Property:Colophontib
From Rinchen Terdzö
This is a property of type Text.
T
ཞེས་འཇའ་ལུས་རིག་འཛིན་ཆེན་པོ་བི་མ་ལ་མི་ཏྲའི་དགོངས་བཅུད་དབང་བཞིའི་གླུ་འདི། ཁོ་བོ་མཆོག་གྱུར་གླིང་པ་ཆང་གིས་བཟི་བའི་སྐབས་སུ་དད་གུས་ཀྱི་བློ་ཅན་ཀརྨ་ཚེ་དཔལ་གྱི་ངོར་སྨྱོ་གཏམ་འཆལ་ཚིག་གི་ཚུལ་དུ་སྨྲས་བཞིན་དེ་འཕྲལ་ཉིད་དུ་ཡི་གེར་སྣང་བར་བྱས་སོ། །དགེ་ལེགས་འཕེལ་ +
ཅེས་སློབ་དཔོན་བི་མ་ལ་མི་ཏྲའི་སྒྲུབ་ཐབས་ལམ་ཟབ་སྙིང་པོའི་དབང་བསྐུར་བྱིན་རླབས་གཏེར་མཛོད་ཅེས་བྱ་བ་འདི་ནི། ཁོ་བོ་ཨོ་རྒྱན་མཆོག་གྱུར་བདེ་ཆེན་གླིང་པས་དཔལ་སྤུངས་ཆོས་གྲྭ་ཆེན་པོར་སྦྱར་བའི་ཡི་གེ་པ་ནི་ཀརྨ་ཚེ་དཔལ་གྱིས་བགྱིས་པ། ཟབ་ཆོས་འདི་ཉིད་ཀྱི་སྨིན་གྲོལ་མཆོག་གི་དགོངས་དོན་རྣལ་མ་ལ་དབང་འབྱོར་བའི་གྲུབ་པ་དུ་མས་ས་སྟེང་ཡོངས་སུ་ཁྱབ་པའི་རྒྱུར་གྱུར་ཅིག །དགེ་ལེགས་འཕེལ།། །། +
འཆི་མེད་གྲུབ་པའི་རིག་འཛིན་གསུམ་གྱི་བླ་སྒྲུབ་སློབ་དཔོན་རྣམ་གསུམ་གྱི་སྙིང་ཐིག་རྡོ་རྗེ་གསང་བའི་ཚིག་རྨད་དུ་བྱུང་བ་འདི་ཉིད། གཏེར་འབྱིན་མཁས་གྲུབ་ཡོངས་ཀྱི་འཁོར་ལོས་བསྒྱུར་བ་རྒྱལ་བས་ལུང་བསྟན་༧བློ་གྲོས་མཐའ་ཡས་པའི་སྡེ་ཨོ་རྒྱན་འཆི་མེད་བསྟན་གཉིས་གླིང་པའི་བཀའ་བསྩལ་སྤྱི་བོར་མཆོད་དེ། འཇམ་དཔལ་ཆོས་ཀྱི་བཤེས་གཉེན་འོད་གསལ་སྤྲུལ་པའི་རྡོ་རྗེས་རབ་ཚེས་ཤིང་མོ་ཕག་གི་ལོར་ཅུང་ཟད་གཏན་ལ་ཕབ་ཀྱང་། རེ་ཞིག་དུས་ལ་མ་བབས་པས། སླད་ནས་ཤིང་ཕོ་སྤྲེའུ་ལོའི་རྒྱལ་ཟླ་བར་བླ་མ་དང་མཁའ་འགྲོའི་ལུང་གིས་སྐབས་དབྱེ་བ་ལྟར། ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་མངོན་པར་བྱང་ཆུབ་ཆེན་པོར་གཤེགས་པའི་དུས་ཆེན་ནས་རྩོལ་མེད་དུ་གཏན་ལ་ཕབ་ཅིང་རྗེ་ཉིད་ལ་ཐོག་མ་ཁོ་ནར་ཆིག་བརྒྱུད་དུ་ཕུལ་བ་འདིས་ཀྱང་སྙིང་པོའི་བསྟན་པ་ལ་བྱ་བ་མཆོག་ཏུ་བྱེད་པར་གྱུར་ཅིག །མངྒ་ལཾ།། །། +
ཅེས་པའང་ངེས་གསང་ཆོས་ཀྱི་འབྱུང་གནས་པདྨའི་ཨེ་ཝཾ་ཆོས་ཀྱི་སྒར་ཆེན་གྱི་བྱང་འདྲེན་མཁྱེན་ཡོན་རྨད་བྱུང་པདྨ་བཀྲ་ཤིས་ནས་ཆེད་བསྐུལ་བཞིན། སྙིང་པོའི་ལམ་འདིར་འཇུག་པའི་སྐལ་པ་དགེ་བ་རང་བྱུང་འོད་གསལ་ཐུགས་མཆོག་རྡོ་རྗེས་བྲིས་ཤིང་གསོལ་བ་བཏབ་པས་རྒྱལ་ཀུན་ཡོན་ཏན་སྤྱི་དཔལ་རིག་འཛིན་བླ་མའི་རྡོ་རྗེའི་ཡེ་ཤེས་ཆེན་པོའི་གསང་བ་དང་གཉིས་མེད་གྲུབ་པའི་རྒྱུར་གྱུར་ཅིག +
ཚུལ་འདིའང་གྲུབ་པའི་སློབ་དཔོན་རྣམ་གསུམ་དང་དབྱེར་མ་མཆིས་པ་འཁོར་ལོའི་མགོན་པོ་གཏེར་ཆེན་བླ་མ་རིན་པོ་ཆེས་སྨིན་གྲོལ་གྱི་གདམས་པས་རྗེས་སུ་བཟུང་ནས་བཀའི་གནང་བ་བསྩལ་པ་ལྟར། འཆི་མེད་བསྟན་གཉིས་གླིང་པས་རྗེ་ཉིད་ཀྱི་ཟབ་གཏེར་རིགས་མཐུན་ནས་བསྡེབས་ཏེ་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་ཁྲིགས་སུ་བཀོད་པ་དགེ་ལེགས་འཕེལ།། +
ཅེས་ཁྱབ་བདག་གཏེར་ཆེན་བླ་མ་རིན་པོ་ཆེའི་ཕྱག་བཞེས་ཇི་བཞིན་པར་བློ་གྲོས་མཐའ་ཡས་པའི་སྡེས་རང་གཞན་ལ་ཕན་པའི་བློས་ནག་འགྲོས་སུ་བཀོད་པ་དགེ་ལེགས་འཕེལ +
