Terdzo-SIDDHAM-010

བཀའ་སྲུང་གསོལ་བྱང་

bka' srung gsol byang

by མི་ཕམ་རྒྱ་མཚོ་ (Mipam Gyatso)
revealed by སངས་རྒྱས་གླིང་པ་ (Sangye Lingpa)
in cycle བླ་མ་དགོངས་པ་འདུས་པ་ (Bla ma dgongs pa 'dus pa)
Volume 67 (སིདྡྷཾ) / Pages 225-226 / Folios 1a1 to 1b5

Citation	Mi pham rgya mtsho. bka' srung gsol byang. In Rin chen gter mdzod chen mo pod drug bcu re bdun pa (The Great Treasury of Rediscovered Teachings Volume 67) by 'jam mgon kong sprul, 225-226. New Delhi: Shechen Publications, 2007-2018.
Author	Mi pham rgya mtsho; མི་ཕམ་རྒྱ་མཚོ་
Source Revealer	Sangs rgyas gling pa སངས་རྒྱས་གླིང་པ་
Cycle	Bla ma dgongs pa 'dus pa བླ་མ་དགོངས་པ་འདུས་པ་
Terdzö Category	Concluding Materials
Tibetan Colophon(s)	First colophon: ཅེས་པ་རྟ་མཆོག་རོལ་པའི་གསོལ་མཆོད་ཤིན་ཏུ་བསྡུས་པ་འདི་ནི་མི་ཕམ་པས་སོ། Second colophon: མི་ཕམ་པས་སོ།། Third colophon: མི་ཕམ་པས་སོ།། Fourth colophon: རྣམ་རྒྱལ་ཆུ་སྦྲུལ་ཟླ་བ་བདུན་པའི་ཚེས་བཅུ་བཞི་ལ་འཇམ་དཔལ་དགྱེས་པས་བྲིས་པ་མངྒ་ལཾ།། Fifth colophon: ཅེས་པའང་སྔགས་བཙུན་པདྨ་བསྟན་འཛིན་གྱིས་བྲིས་པ་དགེ།
Wylie Colophon(s)	First colophon: ces pa rta mchog rol pa'i gsol mchod shin tu bsdus pa 'di ni mi pham pas so Second colophon: mi pham pas so Third colophon: mi pham pas so Fourth colophon: rnam rgyal chu sbrul zla ba bdun pa'i tshes bcu bzhi la 'jam dpal dgyes pas bris pa mang+ga laM Fifth colophon: ces pa'ang sngags btsun pad+ma bstan 'dzin gyis bris pa dge
Notes	Front left-side note: bka' srung Back left-side note: gter mdzod sangs gling bla dgongs skong chog
Links	No TBRC link // No THL link

< Previous Text

Next Text >

[edit]

