Terdzo-TSI-052

Download PDF

ཉང་གཏེར་ངག་འགྲོལ་

nyang gter ngag 'grol

by  ཉང་རལ་ཉི་མ་འོད་ཟེར་ (Nyangral Nyima Özer)
revealed by  ཉང་རལ་ཉི་མ་འོད་ཟེར་ (Nyangral Nyima Özer)
Volume 47 (ཙི) / Pages 703-704 / Folios 1a1 to 1b3

Rinchen Terdzö Volumes List > Volume 47 > Text #52 (Scroll to Bottom)

Citation	nyang ral nyi ma 'od zer. nyang gter ngag 'grol. In Rin chen gter mdzod chen mo pod zhe bdun pa (The Great Treasury of Rediscovered Teachings Volume 47) by 'jam mgon kong sprul, 703-704. New Delhi: Shechen Publications, 2007-2016.
Author	Nyang ral nyi ma 'od zer ཉང་རལ་ཉི་མ་འོད་ཟེར་
Source Revealer	Nyang ral nyi ma 'od zer ཉང་རལ་ཉི་མ་འོད་ཟེར་
Terdzö Category	Mahayoga
Tibetan Colophon(s)	Treasure colophon: སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ རྒྱ་གསུམ་བཏབ་ནས༔ བྲག་སྲིན་མོ་སྦར་རྗེས་ཅན་ལ་སྦས་སོ༔ བདུད་བཙན་ཀླུ་གསུམ་གཏེར་སྲུང་བསྐོས་པའི་རྒྱ༔ ྈྈྈ རྒྱ༔རྒྱ༔རྒྱ༔ Revealer colophon: སྤྲུལ་སྐུ་མངའ་བདག་མྱང་གིས། ལྷོ་བྲག་སྲིན་མོ་སྦར་རྗེས་ཅན་གྱི་གཏེར་ནས་སྤྱན་དྲངས་པའོ་
Wylie Colophon(s)	Treasure colophon: sku'i rgya:_gsung gi rgya:_thugs kyi rgya:_rgya gsum btab nas:_brag srin mo sbar rjes can la sbas so:_bdud btsan klu gsum gter srung bskos pa'i rgya:__rgya:rgya:rgya:_ Revealer colophon: sprul sku mnga' bdag myang gis/_lho brag srin mo sbar rjes can gyi gter nas spyan drangs pa'o
Notes	Front left-side note: ngag 'grol Back left-side note: gter mdzod zhi ba'i las tshogs nyang ral
Links	No TBRC link // No THL link

< Previous Text

Next Text >

Tibetan Text

Tsagli

Tsagli (0)

Mandalas (0)

[edit]

ཉང་གཏེར་ངག་འགྲོལ་བཞུགས། བཅོམ་ལྡན་འདས་གསུང་གི་དབང་ཕྱུག་ལ་ཕྱག་འཚལ་ལོ༔ རང་གི་ངག་མནན་པ་འགྲོལ་བ་ནི༔ རང་ཐ་མལ་གྱི་ལྕེ་ཏཾ་ནག་པོ་གཅིག་ཏུ་བསམ༔ ལྕེའི་དཀྱིལ་དུ་ལཾ་ནག་པོ་གཅིག་བསམ༔ དེ་ཡི་མཐའ་མར་རཾ་དམར་པོས་བསྐོར་བར་བསམ༔ དེ་ནས་རཾ་ལས་མེ་འབར་བས༔ ངག་མནན་གྱི་དངོས་པོ་ཐམས་ཅད་བསྲེགས་པར་བསམ༔ ལྕེ་མི་དམིགས་པ་ལས༔ དྷཱི་སེར་པོ་གཅིག་ཏུ་བསམ༔ དེ་ལས་འོད་ཟེར་འཕྲོས་པས༔ ཕྱོགས་བཅུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང༔ ཡེ་ཤེས་ཀྱི་ཁྲོ་བོ་ཐམས་ཅད་ཀྱི་གསུང་གི་ནུས་མཐུ་ཐམས་ཅད་བསྡུས་ནས༔ བདག་གི་ངག་ལ་ཐིམ་པས༔ བདག་ཉིད་གསུང་སྣང་བ་མཐའ་ཡས་སུ་བསམ༔ ལྕེ་རྡོ་རྗེ་རྩེ་དགུ་པ་པདྨ་རཱ་ག་ལས་གྲུབ་པ༔ ཁ་རླངས་ཐམས་ཅད་མེ་འབར་བར་བསམ་ཞིང༔ ཚྭ་ཚྭ་འཕྲོ་བ༔ ངག་ལ་གནོད་པར་བྱེད་པ་ཐམས་ཅད་ཧྲག་ཧྲག་བསྲེགས་པར་བསམ༔ རྡོ་རྗེའི་རྩེ་མོ་ལ་ཨོཾ་དཀར་པོ༔ ལྟེ་བ་ལ་ཨཱཿདམར་པོ༔ རྩ་བ་རུ་ཧཱུྃ་མཐིང་ནག་བསམ༔ ཡས་རྐན་ལ་ཀཱ་ལི༔ མས་རྐན་ལ་ཨཱ་ལིའི་འཁོར་ལོ་བསྐོར་བར་བསམ༔ ལྕེ་ལ་ཆོས་ཀྱི་སྒྲ་དི་རི་སྒྲོག་པར་བསམ་མོ༔ དེ་ནས་སྔགས་འདི་ཅི་རིགས་སུ་བཟླ༔ ཨོཾ་བཛྲ་རམ་བྷ་ཡཾ་ཧྱ་ཏུ་ཤན་དྷ་ཡ་སྭཱ་ཧཱ༔ འདིས་ནི་ཕྱག་ན་རྡོ་རྗེས་ངག་མནན་གྲོལ་བ་ལ་ཡང་ཐེ་ཚོམ་མེད་དོ༔ ཕྱིས་ནས་ཀྱི་བསྲུང་བར་ཡང་འགྱུར་རོ༔ ངག་འགྲོལ་བ་དང༔ ཕྱིས་ནས་ཀྱི་གནོད་པ་བསྲུང་བའི་ལེའུ་བཅུ་གཅིག་པའོ༔ ས་མ་ཡ༔ རྒྱ་རྒྱ་རྒྱ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ རྒྱ་གསུམ་བཏབ་ནས༔ བྲག་སྲིན་མོ་སྦར་རྗེས་ཅན་ལ་སྦས་སོ༔ བདུད་བཙན་ཀླུ་གསུམ་གཏེར་སྲུང་བསྐོས་པའི་རྒྱ༔ ྈྈྈ རྒྱ༔རྒྱ༔རྒྱ༔ སྤྲུལ་སྐུ་མངའ་བདག་མྱང་གིས། ལྷོ་བྲག་སྲིན་མོ་སྦར་རྗེས་ཅན་གྱི་གཏེར་ནས་སྤྱན་དྲངས་པའོ།། །།

[edit]

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).