Property:Colophonwylie
From Rinchen Terdzö
This is a property of type Text.
T
ces smra ngan mi kha srung zlog las kyi gzer kha cha tshang la khyer bde ba 'di lta bu gter kha gzhan du dkon pas gzhung nas khol phyungs gsal byed kyis brgyan te/_pad+ma gar dbang blo gros mtha' yas pa'i sdes rdzong shod bde gshegs 'dus pa'i pho brang chen por bgyis pa dge legs 'phel +
ltas ngan zlog pa gu ru chos dbang rin po che'i phyag bzhes ma zab bo +
bdag stag sham pa'i gter ma'o/_khams gsum bkra shis par gyur cig_/ltas ngan zlog pa la khyung zlog 'di shin tu zab cing grags che'ang gtor zlog rnams kyi las mde'u tsam las/_zur phyung kha gsal can dkon cing /_'di ni yi dam gang la sbyar kyang so so'i gtor zlog sngon du 'gro bas 'di tshar grangs gsog pa'am/_gtor zlog ma byas kyang 'di kho na tshogs tha ma'i rjes su bsags cing chad tho dang 'brel bar 'phang ba'i las la 'jug pas chog par snang ngo /_/mang+ga laM +
* '''First colophon page 140:''' ces zhal shes gnad kyi man ngag lhug par bkrol ba 'di'ang gnubs chen po'i gdams ngag gi bka' babs sa steng du rnam par rgyal ba rdo rje thogs med rtsal gyi zhal lung ma nor ba'i rgyun te/_sngags nag pad+ma gar dbang gis bsdebs pa dge legs 'phel lo
* '''Second colophon page 142:''' de'i mjug tu gshin rje ya ma rA tsa sogs gzhung ltar bris pa zil gnon drag rtsal gyi phyag bzhes bstar ba 'di ni slob dpon Ar+Ya de bas gnubs la chig brgyud min pa su la ma spel/_gal srid spel na gza' du ba mjug ring gis brten yul dang rten byed gnyis srog rtsa chod ces gsungs 'dug go
+
* '''First colophon page 156:''' gter dpe ru song bas 'di ka bzhin nyams su blangs pas chog gi gsungs nas bsgrubs pas babs chen po byung /_ldan ston ro zan bya ba mthu che bar grags so/_/phyis ka ba la sbas so/_/de nas gnyos 'bum khris bton/_khong la skyog bya zhu can gyis zhus/_de la rat+ne shwa ras zhus/_de la khu ban gyis/_de la mar pa'i sprang pos/_de la bon zhig a g.yung ngas zhus
* '''Second colophon page 169:''' chos rgyal chen po pha bkra shis stobs rgyal ba'i phyag dpe las sngags 'chang mthu stobs grags pas dag par bshus pa'o
* ''' Third colophon (treasure) page 184:''' drang srong nag po spu gri yi:_gu ru pad+ma'i gdams pa:_byang pra dun rtse'i gter ma:_rgya rgya rgya:_gza' nag po kha gdangs pa la dgra bo zas skal du gtad pa 'di:_o rgyan pad+mas byang pra dun rtse'i lha khang gi ka zhu la sbas:_de la stod pa'i sngags pa dbang chen gyis bton pa 'di:_lag len gsum byas dgra gsum bsad:_de nas ston pa nam bzang gis zhus:_gser srang bdun phul ston ra'i nya la lag len byas pas:_zla ba phyi ma'i tshes bco lnga la bsgral thub bo:_'di las zab pa yod re kan:_ma spel tsit+ta nyid la stims:
* ''' Third colophon (author) page 184:''' sngags 'chang mthu stobs kyis bris so//
* '''Fourth colophon page 187:''' 'di'i dpe shin tu dkon/_kho bo sngags 'chang mthu stobs pas/_byang bdag po mtshungs med bkra shis stobs rgyal pa'i shog dril la bshus so//
* ''' Fifth colophon (revealer) page 191:''' gter 'di byi ba lo zla ba dang po'i tshes brgyad kyi nyin rgyu skar mgo la gter ston shes rab me 'bar gyis stag rtse brag nas che bzhi gsum dang bcas nas nyi ma rtse shar la bton pa'o:_
* ''' Fifth colophon (author) page 191:''' des bla ma sman lung pa shAkya gzhon nu/_des bla ma mtshar steng ba rang grol rin chen la/_des bla ma tsa ri ba bsod nams bzang po la/_des lho pa badz+ra d+hA dza la/_des bdag la'o/_/shin tu dge'o//
* ''' Sixth colophon (treasure) page 196:''' bdag 'dra pad+ma 'byung gnas kyis:_bod yul bsam yas byams khang du:_'chug med sde brgyad gnad la bor:_'jig rten lha srin ma lus btul:_khyung 'dab ka ba sbrul mgo la:_rdo rje rigs kyi rgya yis btab:_lnga brgya'i dus su las ldan gyis:_rnyed nas sems can mgon du shog:_ces smon lam btab nas sbas so:_
