Terdzo-RI-031

དམ་ཆོས་ཕྱག་ཆེན་མུན་སེལ་ཉི་མའི་སྙིང་པོའི་བརྒྱུད་པའི་གསོལ་འདེབས་

dam chos phyag chen mun sel nyi ma'i snying po'i brgyud pa'i gsol 'debs

revealed by རཏྣ་གླིང་པ་ (Ratna Lingpa)
in cycle ཕྱག་རྒྱ་ཆེན་པོ་མུན་སེལ་ཉི་མའི་སྙིང་པོའི་སྐོར་ (Phyag rgya chen po mun sel nyi ma'i snying po'i skor)
Volume 55 (རི) / Pages 723-724 / Folios 1a1 to 1b4

Citation	rat+na gling pa. dam chos phyag chen mun sel nyi ma'i snying po'i brgyud pa'i gsol 'debs. In Rin chen gter mdzod chen mo pod nga lnga pa (The Great Treasury of Rediscovered Teachings Volume 55) by 'jam mgon kong sprul, 723-724. New Delhi: Shechen Publications, 2007-2016.
Author	No author was specified. If you have information about the authorship of this text, please email us.
Source Revealer	Rat+na gling pa རཏྣ་གླིང་པ་
Cycle	Phyag rgya chen po mun sel nyi ma'i snying po'i skor ཕྱག་རྒྱ་ཆེན་པོ་མུན་སེལ་ཉི་མའི་སྙིང་པོའི་སྐོར་
Terdzö Category	Atiyoga
Tibetan Colophon(s)	རྗེ་རིན་པོ་ཆེས་མཛད་པའོ།།
Wylie Colophon(s)	rje rin po ches mdzad pa'o
Notes	Front left-side note: brgyud 'debs Back left-side note: gter mdzod sems sde phyag chen rat gling
Links	No TBRC link // No THL link

< Previous Text

Next Text >

[edit]

དམ་ཆོས་ཕྱག་ཆེན་མུན་སེལ་ཉི་མའི་སྙིང་པོའི་བརྒྱུད་པའི་གསོལ་འདེབས་བཞུགས་སོ། །ན་མོ་གུ་རུ་སིདྡྷི་ཧཱུྃ། ཆོས་ཉིད་སྤྲོས་དང་བྲལ་བའི་ཕོ་བྲང་དུ། །ཀུན་བཟང་ཡབ་ཡུམ་གཉིས་ལ་གསོལ་བ་འདེབས། །འོག་མིན་ཆོས་དབྱིངས་དག་པའི་ཕོ་བྲང་དུ། །རྡོ་རྗེ་འཆང་ཆེན་ཞབས་ལ་གསོལ་བ་འདེབས། །ནུབ་ཕྱོགས་ཨོ་རྒྱན་ཡུལ་གྱི་ཕོ་བྲང་དུ། །ཡེ་ཤེས་མཁའ་འགྲོའི་ཞབས་ལ་གསོལ༴ རྔ་ཡབ་པདྨ་འོད་ཀྱི་གཞལ་ཡས་སུ། །ཨོ་རྒྱན་ཡབ་ཡུམ་གཉིས་ལ་གསོལ༴ བསམ་ཡས་མཆིམས་ཕུ་མཁའ་འགྲོའི་གནས་མཆོག་ཏུ། །སྤྲུལ་སྐུ་རྗེ་འབངས་གྲོགས་ལྔ་ལ་གསོལ༴ སྤྱི་གཙུག་ཉི་ཟླ་པདྨའི་གདན་སྟེང་དུ། །དྲིན་ཆེན་རྩ་བའི་བླ་མ་ལ་གསོལ༴ བླ་མ་སངས་རྒྱས་ཆོས་ཀྱི་སྐུ་ལ་གསོལ༴ མ་རིག་མུན་པ་སངས་པར་བྱིན་གྱིས་རློབས། །བླ་མ་ལོངས་སྤྱོད་རྫོགས་པའི་སྐུ་ལ་གསོལ༴ ཏིང་འཛིན་རྒྱུད་ལ་སྐྱེ་བར་བྱིན་གྱིས་རློབས། །བླ་མ་ཐུགས་རྗེ་སྤྲུལ་པའི་སྐུ་ལ་གསོལ༴ ཉམས་དང་རྟོགས་པ་སྐྱེ་བར་བྱིན་གྱིས་རློབས། །བླ་མ་རྒྱལ་བ་རྒྱ་མཚོའི་ཚོགས་ལ་གསོལ༴ བདག་གཞན་དོན་གཉིས་འགྲུབ་པར་བྱིན་གྱིས་རློབས། །ཟག་མེད་ལྷུན་གྲུབ་ལུས་ཀྱི་དཀྱིལ་འཁོར་དུ། །ཡི་དམ་ཞི་ཁྲོའི་ལྷ་ཚོགས་ལ་གསོལ༴ བཀའ་འཁོར་དམ་ཚིག་གསང་བའི་དཀྱིལ་འཁོར་དུ། །བཀའ་སྲུང་དམ་ཅན་རྣམས་ལ་གསོལ༴ གར་བཞུགས་ཆོས་ཀྱིས་འདའ་བའི་ཕོ་བྲང་དུ། །མཆེད་གྲོགས་ཆོས་མཛད་རྣམས་ལ་གསོལ་བ་འདེབས། །བཀའ་དྲིན་ཅན་གྱི་བླ་མ་བརྒྱུད་པ་རྣམས། །བདག་སོགས་གསོལ་བ་བཏབ་པའི་བུ་རྣམས་ལ། །རིང་པོར་མི་ཐོགས་ད་ལྟ་དུས་འདི་རུ། །སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ། །ཚེ་འདི་བློས་བཏང་དབེན་པའི་རི་ཁྲོད་དུ། །ཅིས་ཀྱང་དགོས་མེད་འཆི་བ་དྲན་པ་ཡིས། །བླ་མའི་བྱིན་རླབས་སྙིང་ལ་ཞུགས་ནས་ཀྱང་། །ཉིན་མཚན་ཆོས་ཀྱིས་འདའ་བར་བྱིན་གྱིས་རློབས། །ཞེ་འདོད་ཚེ་འདིའི་སྣང་བ་མི་སྐྱེ་ཞིང་། །སྐྱིད་སྡུག་གང་བྱུང་ཐོག་ཏུ་རོ་སྙོམས་ནས། །ཚེ་དང་སྒྲུབ་པ་མཐའ་རུ་ཕྱིན་པ་རུ། །ཐུགས་རྗེ་ལྡན་པ་རྣམས་ཀྱིས་མཛད་དུ་གསོལ། །བླ་མ་སྐུ་ཁམས་བཟང་བར་གསོལ་བ་འདེབས། །མཆོག་ཏུ་སྐུ་ཚེ་རིང་བར་གསོལ་བ་འདེབས། །ཕྲིན་ལས་དར་ཞིང་རྒྱས་པར་གསོལ་བ་འདེབས། །རྟག་ཏུ་འདུ་འབྲལ་མེད་པར་གསོལ་བ་འདེབས། །ཞེས་འབད་པར་བྱའོ། །དགེའོ། །རྗེ་རིན་པོ་ཆེས་མཛད་པའོ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).