ཞེས་བཤགས་པ་ཐམས་ཅད་ཀྱི་རྒྱུད་དྲི་མ་མེད་པའི་རྒྱལ་པོ་ལས་ཟུར་དུ་བཀོལ་བའོ +
འདིའང་ཁྱབ་བདག་གཏེར་ཆེན་བླ་མ་རིན་པོ་ཆེ་ཉིད་ནས་དམིགས་པ་མེད་པའི་ཐུགས་རྗེས་རྗེས་སུ་བཟུང་ཞིང་། བཀའ་དྲིན་གྱི་སྙིང་པོར་བསྩལ་པའི་དགོངས་པ་སྐོང་བའི་སླད་དུ། དུས་ཞབས་ཀྱི་རིག་འཛིན་གཟུགས་བརྙན་རྒན་པོ་པདྨ་གར་དབང་ཕྲིན་ལས་འགྲོ་འདུལ་རྩལ་གྱིས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བཀོད་པ་དགེ་ལེགས་འཕེལ། +
* '''First colophon (treasure) page 638:''' འཆི་མེད་བདུད་རྩི་བུམ་པ་འདི༔ སྤེལ་བའི་གནས་མེད་ས་ལ་སྦོས༔ སྙིགས་མའི་དུས་སུ་ནད་བྱུང་ཚེ༔ ང་མིན་ང་དང་འདྲ་བ་ཡིས༔ ང་ཡི་གདུང་རྒྱུད་འཛིན་པ་དང༔ སེམས་ཅན་རྣམས་ལ་ཕན་གདགས་ཕྱིར༔ དཔེ་འདི་ཉིད་དང་འཕྲད་པར་ཤོག༔ སྐུ་གསུང་ཐུགས་ཀྱི་རྒྱ་ཡིས་གདབ༔ འདོད་པ་བྲལ་བས་གཏེར་དུ་སྦོས༔ ཞེས་སློབ་དཔོན་པདྨ་འབྱུང་གནས་ཀྱི་ཞལ་ནས་གསུངས་པ་ཇོ་མོ་མཁར་ཆེན་བཟའ་མཚོ་རྒྱལ་བདག་གིས་དཀར་ཆག་གི་རྟེན་དུ་ཡི་གེར་བཀོད་པའོ༔ འཆི་མེད་བདུད་རྩི་བུམ་པ་རྩ་བའི་རྒྱུད་རྫོགས་སོ༔ གཞུང་ཡན་ལག་བརྒྱད་པ་ཞེས་ཀྱང་བྱ༔ རྒྱུད་དོན་སྐོར་གསུམ་ཞེས་ཀྱང་བྱ༔ གསོ་དཔྱད་དོན་སྐོར་གསུམ་པ་ཞེས་ཀྱང་བྱའོ༔ ས་མ་ཡ༔ རྒྱ༔ རྒྱ༔ རྒྱ༔
* '''Second colophon (treasure) page 643:''' ཅེས་མཁར་ཆེན་བཟའ་ལ་གདམས་པའོ༔ བརྟགས་པ་ཉི་ཟླ་ཁ་སྦྱོར་གྱི་རྩ་རྒྱུད་རྫོགས་སོ༔
* ''' Third colophon (treasure) page 655:''' ཇོ་མོ་མཁར་ཆེན་རྒྱལ་མོ་དང༔ ཨོ་རྒྱན་་་སྤྲུལ་པ།གྲུབ་པའི་སྙིང་པོ་དང༔ མངའ་བདག་རྒྱལ་པོ་་་ཁྲི་སྲོང་།མ་ལགས་པ༔ བདག་གིས་ནི།་་་གཞན་ལ་བསྟན་པ་མི་བདོག་གོ༔ ཕྱིས་ཀྱང་གཞན་ལ་མ་བསྟན་མཛོད༔ ལུས་སྲོག་སྲུང་བའི་གོ་ཆ་་་རྡོ་རྗེ་ཁྲབ་རིང་གི་སྲུང་བའི་གོ་ཆ།དང༔ འགྱུར་བ་མེད་པའི་་་ཉི་ཟླ་ཁ་སྦྱོར།བརྟག་པ་དང༔ གསོ་བ་བདུད་རྩི་བུམ་པ་གསུམ༔ རྣལ་འབྱོར་ཁྱད་པར་ཅན་མ་གཏོགས།་་་སྤེལ་བའི་གནས་མེད་ས་ལ་སྦ༔ སྙིགས་མའི་དུས་ལ་བབ་པའི་ཚེ༔་་་ཚེ་ལོ་དྲུག་ཅུའི་ཁ་རལ་ན་ནག་པོ་རྒྱུག་འགྱེལ་དར་བས་ན། ང་མིན་ང་དང་འདྲ་བ་་་སྤྲུལ་པ།ཡིས༔ ང་ཡི་བསྟན་པ་བསྲུང་བའི་ཕྱིར༔ དཔེ་འདི་ཉིད་དང་འཕྲད་པར་ཤོག༔ མི་འགྱུར།་་་སྐུ་མི་འགགས།་་་གསུང་མི་འཁྲུལ།་་་ཐུགས་ཀྱི་རྒྱ་ཡིས་གདབ༔ འདོད་པ་བྲལ་བས་གཏེར་དུ་སྦ༔ འཆི་མེད་བདུད་རྩི་བུམ་པ་ལས༔ འཆུགས་པ་མེད་པའི་གདམས་ངག༔ ལུས་སྲོག་སྲུང་བའི་གོ་ཆ༔ གནམ་ལྕགས་རྡོ་རྗེ་ཁྲབ་རིང་ཞེས་བྱ་བ་བཤད་པའི་རྒྱུད་རྫོགས་སོ༔ ལུས་སྲུང་མེད་པའི་སྨན་པ་ནི༔ གོ་མེད་གཡུལ་དུ་འཇུག་པ་འདྲ༔ དེ་ཕྱིར་འདི་ལ་གཅེས་པར་ཟུངས༔ ཞེས་གུ་རུས་གསུངས་སོ༔ ཡང་གསང་སྦས་པའི་མཛོད་ཆེན་འཆི་མེད་སྲོག་གི་ཀ་ཆེན་པདྨའི་ཐུགས་ཀྱི་ཉིང་ཁུ་
