Semantic search
From Rinchen Terdzö
Text | Colophontib | Colophonwylie |
---|---|---|
Terdzo-YA-012 | ཅེས་བརྒྱུད་པ་སྔ་མ་རྣམས་ཀྱི་ཕྱག་བཞེས་བཞིན་ཀུན་མཁྱེན་བླ་མ་རྡོ་རྗེ་འཆང་གིས་ཇི་ལྟར་བསྩལ་པ་གཞིར་བྱས་ཏེ་ལག་ལེན་རྣམ་པར་གསལ་བའི་སླད་དུ་པདྨ་གར་དབང་བློ་གྲོས་མཐའ་ཡས་ཀྱིས་ཙ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པ་དགེ་ལེགས་འཕེལ་ | ces brgyud pa snga ma rnams kyi phyag bzhes bzhin kun mkhyen bla ma rdo rje 'chang gis ji ltar bstsal pa gzhir byas te lag len rnam par gsal ba'i slad du pad+ma gar dbang blo gros mtha' yas kyis tsa 'dra rin chen brag gi sgrub gnas su bgyis pa dge legs 'phel |
Terdzo-YA-013 | ཅེས་པའང་ཐུགས་ཆེན་རྩ་གསུམ་སྙིང་ཐིག་གི་དབང་ཆོག་སྔར་བཀོད་པའི་ཆ་ལག་ཏུ་བློ་གྲོས་མཐའ་ཡས་ཀྱིས་བཀོད་པ་དགེ་ལེགས་འཕེལ་ | ces pa'ang thugs chen rtsa gsum snying thig gi dbang chog sngar bkod pa'i cha lag tu blo gros mtha' yas kyis bkod pa dge legs 'phel |
Terdzo-YA-014 | དེ་ལྟར་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་སྒྲུབ་ཐབས་ཆོག་ཁྲིགས་ཟབ་ལམ་གསལ་བའི་ཉིན་བྱེད་ཅེས་བྱ་བ་འདི་ནི་ཨོ་རྒྱན་སྨིན་གྲོལ་གླིང་པའི་ཕྱག་བཞེས་ཇི་ལྟ་བ་བཞིན་དཀྱུས་གཅིག་ཏུ་བཀོད་པ་འདིས་ཀྱང་སྔ་འགྱུར་བསྟན་པའི་ཉི་མ་ཆེས་ཆེར་གསལ་བའི་རྒྱུར་གྱུར་ཅིག །མངྒ་ལཾ།། | de ltar thugs rje chen po bde gshegs kun 'dus kyi sgrub thabs chog khrigs zab lam gsal ba'i nyin byed ces bya ba 'di ni o rgyan smin grol gling pa'i phyag bzhes ji lta ba bzhin dkyus gcig tu bkod pa 'dis kyang snga 'gyur bstan pa'i nyi ma ches cher gsal ba'i rgyur gyur cig_/mang+ga laM |
Terdzo-YA-015 | ཅེས་པ་ཨོ་རྒྱན་རྣམ་གྲོལ་གྱིས། །ཉམས་ལེན་ཁྱེར་བདེར་བསྐུལ་བ་ལས། །འགྱུར་མེད་རྡོ་རྗེས་བྲིས་པ་སྟེ། །ཟབ་ལམ་སྙིང་པོར་དྲིལ་བ་འོ།། | ces pa o rgyan rnam grol gyis/_/nyams len khyer bder bskul ba las/_/'gyur med rdo rjes bris pa ste/_/zab lam snying por dril ba 'o |
Terdzo-YA-016 | དེ་ལྟར་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་ཆོ་ག་དང་འབྲེལ་བར་སྲུང་མ་སྤྱི་དང་བྱེ་བྲག་གི་མཆོད་གཏོར་འབུལ་བའི་ངག་འདོན་གྱི་རིམ་པ་འདི་ནི་ཨོ་རྒྱན་སྨིན་གྲོལ་གླིང་པའི་ཕྱག་བཞེས་ཇི་ལྟ་བ་བཞིན་དཀྱུས་སུ་བྲིས་པའོ། །དགེ་ཞིང་བཀྲ་ཤིས་ | de ltar thugs rje chen po bde gshegs kun 'dus kyi cho ga dang 'brel bar srung ma spyi dang bye brag gi mchod gtor 'bul ba'i ngag 'don gyi rim pa 'di ni o rgyan smin grol gling pa'i phyag bzhes ji lta ba bzhin dkyus su bris pa'o/_/dge zhing bkra shis |
Terdzo-YA-017 | ཅེས་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་གནས་ལུང་ཆོ་གའི་ངག་འདོན་ཐར་ལམ་སྣང་བྱེད་ཅེས་བྱ་བ་འདི་ནི་དགེ་སློང་སྤོང་བ་པ་ངག་དབང་བཟང་པོའི་གསུང་གིས་རིང་མོ་ནས་བསྐུལ་བ་དང་། ཁྱད་པར་བསྟན་པའི་གསལ་བྱེད་ངག་དབང་མཆོག་གི་སྤྲུལ་པའི་སྐུ་ངག་དབང་བསྟན་འཛིན་ལྷུན་གྲུབ་ཀྱི་ཞལ་སྔ་ནས་བཀའ་ལུང་ནན་ཅན་སྤྱི་བོར་ཕེབས་པ་ལྟར། རྒྱལ་ཀུན་སྤྱི་གཟུགས་གཏེར་ཆེན་བླ་མའི་བཀའ་དྲིན་གྱིས་འཚོ་བའི་གཉོས་བཙུན་རྒན་པོ་དྷརྨ་ཤྲཱིས་མདོ་ཁམས་སའི་ཐིག་ལེ་དཔལ་ཆབ་མདོའི་བྱམས་པ་གླིང་གི་བླ་བྲང་འཕགས་མཆོག་མིག་མི་འཛུམ་གྱི་ཕོ་བྲང་དུ་སྦྱར་བ་དགེ་ལེགས་སུ་གྱུར་ཅིག | ces thugs rje chen po bde gshegs kun 'dus kyi gnas lung cho ga'i ngag 'don thar lam snang byed ces bya ba 'di ni dge slong spong ba pa ngag dbang bzang po'i gsung gis ring mo nas bskul ba dang /_khyad par bstan pa'i gsal byed ngag dbang mchog gi sprul pa'i sku ngag dbang bstan 'dzin lhun grub kyi zhal snga nas bka' lung nan can spyi bor phebs pa ltar/_rgyal kun spyi gzugs gter chen bla ma'i bka' drin gyis 'tsho ba'i gnyos btsun rgan po d+harma shrIs mdo khams sa'i thig le dpal chab mdo'i byams pa gling gi bla brang 'phags mchog mig mi 'dzum gyi pho brang du sbyar ba dge legs su gyur cig |
Terdzo-YA-018 | ཞེས་པ་མཆོག་སྤྲུལ་བླ་མ་ཆོས་ཀྱི་བདག །ལམ་འདི་སྒྲུབ་ལ་རྩེ་གཅིག་འཇུག་དགོངས་ཚེ། །གསུང་གིས་བསྐུལ་ངོར་བཛྲ་ཨཀྵ་རས། །སྦྱར་བའི་ཡིག་མཁན་བློ་གསལ་རྒྱ་མཚོ་འོ་ | zhes pa mchog sprul bla ma chos kyi bdag_/lam 'di sgrub la rtse gcig 'jug dgongs tshe/_/gsung gis bskul ngor badz+ra ak+Sha ras/_/sbyar ba'i yig mkhan blo gsal rgya mtsho 'o |
Terdzo-YA-019 | ཅེས་པ་འདིའང་རྩ་བའི་བླ་མ་དམ་པ་གཅིག་གིས་བསྡུས་པའི་རྡོ་རྗེའི་མཆེད་པོ་ཧོར་བླ་མ་དགེ་སློང་བསྟན་འཛིན་འགྱུར་མེད་ཀྱིས་བསྐུལ་ངོར་གཉོས་བཙུན་རྨོངས་པ་དྷརྨ་ཤྲཱིས་སྦྱར་བའི་ཡི་གེ་པ་ཉེ་བར་གནས་པ་དགེ་སློང་ཨཱ་ནནྟ་མ་ཏིས་བགྱིས་པ་སྟེ། རྩ་བའི་དབང་ཚིག་དང། ལྷན་ཐབས་ཀྱི་མཚམས་སྦྱོར་ཧོར་ཁོངས་སུ་སྨོས་པ་རྣམས་འདི་ཁོ་ན་ལྟར་ལས་ཁ་བསྐངས་ཏེ་བཀླག་ཆོག་མར་དཀྱུས་སུ་འབྲི་བར་མི་བྱའོ། །འདིས་ཀྱང་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག་ | ces pa 'di'ang rtsa ba'i bla ma dam pa gcig gis bsdus pa'i rdo rje'i mched po hor bla ma dge slong bstan 'dzin 'gyur med kyis bskul ngor gnyos btsun rmongs pa d+harma shrIs sbyar ba'i yi ge pa nye bar gnas pa dge slong A nan+ta ma tis bgyis pa ste/_rtsa ba'i dbang tshig dang/_lhan thabs kyi mtshams sbyor hor khongs su smos pa rnams 'di kho na ltar las kha bskangs te bklag chog mar dkyus su 'bri bar mi bya'o/_/'dis kyang bstan pa dang sems can la phan pa rgya chen po 'byung bar gyur cig |
Terdzo-YA-020 | ཅེས་གཏེར་གསར་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་སྤྲོས་མེད་མཆོག་དབང་རྣམ་གསུམ་སྐུར་ཐབས་ཀྱི་གསལ་བྱེད་ལྷན་ཐབས་བཀླག་ཆོག་ནག་འགྲོས་སུ་བཀོད་པ་ངོ་མཚར་སྒྲོན་མེ་ཞེས་བྱ་བ་འདི་ནི། མདོ་ཁམས་ཞེ་ཆེན་དགོན་གྱི་མཆོག་སྤྲུལ་པདྨ་གསང་སྔགས་བསྟན་འཛིན་ཆོས་རྒྱལ་གྱི་དགོངས་པ་བསྐང་ཕྱིར་དུ་རྨོངས་བརྟུལ་ཨོ་ཌི་ཡཱ་ན་ཤཱ་ས་ན་དྷ་ར་བཛྲ་གྱིས་བླ་མ་གོང་མ་རྣམས་ཀྱི་གསུང་རྒྱུན་བཞིན་བྲིས་པའོ། །སརྦ་དཱ་མངྒ་ལཾ་ | ces gter gsar thugs rje chen po bde gshegs kun 'dus kyi spros med mchog dbang rnam gsum skur thabs kyi gsal byed lhan thabs bklag chog nag 'gros su bkod pa ngo mtshar sgron me zhes bya ba 'di ni/_mdo khams zhe chen dgon gyi mchog sprul pad+ma gsang sngags bstan 'dzin chos rgyal gyi dgongs pa bskang phyir du rmongs brtul o Di yA na shA sa na d+ha ra badz+ra gyis bla ma gong ma rnams kyi gsung rgyun bzhin bris pa'o/_/sarba dA mang+ga laM |
