༽ཤུ་ཐོར་ཞ་གྲུམ་སྲུང་བ། ༼༩༢༽ཚེ་སྲོག་སྐྱེད་པ། ༁ྃ༔ སྲོག་སྐྱེད་པའི་ཙཀྲ་འདི་སྲོག་ཉམས་པའི་ ༁ྃ༔ ཙཀྲ་འདི་ལུས་ལ་བཏགས་པའི་མི་དེ་དག་གི་ མི་ལ་བཏགས་ན་ཚེ་རིང་ཞིང་སྲོག་ལ་ ལུས་ལ་རེངས་པའམ་ཤ་ཤུ་ཐར་ཐོར་རམ་གྲུམ་པ་ གནོད་པར་བྱེད་པ་ཐམས་ཅད་ལས་ ལ་སོགས་གློ་བུར་དུ་མི་བདེ་བ་བྱུང་ན་ཕན་ཞིང་ཕྱིས་ བསྲུང་བར་འགྱུར་རོ༔ཨྠིྀ༔ མི་འབྱུང་སྔར་བྱུང་བའང་ཕན་པར་འགྱུར་རོ༔ཨྠིྀ༔ ༼༩༣༽ལུས་སྐྱེད་པ། ༼༩༤༽དབང་ཐང་སྐྱེད་པ། ༁ྃ༔ དབང་ཐང་སྐྱེད་པ་ཡིད་བཞིན་ནོར་བུའི་ཙཀྲ་འདི༔༁ྃ༔ ལུས་སྐྱེད་པའི་ཙཀྲ་འདི་ལུས་རྒུད་པའི་ དབང་ཐང་ཉམས་པའི་མི་དེ་ལ་བཏགས་ན་ མི་ལ་བཏགས་ན་ལུས་སྐྱེད་ཅིང་ལུས་ལ་ དབང་ཐང་འཕེལ་ཞིང་དབང་ཐང་ལ་ གནོད་པར་བྱེད་པ་ཐམས་ཅད་ལས་ གནོད་པར་བྱེད་པ་ཐམས་ཅད་ལས་ བསྲུང་བར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༩༥༽ཀླུང་རྟ་སྐྱེད་པ། ༼༩༦༽དོན་གཉེར་འགྲུབ་བྱེད། ༁ྃ༔ དོན་འགྲུབ་པར་བྱེད་པ་ནོར་བུ་བསམ་འཕེལ་གྱི་ ༁ྃ༔ རླུང་རྟ་སྐྱེད་པ་ཡོན་ཏན་ཀུན་འབྱུང་གི་ ཙཀྲ་འདི༔ ཕྱོགས་སུ་དོན་གཉེར་དུ་འགྲོ་དུས་ ཙཀྲ་འདི༔ རླུང་རྟ་རྒུད་པའི་མི་ལ་ མི་དེ་ལ་བཏགས་པས་དོན་འགྲུབ་པར་འགྱུར་ཞིང་ བཏགས་པས་ཀླུང་རྟ་དར་ཞིང་རླུང་རྟ་ལ་ དོན་གཉེར་བའི་བར་དུ་གཅོད་པར་བྱེད་པ་ གནོད་པར་བྱེད་པ་ཐམས་ཅད་ལས་ ཐམས་ཅད་ལས་བསྲུང་བར་འགྱུར་རོ༔ཨྠིྀ༔ བསྲུང་བར་འགྱུར་རོ༔ཨྠིྀ༔ ༼༩༧༽ཚོང་རྒྱལ་བྱེད། ༼༩༨༽གཡུལ་རྒྱལ་བྱེད། ༁ྃ༔ གཡུལ་རྒྱལ་བར་བྱེད་པ་སྟོབས་ཀྱི་ཙཀྲ་ ༁ྃ༔ ཚོང་རྒྱལ་བར་བྱེད་པ་ཌཱ་ཀི་ལག་ འདི་དམག་དཔོན་གྱི་སྤྱི་བོར་བཏགས་ནས་ བསྒུལ་གྱི་ཙཀྲ་འདི་ཚོང་ལ་འགྲོ་བའི་ ཕ་རོལ་དང་གཡུལ་བཀྱེ་བས་གཡུལ་ལས་ དུས་སུ་ལུས་ལ་བཏགས་ན་ཚོང་རྒྱལ་ཞིང་ རྒྱལ་ཞིང་གཡུལ་ཕམ་པར་བྱེད་པ་ལས་ ཚོང་ཕམ་པ་བསྲུང་བར་འགྱུར་རོ༔ཨྠིྀ༔ བསྲུང་ཞིང་བཟློག་པར་འགྱུར་རོ༔ཨྠིྀ༔ ༼༩༩༽ནོར་འཕེལ་བ། ༼༡༠༠༽བཟའ་བཏུང་འཕེལ་བ། ༁ྃ༔ མི་ཟད་བདུད་རྩི་བུམ་པའི་ཙཀྲ་འདི་གང་གི་ ༁ྃ༔ བང་མཛོད་ནོར་གྱི་ཙཀྲ་འདི་གང་ལ་ ལུས་ལ་བཏགས་པ་དེ་ལ་བཟའ་བཏུང་གི་ བཏགས་པའི་མི་དེ་ལ་ནོར་འཕེལ་ཞིང་དབུལ་ དངོས་གྲུབ་འབྱུང་ཞིང་བཟའ་བཏུང་ འདྲེའི་གནོད་པ་ལས་བསྲུང་བར་འགྱུར་རོ༔ འཕེལ་ནས་ལྟོག་འདྲེའི་གནོད་པ་ ཙཀྲ་དང་ལྷན་ཅིག་ཏུ་རིན་པོ་ཆེ་སྣ་ལྔ་ཡང་ ལས་བསྲུང་བར་འགྱུར་རོ༔ཨྠིྀ༔ གཞུག་པར་བྱའོ༔ཨྠིྀ༔ ༼༡༠༡༽ཞྭ་གོས་འཕེལ་བ། ༼༡༠༢༽ཐམས་ཅད་ཀྱི་ཡིད་དུ་འོང་བ། ༁ྃ༔ མཛེས་པ་རྒྱན་གྱི་ཙཀྲ་འདི་སིནྡྷུ་ར་དང་མཚལ་གྱིས་ ༁ྃ༔ རྒྱན་ལྡན་འོད་ཀྱི་ཙཀྲ་འདི་དར་སྣ་ དར་ལེ་བརྒན་ལ་བྲིས་ནས་བཏགས་པའི་ མང་པོས་གྲིལ་བ་གང་གི་ལུས་ལ་བཏགས་ མི་དེ་ལ་འགྲོ་བ་ཐམས་ཅད་ཀྱི་ཡིད་དུ་འོང་ཞིང་ པའི་མི་དེ་ལ་ཞྭ་གོས་དང་བྲལ་བའི་གནོད་པ་ ཐམས་ཅད་ཀྱིས་བྱམས་ནས་འདུན་པར་འགྱུར་རོ༔ བསྲུང་བར་འགྱུར་རོ༔ཨྠིྀ༔ སྡང་ཞིང་ཡིད་དུ་མི་འོང་བ་མཆིས་པ་ཐམས་ཅད་ ལས་བསྲུང་བར་འགྱུར་རོ༔ཨྠིྀ༔ ༼༡༠༣༽ལྷ་འདྲེ་འབུམ་སྲུང་། ༼༡༠༤༽རླུང་ནད་སྲུང་བ་སའི་འཁོར་ལོ། ༁ྃ༔ བརྟན་པར་བྱེད་པའི་ཙཀྲ་འདི་ཁྱི་འབྲུག་ ༁ྃ༔ ཙཀྲ་འདི་མི་རྟ་ཁྱི་གསུམ་གྱི་ཁྲག་གིས་བྲིས་ཏེ་བྱ་ གླང་ལུག་བཞིའི་རུས་པ་དང་ལྷན་ཅིག་ཏུ་རྒོད་ཀྱི་སྤུས་དྲིལ་ནས་ལུས་ལ་བཏགས་ན་དྲི་ཟ་དང་གྲུལ་བུམ་ བཏགས་ན་བསྐྱོད་ཅིང་གཡོ་བ་ལ་སོགས་ ལྟོ་འཕྱེ་ལ་སོགས་པའི་གནོད་པ་ལས་སྲུང་ངོ༔ མདོར་ན་ མི་བརྟན་པར་བྱེད་པ་ཐམས་ཅད་བརྟན་ཅིང་ ས་འོག་ས་སྟེང་ས་བླ་ཐམས་ཅད་ལ་ཆགས་ཤིང་རྒྱུ་བར་བྱེད་ མི་འགྱུར་བ་སྟེ༔ སེམས་པར་པུར་ཕྱ་ཕྱོ་ པའི་གནོད་པ་ཐམས་ཅད་ལས་བསྲུང་བར་འགྱུར་རོ༔ཨྠིྀ༔ བྱེད་པ་ལས་བསྲུང་བར་འགྱུར་རོ༔ཨྠིྀ༔ ༼༡༠༥༽ཚ་བ་སྲུང་བ་ཆུའི་འཁོར་ལོ། ༼༡༠༦༽གྲང་བ་སྲུང་བ་མེའི་འཁོར་ལོ། ༁ྃ༔ སྲེག་བྱེད་མེའི་ཙཀྲ་འདི་སྔོ་ཚ་བ་གསུམ་གྱི་ ༁ྃ༔ བསིལ་བྱེད་ཆུའི་ཙཀྲ་འདི་ག་པུར་ ཁུ་བས་བྲིས་ཏེ་ལུས་ལ་བཏགས་ན་གྲང་རླུང་ གླ་རྩིའི་ཆུས་བྲིས་ཏེ་ལུས་ལ་བཅང་ན་ ལས་གྱུར་པའི་ནད་ཀྱི་རིགས་ཐམས་ཅད་ ཚ་བ་ལས་གྱུར་པའི་གནོད་པ་ཐམས་ཅད་ ལས་བསྲུང་ཞིང་སྔར་ཡོད་པ་ལ་ཕན༔ ལས་བསྲུང་བར་འགྱུར་རོ༔ཨྠིྀ༔ ཕྱིས་མི་འབྱུང་བར་འགྱུར་རོ༔ཨྠིྀ༔ ༼༡༠༧༽རྨུགས་འཐིབས་སྲུང་བ་རླུང་གི་འཁོར་ལོ། ༼༡༠༨༽འབྱུང་བ་ཀུན་འདུས་ཀྱི་འཁོར་ལོ། ༁ྃ༔ འབྱུང་བ་ཀུན་འདུས་ཀྱི་ཙཀྲ་ ༁ྃ༔ སྐྱོད་བྱེད་རླུང་གི་ཙཀྲ་འདི་དར་ལྗང་གུས་དྲིལ་ནས་བཅངས་ན་ འདི་དར་སྣ་ལྔས་གྲིལ་ཅིང་མགུལ་དུ་ རྨུགས་འཐིབས་བྱིང་བའི་གནོད་པ་ཐམས་ཅད་ལས་བསྲུང་ཞིང་ བཏགས་ན་འབྱུང་བ་ལྔའི་ནུས་པ་གཡེར་ཞིང་དྭངས་པ་དང་ཤེས་རབ་ཆེ་བར་འགྱུར་རོ༔ཨྠིྀ༔ སྙོམས་ནས་འབྱུང་བ་ལྔའི་གནོད་པ་ ལས་བསྲུང་བར་འགྱུར་རོ༔ཨྠིྀ༔ ༼༡༠༩༽རང་སྲུང་ཡིད་བཞིན་ནོར་བུ། ༁ྃ༔ རང་སྲུང་ཡིད་བཞིན་ནོར་བུའི་ཙཀྲ་འདི་བཟང་པོ་དྲུག་གི་ཁུ་བས་བྲིས་ཤིང་དར་སྣ་ལྔས་གྲིལ་ནས་རང་གི་ལུས་ལ་བཏགས་ན་གོང་གི་ སྲུང་བ་འདི་རྣམས་གཞན་སུ་ལ་བཏགས་ཀྱང་རང་ལ་གནོད་པ་མི་འབྱུང་ཞིང་སྲུང་བའི་ཐོག་མར་འདི་རང་ལ་བཏགས་པ་གལ་ཆེའོ༔ཨྠིྀ༔ དེ་ལྟར་སྲུང་བའི་རིམ་པ་ལས༔ སོ་སོར་གང་འདོད་བྲིས་པ་འམ༔ གལ་ཏེ་འབྱོར་ལྡན་སྐྱེས་བུ་ཡིས༔ ཡོངས་རྫོགས་གདགས་པར་འདོད་པ་ན༔ ཡོངས་རྫོགས་ཐོག་མཐའ་གཉིས་བྲིས་བར༔ བྱེ་བྲག་ཕོ་བྲང་ཡོངས་བྲིས་བལྟེམ༔ དར་ཚོན་སྣ་ལྔས་དྲིལ་ནས་ཀྱང༔ ལུས་ལ་བཅངས་པའི་ཡོན་ཏན་ནི༔ གནས་སྐབས་ཚེ་འདིའི་དཔལ་དང་ལྡན༔ ཉེས་པ་ཀུན་ལས་སྐྱོབ་པར་འགྱུར༔ མཐར་ཐུག་རྣམ་གྲོལ་ཡེ་ཤེས་ཀྱི༔ འཕེལ་བྱེད་གྲོགས་སུ་འགྱུར་ལ་སོགས༔ ཡོན་ཏན་དཔག་མེད་ཐོབ་པར་འགྱུར༔ དེ་ལྟར་གང་བྲིས་ཙཀྲ་ལ༔ རབ་ཏུ་གནས་པར་བྱེད་པ་ནི༔ རྒྱས་དང་བསྡུས་དང་ཤིན་ཏུ་བསྡུས༔ དང་པོ་རྒྱས་པ་བྱེད་པ་ནི༔ ཡིད་དུ་འོང་བའི་ས་ཕྱོགས་སུ༔ གཟའ་སྐར་ཤིས་པའི་ཉི་མ་ལ༔ རང་ཉིད་ལྷར་གསལ་མཆོད་གཏོར་བཤམ༔ གསུམ་ལ་སྐྱབས་འགྲོ་སེམས་བསྐྱེད་བྱ༔ རྣམ་བཞིའི་མགྲོན་ལ་གཏོར་མཆོད་འབུལ༔ ཙཀྲ་རང་གི་མདུན་དུ་དགྲམ༔ གུ་གུལ་དུད་པས་བདུག་ནས་ཀྱང༔ བསང་སྦྱང་བགེགས་བསྐྲད་སྤྱི་མཐུན་བྱ༔ དེ་ནས་སྐད་ཅིག་དྲན་རྫོགས་སུ༔ ཙཀྲ་བྷྲཱུྃ་ལས་གཞལ་ཡས་ཁང༔ རྩ་བ་གསུམ་གྱི་ཕོ་བྲང་དུ༔ ལྷ་ཚོགས་རྣམས་ནི་ཡིག་འབྲུ་ལས༔ ལྷ་ཁང་སྒོ་ཕྱེས་བཞིན་དུ་གསལ༔ སྤྱན་དྲངས་ཡིག་རྒོད་འབྲུ་ལ་བསྟིམ༔ མཆོད་དང་བསྟོད་པ་བྱས་ནས་ཀྱང༔ གང་སྲུང་སྤེལ་ཚིག་ཕྲིན་ལས་གཞོལ༔ རྩ་གསུམ་དྲིལ་སྒྲུབ་བཟླས་པ་དང༔ སྲུང་ཡིག་ཨཱ་ལི་ཀཱ་ལི་སྟེ༔ རྟེན་འབྲེལ་སྙིང་པོ་ལ་སོགས་པ༔ ཙཀྲ་ཉིད་ལས་བྱུང་བ་ཡི༔ སྔགས་རྣམས་བརྒྱ་སྟོང་ལ་སོགས་པ༔ མང་དུ་བཟླས་ཤིང་ཙཀྲ་ལ༔ བསྟིམ་མཆོད་རབ་ཏུ་གནས་པར་བྱ༔ གནོད་བྱེད་བགེགས་ཀྱང་བཀུག་ཅིང་གཟིར༔ རང་གཤེད་རང་ལ་དབབ་པ་འམ༔ མ་གནོད་བཀའ་བསྒོ་གང་རིགས་བྱ༔ ཤིས་པ་བརྗོད་ཅིང་ལྷ་ཚོགས་རྣམས༔ སྲུང་བའི་ཡིག་འབྲུ་རྣམས་ལ་བསྟིམ༔ སྲུང་བར་མཛོད་ཅེས་གང་འོས་ཀྱིས༔ སོ་སོར་རྒྱས་གདབ་ངང་ལ་བཞག༔ དེ་ནས་ཙཀྲ་ལྟེབ་པ་ནི༔ ལྟེ་བའི་སྲོག་ཡིག་མ་ཉམས་པར༔ གྲུ་བཞི་མཉམ་པ་ཉིད་བྱས་ཏེ༔ སོ་སོའི་གཞུང་ལྟར་ཚས་ཀྱིས་གྲིལ༔ གང་ལ་གདགས་པའི་མདུན་དུ་བཞག༔ བགེགས་བསྐྲད་གུ་གུལ་དུད་པས་བདུག༔ ཙཀྲ་གནས་གསུམ་བྱིན་བརླབ་བཞག༔ ཨཱོྃ་ཨཱཾ་ཧཱུྃ་ཧྲཱིཿབཛྲ་གུ་རུ་དྷེ་བ་དྷཱ་ཀི་ནཱི་ཀཱ་ཡ་བཱ་ཀ་ཙིཏྟ་ཨ་དྷིཥྛཱ་ན་ཨ་བྷི་ཥིཉྩ་མཱཾ༔ ཞེས་པས་བྱིན་བརླབས་སྲུང་འཁོར་བསྒོམ༔ ࿊ བསྡུས་པ་བྱེད་ན་འདི་ལྟ་སྟེ༔ རང་ཉིད་ལྷར་གསལ་ཙཀྲ་ཉིད༔ བྷྲཱུྃ་ལས་གཞལ་ཡས་ཁང་གི་ནང༔ ཡིག་འབྲུ་རྩ་གསུམ་གང་རིགས་བསྐྱེད༔ སྤྱན་དྲངས་བཞུགས་གསོལ་སྔགས་རྣམས་ལ༔ ཉེར་གཅིག་བཟླས་ཤིང་མེ་ཏོག་འཐོར༔ ཤིས་པ་བརྗོད་དེ་བལྟེབས་ལ་གདགས༔ གང་བསྲུང་དམིགས་པ་སྲུང་འཁོར་བསྒོམ༔ ལྷ་ལའང་སྲུངས་ཞེས་ཕྲིན་ལས་བཅོལ༔ ࿊ ཤིན་ཏུ་བསྡུས་པ་བྱེད་ན་ནི༔ ཙཀྲ་སྲུང་བའི་གུར་ཁང་དུ༔ ལྷ་དང་བསྲུང་བྱ་མཉམ་པོར་བསྐྱེད༔ རྟེན་འབྲེལ་སྙིང་པོས་རབ་གནས་བྱ༔ ཤིས་པ་བརྗོད་དེ་བལྟེབས་བྱས་ལ༔ གང་འདོད་སྲུང་བའི་ལུས་ལ་གདགས༔ དམ་ཚིག་རབ་གནས་གྲུབ་པ་དང༔ ས་ལ་མི་བཞག་ལག་མི་བརྒྱུད༔ ཡིག་འབྲུ་གཞན་གྱིས་མི་མཐོང་གཅེས༔ གལ་ཏེ་མཐོང་ན་རབ་གནས་བསྐྱར༔ དེས་ནི་གཞུང་ལྟར་ཅི་འདོད་ཀྱི༔ སོ་སོའི་དོན་འབྲས་འགྲུབ་པར་འགྱུར༔ཨྠིྀ༔ རྒྱ་རྒྱ་རྒྱ༔ མཁའ་འགྲོའི་སྲོག་གནད་བསྐུལ་བའི་ཡིག་རྒོད་སྲུང་བའི་རིམ་པ་རྣམས༔ ད་ལྟ་མངའ་བདག་ཡབ་སྲས་དང༔ མ་འོངས་རྗེས་འཇུག་རྣམས་ཀྱི་དོན་དུ༔ བདག་འདྲ་པདྨ་འབྱུང་གནས་ཀྱིས་བཞག་པའོ༔ ས་མ་ཡ༔ རྒྱ་རྒྱ་རྒྱ༔ སྦས་རྒྱ༔ གཏད་རྒྱ༔ གཏེར་རྒྱ༔ དྷ་ཐིམ༔ གུ་ཧྱ༔ སྤྲུལ་པའི་སྐུ་མཆོག་སངས་རྒྱས་གླིང་པས་པུ་རི་ཕུག་མོ་ཆེ་ནས་གདན་དྲངས་པའི་གཏེར་མའོ། །ཤུ་བྷཾ།། །།

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).