* ''' Fourth colophon (treasure) page 663:''' ཞེས་པདྨས་མཚོ་རྒྱལ་ལ་གདམས་པའོ༔ རང་སྲུང་བ་ཕུར་མའི་གྱད༔ བུམ་པ་འདེགས་པའི་གྱད་ཁྱད་པར་ཅན་གནད་ཀྱི་གདམས་པ
* ''' Fifth colophon (treasure) page 684:''' ཨོ་རྒྱན་པདྨ་བདག་འདྲ་ཡིས༔ འབྲུམ་བཅོས་བདུད་རྩི་སྲོག་སྟེར་འདི༔ བྱམས་སྤྲིན་རྡོ་སྐུའི་འོག་ཏུ་སྦེད༔ ལས་ཅན་གཅིག་དང་འཕྲད་པར་ཤོག༔ གཅེས་པའི་སྙིང་གི་ཤོག་དྲིལ་བྱ་བ༔ ཤིན་ཏུ་ཟབ་པའི་གདམས་པ་ བྱམས་སྤྲིན་རྡོ་སྐུ་མའོ༔ ཟབ་རྒྱ་རྒྱ་རྒྱ༔
* ''' Sixth colophon (treasure) page 731:''' ཁྲག་འཐུང་རྒྱལ་པོ་པདྨ་ངས༔ སུམ་སྟོང་ལོན་ནས་བོད་དུ་འོངས༔ བརྒྱ་དང་བཅུ་གཉིས་བོད་དུ་བསྡད༔ ད་ཡང་འདི་རུ་མི་སྡོད་པས༔ སྲོག་སྟེར་འཆི་མེད་གྲུབ་པ་འདི༔ ཆིག་ཆོད་མཚན་མའི་ངང་ཉིད་དུ༔ ལས་ཀྱི་ཕྱག་རྒྱ་ཡུམ་ལ་གཏད༔ དྲེགས་པ་ཟིལ་གནོན་ཐུགས་ཀར་་་པྲ་ཁྲིད་བསྡུས་པའི་མན་ངག་དམག་དཔོན་དགེ་བསྙེན་ཡང་ལེ་བེར་གྱི་ཐུགས་ཀར།སྦས༔ བཀའ་སྲུང་རྒྱལ་པོ་བཞི་ལ་བཅོལ༔ བཀའ་ཟབ་གསང་གཏེར་རྒྱ་ཡིས་བཏབ༔་་་དུས་ཀྱི་ཐ་མ་ལ་རིམ་གྱིས་མིང་དང་དཀར་ཆག་ཀུན་ཡི་གེར་བཀོད་པ་ཀུན་ལ་རྣ་བར་བཅུག །ཕྱི་མའི་དུས་བབས་རིམས་དར་ཚེ༔ གཉེན་པོ་འདི་ཡིས་འཇོམས་པར་ཤོག༔ མཚན་ལམ་དུ་བྱུང་བའི་མན་ངག༔ འཆི་མེད་གྲུབ་པ་ཞེས་བྱ་བ་ཁྱད་པར་འཕགས་པ་ལས་ཆེས་ཁྱད་པར་དུ་འཕགས་པ་ནམ་མཁའི་མེ་ཏོག་བས་དཀོན་ནོ༔ འདི་ལས་ཟབ་པ་ཡོད་ན་ཙིཏྟ་ཨེ་ཐུང༔ སྙིང་ལ་ཆོངས༔ ཉམས་སུ་ལོངས༔ གཏེར་དུ་སྦོས༔ རྒྱ་ཡིས་ཐོབ༔ འགྲོ་དོན་གྱིས༔ གནམ་ལྕགས་གྱད་ཀྱི་རལ་བསྐོར་ཞེས་བྱ་བ་གཅེས་པའི་ཤོག་དྲིལ་ྀཨཚ༔་་་གསང་མཛོད་སྦས་པའི་མཛོད་ཆེན་ཁྱད་པར་གནད་ཀྱི་གདམས་པ་ཡིན།
* ''' Seventh colophon (treasure) page 740:''' བདུད་རྩི་རིལ་བུའི་ཕྲེང་བ་ཞེས་བྱ་བ༔ རྗེ་པདྨ་འབྱུང་གནས་ཀྱིས༔ ཇོ་མོ་མཁར་ཆེན་མཚོ་རྒྱལ་ལ་གདམས་པ༔ ཕྱི་རབས་ཀྱི་དོན་དུ་ཡི་གེར་བཀོད་པའོ༔ ས་མ་ཡ༔ རྒྱ་རྒྱ་རྒྱ༔
* ''' Eighth colophon (treasure) page 740:''' ཞལ་གྱི་གདམས་པ་ཡི་གེར་བྲིས་པའོ༔
* ''' Ninth colophon (treasure) page 742:''' ཇོ་མོ་མཁར་ཆེན་བཟའ་མཚོ་རྒྱལ་གྱིས༔ སྦྱིན་སྲེག་གི་འགྲེལ་པ༔ ལྡེ་མིག་གི་ཡི་གེར་བཀོད་པའོ༔
* ''' Tenth colophon (treasure) page 801:''' བདག་འདྲ་པདྨ་འབྱུང་གནས་ཀྱིས༔ ཕྱི་རབས་སེམས་ཅན་དོན་དུ་བཀོད༔ སྐལ་ལྡན་གཅིག་དང་འཕྲད་པར་ཤོག༔
* ''' Eleventh colophon (treasure) page 806:''' ཞེས་གསུངས་ནས་གཏེར་དུ་སྦས་སོ༔
* ''' Twelfth colophon (treasure) page 815:''' ཁྲག་འཐུང་པདྨ་རྒྱལ་པོ་ངས༔ སུམ་སྟོང་ལོན་ནས་བོད་དུ་འོང༔ བརྒྱ་དང་བཅུ་གཅིག་བོད་དུ་བསྡད༔ ང་ནི་འདི་རུ་མི་སྡོད་པས༔ སྲོག་སྟེར་འཆི་མེད་སྒྲུབ་པ་འདི༔ ལས་ཀྱི་ཕྱག་རྒྱ་ཡུམ་ལ་གཏད༔ ཆོས་ཉིད་མཚན་མའི་ངང་ཉིད་དུ༔ དྲེགས་པ་ཟིལ་གནོན་ཐུགས་ཀར་སྦས༔ བཀའ་སྲུང་རྒྱལ་པོ་བཞི་ལ་བཅོལ༔ བཀའ་ཟབ་གསང་གཏེར་རྒྱ་ཡིས་བཏབ༔ ཕྱི་མའི་དུས་བབས་རིམས་དར་ཚེ༔ གཉེན་པོ་འདི་ཡིས་འཇོམས་པར་ཤོག༔ འཆི་མེད་སྒྲུབ་པ་ཞེས་བྱ་ཟབ༔
