Terdzo-PHI-031

གྲིབ་གླུད་བསྡུས་པ་

grib glud bsdus pa

by རིག་འཛིན་ཐུགས་ཀྱི་རྡོ་རྗེ་ (Rigdzin Tukyi Dorje)
revealed by རིག་འཛིན་ཐུགས་ཀྱི་རྡོ་རྗེ་ (Rigdzin Tukyi Dorje)
in cycle ཐུགས་ཀྱི་རྡོ་རྗེའི་དགོངས་གཏེར་ (Thugs kyi rdo rje'i dgongs gter)
Volume 44 (ཕི) / Pages 381-382 / Folios 1a1 to 1b1

Citation	rig 'dzin thugs kyi rdo rje. grib glud bsdus pa. In Rin chen gter mdzod chen mo pod zhe bzhi pa (The Great Treasury of Rediscovered Teachings Volume 44) by 'jam mgon kong sprul, 381-382. New Delhi: Shechen Publications, 2007-2016.
Author	Rig 'dzin thugs kyi rdo rje རིག་འཛིན་ཐུགས་ཀྱི་རྡོ་རྗེ་
Source Revealer	Rig 'dzin thugs kyi rdo rje རིག་འཛིན་ཐུགས་ཀྱི་རྡོ་རྗེ་
Cycle	Thugs kyi rdo rje'i dgongs gter ཐུགས་ཀྱི་རྡོ་རྗེའི་དགོངས་གཏེར་
Terdzö Category	Mahayoga
Tibetan Colophon(s)	ཅེས་རྡོ་རྗེ་དྲག་པོས་བརྗོད་པའོ
Wylie Colophon(s)	ces rdo rje drag pos brjod pa'o
Notes	Front left-side note: grib glud Back left-side note: gter mdzod thung mong las tshogs thugs rdor
Links	No TBRC link // No THL link

< Previous Text

Next Text >

[edit]

གྲིབ་གླུད་བསྡུས་པ་བཞུགས་སོ༔ གུ་རུ་རིན་པོ་ཆེ་ལ་ཕྱག་འཚལ་ལོ༔ གྲིབ་གླུད་བསྡུས་པ་ལ་གཞི་མ་ནག་པོར་ནད་པའི་ལུས་བཀྲུས་པ་དང་ཁ་བཤལ་བའི་ཆུས་འབྲུ་ནག་གི་གླུད་ལྔ་གྲིབ་བཤོས་ལྔ་མར་མེ་ནག་པོ་ལྔ་རྣམས་བྱས་ལ༔ ཀྱེ༔ དབུས་ཀྱི་ཕྱོགས་ནས་གྲིབ་བདག་མོ༔ སྐུ་མདོག་མུན་ལྟར་ནག་པོ་ལ༔ དར་ནག་གོས་སུ་ཤ་ལ་ལ༔ དབུ་ལ་གྲིབ་ཐོད་ནག་པོ་བཅིངས༔ ཕྱག་གཡས་གྲིབ་དར་ནག་པོ་ཕྱར༔ གཡོན་པས་གྲིབ་ཕྱགས་ནག་པོ་འཛིན༔ ཆིབས་སུ་གྲིབ་རྟ་ནག་པོ་འཆིབ༔ ཀླད་ལ་གྲིབ་བྱ་ནག་པོ་ལྡིང༔ རོལ་དུ་གྲིབ་ཁྱི་ནག་པོ་ཁྲིད༔ འཁོར་དུ་གྲིབ་བདག་ཕོ་མོས་བསྐོར༔ གླུད་གཏོར་ཆངས་བུ་ཏིང་ལོ་བཞེས༔ གྲིབ་བདག་ཆེན་པོས་གྲིབ་སོལ་ཅིག༔ ནད་བདག་ཆེན་པོས་ནད་ལོང་ཞིག༔ ཡམས་བདག་ཆེན་པོས་ཡམས་བཞེས་ལ༔ གླུད་བདག་ཆེན་པོས་གླུད་ལོང་ཅིག༔ གླུད་འདི་ཁྱེར་ལ་གྲིབ་འདི་སོལ༔ ཀྱེ༔ ཤར་གྱི་ཕྱོགས་ནས་གྲིབ་བདག་མོ༔ སྐུ་མདོག་མུན་ལྟར་སོགས་གོང་ལྟར་སྦྱར། ཀྱེ༔ ལྷོ་ཡི་ཕྱོགས་ཀྱི་གྲིབ་བདག་མོ༔ སྐུ་མདོག་མུན་ལྟར་སོགས་སྦྱར། ཀྱེ༔ ནུབ་ཀྱི་ཕྱོགས་ཀྱི་གྲིབ་བདག་མོ༔ སྐུ་མདོག་མུན་ལྟར་སོགས་སྦྱར། ཀྱེ༔ བྱང་གི་ཕྱོགས་ནས་གྲིབ་བདག་མོ༔ སྐུ་མདོག་མུན་ལྟར་སོགས། གླུད་འདི་ཁྱེར་ལ་གྲིབ་འདི་སོལ༔ ད་ནི་གྲིབ་བདག་ལམ་བསྟན་ནོ༔ གྲིབ་བདག་མུན་པའི་གླིང་དུ་གཤེགས༔ ནད་བདག་རང་རང་གནས་སུ་སོང༔ ཕྱིན་ཆད་གནོད་པ་མ་བྱེད་ཅིག༔ སུམྦྷ་ནི་སོགས་བརྗོད། ཅེས་རྡོ་རྗེ་དྲག་པོས་བརྗོད་པའོ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).