Terdzo-YI-012








Terdzo-YI-012.pdf
Click the picture above to view the Shechen manuscript.

ཐན་ཟློག་ཤིང་བྱང་

than zlog shing byang

Volume 54 (ཡི) / Pages 111-112 / Folios 1a1 to 1b3

Tibetan Text

ཕྱག་རྒྱ་འདི་ཤིང་བྱང་ལ་བྲིས་ཏེ་གནས་ཁང་གི་ཕྱོགས་བཞིར་བཙུག །ཕྱོགས་བཞིར་ཟབ་མདོ་བདུད་ཟློག་དང་བཅས་པ་ཚར་རེ་བཀྲ་ཤིས་བརྩེགས་པ་བསྒྲགས་པས། བྱ་ཐན། འབུ་ཐན་སོགས་ཐན་དང་ལྟས་ངན་གྱི་རིགས་ཐམས་ཅད་ ཟློག་པར་འགྱུར་རོ།། ༈ །།ཡང་རྒྱ་ཤོག་ལ་རྒྱ་སྣག་གི་ཡི་གེ་འདི་ ྈྈ བྲིས་ཏེ་ཡུངས་དཀར་འབྲུ་བདུན་དང་ལྷན་ཅིག་ཏུ་རྟེན་འབྲེལ་སྙིང་པོའི་སྔགས་སྟོང་ཚོ་དང་བཅས་ཟོས་ན་ལྟས་ངན་ཐམས་ཅད་འཕྲལ་དུ་ཟློག་པའི་མན་ངག་ཟབ་ ཁྱད་མའོ། །ྀཨཚ། ༄༅། །ཕན་བྱེད་འཁོར་ལོ་བརྒྱ་རྩ་བརྒྱད་ཀྱི་ནང་ ནས་ལྟས་ངན་ཟློག་པའི་མན་ངག་འདི་སློབ་དཔོན་རིན་པོ་ཆེས་ཕྱུངས་ཏེ་མངའ་བདག་གི་དོན་དུ་མཛད་པ་ཤིན་ཏུ་ཟབ་བོ། །དེ་ཡང་རང་ལ་ལྟས་ངན་གང་བྱུང་ བ་དེའི་གཟུགས་དང་། ཤིང་སྣ་རྙེད་ཚད་ཐམས་ཅད་སྒྱེ་མོ་ཞིག་གི་ནང་དུ་བླུགས། ཞགས་པ་ནག་པོས་ཁ་དམ་པར་བསྡམས། སྔགས་པ་རང་གིས་ཡི་དམ་གཞུང་བསྲང་། ལྟས་ངན་པ། ཉམ་ང་བ། ཆག་ཆེ་བ་སོགས་མི་ ཤིས་པ་ཐམས་ཅད་སྒྱེ་ནག་གི་རྫས་ལ་འགུགས་གཞུག་དྲག་ཏུ་བྱ། རང་ཉིད་ཡི་དམ་དུ་གསལ་བའི་ཞབས་ཀྱིས་བརྫིས་ནས་རྨེག་མེད་དུ་བཅོམ་ཐལ་བ་བུན་བུན་སོང་བར་བསམ། སྔགས་བརྒྱ་རྩ་བརྒྱད་བཟླ། སྒོ་དྲུང་གི་ བར་དུ་རྡོག་པས་སྒྲིལ་ལ་ཆུ་བོ་ཆེན་པོའི་གཞུང་དུ་བསྐྱལ། ཡང་ན་ལམ་གྲུ་གསུམ་དུ་མནན། ཕྱི་མིག་མི་བལྟ་བར་ལོག་ལ་མཚམས་བཅད་དོ། །སྔགས་ནི་ཡི་དམ་གང་ཡིན་གྱི་དྲག་སྔགས་དང་། ཨོཾ་མ་ཧཱ་ཧུར་ཐུམས་རྦད་རྦད། དགྲ་བོ་ཐུཾ་ཐུཾ། ཤིག་ཤིག །རྦད་རྦད། དྲིལ་དྲིལ། བྷྱོ་བྷྱོ། ཟློག་ཟློག །ཅེས་བཟླ་དུས་སྒྱེ་ནག་རྡོག་པས་བརྫི་འོ། །ཡི་དམ་གྱི་ང་རྒྱལ་དྲག་པོ་གལ་ཆེ། འདི་ལྟར་བགྱིས་པས་ལྟས་ངན་ཐམས་ཅད་བཟློག་པར་ཐེ་ཚོམ་མེད། ཁྱད་པར་མི་དང་ཕྱུགས་མི་ཤིས་པའི་རིགས་སྐྱེས་པ་དང་། མེ་ཤོར་བ། ས་གཡོས་པ། ཤྭ་བརྡོལ་པ། གཞན་ཡང་སྐེག་སྲི་ལངས་པ། གོད་ཁ་བྱུར་ཁ། མི་ཁ་བྲ་མཆུ་ཐམས་ཅད་ལ་ཕན་ནོ། །མདོར་ན་བཀྲ་མི་ཤིས་པའི་རིགས་ཐམས་ཅད་ཟློག་པའི་སྒྱེ་ནག་རྡོག་སྒྲིལ་མ་ཞེས་ཟབ་པར་གདམས་སོ། །ས་མ་ཡ།


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).