* ''' Thirteenth colophon (treasure) page 820:''' གདོན་ངོས་བཟུང་བའི་གདམས་པ་ནི༔ པདྨ་ང་ཡི་གདམས་པའོ༔ གཞན་ལ་བསྟན་པ་མ་ཡིན་ནོ༔
* ''' Fourteenth colophon (treasure) page 827:''' བདག་འདྲ་པདྨ་འབྱུང་གནས་ཀྱིས༔ གཅེས་པའི་ཤོག་དྲིལ་བཅུ་གསུམ་བརྩམས༔ མཚོ་རྒྱལ་སྙིང་གི་དཀྱིལ་དུ་ཆོངས༔ བུ་ཆུ་མགོན་པོའི་ཐུགས་ཀར་སྦོས༔ སྙིགས་དུས་ནད་ངན་བྱུང་དུས་སུ༔ རྙེད་ནས་སེམས་ཅན་ནད་སེལ་ཤོག༔ ཅེས་གསུངས་སོ༔ ཤོག་དྲིལ་བཅུ་གསུམ་པ་ཟབ་བོ༔
* ''' Fifteenth colophon (treasure) page 837:''' ཞེས་གསུངས་ནས་གདམས་པ་གཏེར་དུ་སྦས་སོ༔ཨྠིྀ༔ ས་མ་ཡ༔ རྒྱ་རྒྱ་རྒྱ༔ ༈ གཏེར་བདག་རྒྱལ་པོ་སྡེ་བཞི་དང༔ དམག་དཔོན་ཡང་ལེ་བེར་ལ་གཏད༔ ཐ་མར་དར་བའི་སྨོན་ལམ་བཏབ་ནས་རྒྱ་ཡིས་གདབ་བོ༔
* ''' Fifteenth colophon (revealer) page 837:''' དེ་ནས་བློ་གསལ་ཡོས་བུའི་ལོ་ལ། གཏེར་སྟོན་ཆོས་གྲགས་ཞེས་ཀྱང་བྱ། འོོད་སྐོར་རྨ་བྱའི་མདོངས་ཅན་ཞེས་ཀྱང་བྱ། རྡོ་རྗེ་འབུམ་ཞེས་བྱ་བས་གཙང་སྤྲ་དུན་ནས་བཏོན་པ་འདི་རྒྱས་པ་སྙིང་ལྟ་བུ་ཡིན་ནོ། །ཤུ་བྷཾ།
* ''' Sixteenth colophon (revealer) page 852:''' རྡོར་འབུམ་ཆོས་ཀྱི་གྲགས་པའི་གཏེར་མའོ། །དགེའོ།། །།
དེ་ལྟར་སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་འདི་ཡང་། གཏེར་གཞུང་རྩ་བའི་དགོངས་དོན་དང་། བྲང་ཏི་མཁས་པའི་ཕྱག་བཞེས་ལྟར་སྙིང་པོར་དྲིལ་ཏེ་དཔལ་ཨེ་ཝཾ་ཐར་པ་རྩེར། ཤཱཀྱའི་དགེ་སློང་མཉྫུ་གྷོ་ཥས་བྲིས་པའི་དགེ་བས་འགྲོ་ཀུན་དུས་མིན་འཆི་བའི་འཇིགས་པ་ཐམས་ཅད་ལས་གྲོལ་བའི་རྒྱུར་གྱུར་ཅིག །སརྦ་དཱ་མངྒ་ལཾ།། +
འཆི་མེད་བདུད་རྩི་བུམ་པའི་སྒོམ་བཟླས་སྙིང་པོར་དྲིལ་བ་ས་མཔྟ་མཾ་ཐི། ཤུ་བྷཾ།། །།འདི་གཞི་བྱང་བདག་གི་མཛད་པར་འཇམ་མགོན་རིན་པོ་ཆེས་ཅུང་ཟད་ཞལ་བསྐང་མཛད་པ་ཡིན་པར་གསུངས་སོ།། +
འདིའང་སྐྱེ་དགུའི་ཕྱི་དང་ནང་གི་ལུས་སྲོག་འཚོ་བ་ལ་སྨོན་ལམ་དང་ཐུགས་རྗེའི་མཐུ་གྲུབ་པ་སྨན་པའི་རྒྱལ་པོ་༧འཇམ་དབྱངས་མཁྱེན་བརྩེའི་དབང་པོའི་བཀའ་དྲིན་ལས་ཐོབ་པ་ན། རང་གཞན་ལ་ཕན་འདོད་ཀྱི་བསམ་པས་ཡིག་ཆ་རྙིང་པའི་ལུས་ལ་ལུང་དང་མཚམས་སྦྱོར་གྱི་ལང་ཚོས་སྤྲས་ཏེ་ཁྱེར་བདེ་བཀླག་ཆོག་ཏུ། པདྨ་གར་གྱི་དབང་ཕྱུག་རྩལ་གྱིས་དཔལ་སྤུངས་ཡང་དབེན་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་དགེ་ལེགས་འཕེལ།། +
