Terdzo-THI-004

This page is under construction. Check back later for updated content.

ཚེ་སྒྲུབ་བཻ་རོའི་ཐུགས་ཏིག་གི་བརྒྱུད་འདེབས་

tshe sgrub bai ro'i thugs tig gi brgyud 'debs

by འཇམ་མགོན་ཀོང་སྤྲུལ་ (Jamgön Kongtrul Lodrö Taye)
revealed by འཇམ་དབྱངས་མཁྱེན་བརྩེའི་དབང་པོ་ (Jamyang Khyentse Wangpo)
in cycle རྗེས་དྲན་ཚེ་སྒྲུབ་བཻ་རོའི་ཐུགས་ཏིག་གསང་བའི་རྒྱ་ཅན་ (Rjes dran tshe sgrub bai ro'i thugs tig gsang ba'i rgya can)
Volume 40 (ཐི) / Pages 165-166 / Folios 1a1 to 1b3

Citation	'jam mgon kong sprul. tshe sgrub bai ro'i thugs tig gi brgyud 'debs. In Rin chen gter mdzod chen mo pod bzhi bcu pa (The Great Treasury of Rediscovered Teachings Volume 40) by 'jam mgon kong sprul, 165-166. New Delhi: Shechen Publications, 2007-2016.
Author	'jam mgon kong sprul འཇམ་མགོན་ཀོང་སྤྲུལ་
Source Revealer	'jam dbyangs mkhyen brtse'i dbang po འཇམ་དབྱངས་མཁྱེན་བརྩེའི་དབང་པོ་
Cycle	Rjes dran tshe sgrub bai ro'i thugs tig gsang ba'i rgya can རྗེས་དྲན་ཚེ་སྒྲུབ་བཻ་རོའི་ཐུགས་ཏིག་གསང་བའི་རྒྱ་ཅན་
Terdzö Category	Mahayoga
Tibetan Colophon(s)	ཅེས་ཚེ་སྒྲུབ་བཻ་རོའི་ཐུགས་ཏིག་གི་བརྒྱུད་འདེབས་འདིའང་། མཁས་གྲུབ་རིག་འཛིན་ཡོངས་ཀྱི་འཁོར་ལོས་སྒྱུར་བ་༧འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་སྨིན་གྲོལ་བདུད་རྩི་ཐོག་མར་ཐོབ་པའི་སྐལ་བཟང་ཅན་འཆི་མེད་བསྟན་གཉིས་གཡུང་དྲུང་གླིང་པ་རྩལ་གྱིས་བགྱིས་པ་དགེ་ལེགས་འཕེལ།།
Wylie Colophon(s)	ces tshe sgrub bai ro'i thugs tig gi brgyud 'debs 'di'ang /_mkhas grub rig 'dzin yongs kyi 'khor los sgyur ba 7'jam dbyangs mkhyen brtse'i dbang po'i zhal snga nas smin grol bdud rtsi thog mar thob pa'i skal bzang can 'chi med bstan gnyis g.yung drung gling pa rtsal gyis bgyis pa dge legs 'phel
Notes	Front left-side note: brgyud 'debs Back left-side note: gter mdzod mkhyen brtse'i rjes dran bai ro'i thuD tig
Links	No TBRC link // No THL link

< Previous Text

Next Text >

[edit]