* ''' Sixth colophon (revealer) page 196:''' de nas khams pa khra mos lcags pho khyi'i lo la gter nas bton pa'o:
* '''Seventh colophon page 200:''' drang srong chig shur gyi bsnyen sgrub las gsum gsal bar lag khrid du nyams su len tshul 'di ni/_byang phyogs sa skyong gi rigs skyes gter 'byin byed pa sngags 'chang dbang po'i sdes sbyar pa'o//
* '''Treasure colophon:''' gshin rje gshed dmar po'i dgra gnan rgya zhang khrom gyis gter nas spyan drangs pa'o:_dum pa rgya ston zhang khrom gyi zab gter las byon pa'o/_/lcags sreg gi sa gzhi'i mdun du drag po'i mchod pa ni:_drag po'i snod du me tog nag po tshil chen gyi bdug spos:_zhun chen gyi mar me:_rak+ta'i dri chab sha chen bshos bzang:_mang+ga laM
+
dum pa rgya ston zhang khrom zab gter lugs/_/rlung sgrub ces grags ches zab nus ldan yang /_/gab dkrugs dgongs don 'di ltar ma rtogs pas/_/sgrub pa'i tshul la phal cher rmongs par mthong /_/'ga' zhig spros 'dod gzhan nas rgyas bkab ste/_/rnam par g.yengs la ngal ba don med cing /_/la la ting 'dzin bral ba'i bzlas pa dang /_/dmod tshig tsam gyis sgrub pa byed pa sogs/_/'khrul par byed pa'i ring lugs kho nar bas/_/de phyir rig 'dzin brgyud pa'i bka' srol bzhin/_/tshigs gcad ngag 'don dmigs pa bsgom bde zhing /_/rnam pa gsal bas rang gzhan spro ba bskyed/_/sbyor dngos rjes tshang byin rlabs nus ldan 'di/_/dam ldan slob bu rjes 'jug rnams kyi don/_/snyigs dus sngags nag mthu ldan dbang po'i sdes/_/lo paN skyes mchog mang pos byin brlabs gnas/_/sol nag thang chen yul gyi ri bo'i spo/_/btsan rdzong thob rgyal lha rtser yi ger bkod/_/bsgrubs nas gnod byed dgra sde cham la phab/_/byin rlabs nus ldan nyams su myong bar byas/_/kun la ma ston bstan pa'i btsas su spel/_/dge'o +
zhang khrom zab gter king kang rlung sgrub kyi/_/ngag 'don gzhung don gnad 'dril bya ba'i tshul/_/snyan brgyud gter chen bla ma'i gsung gi rgyun/_/ji lta ba bzhin yi ger bkod pa 'di/_/'thad legs rnam bkra'i spu sdug mi ldan kyang /_/thos sgom man ngag 'dab gshog rtsal ldan pas/_/grub brnyes mkha' lding dbang po'i shul rjes su/_/'phur 'dod gnyis skyes blo gsal rgya mtsho yis/_/mkha' spyod 'og min pad+ma 'od kyi zhing /_/skye dgu'i bsod nams skal pa lhun grub par/_/snang ba sprul pa'i 'khor lo 'bras ljongs kyi/_/snod bcud phas rgol srung ba'i mtshon char spel +
zhes pa dgra gnan gshin rje rlung sgrub gzhung dkyus ma nas/_yi dam chos skyong la rgyab rten bcol lo zhes pa las mi 'dug_/sangs rgyas kyi bstan pa rin po che bsrung ba'i don du/_cho ga'i las 'grigs phyag len gsal ba zhal shes dang bcas pa bkod pa 'di 'brug pa zhabs drung mi pham chos kyi rgyal pos bkas bskul ba las/_'jam dpal gshin rje'i skor mtha' dag la mos pa lam du byed pa'i shAkya'i sngags 'chang rdzogs chen pa gar gyi dbang phyug gis/_dbang phyug ces pa me mo glang gi lo nag pa zla ba'i dkar phyogs kyi tshes bcu la/_dpal ra lung mthil pa'i gzim chung gzhan 'phrul dbang byed du sbyar pa'i yi ge pa ni 'tsho byed blo gros bzang pos bgyis pa'o/_/'dis kyang bstan pa la gnod pa'i zhing bcu tshar bcad nas/_mdo sngags kyi bstan pa nyi zla ltar gsal bar gyur cig_/sarba mang+ga laM b+ha wan+tu +
de ltar rgya zhang khrom gyi gter kha las byung ba'i gshin rje king kang dmar chung zhig po gling pas bsgrigs pa 'di'i bka' lung /_kaHthog rdo rje gdan gyi gtsug lag khang du rig 'dzin klong gsal snying po'i zhal snga nas thos pa a lo bla ma karma kun mkhyen bdag gi yid kyi pad+mar gsal ba'i/_'jam dpal gshin rje gshed sgrub pa'i rnal 'byor pa bdag lho smar khams sgang dul mo bla ma karma dar rgyas kyi sgar khrod g.yu lo thog tu gnas pa'i tshe/_rin chen karma dar rgyas kyi bka' yis bskul nas 'brog dgon de dag tu nyi ma gnyis kyi thun mtshams su yi ger bkod pa'o/_/dge tshogs 'di yis bdag sogs 'gro ba kun/_/dam chos sgrub pa'i bar chad sel ba dang /_/'jam dpal gshin rje'i thugs rjes rjes bzung zhing /_/don gnyis 'bad med lhun gyis grub par shog_/mang+ga laM +