Terdzo-YA-021 | ཅེས་ཟབ་ལམ་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་སྙིང་པོ་དོན་གྱི་གཏོར་དབང་བསྐུར་བའི་གསལ་བྱེད་ལག་ལེན་བདུད་རྩིའི་ཉིང་ཁུ་འདི་ཉིད། མདོ་ཁམས་ཞེ་ཆེན་དགོན་གྱི་མཆོག་སྤྲུལ་པདྨ་གསང་སྔགས་བསྟན་འཛིན་ཆོས་རྒྱལ་གྱི་བཀས་བསྐུལ་མ་གནང་བ་ལྟར་བཀླག་ཆོག་ནག་འགྲོས་སུ་བྱས་པ་འདི་ཡང་རྨོངས་རྟུལ་ཨོ་ཌཱི་ཡཱ་ནས་སུག་ལས་སུ་བསྟར་བའོ་ | ces zab lam thugs rje chen po bde gshegs kun 'dus kyi snying po don gyi gtor dbang bskur ba'i gsal byed lag len bdud rtsi'i nying khu 'di nyid/_mdo khams zhe chen dgon gyi mchog sprul pad+ma gsang sngags bstan 'dzin chos rgyal gyi bkas bskul ma gnang ba ltar bklag chog nag 'gros su byas pa 'di yang rmongs rtul o DI yA nas sug las su bstar ba'o |
Terdzo-YA-022 | དེ་དག་ནི་སྤྱིའི་སྔོན་འགྲོའོ། །བདེ་གཤེགས་ཀུན་འདུས་ཟབ་ལམ་གྱི། །སྒོ་འབྱེད་སྔོན་འགྲོའི་ཟིན་ཐུན་འདི། །དྷརྨ་ཤྲཱིས་སྤེལ་བའི་དགེས། །འགྲོ་ཀུན་ལམ་འདིའི་སྣོད་རུང་ཤོག་ | de dag ni spyi'i sngon 'gro'o/_/bde gshegs kun 'dus zab lam gyi/_/sgo 'byed sngon 'gro'i zin thun 'di/_/d+harma shrIs spel ba'i dges/_/'gro kun lam 'di'i snod rung shog |
Terdzo-YA-023 | རྒྱལ་ཀུན་འདུས་ཞལ་པདྨཱ་ཀ་ར་ཡི། །ཐུགས་བཅུད་ཟབ་པ་ལས་ཀྱང་ཆེས་ཟབ་པ། །རྡོ་རྗེ་འཆང་དབང་བླ་མའི་ཞལ་ལུང་ལས། །འཐུངས་འདི་སྐལ་བཟང་ལས་ཀྱང་ཆེས་སྐལ་བཟང་། །དེ་ལྟར་བསམས་ནས་གོ་རྟོགས་ཉམས་མྱོང་གིས། །དབེན་ཀྱང་རང་བློ་མོས་པའི་བརྗེད་བྱང་དང་། ཁྱད་པར་གསུང་རབ་རྒྱ་མཚོའི་མཐར་བརྒལ་ནས། །མཆོག་ཏུ་ཟབ་པའི་དེ་ཉིད་ལེགས་གཟིགས་པ། །རྣལ་འབྱོར་དབང་ཕྱུག་ལྷ་བཙུན་ཀུན་སྤངས་ཆེའི། །གསུང་གིས་ཡང་ཡང་བསྐུལ་ཞིང་རང་གི་གཅུང་། །བློ་གྲོས་ནོར་ལྡན་ཀུན་དགའ་ཚུལ་ཁྲིམས་ཀྱིས། །འཕྲལ་དུ་གྲུབ་ན་རུང་ཞེས་མཚམས་སྦྱར་བར། །བརྟེན་ནས་བན་ཆུང་དྷརྨ་ཤྲཱི་ཡིས། །ཉེ་བའི་འདུ་བ་འབྱུང་པོའི་ཉི་མ་ལ། །ཚར་བར་དཔལ་ལྡན་བླ་མའི་གསུང་ཇི་བཞིན། །ཞིབ་མོར་སྤེལ་འདིར་བཀའ་སྲུང་མཁའ་འགྲོའི་ཚོགས། །མ་མཉེས་སྲིད་ན་བཟོད་མཛད་རྗེས་བཟུང་གསོལ། །དགེ་འདིས་ལུས་བསྐྱེད་མ་ཡིས་ཐོག་དྲངས་ནས། །འགྲོ་བ་ཀུན་གྱིས་ལྷན་སྐྱེས་ཟབ་མོའི་དོན། །དྲི་མེད་མངོན་སུམ་མྱུར་དུ་རྟོགས་པར་ཤོག །ཆུ་མོ་བྱ་ལོ་སྟོན་ཟླ་ཐ་ཆུང་ལ་སྨིན་གྲོལ་གླིང་གི་ཆོས་གྲྭར་ཟིན་རིས་སུ་བྲིས་པ་ཕྱོགས་དུས་ཀུན་ཏུ་ཟབ་ལམ་གྱི་བསྟན་པ་དར་ཞིང་རྒྱས་པར་གྱུར་ཅིག །ཤུ་བྷ་མསྟུ་སརྦ་ཛ་ག་ཏཾ།། །།འདི་ཉིད་རང་གི་རྗེས་སུ་འབྲང་བ་མཐའ་དག་གི་རེ་ལྟོས་ཀྱི་རྟེན་ས་གཅིག་པུར་ལུང་གིས་ཟིན་ཅིང་ཆོས་ཀྱི་བདག་པོར་གྲུབ་པ་གཅུང་ལོ་ཙཱ་བ་ཆེན་པོས་ཞལ་ཤེས་ཁ་ཅིག་མ་གཏོགས་སྦས་དོན་སྙན་བརྒྱུད་བཀླག་ཆོག་མ་ཉིད་དུ་བཀོད་པར། ངེད་རང་ནས་ཀྱང་རྗེས་སུ་བསྐུལ་བ་བཞིན་དུ་གསལ་བར་བྲིས་པ་ཡིན་པས་ཁྲིད་མ་ཐོབ་པར་ལུང་འབོགས་དཔེ་སྒྲོག་ཧོལ་སྤྱོད་བྱེད་པ་བྱུང་ན་བཀའ་སྲུང་ལྷ་ཆེན་ལྕམ་དྲལ་གྱིས་སྙིང་ཁྲག་རོལ་ཅིག་ཅེས་རིག་པ་འཛིན་པ་འགྱུར་མེད་རྡོ་རྗེས་ལུང་སྦྱིན་པ་ཡིན་ནོ།། | rgyal kun 'dus zhal pad+mA ka ra yi/_/thugs bcud zab pa las kyang ches zab pa/_/rdo rje 'chang dbang bla ma'i