Terdzo-TI-036

This page is under construction. Check back later for updated content.

Download PDF

གཏེར་སྲུང་ཞིང་སྐྱོང་ཆེན་པོའི་བསྐང་བ་ཕྲིན་ལས་མྱུར་འགྲུབ་

gter srung zhing skyong chen po'i bskang ba phrin las myur 'grub

by  གཏེར་བདག་གླིང་པ་འགྱུར་མེད་རྡོ་རྗེ་ (Minling Terchen Gyurme Dorje)
in cycle  སྨིན་གླིང་ལུགས་དམ་ཅན་བདེ་དགུའི་ཕྲིན་ལས་དངོས་གྲུབ་ཀྱི་རོལ་མཚོ་ (Smin gling lugs dam can bde dgu'i phrin las dngos grub kyi rol mtsho)
Volume 39 (ཏི) / Pages 703-704 / Folios 1a1 to 1b3

Rinchen Terdzö Volumes List > Volume 39 > Text #38 (Scroll to Bottom)

Citation	gter bdag gling pa 'gyur med rdo rje. gter srung zhing skyong chen po'i bskang ba phrin las myur 'grub. In Rin chen gter mdzod chen mo pod so dgu pa (The Great Treasury of Rediscovered Teachings Volume 39) by 'jam mgon kong sprul, 703-704. New Delhi: Shechen Publications, 2007-2016.
Author	Gter bdag gling pa 'gyur med rdo rje གཏེར་བདག་གླིང་པ་འགྱུར་མེད་རྡོ་རྗེ་
Cycle	Smin gling lugs dam can bde dgu'i phrin las dngos grub kyi rol mtsho སྨིན་གླིང་ལུགས་དམ་ཅན་བདེ་དགུའི་ཕྲིན་ལས་དངོས་གྲུབ་ཀྱི་རོལ་མཚོ་
Terdzö Category	Mahayoga
Tibetan Colophon(s)	ཅེས་གཏེར་སྲུང་ཞིང་སྐྱོང་ཆེན་པོའི་བསྐང་བ་འདི་ཡང་སྔགས་འཆང་ཕྲིན་ལས་དབང་དྲག་བདུད་འཇོམས་ཀྱིས་བསྐུལ་ངོར་འགྱུར་མེད་རྡོ་རྗེས་སྨྲས་པའོ
Wylie Colophon(s)	ces gter srung zhing skyong chen po'i bskang ba 'di yang sngags 'chang phrin las dbang drag bdud 'joms kyis bskul ngor 'gyur med rdo rjes smras pa'o
Notes	Front left-side note: rjes 'brang Back left-side note: gter mdzod smin lugs skong gso dngos rol
Links	No TBRC link // No THL link

< Previous Text

Next Text >

Tibetan Text

Tsagli

[edit]

གཏེར་སྲུང་ཞིང་སྐྱོང་ཆེན་པོའི་བསྐང་བ་ཕྲིན་ལས་མྱུར་འགྲུབ་ཅེས་བྱ་བ་བཞུགས་སོ། །ཧཱུྃ། མ་ལུས་བདུད་སྡེར་ཁྲོས་པ་དྲག་པོའི་སྐུ །འཇིགས་བྱེད་མི་བཟད་ཞིང་སྐྱོང་སེང་གདོང་ཅན། །ལྕམ་དྲལ་འཁོར་བཅས་ཐུགས་ཀྱི་མཁའ་དབྱིངས་ཁྱོན། །ཀུན་བཟང་མཆོད་པའི་སྤྲིན་གྱིས་སྐོང་གྱུར་ཅིག །དགྲ་བགེགས་དབང་པོའི་མེ་ཏོག་གསུར་ཆེན་སྤོས། །ཞུན་ཆེན་མར་མེ་མཁྲིས་པའི་དྲི་ཆབ་ཀླུང་། །སྣ་ཚོགས་ཤ་སྣའི་ཞལ་ཟས་རྔ་ཆེན་སོགས། །སྙན་བརྗིད་རོལ་མོའི་སྒྲ་ཡིས་སྐོང་གྱུར་ཅིག །འཆི་མེད་བདུད་རྩི་དམར་ཆེན་རཀྟའི་མཚོ། །ཤ་རུས་བཟའ་བཅའི་གཏོར་མ་རི་བོར་བརྩིགས། །སྣ་ཚོགས་འདོད་ཡོན་མཆོད་པའི་སྤྲིན་ཕུང་འཁྲིགས། །བཞེད་རྒུའི་ཆར་ཆེན་འབེབ་པས་སྐོང་གྱུར་ཅིག །རླུང་ལྟར་མྱུར་མགྱོགས་རྟ་ནག་སྒ་སྲབ་ཅན། །འབྲོང་གཡག་སྤུ་ཞོལ་མཆེ་བརྗིད་རྭ་རྣོན་ལྡན། ཁྱི་ནག་གཏུམ་འཇིགས་མཆེ་སྡེར་རྣོ་ངར་འབར། །ལུག་ནག་རྒྱན་ལྡན་རྣམས་ཀྱིས་སྐོང་གྱུར་ཅིག །སྐུ་གཟུགས་གླེག་བམ་དར་ནག་རུ་མཚོན་དང་། །དུར་ཁྲོད་རྒྱན་ཆས་བརྗིད་པའི་བེར་ནག་གོས། །སྲ་བརྟན་གོ་ཆ་རྣོ་ངར་ལྡན་པའི་མཚོན། །རྣམ་མང་དམ་རྫས་ཚོགས་ཀྱིས་སྐོང་གྱུར་ཅིག །དོམ་ནག་ཙིཏྟར་སྲོག་འཁོར་ས་བོན་བལྟེམས། །ཕྱི་ནང་གསང་བའི་དམ་ཚིག་མཐུན་པའི་རྫས། །མ་ཚང་མེད་ཀུན་ཏིང་འཛིན་སྔགས་རྒྱ་ཡིས། །བཞེད་པ་ཇི་བཞིན་སྤེལ་བས་སྐོང་གྱུར་ཅིག །མདོར་ན་སོ་སོའི་ཐུགས་དང་གང་འཚམ་པའི། །ཕྱི་ནང་གསང་བའི་མཆོད་པའི་ཚོགས་རྣམས་ཀྱིས། །དམ་ཅན་ཞིང་སྐྱོང་ཡབ་ཡུམ་ལས་མཁན་སོགས། །འཁོར་དང་བཅས་པའི་ཐུགས་དམ་སྐོང་གྱུར་ཅིག །དགྱེས་པར་དགོངས་ནས་དམ་ཚིག་རྗེས་དགོངས་ཏེ། །ཞི་རྒྱས་དབང་དྲག་ཕྲིན་ལས་རྣམ་བཞི་སོགས། །ཇི་ལྟར་བཞེད་པའི་དངོས་གྲུབ་མ་ལུས་པ། །ཐོགས་པ་མེད་པར་མྱུར་དུ་འགྲུབ་པར་མཛོད། །ཅེས་གཏེར་སྲུང་ཞིང་སྐྱོང་ཆེན་པོའི་བསྐང་བ་འདི་ཡང་སྔགས་འཆང་ཕྲིན་ལས་དབང་དྲག་བདུད་འཇོམས་ཀྱིས་བསྐུལ་ངོར་འགྱུར་མེད་རྡོ་རྗེས་སྨྲས་པའོ།། །།

[edit]

TSAGLI image gallery goes here

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).