ཨེ་མ་ཧོ། ཁྱབ་བདལ་ཐིག་ལེ་ཉག་གཅིག་ཀློང་ཡངས་སུ། །བོན་སྐུ་ཀུན་ཏུ་བཟང་པོ་ལ་གསོལ་བ་འདེབས། །ཀུན་སྙོམས་ཐུགས་རྗེ་ཆེན་པོའི་གཞལ་ཡས་སུ། །རྫོགས་སྐུ་ཚད་མེད་འོད་ལྡན་ལ་གསོལ་བ་འདེབས། །སྣ་ཚོགས་འགྲོ་བ་འདུལ་བའི་ཞིང་ཁམས་སུ། །སྤྲུལ་སྐུ་འཆི་མེད་གཙུག་ཕུད་ལ་གསོལ་བ་འདེབས། །གཡུང་དྲུང་རིན་ཆེན་གསང་བའི་བྲག་ཕུག་ཏུ། །གྱེར་སྤུངས་དྲན་པ་ནམ་མཁའ་ལ་གསོལ་བ་འདེབས། །གཉིས་འཛིན་རང་གྲོལ་བདེ་ཆེན་ཕོ་བྲང་དུ། །ལོ་ཆེན་གན་ཇག་ཐང་ཏ་ལ་གསོལ་བ་འདེབས། །ཅིར་སྣང་བོན་སྐུར་དག་པའི་གཞལ་ཡས་སུ། །ལང་གྲོ་དཀོན་མཆོག་འབྱུང་གནས་ལ་གསོལ་བ་འདེབས། །མཁྱེན་བརྩེ་ནུས་པའི་གཟི་བརྗིད་འབར་བ་ན། །མི་ཤིགས་གཡུང་དྲུང་འབྱུང་གནས་ལ་གསོལ་བ་འདེབས། །གང་འདུལ་འགྲོ་དོན་མཛད་པའི་ཕོ་བྲང་དུ། །དྲིན་ཆེན་རྩ་བརྒྱུད་བླ་མ་ལ་གསོལ་བ་འདེབས། །ཡི་དམ་ཞི་ཁྲོ་དཔའ་བོ་མཁའ་འགྲོ་དང་། །བཀའ་སྐྱོང་སྲུང་མའི་ལྷ་ཚོགས་ལ་གསོལ་བ་འདེབས། །ཕྱི་ནང་འབྱུང་བའི་དྭངས་མ་དབང་དུ་གྱུར། །བདུད་བཞི་འཆི་བདག་གཡུལ་ལས་རྣམ་པར་རྒྱལ། །སྐྱེ་འཆི་མེད་པ་ཚེ་དབང་རིག་འཛིན་ཐོབ། །མི་འགྱུར་རྟག་པ་གཡུང་དྲུང་སྐུ་མཉེས་ཤོག །བསྙེན་སྒྲུབ་མཐར་ཕྱིན་ལྷག་པའི་ལྷ་ཞལ་འཁུམས། །རིག་སྟོང་རྩལ་རྫོགས་སྒྲིབ་བྲལ་གཞའ་ཚོན་ལུས། །ཐུགས་སྤྲུལ་ཁོད་སྤུངས་གཤེན་དང་དབྱེར་མེད་པར། །མཁའ་མཉམ་ཀློང་བདལ་དོན་གཉིས་མཐར་ཕྱིན་ཤོག །བསྟན་པའི་སྣང་ཆེན་ས་གསུམ་ཡོངས་ལ་ཁྱབ། །བསྟན་འཛིན་སྐྱེས་བུའི་སྐུ་ཚེ་རྟག་ཅིང་བརྟན། །བསྟན་པ་རྗེས་བཞག་མཛད་པ་མཐའ་རུ་ཕྱིན། །བསྟན་འགྲོའི་དགེ་ལེགས་རབ་ཏུ་རྒྱས་གྱུར་ཅིག །ཅེས་ཚེ་སྒྲུབ་བཻ་རོའི་ཐུགས་ཏིག་གི་བརྒྱུད་འདེབས་འདིའང་། མཁས་གྲུབ་རིག་འཛིན་ཡོངས་ཀྱི་འཁོར་ལོས་སྒྱུར་བ་༧འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་སྨིན་གྲོལ་བདུད་རྩི་ཐོག་མར་ཐོབ་པའི་སྐལ་བཟང་ཅན་འཆི་མེད་བསྟན་གཉིས་གཡུང་དྲུང་གླིང་པ་རྩལ་གྱིས་བགྱིས་པ་དགེ་ལེགས་འཕེལ།། །།

[edit]

TSAGLI image gallery goes here

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).