zhal lung las/_/'thungs 'di skal bzang las kyang ches skal bzang /_/de ltar bsams nas go rtogs nyams myong gis/_/dben kyang rang blo mos pa'i brjed byang dang /_khyad par gsung rab rgya mtsho'i mthar brgal nas/_/mchog tu zab pa'i de nyid legs gzigs pa/_/rnal 'byor dbang phyug lha btsun kun spangs che'i/_/gsung gis yang yang bskul zhing rang gi gcung /_/blo gros nor ldan kun dga' tshul khrims kyis/_/'phral du grub na rung zhes mtshams sbyar bar/_/brten nas ban chung d+harma shrI yis/_/nye ba'i 'du ba 'byung po'i nyi ma la/_/tshar bar dpal ldan bla ma'i gsung ji bzhin/_/zhib mor spel 'dir bka' srung mkha' 'gro'i tshogs/_/ma mnyes srid na bzod mdzad rjes bzung gsol/_/dge 'dis lus bskyed ma yis thog drangs nas/_/'gro ba kun gyis lhan skyes zab mo'i don/_/dri med mngon sum myur du rtogs par shog_/chu mo bya lo ston zla tha chung la smin grol gling gi chos grwar zin ris su bris pa phyogs dus kun tu zab lam gyi bstan pa dar zhing rgyas par gyur cig_/shu b+ha mastu sarba dza ga taM//_//'di nyid rang gi rjes su 'brang ba mtha' dag gi re ltos kyi rten sa gcig pur lung gis zin cing chos kyi bdag por grub pa gcung lo tsA ba chen pos zhal shes kha cig ma gtogs sbas don snyan brgyud bklag chog ma nyid du bkod par/_nged rang nas kyang rjes su bskul ba bzhin du gsal bar bris pa yin pas khrid ma thob par lung 'bogs dpe sgrog hol spyod byed pa byung na bka' srung lha chen lcam dral gyis snying khrag rol cig ces rig pa 'dzin pa 'gyur med rdo rjes lung sbyin pa yin no// |
Terdzo-YA-024 |
|
|
Terdzo-YA-025 | ཅེས་པ་འདི་ནི་སྤྲུལ་སྐུ་རིན་པོ་ཆེ་འགྱུར་མེད་པདྨ་མཆོག་གྲུབ་ཀྱིས་བསྐུལ་བའི་ངོར་མི་འགྱུར་དཔལ་སྒྲོན་གྱིས་གང་ཤར་དུ་བགྱིས་པའོ་ | ces pa 'di ni sprul sku rin po che 'gyur med pad+ma mchog grub kyis bskul ba'i ngor mi 'gyur dpal sgron gyis gang shar du bgyis pa'o |
Terdzo-YA-026 | ཟབ་ལམ་བདེ་གཤེགས་ཀུན་འདུས་ལས་པདྨ་གར་དབང་ཚེ་དཔག་ཏུ་མེད་པ་ཕྱི་ལྟར་སྒྲུབ་པ་ཚེ་དབང་དང་བཅས་པ་བདུད་རྩིའི་ཆར་འབེབ་ཅེས་བྱ་བ་འདི་ནི། འཇམ་མགོན་ས་སྐྱ་པ་བདག་ཆེན་ངག་གི་དབང་ཕྱུག་ཀུན་དགའ་བཀྲ་ཤིས་ཀྱི་བཀས་བསྐུལ་བ་དང་གསང་བའི་བདག་པོ་རྒྱལ་ཚབ་དྲུག་པའི་བཀས་རིང་མོ་ནས་བསྐུལ་བའི་དགོངས་པ་རྗེས་སུ་བསྒྲུབ་པའི་ཆེད་དུ། ཉེ་ཆར་གང་གི་ཕྲིན་ལས་པ་བློ་གྲོས་དབྱངས་ཅན་བཟང་པོའི་གསུང་གིས་བསྐུལ་བ་ལས་སྙོམ་ལས་པ་འགྱུར་མེད་རྡོ་རྗེས་ཡི་གེར་སྤེལ་བའོ། །སརྦ་མངྒ་ལཾ་ | zab lam bde gshegs kun 'dus las pad+ma gar dbang tshe dpag tu med pa phyi ltar sgrub pa tshe dbang dang bcas pa bdud rtsi'i char 'beb ces bya ba 'di ni/_'jam mgon sa skya pa bdag chen ngag gi dbang phyug kun dga' bkra shis kyi bkas bskul ba dang gsang ba'i bdag po rgyal tshab drug pa'i bkas ring mo nas bskul ba'i dgongs pa rjes su bsgrub pa'i ched du/_nye char gang gi phrin las pa blo gros dbyangs can bzang po'i gsung gis bskul ba las snyom las pa 'gyur med rdo rjes yi ger spel ba'o/_/sarba mang+ga laM |