* '''Colophon pages 289-290:''' །ཅེས་ཁམས་གསུམ་འགྲོ་བའི་བླ་མ་བཀའ་དྲིན་མཉམ་མེད་ཐམས་ཅད་མཁྱེན་གཟིགས་༧འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་ས་བོན་ཙམ་དུ་སྨྲོས་པ་འདི་ཉིད། རིགས་ཀྱི་དབོན་མཁྱེན་དཔྱོད་ཕུལ་བྱུང་དགེ་བློས་རྒྱུད་ཕྱུག་པ་སུ་བྷ་ག་བཛྲ་ནས་བཀྲ་ཤིས་པའི་ལྷ་རེག་སའི་སྙིང་པོ་སྲང་འཁོར་གྱི་རྟེན་བཅས་བསྐུལ་བ་དང༌། རྗེ་ཉིད་ཀྱི་ཐུགས་ཟིན་རིམ་གྲོ་བ་ལྔ་རིག་སྨྲ་བའི་དབང་ཕྱུག་འཇམ་དབྱངས་ལེགས་པའི་བློ་གྲོས་ནས་ཀྱང་གསུང་ནན་ཆེན་པོས་བསྐུལ་པ་ལྟར། རྗེ་བླ་མ་ཉིད་ཀྱི་བཀའ་དྲིན་ཆེན་པོས་ཐུན་མིན་དུ་བསྐྱངས་ཤིང་རིས་མེད་པའི་བསྟན་པ་ལ་སྙིང་ནས་གུས་པའི་ཀུ་སཱ་ལི་བློ་གྲོས་མཐའ་ཡས་པའི་སྡེས། ཕྱི་ནང་གསང་བའི་རྣམ་ཐར་གྱི་རྩ་ཚིག་དང༌། ཕྱིའི་རྣམ་ཐར་རྩ་ཐོ་རྗེ་རིན་པོ་ཆེ་ཉིད་ཀྱིས་དངོས་སུ་བསྩལ་པ་རྣམས་གཞིར་བྱས། གསན་ཡིག་དང་གཤེགས་རྗེས་དགོངས་རྫོགས་བསྒྲུབས་ཚུལ་སོགས་ཀྱི་ཡི་གེའི་རིགས་མདོར་བསྡུས། དག་སྣང་སྐོར་སོགས་ཞལ་ནས་དངོས་སུ་ཐོས་རིམ་གྱི་ཟིན་བྲིས་བཏབ་པ་རྣམས་ཕྱོགས་སུ་བསྡུས་ཏེ་བགྱིས་པ་བགྲང་བྱ་མཐོ་ཞིང་ཤེས་རིག་བརྟུལ་བས། རྗོད་བྱེད་ཀྱི་ཚིག་ཚོགས་ལ་དཔྱོད་ལྡན་དགྱེས་པའི་རྣམ་དཔྱོད་མ་མཆིས་ཀྱང༌། བརྗོད་བྱའི་དོན་ལ་སྒྲོ་སྐུར་གྱི་མཐའ་དང་བྲལ་ཞིང་ནོར་འཁྲུལ་གྱི་རྙོགས་པ་མ་མཆིས་པས། རྗེའི་བཀའ་སློབ་མཁས་གྲུབ་རྣམས་ཀྱིས་འདི་ལ་བརྟེན་ནས་ཚིགས་སྦྱོར་ཕུན་སུམ་ཚོགས་པས་གསལ་ལ་རྒྱས་པར་སྤྲོ་བ་གསོལ་བ་འདེབས་པ་ལགས། འདིའང་རང་ལོ་གྱ་གཅིག་ཏུ་སོན་པ་ཆུ་སྦྲུལ་ནག་པ་ཟླ་བར་ཙ་འདྲ་རིན་ཆེན་བྲག་གི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་བཀོད་པའི་ཡི་གེའི་རིས་སུ་སྤེལ་བ་པོ་གནས་ལྔ་རིག་པའི་བློ་གྲོས་ཅན་དགེ་བའི་བཤེས་གཉེན་ཀརྨ་བཀྲ་ཤིས་ཆོས་འཕེལ་གྱིས་བགྱིས་པ་སྟེ། གསང་བ་བསྒྲགས་པ་སོགས་ནོངས་པ་གང་མཆིས་བླ་མ་མཁའ་འགྲོ་སྲུང་མ་དང་བཅས་པའི་སྤྱན་སྔར་བཤགས་ཤིང༌། དགེ་བས་མཐའ་ཡས་པའི་སེམས་ཅན་ཐམས་ཅད་དཔལ་ལྡན་བླ་མ་ཐམས་ཅད་མཁྱེན་པའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག །སརྦ་ཐཱ་མངྒལ་ཀལྱཱཎཾབྷ་ཝནྟུ།།
+
ཞེས་པའང་རྒྱལ་དབང་པདྨའི་ལུང་ཟིན་སྐྱབས་མགོན་སི་ཏུ་མཆོག་སྤྲུལ་རིན་པོ་ཆེའི་ཐུགས་ཀྱི་དགྱེས་པ་བསྐང་བའི་ཕྱིར་ཨོ་རྒྱན་བླ་མའི་གདུང་འཛིན་མཆོག་གྱུར་གླིང་པས་སྒྲོ་སྐུར་སོགས་ཀྱི་དྲི་མས་ཅུང་ཟད་ཀྱང་མ་བསླད་པར་གནས་ལུགས་དྲང་པོར་བྲིས་ཏེ་ཕུལ་བ། རིགས་གསུམ་སྤྲུལ་པའི་སྒྱུ་འཕྲུལ་མཁན་སློབ་ཆོས་གསུམ་གྱི་ཐུགས་རྗེས་བོད་ཁམས་མཐའ་དབུས་ཀུན་ཏུ་ཕན་པ་དང་བདེ་བའི་དགེ་མཚན་ཕུན་སུམ་ཚོགས་པ་དུས་རྟག་ཏུ་འབྱུང་བར་གྱུར་ཅིག །དགེ་འོ།། +
།ཅེས་རིགས་ལྡན་མཁའ་འགྲོའི་གཙོ་མོ་བདེ་ཆེན་ཆོས་སྒྲོན་གྱིས་རྟེན་དང་བཅས་པའི་གསུང་གིས་བསྐུལ་བ་དང་། མོས་ལྡན་གཞན་དག་གིས་ཀྱང་མཚམས་སྦྱར་བ་ལ་བརྟེན། ༧གཏེར་ཆེན་ཆོས་ཀྱི་རྒྱལ་པོ་གང་དེའི་གསང་བའི་མཛོད་ཀྱིས་དབུགས་དབྱུང་བསྩལ་པ། ཀརྨ་ངག་དབང་ཡོན་ཏན་རྒྱ་མཚོ་འམ་བློ་གྲོས་མཐའ་ཡས་པའི་སྡེས་གུས་པ་ཆེན་པོས་བྲིས་ནས་གསོལ་བ་བཏབ་པ་དགེ་ལེགས་འཕེལ།། +
