Terdzo-CHI-046

བརྒྱུད་པའི་བླ་མ་རྣམས་ལ་གསོལ་བ་འདེབས་པ་བྱིན་རླབས་སྤྲིན་ཕུང་

brgyud pa'i bla ma rnams la gsol ba 'debs pa byin rlabs sprin phung

by མཆོག་གྱུར་གླིང་པ་ (Chogyur Lingpa)
revealed by མཆོག་གྱུར་གླིང་པ་ (Chogyur Lingpa)
in cycle ཟུར་བཟའི་ཐུགས་དམ་སྐོར་དྲུག་ (Zur bza'i thugs dam skor drug)
Volume 36 (ཆི) / Pages 849 / Folios 1a1 to 1a6

Citation	mchog gyur gling pa. brgyud pa'i bla ma rnams la gsol ba 'debs pa byin rlabs sprin phung. In Rin chen gter mdzod chen mo pod so drug pa (The Great Treasury of Rediscovered Teachings Volume 36) by 'jam mgon kong sprul, 849. New Delhi: Shechen Publications, 2007-2018.
Author	Mchog gyur gling pa མཆོག་གྱུར་གླིང་པ་
Source Revealer	Mchog gyur gling pa མཆོག་གྱུར་གླིང་པ་
Cycle	Zur bza'i thugs dam skor drug ཟུར་བཟའི་ཐུགས་དམ་སྐོར་དྲུག་
Terdzö Category	Mahayoga
Tibetan Colophon(s)	ཞེས་པ་འདིའི་བཀའ་བབས་བདེ་ཆེན་ཆོས་སྒྲོན་དང་། དད་ལྡན་ཐོན་པའི་རྗེ་བཙུན་བློ་བཟང་ཆོས་སྒྲོན་སོགས་དོན་གཉེར་མང་པོས་བསྐུལ་ངོར། མཆོག་གྱུར་བདེ་ཆེན་གླིང་པས་མཁའ་འགྲོ་འདུ་བའི་གླིང་དཔལ་གྱི་ལྷ་སར་སྦྱར་བའི་ཡི་གེ་པ་ནི་པདྨ་རང་གྲོལ་ལོ་
Wylie Colophon(s)	zhes pa 'di'i bka' babs bde chen chos sgron dang /_dad ldan thon pa'i rje btsun blo bzang chos sgron sogs don gnyer mang pos bskul ngor/_mchog gyur bde chen gling pas mkha' 'gro 'du ba'i gling dpal gyi lha sar sbyar ba'i yi ge pa ni pad+ma rang grol lo
Notes	Front left-side note: gter mdzod mchog gling zur bza'i mkha' 'gro
Links	No TBRC link // No THL link

< Previous Text

Next Text >

[edit]

བརྒྱུད་པའི་བླ་མ་རྣམས་ལ་གསོལ་བ་འདེབས་པ་བྱིན་རླབས་སྤྲིན་ཕུང་བཞུགས་སོ། །གདོད་མའི་མགོན་པོ་ཀུན་བཟང་ཡུམ་ཆེན་མོ། །ངེས་པ་ལྔ་ལྡན་དབྱིངས་ཕྱུག་རྒྱལ་མོ་ལྔ། །སྤྲུལ་པའི་སྐུར་སྣང་རྡོ་རྗེ་ཕག་མོ་ལ། །གསོལ་བ་འདེབས་སོ་བདེ་ཆེན་ཡེ་ཤེས་སྩོལ། །གསང་བའི་བདག་པོ་མཁའ་འགྲོ་ལས་དབང་མོ། །པདྨ་འབྱུང་གནས་ཡེ་ཤེས་མཚོ་རྒྱལ་མ། །ཡེ་ཤེས་རོལ་པ་ཟུར་བཟའ་མེ་ཏོག་ལ། །གསོལ་བ་འདེབས་སོ་བདེ་ཆེན་ཡེ་ཤེས་སྩོལ། །རྩ་བའི་བླ་མ་རིག་འཛིན་ཡབ་དང་ཡུམ། །ཡེ་ཤེས་མཁའ་འགྲོ་དཀྱིལ་འཁོར་ལྷ་ཡི་ཚོགས། །དཔའ་བོ་ཌཱ་ཀི་དམ་ཅན་རྒྱ་མཚོ་ལ། །གསོལ་བ་འདེབས་སོ་བདེ་ཆེན་ཡེ་ཤེས་སྩོལ། །ཕྱི་སྒྲུབ་སྒྲོལ་མས་བསྐྱེད་རིམ་མཐའ་རུ་ཕྱིན། །ནང་སྒྲུབ་ཕག་མོས་རྩ་རླུང་ལས་སུ་རུང་། །གསང་སྒྲུབ་གསང་བ་ཡེ་ཤེས་ཕོ་ཉའི་ལམ། །ལྷན་སྐྱེས་བདེ་ཆེན་རྟོགས་པར་བྱིན་གྱིས་རློབས། །ཡང་གསང་མནྡཱ་ར་བའི་མན་ངག་གིས། །བརྟུལ་ཞུགས་ལམ་སློང་འཆི་མེད་ཚེ་དབང་འགྲུབ། །དེ་ཁོ་ན་ཉིད་ཡེ་ཤེས་མཚོ་རྒྱལ་གྱིས། །སྣང་བཞིའི་ཡེ་ཤེས་འགྲུབ་པར་བྱིན་གྱིས་རློབས། །ཞེས་པ་འདིའི་བཀའ་བབས་བདེ་ཆེན་ཆོས་སྒྲོན་དང་། དད་ལྡན་ཐོན་པའི་རྗེ་བཙུན་བློ་བཟང་ཆོས་སྒྲོན་སོགས་དོན་གཉེར་མང་པོས་བསྐུལ་ངོར། མཆོག་གྱུར་བདེ་ཆེན་གླིང་པས་མཁའ་འགྲོ་འདུ་བའི་གླིང་དཔལ་གྱི་ལྷ་སར་སྦྱར་བའི་ཡི་གེ་པ་ནི་པདྨ་རང་གྲོལ་ལོ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).