Terdzo-YA-027 | པདྨ་གར་དབང་ཚེའི་སྒྲུབ་པའི་ལས་ཚོགས་ཕྱི་ལྟར་འཆི་བ་བསླུ་བའི་ཆོ་ག་འདི་ནི་གཏེར་གཞུང་གི་དགོངས་པ་ཇི་ལྟ་བ་བཞིན་གནས་སྐབས་ཉེ་བར་མཁོ་བ་ལ་འཇུག་པ་བདེ་བའི་ཆེད་དུ་བཀླག་ཆོག་ཏུ་བཀོད་པ་སྟེ་སྙོམ་ལས་པ་འགྱུར་མེད་རྡོ་རྗེས་སོ། །སརྦ་དཱ་མངྒ་ལཾ་ | pad+ma gar dbang tshe'i sgrub pa'i las tshogs phyi ltar 'chi ba bslu ba'i cho ga 'di ni gter gzhung gi dgongs pa ji lta ba bzhin gnas skabs nye bar mkho ba la 'jug pa bde ba'i ched du bklag chog tu bkod pa ste snyom las pa 'gyur med rdo rjes so/_/sarba dA mang+ga laM |
Terdzo-YA-028 | ||
Terdzo-YA-029 | ཅེས་སྐལ་ལྡན་ཀུན་བཟང་ཏིང་འཛིན་གྱིས་བསྐུལ་བ་དོན་ཡོད་པའི་ཕྱིར། སྒྱུ་འཕྲུལ་རྡོ་རྗེ་ཀློང་གསལ་སྙིང་པོས་ཤར་ཤིང་སྒོ་གངས་ཀྱི་ར་བར་སྦྱར་བའོ། །མངྒ་ལཾ་ | ces skal ldan kun bzang ting 'dzin gyis bskul ba don yod pa'i phyir/_sgyu 'phrul rdo rje klong gsal snying pos shar shing sgo gangs kyi ra bar sbyar ba'o/_/mang+ga laM |
Terdzo-YA-030 | ཞེས་ཤར་ཤིང་སྒོ་གངས་ཀྱི་ར་བའི་གསང་བ་བྲག་གི་ཐེམ་བར་ནས་པདྨ་གར་གྱི་དབང་ཕྱུག་གིས་སྤྱན་དྲངས་པ་ཀཿཐོག་རྡོ་རྗེའི་གདན་གྱི་གཙུག་ལག་ཁང་དུ་དག་པར་ཕབ་པའི་ཡི་གེའི་བརྩོན་པ་པདྨ་ཀུན་བཟང་སྟོབས་ཆེན་གྱིས་བྱས་སོ། །དགེའོ།། | zhes shar shing sgo gangs kyi ra ba'i gsang ba brag gi them bar nas pad+ma gar gyi dbang phyug gis spyan drangs pa kaHthog rdo rje'i gdan gyi gtsug lag khang du dag par phab pa'i yi ge'i brtson pa pad+ma kun bzang stobs chen gyis byas so/_/dge'o |
Terdzo-YA-031 | ཅེས་པའང་རྒྱལ་དབང་པདྨའི་རིག་སྔགས་འཛིན་པ་པདྨ་གར་དབང་ཕྲིན་ལས་འགྲོ་འདུལ་རྩལ་གྱིས་ཤྲཱི་དེ་བཱི་ཀོ་ཊིའི་དབེན་ཁྲོད་དུ་བགྱིས་པ་དགེ་ལེགས་འཕེལ | ces pa'ang rgyal dbang pad+ma'i rig sngags 'dzin pa pad+ma gar dbang phrin las 'gro 'dul rtsal gyis shrI de bI ko Ti'i dben khrod du bgyis pa dge legs 'phel |
Terdzo-YA-032 | ཅེས་པའང་གཏེར་གཞུང་རྡོ་རྗེའི་ཚིག་དང་། རྗེ་བཙུན་བླ་མ་དམ་པ་རྣམས་ཀྱིས་མཛད་པའི་མཚམས་སྦྱོར་ལས་འཇུག་བདེ་སྙིང་པོར་དྲིལ་བའི་ལེའུ་ཚན་ནོ། །དགེ་ལེགས་འཕེལ།། །།ཛ་ཀ་སྤྲུལ་སྐུའི་གསུང་ངོ་ | ces pa'ang gter gzhung rdo rje'i tshig dang /_rje btsun bla ma dam pa rnams kyis mdzad pa'i mtshams sbyor las 'jug bde snying por dril ba'i le'u tshan no/_/dge legs 'phel//__//dza ka sprul sku'i gsung ngo |
Terdzo-YA-033 |
|
|
Terdzo-YA-034 | སྟག་ཤམ་པའི་གཏེར་མ་ཡང་དག་པའོ | stag sham pa'i gter ma yang dag pa'o |
Terdzo-YA-035 | བདག་སྟག་ཤམ་པས་ཆུ་ལུག་ལ་འདོང་ཆུ་ནས་གདན་དྲངས་པའོ། །མངྒ་ལཾ | bdag stag sham pas chu lug la 'dong chu nas gdan drangs pa'o/_/mang+ga laM |
Terdzo-YA-036 | བདག་སྟག་ཤམ་པས་འདོང་ཆུའི་གཙུག་ལག་ཁང་ནས་གདན་དྲངས་པའོ། །མངྒ་ལཾ།། | bdag stag sham pas 'dong chu'i gtsug lag khang nas gdan drangs pa'o/_/mang+ga laM |