rgyud chen pA la pa tra'i 'jings zab las/_/ded dpon lha yi zla bas rab 'khyongs pa'i/_/shor sang nyi ma khros pa'i rin chen dbang /_/sngags 'chang chos kyi grags pa'i blo gros kyi/_/rgyal mtshan rtser bcings de la gsol btab nas/_/blo dman sngags pa'i blo dang rab 'tsham pa'i/_/rlung sgrub las byang tshig nyung don tshang 'di/_/rim gnyis gnad song rang lo zhe dgu par/_/lhag pa'i lha dang yang yang mjal ba'i tshe/_/dgyes bzhin gnang ba thob nas zin bris su/_sra brtan rdo rje'i gnas su (rtse ba gzhis ka/)mgyogs par sbyar/_/'di dges 'gro kun byang chub sar bgrod shog_/sarba dA mang+ga laM +
ces pa 'di yang 'jam dpal gshin rje dmar chung gi kha skong du/_tshogs mchod yod par gda' bas rung bar bsam nas rA ga a s+yas sbyar ba'o +
'jam dpal gshin rje gshed king kang gi dgra brub lag len gsal byed las kyi rlung dmar zhes bya ba/_sangs rgyas dngos dang mtshungs pa'i bla ma rnams kyi gsung gi 'od zer las blo'i snang ba thob pa/_gdong gi btsun pa (sog zlog pa/) blo gros rgyal mtshan dpal bzang pos zin bris su bkod pa'o/_/dge bas bstan pa'i dgra bo thal bar brlag par gyur cig_/sarba mang+ga laM/_shu b+haM +
zhes gzhung dkyus ma 'di la zur brgyan pa zhig dgos snyam pa'i nub mor las gshin dngos yin snyam pa'i bskul ba po zhig byung ba la brten nas/_gdong gi btsun pa (sog zlog pa/)blo gros rgya mtshan dpal bzang pos smyug la tshal du bsgrigs pa'o/__/'di yi bskul 'di las gshin rang gi gsungs yin snyam pa zhig 'dug pas gar thod thod du mi bya'o/_/sarba mang+ga laM +
gshin rje gshed kyi drag sngags kyi/_/gal mdo 'di shes mngon spyod kyi/_/gsang ba spyi 'doms cho ga ste/_/tshe dbang kun khyab blo mtsho las so/_/dza yan+tu +
ces 'jam dpal pha rol rgol 'joms king kang gi srung zlog dgra chings mdor bsdus zhor sgrub glang ru ma'i rgyun khyer gyi rnal 'byor zab gsang gnad dril 'di yang /_rang nyid kyis rgyun gyi nyams len gyi ched du lha mchog 'di nyid kyi gsang don smra ba'i rgyal khams pa tshe dbang kun khyab kyis smras pa kal+yA NaM b+ha wan+tu +
gnad kyi man ngag ma 'khrul ba dang ldan pa'i zhal rgyun zin bris gal po che 'di'ang dgos gal che bar mthong nas rin chen gter mdzod las bye brag pa'i cha rkyen du pad+ma gar dbang rtsal gyis bsdebs pa dge legs 'phel// +
* '''First colophon page 418:''' zang zang lha brag nas rig 'dzin rgod kyi ldem 'phru can gyis bton pa'o/_/sa ma ya/_rgya rgya rgya/_shu b+haM
* '''Second colophon page 421:''' brag ri dug sbrul spungs 'dra'i rked nas rig 'dzin rgod kyi ldem 'phru can gyis bton pa'o/_/sarba mang+ga laM//
+
ces pa'ang rtsa ba'i gzhung dang rdor brag rig 'dzin chen po pad+ma phrin las kyi yig cha rtsa bar bzung /_rig 'dzin brgyud pa'i phyag bzhes kyi legs chas brgyan te sus kyang lag tu blang bde bar pad+ma gar dbang phrin las 'gro 'dul rtsal gyis dpal spungs yang khrod tsa 'dra rin chen brag gi sgrub gnas su bgyis pa dge legs 'phel +
ces byang gter sri chung bcu gsum dang nag rtsis sri gnon sngags pa rnams la grags che rung /_rig 'dzin pad+ma phrin las kyis mdzad pa'i sri gnon byang gter phur pa kho na la sbyor bar mdzad pas grong sngags thos chung rnams kyis 'dor len mi phyed pas phan mi thogs par mthong nas de nyid rtsa bar bzung /_yi dam drag po gang la'ang sbyar chog pa'i gsal byed kyis brgyan te/_sngags gzugs rgan po pad+ma gar dbang rtsal gyis dpal spungs yang khrod shrI de bI ko Ti rdo rje thugs kyi rdzong du bgyis pa dge legs 'phel +