ཞེས་པའང་མཚོ་སྐྱེས་ཀུན་ཏུ་འཆང་བ་ཡབ་སྲས་ཀྱིས་རྗེས་སུ་བཟུང་བ་པདྨ་འོད་གསལ་མདོ་སྔགས་གླིང་པས་བྲིས་ཏེ། མཁན་པོ་བླ་མ་པདྨ་དྲི་མེད་ཆོས་ཀྱི་བློ་གྲོས་ལ་གསོལ་འདེབས་ཀྱི་གླེགས་བུ་ཟླ་བ་ཉ་བའི་གྲངས་ལྡན་དང་བཅས་བྱིན་ནས་སྐྱེས་བུ་དམ་པའི་རྟོགས་པ་བརྗོོད་པ་ངོ་མཚར་བའི་གཏམ་རྒྱ་ཆེར་དབྱེ་བར་རྗེས་སུ་བསྐུལ་བ་ཤྲཱི་ཡནྟུ།། +
ཞེས་པའང་སྡོམ་བརྩོན་སྡེ་སྣོད་དང་རྒྱུད་སྡེ་འཛིན་པ་ཆེན་པོ་ཐུབ་བསྟན་ཨེ་ཝཾ་ཆོས་སྒར་གྱི་ཉེ་བར་ལུང་འབོགས་པ་པོ་ཀརྨ་རིན་ཆེན་དར་རྒྱས་དཔལ་བཟང་པོས། དོན་གཉེར་ཆེན་པོས་དྲིས་ཤིང་བསྐུལ་པ་ལྟར་བྱ་བྲལ་སྤོང་བ་པའི་གཟུགས་བརྙན་ཆུང་ངུ་མཉྫུ་གྷོ་ཥས་་་༼ཞབས་དྲུང་རིན་པོ་ཆེ་འཇམ་དབྱངས་མཁྱེན་བརྩེའི་དབང་པོ།༽རང་གིས་ཐོས་ཚོད་ཤེས་ཚོད་སྒྲོ་སྐུར་མེད་པར་ས་བོན་ཙམ་དུ་བྲིས་པ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱཎཾ་བྷ་ཝ་ཏུ།། +
།ཅེས་པའང་གཏེར་ཆེན་ཆོས་ཀྱི་རྒྱལ་པོའི་མཛད་ཕྲིན་སྐོར་སོ་སྐྱེས་བློ་རྟོག་གིས་གཞལ་བའི་སྤོབས་པ་བྲལ་ཀྱང་། ཐམས་ཅད་མཁྱེན་གཟིགས་འཇམ་མགོན་བླ་མ་རྣམ་གཉིས་མདུན་ནས། སྤྱིར་ངེས་དོན་སྙིང་པོའི་རྣམ་ཐར་དང་དྲང་དོན་བརྡའི་རྣམ་ཐར་གཉིས་སུ་དབྱེ་བའི་སྒོ་ནས། སྐུ་སྐྱེ་བ་སྔ་མའི་སྐྱེས་རབས་ལུང་ལས་བྱུང་བ་དང་ཁ་སྐོང་དག་པའི་གཟིགས་སྣང་ཟུང་དུ་འབྲེལ་བ་སྐྱེ་བ་སྔ་མའི་རྣམ་ཐར། དྲང་དོན་སྣང་ལུགས་ཀྱི་སྒོ་ནས་འཁོར་ལོ་གསུམ་གྱི་མཛད་པ་བསྐྱངས་ཚུལ་ལས་བརྩམ་སྟེ། ཟབ་མོ་གཏེར་གྱི་རིམ་པའི་སྒོ་འཕར་ཕྱེས་ཚུལ། གནས་ཆེན་ཉེར་ལྔའི་མདོ་བྱང་རྩ་བར་བཟུང་ནས་སོ་སོའི་གནས་ཡིག་རྣམས་ཀྱི་སྒོ་ནས་ལོ་རྒྱུས་ཕན་ཡོན་རྒྱས་པར་བསྟན་ཚུལ། ཁྱད་པར་བཀའ་བབ་བདུན་དང་ལྡན་ཚུལ་གྱི་ལུང་བྱང་དང་འབྲེལ་བའི་ལོ་རྒྱུས་སོ་སོར་བསྟན་པ། གནས་གཏེར་ཆོས་བདག་འགྲོ་དོན་སོགས་གང་ཅིའི་ལུང་བསྟན་སྤྱི་དང་བྱེ་བྲག་སྐོར་གྱི་ལོ་རྒྱུས། སྒྲུབ་ཆེན་མྱོང་གྲོལ་བྱིན་པ། སྨིན་གྲོལ་དབང་ཆོས་གར་འཆམ་སོགས་འགྲོ་དོན་མཐའ་རྒྱས་མཛད་ཚུལ་སོགས་ཐུན་མོང་ཕྱི་ཡི་རྣམ་ཐར། སྐྱེས་ཐོབ་མཁྱེན་གཉིས་ཀློང་ལས་བརྡོལ་བས་དངོས་མཚན་གྱི་ར་རིས་མ་གོས་པའི་ཚུལ་སོགས་ནང་གི་རྣམ་ཐར། དག་པའི་གཟིགས་སྣང་རབ་འབྱམས་ཀྱི་སྒོ་འཕར་བྱེ་བས་ཟངས་མདོག་དཔལ་གྱི་རི་བོ་སོགས་ཞིང་མཆོག་རྣམས་སུ་ཕེབས་ནས་གདམས་ངག་གསན་ཅིང་བགྲོ་གླེང་མཛད་ཚུལ་སོགས་གསང་བའི་རྣམ་ཐར། ཐུན་མིན་ངེས་དོན་གནས་ལུགས་གཞི་འབྲས་དབྱེར་མི་ཕྱེད་པའི་ཡོན་ཏན་ཐུགས་རྒྱུད་ལ་བཞུགས་པ་དེ་ཁོ་ན་ཉིད་ཀྱི་རྣམ་ཐར། མི་གནས་པའི་མྱ་ངན་ལས་འདས་པ་མངོན་དུ་མཛད་ནས་ཞིང་ཁམས་གཞན་དུ་འགྲོ་དོན་མཛད་ཚུལ་སོགས་སྐུ་སྐྱེ་མ་འོངས་པའི་རྣམ་ཐར་སོགས་ཀྱི་གཞི་འགོད་པར་མཛད་པ་ལས། ནང་གཅེས་ཐུན་མོང་ཕྱི་ཡི་རྣམ་ཐར་མདོར་བསྡུས་ཤིག་གོ་བདེ་གཞུང་གཅིག་ཏུ་འདུས་པར་སྡེབ་པར་གྱིས་ཞེས། གཏེར་ཆེན་བླ་མའི་ཡང་སྲིད་ཁྲི་བཞུགས་པདྨ་འགྱུར་མེད་ཐེག་མཆོག་བསྟན་འཕེལ་རིན་པོ་ཆེའི་བཀའ་བསྩལ་སྤྱི་བོར་ཕེབས་ཤིང་། དེ་རྗེས་འབྲངས་བའི་སློབ་གྲལ་རྒན་པ་ས་བཅུ་སོགས་གནས་དགོན་གྱི་དགེ་ཚུལ་སློང་རྣམས་མོས་འདུན་ཆེ་བར་བརྟེན། རང་ཚང་གི་གྲྭ་རིགས་རྒན་པའི་མིང་ཐོག་པདྨ་ཛྙཱ་ནས་འབད་པས་བཀོད་པ་དགེ་ལེགས་འཕེལ།། +