Terdzo-YA-037 | འདི་ལ་བརྒྱུད་པ་གོང་མས་མཛད་པའི་ལག་ལེན་ཡིག་ཆ་ཁ་གསལ་སྟབས་བདེ་མ་བཞུགས་ཤིང་། གཏེར་གཞུང་ཉིད་སྤྱི་ཁོག་རྒྱ་ཆེ་ལ་ལག་ལེན་ཁ་འཕང་མང་བས་འདིར་དབང་རྒྱུན་ཙམ་ལ་ཕྱག་ལེན་ཁྱེར་བདེར་དམིགས་ནས། པདྨ་གར་དབང་བློ་གྲོས་མཐའ་ཡས་པའི་སྡེས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བགྱིས་པ་དགེ་ལེགས་འཕེལ | 'di la brgyud pa gong mas mdzad pa'i lag len yig cha kha gsal stabs bde ma bzhugs shing /_gter gzhung nyid spyi khog rgya che la lag len kha 'phang mang bas 'dir dbang rgyun tsam la phyag len khyer bder dmigs nas/_pad+ma gar dbang blo gros mtha' yas pa'i sdes rdzong shod bde gshegs 'dus pa'i pho brang chen por bgyis pa dge legs 'phel |
Terdzo-YA-038 | ཅེས་འཕགས་པ་ཐུགས་རྗེ་ཆེན་པོ་ཡིད་བཞིན་འོད་མཆོག་སའི་སྙིང་པོའི་ཕྱི་ནང་གི་ཕྲིན་ལས་ཁྲིགས་ཆགས་སུ་བསྡེབས་པ་འདི་ཉིད་ཟབ་ཆོས་འདི་ཉིད་ཀྱི་གསང་མཛོད་འཛིན་པ་དྷརྨ་སྭཱ་མཱིའམ། གཞན་དུ་ན་འཛམ་གླིང་རྡོ་རྗེར་འབོད་པས་གཏེར་སྒྲུབ་ཀྱི་སྐབས་ཉམས་སུ་བླངས་བདེ་ཕྱིར་སྦས་ཡུལ་པདྨ་སྦས་པའི་ཚལ་གྱི་བྱེ་བྲག་ཐུབ་བསྟན་འོད་གསལ་གླིང་དུ་བྲིས་པས་འགྲོ་བ་ཐམས་ཅད་འཕགས་པ་ཐུགས་རྗེ་ཆེན་པོའི་གོ་འཕང་ལ་འགོད་པའི་རྒྱུར་གྱུར་ཅིག་ | ces 'phags pa thugs rje chen po yid bzhin 'od mchog sa'i snying po'i phyi nang gi phrin las khrigs chags su bsdebs pa 'di nyid zab chos 'di nyid kyi gsang mdzod 'dzin pa d+harma swA mI'am/_gzhan du na 'dzam gling rdo rjer 'bod pas gter sgrub kyi skabs nyams su blangs bde phyir sbas yul pad+ma sbas pa'i tshal gyi bye brag thub bstan 'od gsal gling du bris pas 'gro ba thams cad 'phags pa thugs rje chen po'i go 'phang la 'god pa'i rgyur gyur cig |
Terdzo-YA-039 | ཅེས་ཟབ་གཏེར་རིན་པོ་ཆེའི་མཛོད་དུ་འོས་པའི་དབྱིག་གི་ཁྱད་པར་རྣམས་བྱི་དོར་བྱ་བའི་ཞར་བྱུང་དུ་རང་གཞན་ཕོངས་པ་སེལ་བའི་ཆ་རྐྱེན་དུ་པདྨ་གར་དབང་བློ་གྲོས་མཐའ་ཡས་པའི་སྡེས་གཏེར་ཆེན་ཉིད་ཀྱི་གསུང་དང་གཏེར་གཞུང་གི་དགོངས་པ་གུང་བསྡེབས་ཏེ་ཙ་འདྲ་རིན་ཆེན་བྲག་གི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་བགྱིས་པ་དགེ་ལེགས་འཕེལ།། | ces zab gter rin po che'i mdzod du 'os pa'i dbyig gi khyad par rnams byi dor bya ba'i zhar byung du rang gzhan phongs pa sel ba'i cha rkyen du pad+ma gar dbang blo gros mtha' yas pa'i sdes gter chen nyid kyi gsung dang gter gzhung gi dgongs pa gung bsdebs te tsa 'dra rin chen brag gi sgrub gnas kun bzang bde chen 'od gsal gling du bgyis pa dge legs 'phel |
Terdzo-YAA-001 | ||
Terdzo-YAA-002 |
|
|
Terdzo-YI-001 |
|
|
Terdzo-YI-002 | ཞེས་པའང་ལག་ལེན་གྱི་ཞལ་ཤེས་ཕལ་ཆེར་གསལ་བར་བཀོད་པ་སྟེ། འགྲོ་ཀུན་བྱད་གདོན་གཏད་ཁྲམ་གྱི་གཡུལ་ལས་བི་ཛ་ཡནྟུ། མངྒ་ལཾ།། | zhes pa'ang lag len gyi zhal shes phal cher gsal bar bkod pa ste/_'gro kun byad gdon gtad khram gyi g.yul las bi dza yan+tu/_mang+ga laM |
Terdzo-YI-003 | ཞེས་མཁས་པ་ཟངས་གླིང་དབང་ཕྱུག་གི་གཏེར་གཞུང་ཉིད་གོང་དུ་སྨྲོས་ཤིང་སྤྱི་འགྲོའི་ཕྱག་ལེན་གྱི་མཐར་དཔང་གཟུག་མན་ས་སྐྱ་པ་ཀུན་བློས་གསར་རྩོམ་བགྱིས་པ་དགེ །ཡི་གེ་པ་ནི་གཞུང་ལུང་པ་འོ།། | zhes mkhas pa zangs gling dbang phyug gi gter gzhung nyid gong du smros shing spyi 'gro'i phyag len gyi mthar dpang gzug man sa skya pa kun blos gsar rtsom bgyis pa dge_/yi ge pa ni gzhung lung pa 'o |
