Terdzo-RI-031: Difference between revisions
m Text replacement - "= Tsagli = {{TsagliCall}} " to "{{TsagliCall}} " |
m Text replacement - "= Tibetan Text = " to "<h1 style="font-size: 24px !important;">Tibetan Text</h1> " |
||
| Line 39: | Line 39: | ||
}} | }} | ||
{{Header}} | {{Header}} | ||
= Tibetan Text | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
<div id='tibetan' class='tib-text'> | <div id='tibetan' class='tib-text'> | ||
Revision as of 13:49, 29 December 2017
དམ་ཆོས་ཕྱག་ཆེན་མུན་སེལ་ཉི་མའི་སྙིང་པོའི་བརྒྱུད་པའི་གསོལ་འདེབས་
revealed by རཏྣ་གླིང་པ་ (Ratna Lingpa)
in cycle ཕྱག་རྒྱ་ཆེན་པོ་མུན་སེལ་ཉི་མའི་སྙིང་པོའི་སྐོར་ (Phyag rgya chen po mun sel nyi ma'i snying po'i skor)
Volume 55 (རི) / Pages 723-724 / Folios 1a1 to 1b4
Tibetan Text
དམ་ཆོས་ཕྱག་ཆེན་མུན་སེལ་ཉི་མའི་སྙིང་པོའི་བརྒྱུད་པའི་གསོལ་འདེབས་བཞུགས་སོ། །ན་མོ་གུ་རུ་སིདྡྷི་ཧཱུྃ། ཆོས་ཉིད་སྤྲོས་དང་བྲལ་བའི་ཕོ་བྲང་དུ། །ཀུན་བཟང་ཡབ་ཡུམ་གཉིས་ལ་གསོལ་བ་འདེབས། །འོག་མིན་ཆོས་དབྱིངས་དག་པའི་ཕོ་བྲང་དུ། །རྡོ་རྗེ་འཆང་ཆེན་ཞབས་ལ་གསོལ་བ་འདེབས། །ནུབ་ཕྱོགས་ཨོ་རྒྱན་ཡུལ་གྱི་ཕོ་བྲང་དུ། །ཡེ་ཤེས་མཁའ་འགྲོའི་ཞབས་ལ་གསོལྎ རྔ་ཡབ་པདྨ་འོད་ཀྱི་གཞལ་ཡས་སུ། །ཨོ་རྒྱན་ཡབ་ཡུམ་གཉིས་ལ་གསོལྎ བསམ་ཡས་མཆིམས་ཕུ་མཁའ་འགྲོའི་གནས་མཆོག་ཏུ། །སྤྲུལ་སྐུ་རྗེ་འབངས་གྲོགས་ལྔ་ལ་གསོལྎ སྤྱི་གཙུག་ཉི་ཟླ་པདྨའི་གདན་སྟེང་དུ། །དྲིན་ཆེན་རྩ་བའི་བླ་མ་ལ་གསོལྎ བླ་མ་སངས་རྒྱས་ཆོས་ཀྱི་སྐུ་ལ་གསོལྎ མ་རིག་མུན་པ་སངས་པར་བྱིན་གྱིས་རློབས། །བླ་མ་ལོངས་སྤྱོད་རྫོགས་པའི་སྐུ་ལ་གསོལྎ ཏིང་འཛིན་རྒྱུད་ལ་སྐྱེ་བར་བྱིན་གྱིས་རློབས། །བླ་མ་ཐུགས་རྗེ་སྤྲུལ་པའི་སྐུ་ལ་གསོལྎ ཉམས་དང་རྟོགས་པ་སྐྱེ་བར་བྱིན་གྱིས་རློབས། །བླ་མ་རྒྱལ་བ་རྒྱ་མཚོའི་ཚོགས་ལ་གསོལྎ བདག་གཞན་དོན་གཉིས་འགྲུབ་པར་བྱིན་གྱིས་རློབས། །ཟག་མེད་ལྷུན་གྲུབ་ལུས་ཀྱི་དཀྱིལ་འཁོར་དུ། །ཡི་དམ་ཞི་ཁྲོའི་ལྷ་ཚོགས་ལ་གསོལྎ བཀའ་འཁོར་དམ་ཚིག་གསང་བའི་དཀྱིལ་འཁོར་དུ། །བཀའ་སྲུང་དམ་ཅན་རྣམས་ལ་གསོལྎ གར་བཞུགས་ཆོས་ཀྱིས་འདའ་བའི་ཕོ་བྲང་དུ། །མཆེད་གྲོགས་ཆོས་མཛད་རྣམས་ལ་གསོལ་བ་འདེབས། །བཀའ་དྲིན་ཅན་གྱི་བླ་མ་བརྒྱུད་པ་རྣམས། །བདག་སོགས་གསོལ་བ་བཏབ་པའི་བུ་རྣམས་ལ། །རིང་པོར་མི་ཐོགས་ད་ལྟ་དུས་འདི་རུ། །སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ། །ཚེ་འདི་བློས་བཏང་དབེན་པའི་རི་ཁྲོད་དུ། །ཅིས་ཀྱང་དགོས་མེད་འཆི་བ་དྲན་པ་ཡིས། །བླ་མའི་བྱིན་རླབས་སྙིང་ལ་ཞུགས་ནས་ཀྱང་། །ཉིན་མཚན་ཆོས་ཀྱིས་འདའ་བར་བྱིན་གྱིས་རློབས། །ཞེ་འདོད་ཚེ་འདིའི་སྣང་བ་མི་སྐྱེ་ཞིང་། །སྐྱིད་སྡུག་གང་བྱུང་ཐོག་ཏུ་རོ་སྙོམས་ནས། །ཚེ་དང་སྒྲུབ་པ་མཐའ་རུ་ཕྱིན་པ་རུ། །ཐུགས་རྗེ་ལྡན་པ་རྣམས་ཀྱིས་མཛད་དུ་གསོལ། །བླ་མ་སྐུ་ཁམས་བཟང་བར་གསོལ་བ་འདེབས། །མཆོག་ཏུ་སྐུ་ཚེ་རིང་བར་གསོལ་བ་འདེབས། །ཕྲིན་ལས་དར་ཞིང་རྒྱས་པར་གསོལ་བ་འདེབས། །རྟག་ཏུ་འདུ་འབྲལ་མེད་པར་གསོལ་བ་འདེབས། །ཞེས་འབད་པར་བྱའོ། །དགེའོ། །རྗེ་རིན་པོ་ཆེས་མཛད་པའོ།། །།