* '''First colophon pages 766-768:''' །མཁན་བླ་མ་བཀྲ་ཤིས་འོད་ཟེར་དང་། གསེར་ཐལ་བླ་མ་ཨོ་རྒྱན་ལྷུན་གྲུབ་གཉིས་ཀྱིས་སྔར་ནས་རྣམ་ཐར་ཞིག་བྲི་དགོས་ཚུལ་ལན་གྲངས་མང་པོར་བསྐུལ་བ་དང་། མཁས་དབང་བླ་མ་བཀྲ་ཤིས་ཆོས་འཕེལ་ནས་དེ་མཚུངས་བསྐུལ་མ་དང་ཡི་གེའི་མཐུན་རྐྱེན་སྦྱར་བ་ལ་བརྟེན་ནས་དབང་ལུང་འཆད་ཉན་སོགས་རེ་བ་མེད་ཅིང་དལ་སྡོད་སྐབས་སུ་གཉིད་བསང་བྱེད་དུ་འདི་ཙམ་མ་བྲིས་ཀ་མེད་གྱུར་པ་ལགས། སྤྱིར་ཁྱད་གཞི་དལ་འབྱོར་གྱི་མི་ལུས་རིན་པོ་ཆེ་ཐོབ། ཁྱད་ཆོས་མཐོ་རིས་ཡོན་ཏན་བདུན། འཁོར་ལོ་ཆེན་པོ་བཞི་དང་ཡང་ལྡན། དོན་གྱི་འབྲས་བུ་སངས་རྒྱས་ཀྱི་བསྟན་པ་རིན་པོ་ཆེའི་སྒོར་ཞུགས་པ་ཙམ་དུ་མ་ཟད་དུས་གསུམ་དུ་མ་བྱོན་མི་འབྱོན་འབྱོན་པར་མི་འགྱུར་བ་གསང་སྔགས་རྡོ་རྗེ་ཐེག་པ་དང་མཇལ་ནས། རིན་པོ་ཆེ་གསེར་གྱི་གླིང་དུ་ཕྱིན་པ་ལྟར་ཇི་འདོད་རང་དབང་དུ་སྤྱོད་དུ་ཡོད་པ་འདི་ལྟ་བུ་ནི་འཁོར་བའི་གནས་སྐབས་ནམ་དུའང་རྙེད་མི་སྲིད་པར་འདུག་ཀྱང་། ལས་སྨོན་དབང་བཙན་པ་དང་རང་དབང་གཞན་ལ་ཤོར་བ་ལྟ་བུས་ཆེད་དུ་ཡིད་ལ་བརྣག་པའི་སྒྲུབ་པ་སྙིང་པོར་བྱེད་པ་ནི་ལག་ཏུ་མ་ཐེབས། ཡིད་ལ་མེད་པའི་བྱ་བ་ལས་ཀྱི་འཁོར་ལོ་རྒྱུན་ཆད་མེད་པ་ཞིག་གིས་གཡེང་། འོན་ཀྱང་ཆུང་ངུའི་དུས་ནས་འཇིག་རྟེན་གྱི་བྱ་བཞག་ཤུགས་ཀྱིས་བོར། སྐུ་སྐྱེ་སོགས་ཀྱི་མིང་མ་ཐོགས། དགོན་པའི་ཁ་འཛིན་གྱི་དཀོར་སྡུད་པ་སོགས་ཀྱི་བྱ་བ་གང་ཡང་མ་དགོས་པས་ད་ལྟའི་བར་དུ་དགེ་བ་དང་ཆོས་ཀྱི་བྱ་བ་འབའ་ཞིག་ལ་བརྩོན་པ་འདི་དག་རྣམ་ཐར་གྱི་སྙིང་པོ་ཡིན་ཅིང་རང་ལོ་སུམ་ཅུ་སོ་བགྲང་ཕན་ལ་དད་ཟས་དང་གཤིན་སྐོར་ཡང་ཟོས་པ་མེད་ཀྱང་དེ་ཕྱིན་ནས་དཀོར་ནག་གི་ཁུར་པོ་ཇེ་ལྕི་སོང་། གསལ་སྣང་དང་ཡོན་ཏན་གྱི་རིགས་ཕྱིར་ལ་འགྲིབས། སྡིག་ལྟུང་དང་བག་ཆགས་ངན་པ་ཇེ་འཕེལ་དུ་སོང་བས། མདོ་སྡེ་ལས། སྡིག་ཅན་ཞིག་གིས་ཉིན་རེ་བཞིན་མི་སྟོང་ཕྲག་བསད་པ་ལས་ཚུལ་ཁྲིམས་འཆལ་པས་དཀོར་ལ་སྤྱོད་པ་ཉེས་པ་ཆེ་བར་གསུངས་པས། ཚུལ་ཁྲིམས་རྣམ་པ་གསུམ་ཁས་མ་བླངས་པ་རང་གཞན་སུའང་མེད་ཀྱང་། སོ་ཐར་ལ་བུད་མེད་མངོན་མཚན་དུ་མེད་ན་སྡོམ་པ་གཙང་བར་བརྩི་བ་ལས་དགོན་དཔོན་བླ་མ་རྣམས་ནས་ཀྱང་རྩ་ལྟུང་གཞན་ལ་བརྩི་འཇོག་མེད། བྱང་སྡོམ་རྩ་བ་སེམས་ཅན་བློས་སྤངས་དང་ནག་པོའི་ཆོས་བཞི་རྣམས་ཀྱང་ཉམས་ལེན་དུ་བསྟར། སྔགས་ཀྱི་དམ་ཚིག་རྩ་བ་ཡན་ལག་ཕལ་ཆེར་ཇི་མི་སྙམ་པར་སྤྱོད་ན་བླ་མེད་དབང་བཞིའི་དམ་ཚིག་འཇའ་ལྟར་ཡལ་བ་ལྟ་ཅི་སྨྲོས། དེ་དག་གི་རྒྱུ་ལྟུང་བ་འབྱུང་བའི་སྒོ་བཞིར་གསུངས་པ་མི་ཤེས་པ། མ་གུས་པ། བག་མེད་པ། ཉོན་མོངས་པ་མང་བ་རྣམས་ཏེ། མི་ཤེས་པ་ནི་དེང་སང་གི་བླ་སྤྲུལ་དུ་མཚན་གསོལ་བ་ཕལ་མོ་ཆེས་ཀྱང་སྡོམ་པ་གསུམ་གྱི་བཅས་པ་སྲུང་མཚམས་འདས