ཧཱུྃ། ཆོས་ཉིད་ཞི་བའི་ངང་ལས་མ་གཡོས་ཀྱང་། །ཐུགས་རྗེ་ཁྲོས་པས་དགྲ་བགེགས་འཇོམས་མཛད་པ། ཁྲོ་མཆོག་དབང་གི་རྒྱལ་པོ་རྟ་མགྲིན་དཔལ། །གསོལ་ལོ་མཆོད་དོ་བཅོལ་པའི་ཕྲིན་ལས་མཛོད། །ཅེས་པ་རྟ་མཆོག་རོལ་པའི་གསོལ་མཆོད་ཤིན་ཏུ་བསྡུས་པ་འདི་ནི་མི་ཕམ་པས་སོ།། ཧཱུྃ། རིག་འཛིན་པདྨའི་བཀའ་ཉན་བརྒྱུད་འཛིན་སྐྱོང་། །ཤ་ཟ་མཁའ་འགྲོའི་དབང་ཕྱུག་ཁ་མོ་ཆེ། །རྫུ་འཕྲུལ་མཐུ་ལྡན་འཁོར་དང་སྤྲུལ་པར་བཅས། །གསོལ་ལོ་མཆོད་དོ་བཅོལ་བའི་ཕྲིན་ལས་མཛོད། །མི་ཕམ་པས་སོ།། ཧཱུྃ། ཕྱི་ལྟར་ཀླུ་བཙན་ནང་ལྟར་རཱ་ཙའི་ཚུལ། །གསང་བ་གནོད་སྦྱིན་ནོར་བདག་ཚུལ་སྟོན་པ། །འབར་བ་སྤུན་བདུན་སྤྲུལ་འཁོར་ཕོ་ཉར་བཅས། །གསོལ་ལོ་མཆོད་དོ་བཅོལ་བའི་ཕྲིན་ལས་མཛོད། །མི་ཕམ་པས་སོ།། ཀླུ་བཙན་འབར་བ་སྤུན་བདུན་གྱི་གསོལ་བྱང་བཞུགས་སོ། །ཧྲཱིཿ ལྗོན་ཤིང་བྲག་རིའི་གཏམས་པའི་ཕོ་བྲང་ན། །སངས་རྒྱས་བསྟན་པ་སྲུང་བའི་མཐུ་རྩལ་ཅན། །བཙན་རྒོད་འབར་བ་མ་རུངས་མཆེད་སྡེ་བདུན། །ཕྱི་ལྟར་ཀླུ་བཙན་དྲག་པོ་ཀུན་དུ་རྒྱུ། །ནང་ལྟར་རཱ་ཙ་དགེ་བསྙེན་ཚུལ་དུ་སྟོན། །གསང་བ་ནོར་བདག་གནོད་སྦྱིན་ཆ་ལུགས་ཅན། །སྣ་ཚོགས་རྫུ་འཕྲུལ་འདོད་དགུའི་རོལ་པ་ཡིས། །དམ་ལྡན་སྒྲུབ་པ་པོ་ཡི་གྲོགས་མཛད་པ། །རིག་འཛིན་པདྨའི་བཀའ་ཉན་གཏེར་གྱི་བདག །མ་ལུས་འཁོར་དང་བཅས་པ་འདིར་བྱོན་ལ། །དམ་རྫས་བདུད་རྩིའི་གཏོར་མ་འདི་བཞེས་ནས། །རྣལ་འབྱོར་བདག་གིས་བཅོལ་བའི་ཕྲིན་ལས་མཛོད། །ཨོཾ་ནཱ་ག་ཙནྟྲི་ཙ་ར་ར་ཏྲི་ཀིང་ཀ་ར་ཡཀྴ་ཡཀྴ་སརྦ་ས་མ་ཡ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། རྣམ་རྒྱལ་ཆུ་སྦྲུལ་ཟླ་བ་བདུན་པའི་ཚེས་བཅུ་བཞི་ལ་འཇམ་དཔལ་དགྱེས་པས་བྲིས་པ་མངྒ་ལཾ།། །། ཧྲཱིཿ སྟོང་ཉིད་སྤྲོས་བྲལ་ཆོས་དབྱིངས་དག་པ་ལས། །རིག་པ་ཡེ་ཤེས་ཕྱག་རྒྱའི་སྐུར་གསལ་བའི། །ཤེས་རབ་རང་སྣང་ཁྲོ་རྒྱལ་རྟ་མཆོག་དཔལ། །ཡབ་ཡུམ་སྲས་དང་སྡེ་བརྒྱད་སྤྲུལ་འཁོར་བཅས། །འབར་བ་སྤུན་བདུན་ཤ་ཟ་ཁ་མོ་ཆེ། །དགོངས་འདུས་གཉན་པོའི་བཀའ་སྲུང་འཁོར་དང་བཅས། །འདིར་གཤེགས་ཕྱི་ནང་ཉེར་སྤྱོད་སྨན་རཀ་གཏོར། །དགྲ་བགེགས་བསྒྲལ་པའི་ཤ་རུས་དོན་སྙིང་སོགས། །ཟག་མེད་འདོད་ཡོན་བདུད་རྩིའི་སྤྲིན་ཆེན་པོ། །གུས་པས་འབུལ་བཞེས་མཆོག་ཐུན་དངོས་གྲུབ་སྩོལ། །ཡང་ཟབ་སྙིང་པོའི་བསྟན་པ་དར་བ་དང་། །བསྟན་འཛིན་ཞབས་བརྟན་རྒྱལ་ཁམས་བདེ་ཞིང་སྐྱིད། །བར་ཆད་ཀུན་སེལ་བསམ་དོན་ཡིད་བཞིན་འགྲུབ། །བྱང་ཆུབ་བར་དུ་སྲུང་སྐྱོབ་སྡོང་གྲོགས་མཛོད། །ཅེས་པའང་སྔགས་བཙུན་པདྨ་བསྟན་འཛིན་གྱིས་བྲིས་པ་དགེ། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).