Terdzo-YI-004 |
|
|
Terdzo-YI-005 | ||
Terdzo-YI-006 | ||
Terdzo-YI-007 |
|
|
Terdzo-YI-008 |
|
|
Terdzo-YI-009 | ཞེས་སློབ་དཔོན་པདྨ་སཾ་བྷཱ་བས་མངའ་བདག་རྒྱལ་པོའི་དོན་དུ་མཛད་ཅིང་། རྟ་ནག་གི་གུ་རུ་རྣོན་རྩེས་་་་༼པདྨ་བཀའ་ཐང་ལས། ཨ་ཡ་བོན་པོ་ལྷ་འབུམ་ཞེས་གསུངས་པ་དེའོ།་་་༽གཏེར་ནས་སྤྱན་དྲངས་པ་བཀླག་ཆོག་ཏུ་བྲིས་པའོ། །མངྒ་ལཾ།། | zhes slob dpon pad+ma saM b+hA bas mnga' bdag rgyal po'i don du mdzad cing /_rta nag gi gu ru rnon rtses (pad+ma bka' thang las/_a ya bon po lha 'bum zhes gsungs pa de'o/ )gter nas spyan drangs pa bklag chog tu bris pa'o/_/mang+ga laM//_ |
Terdzo-YI-010 | ཅེས་སྨྲ་ངན་མི་ཁ་སྲུང་ཟློག་ལས་ཀྱི་གཟེར་ཁ་ཆ་ཚང་ལ་ཁྱེར་བདེ་བ་འདི་ལྟ་བུ་གཏེར་ཁ་གཞན་དུ་དཀོན་པས་གཞུང་ནས་ཁོལ་ཕྱུངས་གསལ་བྱེད་ཀྱིས་བརྒྱན་ཏེ། པདྨ་གར་དབང་བློ་གྲོས་མཐའ་ཡས་པའི་སྡེས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བགྱིས་པ་དགེ་ལེགས་འཕེལ་ | ces smra ngan mi kha srung zlog las kyi gzer kha cha tshang la khyer bde ba 'di lta bu gter kha gzhan du dkon pas gzhung nas khol phyungs gsal byed kyis brgyan te/_pad+ma gar dbang blo gros mtha' yas pa'i sdes rdzong shod bde gshegs 'dus pa'i pho brang chen por bgyis pa dge legs 'phel |
Terdzo-YI-011 | ལྟས་ངན་ཟློག་པ་གུ་རུ་ཆོས་དབང་རིན་པོ་ཆེའི་ཕྱག་བཞེས་མ་ཟབ་བོ། | ltas ngan zlog pa gu ru chos dbang rin po che'i phyag bzhes ma zab bo |
Terdzo-YI-012 | ||
Terdzo-YI-013 | བདག་སྟག་ཤམ་པའི་གཏེར་མའོ། ཁམས་གསུམ་བཀྲ་ཤིས་པར་གྱུར་ཅིག །ལྟས་ངན་ཟློག་པ་ལ་ཁྱུང་ཟློག་འདི་ཤིན་ཏུ་ཟབ་ཅིང་གྲགས་ཆེའང་གཏོར་ཟློག་རྣམས་ཀྱི་ལས་མདེའུ་ཙམ་ལས། ཟུར་ཕྱུང་ཁ་གསལ་ཅན་དཀོན་ཅིང་། འདི་ནི་ཡི་དམ་གང་ལ་སྦྱར་ཀྱང་སོ་སོའི་གཏོར་ཟློག་སྔོན་དུ་འགྲོ་བས་འདི་ཚར་གྲངས་གསོག་པའམ། གཏོར་ཟློག་མ་བྱས་ཀྱང་འདི་ཁོ་ན་ཚོགས་ཐ་མའི་རྗེས་སུ་བསགས་ཅིང་ཆད་ཐོ་དང་འབྲེལ་བར་འཕང་བའི་ལས་ལ་འཇུག་པས་ཆོག་པར་སྣང་ངོ་། །མངྒ་ལཾ།། །། | bdag stag sham pa'i gter ma'o/_khams gsum bkra shis par gyur cig_/ltas ngan zlog pa la khyung zlog 'di shin tu zab cing grags che'ang gtor zlog rnams kyi las mde'u tsam las/_zur phyung kha gsal can dkon cing /_'di ni yi dam gang la sbyar kyang so so'i gtor zlog sngon du 'gro bas 'di tshar grangs gsog pa'am/_gtor zlog ma byas kyang 'di kho na tshogs tha ma'i rjes su bsags cing chad tho dang 'brel bar 'phang ba'i las la 'jug pas chog par snang ngo /_/mang+ga laM |
Terdzo-YI-014 |
|
|
Terdzo-YI-015 | ||
Terdzo-YI-016 |
|
|
Terdzo-YI-017 |
|
|