་ཉམས་ཀྱི་རྣམ་གཞག་ཕྱོགས་ཙམ་ཤེས་པ་མེད་ན་གྲྭ་རིགས་རྣམས་ཀྱིས་ལྟ་ཅི་སྨྲོས། བསླབ་པ་ལ་སྙིང་ནས་མི་གུས་པ་མེད་ཀྱང་རྒྱུ་མཚན་མི་ཤེས་པས་གུས་པའང་མེད་ཅིང་དེ་ལས་འགའ་ཞིག་ཤེས་བཞིན་ཁྱད་དུ་གསོད་པ་ནི་ཤིན་ཏུ་ནོངས་པ་ཆེ་བ་དང་། བག་ཡོད་པ་དྲན་པ་དང་ཤེས་བཞིན་བསྟེན་དགོས་ཀྱང་དེ་བསྟེན་མ་ནུས་པས་སྒོ་གསུམ་བག་མེད་དབང་དུ་ཤོར་བ་དང་། སྙིགས་དུས་སུ་སྐྱེས་པའི་མི་རྣམས་ཉོན་མོངས་པ་རིམ་བཞིན་ཇེ་ཧྲག་ཏུ་སོང་བས་དུག་གསུམ་གང་རུང་གི་དབང་དུ་ཤོར་བ་ཤས་ཆེ་བས། རང་ཉིད་ཀྱང་དེ་ལྟ་བུའི་ནོངས་པས་འགྲོ་ས་ངན་སོང་ལས་མེད་པར་དོགས་པའི་ཁོང་འཚང་ནི་རྒྱུན་དུ་འབྱུང་བར་སྣང་བ་ནི་འཕྲོས་སུ་ཐལ་ལོ།
* '''Author's Closing Verses page 802:''' །དམ་པའི་རྣམ་ཐར་མཚན་ཉིད་པ་ནི་བརྗོད་གཞིའི་ཕོངས། །དམན་པའི་སྤྱོད་པ་དཀྱུས་ལས་ལྷག་ཙམ་བརྗོད་བྱར་བྱས། །རྗོད་བྱེད་ཚིག་ཕྲེང་ར་ཐོན་ལུག་ཐོན་སྤེལ་བ་འདིས། །མཁས་རྣམས་ཁྲེལ་ལ་བླུན་པོ་མགུ་བ་སྐྱེད་སྲིད་དམ། །འདི་བྲིས་རང་གཞན་སྡིག་པའི་ས་བོན་དུ། །ནམ་ཡང་མི་འགྱུར་དཀར་པོའི་སྟོབས་འཕེལ་བས། །འབྲེལ་ཚད་དོན་ལྡན་སྤྱོད་པ་རླབས་པོ་ཆེར། །འགྱུར་བ་དཀོན་མཆོག་བདེན་པས་བྱིན་གྱིས་རློབས། །སརྦ་ཐཱ་ཀ་ལྱཱ་ཎཾ་མངྒ་ལ་བྷ་བནྟུ།།
ཅེས་པ་འདིའང་རྣམ་ཐར་ཆེན་མོའི་མཇུག་མཐུད་དུ་བགྱིད་པར་འདུན་པ་ལ། བླ་མ་རྡོ་རྗེ་འཆང་གི་ཐུགས་སྲས་ཀྱི་ཐུ་བོ་བདག་ཅག་གི་དགེ་བའི་བཤེས་གཉེན་དམ་པ་ཀརྨ་བཀྲ་ཤིས་འོད་ཟེར། ཡོངས་རྫོགས་བསྟན་པའི་དཔལ་མགོན་རྡོ་རྗེ་འཆང་དཔོན་སློབ་ཐམས་ཅད་མཁྱེན་པ་དང་། གནས་ལྔ་རིག་པའི་དབང་ཕྱུག་ཀཿཐོག་སི་ཏུ་མ་ཧཱ་པཎྜི་ཏ་རྣམ་པ་གསུམ་གྱི་ཞལ་སྔ་ནས་བཀས་གནང་བ་དང་། རྗེ་མཁྱེན་བརྩེའི་ཞམ་རིང་པ་མཁས་པ་ཚེ་རིང་བཀྲ་ཤིས་ནས་ཀྱང་ངེས་པར་བགྱི་བར་འོས་སོ་ཞེས་གསལ་བཏབ་པ་དང་། རྗེ་བླ་མའི་སྐུ་གཅར་མཆོད་དཔོན་བློ་གསལ་བ་གསང་སྔགས་བསྟན་འཛིན་ནས་ཀྱང་འདི་ནི་ཁྱོད་ཁོ་ནས་བགྱི་བར་འོས་པས། ལེ་ལོའི་དབང་དུ་མ་ཐལ་བ་གྱིས་ཞེས་བསྐུལ་ནས་རིང་ཞིག་བཏང་སྙོམས་སུ་བྱིང་བ་ཡང་ཁྲོད་རྡོར་སློབ་བླ་མ་མགོན་ལུ་སོགས་དོན་གཉེར་ཅན་དུ་མས་བསྐུལ་ངོར། སླར་རབ་ཚེས་འཕར་བ་ལྕགས་གླང་ས་གའི་ཉ་བའི་གྲལ་ཚེས་བཟང་པོར་ས་བོན་ཙམ་དུ་སྨྲོས་པའི་ཡི་གེ་འདི་ནི་འཇམ་མགོན་བླ་མ་རྡོ་རྗེ་འཆང་ཆེན་པོས་ཐུན་མོང་མ་ཡིན་པའི་ཐུགས་བརྩེ་བ་ཆེན་པོས་བསྐྱངས་པའི་ཐ་ཤལ་པ་བཀྲ་ཤིས་ཆོས་འཕེལ་པས་དཔལ་སྤུངས་ཀྱི་ཆོས་གྲྭར་བྲིས་པ། སླད་ནས་ཉེ་གནས་དམ་པ་ཚེ་རིང་དོན་ཀུན་གྲུབ་པས་ཀྱང་འདི་བགྱིས་གྲུབ་པ་ཅིས་ཀྱང་ལེགས་འདུག་པས་ད་དུང་འཕྲི་བསྣན་འོས་རིགས་ཀྱང་གྱིས་ཞེས་དང་སྤར་དུ་བཀོད་པའི་མགོ་ལུང་མཛད་པ་བཅས་ཀྱི། སླར་ཡང་ཡི་གེ་གཉིས་པར་ཨ་ལོ་དཔལ་འབྱོར་སྒང་གི་ཆོས་གྲར་རྟེན་འབྲེལ་དགེ་བ་དང་བཅས་གྲུབ་པའི་དགེ་བས་བདག་གཞན་ཕྱམ་གཅིག་བླ་མའི་གོ་འཕང་ཐོབ་པའི་རྒྱུར་གྱུར་ཅིག །དགེ་ལེགས་འཕེལ།། +