Terdzo-YI-018 | དུམ་པ་རྒྱ་སྟོན་ཞང་ཁྲོམ་ཟབ་གཏེར་ལུགས། །རླུང་སྒྲུབ་ཅེས་གྲགས་ཆེས་ཟབ་ནུས་ལྡན་ཡང་། །གབ་དཀྲུགས་དགོངས་དོན་འདི་ལྟར་མ་རྟོགས་པས། །སྒྲུབ་པའི་ཚུལ་ལ་ཕལ་ཆེར་རྨོངས་པར་མཐོང་། །འགའ་ཞིག་སྤྲོས་འདོད་གཞན་ནས་རྒྱས་བཀབ་སྟེ། །རྣམ་པར་གཡེངས་ལ་ངལ་བ་དོན་མེད་ཅིང་། །ལ་ལ་ཏིང་འཛིན་བྲལ་བའི་བཟླས་པ་དང་། །དམོད་ཚིག་ཙམ་གྱིས་སྒྲུབ་པ་བྱེད་པ་སོགས། །འཁྲུལ་པར་བྱེད་པའི་རིང་ལུགས་ཁོ་ནར་བས། །དེ་ཕྱིར་རིག་འཛིན་བརྒྱུད་པའི་བཀའ་སྲོལ་བཞིན། །ཚིགས་གཅད་ངག་འདོན་དམིགས་པ་བསྒོམ་བདེ་ཞིང་། །རྣམ་པ་གསལ་བས་རང་གཞན་སྤྲོ་བ་བསྐྱེད། །སྦྱོར་དངོས་རྗེས་ཚང་བྱིན་རླབས་ནུས་ལྡན་འདི། །དམ་ལྡན་སློབ་བུ་རྗེས་འཇུག་རྣམས་ཀྱི་དོན། །སྙིགས་དུས་སྔགས་ནག་མཐུ་ལྡན་དབ༵ང་པོ༵འི་སྡེ༵ས། །ལོ་པཎ་སྐྱེས་མཆོག་མང་པོས་བྱིན་བརླབས་གནས། །སོལ་ནག་ཐང་ཆེན་ཡུལ་གྱི་རི་བོའི་སྤོ། །བཙན་རྫོང་ཐོབ་རྒྱལ་ལྷ་རྩེར་ཡི་གེར་བཀོད། །བསྒྲུབས་ནས་གནོད་བྱེད་དགྲ་སྡེ་ཆམ་ལ་ཕབ། །བྱིན་རླབས་ནུས་ལྡན་ཉམས་སུ་མྱོང་བར་བྱས། །ཀུན་ལ་མ་སྟོན་བསྟན་པའི་བཙས་སུ་སྤེལ། །དགེའོ།། །། | dum pa rgya ston zhang khrom zab gter lugs/_/rlung sgrub ces grags ches zab nus ldan yang /_/gab dkrugs dgongs don 'di ltar ma rtogs pas/_/sgrub pa'i tshul la phal cher rmongs par mthong /_/'ga' zhig spros 'dod gzhan nas rgyas bkab ste/_/rnam par g.yengs la ngal ba don med cing /_/la la ting 'dzin bral ba'i bzlas pa dang /_/dmod tshig tsam gyis sgrub pa byed pa sogs/_/'khrul par byed pa'i ring lugs kho nar bas/_/de phyir rig 'dzin brgyud pa'i bka' srol bzhin/_/tshigs gcad ngag 'don dmigs pa bsgom bde zhing /_/rnam pa gsal bas rang gzhan spro ba bskyed/_/sbyor dngos rjes tshang byin rlabs nus ldan 'di/_/dam ldan slob bu rjes 'jug rnams kyi don/_/snyigs dus sngags nag mthu ldan dbang po'i sdes/_/lo paN skyes mchog mang pos byin brlabs gnas/_/sol nag thang chen yul gyi ri bo'i spo/_/btsan rdzong thob rgyal lha rtser yi ger bkod/_/bsgrubs nas gnod byed dgra sde cham la phab/_/byin rlabs nus ldan nyams su myong bar byas/_/kun la ma ston bstan pa'i btsas su spel/_/dge'o |
Terdzo-YI-019 | ||
Terdzo-YI-020 | ཞང་ཁྲོམ་ཟབ་གཏེར་ཀིང་ཀང་རླུང་སྒྲུབ་ཀྱི། །ངག་འདོན་གཞུང་དོན་གནད་འདྲིལ་བྱ་བའི་ཚུལ། །སྙན་བརྒྱུད་གཏེར་ཆེན་བླ་མའི་གསུང་གི་རྒྱུན། །ཇི་ལྟ་བ་བཞིན་ཡི་གེར་བཀོད་པ་འདི། །འཐད་ལེགས་རྣམ་བཀྲའི་སྤུ་སྡུག་མི་ལྡན་ཀྱང་། །ཐོས་སྒོམ་མན་ངག་འདབ་གཤོག་རྩལ་ལྡན་པས། །གྲུབ་བརྙེས་མཁའ་ལྡིང་དབང་པོའི་ཤུལ་རྗེས་སུ། །འཕུར་འདོད་གཉིས་སྐྱེས་བློ༵་གས༵ལ་རྒྱ༵་མཚོ༵་ཡིས། །མཁའ་སྤྱོད་འོག་མིན་པདྨ་འོད་ཀྱི་ཞིང་། །སྐྱེ་དགུའི་བསོད་ནམས་སྐལ་པ་ལྷུན་གྲུབ་པར། །སྣང་བ་སྤྲུལ་པའི་འཁོར་ལོ་འབྲས་ལྗོངས་ཀྱི། །སྣོད་བཅུད་ཕས་རྒོལ་སྲུང་བའི་མཚོན་ཆར་སྤེལ།། །། | zhang khrom zab gter king kang rlung sgrub kyi/_/ngag 'don gzhung don gnad 'dril bya ba'i tshul/_/snyan brgyud gter chen bla ma'i gsung gi rgyun/_/ji lta ba bzhin yi ger bkod pa 'di/_/'thad legs rnam bkra'i spu sdug mi ldan kyang /_/thos sgom man ngag 'dab gshog rtsal ldan pas/_/grub brnyes mkha' lding dbang po'i shul rjes su/_/'phur 'dod gnyis skyes blo gsal rgya mtsho yis/_/mkha' spyod 'og min pad+ma 'od kyi zhing /_/skye dgu'i bsod nams skal pa lhun grub par/_/snang ba sprul pa'i 'khor lo 'bras ljongs kyi/_/snod bcud phas rgol srung ba'i mtshon char spel |