Terdzo-MI-017

Download PDF

ཁྱི་སྨྱོན་བཅོས་པའི་ཐབས་ལག་ཏུ་བླང་བའི་རིམ་པ་

khyi smyon bcos pa'i thabs lag tu blang ba'i rim pa

by  ཀརྨ་ཆགས་མེད་;གནས་མདོ་ཀརྨ་་ཆགས་མེད་ (Karma Chakme)
revealed by  སྤྲུལ་སྐུ་མི་འགྱུར་རྡོ་རྗེ་ (Mingyur Dorje)
in cycle  གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ (Gnam chos thugs kyi gter kha snyan brgyud zab mo'i skor)
Volume 46 (མི) / Pages 251-255 / Folios 1a1 to 3a6

Rinchen Terdzö Volumes List > Volume 46 > Text #17 (Scroll to Bottom)

Citation	karma chags med. khyi smyon bcos pa'i thabs lag tu blang ba'i rim pa. In Rin chen gter mdzod chen mo pod zhe drug pa (The Great Treasury of Rediscovered Teachings Volume 46) by 'jam mgon kong sprul, 251-255. New Delhi: Shechen Publications, 2007-2016.
Author	Karma chags med ཀརྨ་ཆགས་མེད་;གནས་མདོ་ཀརྨ་་ཆགས་མེད་
Source Revealer	Sprul sku mi 'gyur rdo rje སྤྲུལ་སྐུ་མི་འགྱུར་རྡོ་རྗེ་
Cycle	Gnam chos thugs kyi gter kha snyan brgyud zab mo'i skor གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་
Terdzö Category	Mahayoga
Tibetan Colophon(s)	First colophon page 254: དེ་སྐད་རཱ་ག་ཨ་སྱས་བསྡུས་ཏེ་བྲིས། །དགེ་བས་སེམས་ཅན་ཐམས་ཅད་བདེ་གྱུར་ཅིག །མངྒ་ལཾ།། Second colophon page 255: ཅེས་པ་སྤྲུལ་སྐུ་མི་འགྱུར་རྡོ་རྗེ་བྱ་ལོ་སྣྲོན་ཟླ་བའི་བཅུ་བདུན་ལ་རྒྱལ་བ་རྒྱ་མཚོས་གསུངས་པའོ
Wylie Colophon(s)	First colophon page 254: de skad rA ga a s+yas bsdus te bris/_/dge bas sems can thams cad bde gyur cig_/mang+ga laM Second colophon page 255: ces pa sprul sku mi 'gyur rdo rje bya lo snron zla ba'i bcu bdun la rgyal ba rgya mtshos gsungs pa'o
Notes	Front left-side note: khyi smyon bcos ka Back left-side note: gter mdzod zhi ba'i las tshogs chags med
Links	No TBRC link // No THL link

< Previous Text

Next Text >

Tibetan Text

༄༅། ཁྱི་སྨྱོན་བཅོས་པའི་ཐབས་ལག་ཏུ་བླང་བའི་རིམ་པ་བཞུགས་སོ། ། པདྨ་འབྱུང་གནས་སྐུ་ལ་ཕྱག་འཚལ་ལོ། །སྙིགས་དུས་མ་མོ་འཁྲུགས་པའི་ཁ་རླངས་དང་། །རྒྱལ་འགོང་འབྱུང་པོ་ཁ་དར་ཆོ་འཕྲུལ་ཆེ། །དེ་དུས་ཁྱི་སྨྱོན་མི་སྨྱོན་བོང་སྨྱོན་གྱིས། །འགྲོ་བ་ཀུན་ལ་གནོད་འཚེ་ཆེ་བ་དང་། ཁྱད་པར་མེ་ཕོ་སྤྲེལ་ལོ་ཚེས་པའི་ཚེ། ཁྱི་སྨྱོན་གནོད་པ་ཆེན་པོ་དར་བར་གསུངས། །དེ་ཡི་སྲུང་ཐབས་བརྟག་ཐབས་བཅོས་ཐབས་དང་། །སྨན་དཔྱད་རྫས་སྦྱོར་དཔག་ཏུ་མེད་པ་རྣམས། །གཏེར་ཁ་དུ་མར་རྒྱ་ཆེར་གསུངས་ན་ཡང་། །ལག་ཏུ་མི་ལོན་སྨན་རྫས་དམ་ཚིག་དཀའ། །དེ་ཕྱིར་འགྲོ་ལ་ཕན་པའི་སེམས་བསྐྱེད་ཀྱིས། །སྔགས་ཀྱི་བཅོས་ཐབས་གབ་སྦས་བསལ་ཏེ་བཀོད། །ཆོས་བདག་མཁའ་འགྲོས་བཀའ་ཡི་གནང་བ་སྩོལ། །སྔགས་མཁན་ཤ་ཆང་སྒོག་ཙོང་སྤངས་བྱས་ཏེ། །ཆུ་ཆེན་ཆུ་བླངས་སྔགས་ཆུ་མང་དུ་བྱ། །མི་རྟ་ནོར་ཕྱུགས་གང་ཕུག་རྣམས་ལ་ནི། །ཡུན་རིང་བར་དུ་བླུད་པས་ཕན་པ་འོ། །དཀོན་མཆོག་ཀུན་འདུས་པདྨ་འབྱུང་གནས་ལ། །བདག་དང་ནད་པ་ཐམས་ཅད་སྐྱབས་སུ་མཆི། །འགྲོ་བའི་དོན་དུ་རིག་སྔགས་བསྒྲུབ་པར་བྱ། །ཆོས་ཀུན་མི་དམིགས་ཡེ་ནས་རྫོགས་པ་ཆེ། །དེ་ཡི་རང་མདངས་རང་སེམས་ཧྲཱིཿཡིག་ལས། །རང་ཉིད་དབང་ཆེན་རྟ་མགྲིན་སྐུ་མདོག་དམར། ཁྲོ་བོའི་ཆས་རྫོགས་དབུ་གཙུག་རྟ་དབུ་འཚེར། །གྲི་གུག་ཐོད་ཁྲག་འཛིན་ཅིང་བརྐྱང་བསྐུམ་བཞུགས། །ཕག་མོ་དམར་མོ་གྲི་ཐོད་འཛིན་པ་འཁྱུད། །མེ་དཔུང་དབུས་སུ་པད་ཉི་རོ་སྟེངས་སུ། །འདོར་ཐབས་ཀྱིས་བཞུགས་ཐུགས་སྲོག་ཧྲཱིཿཡིག་མཚན། །ཡེ་ནས་དམ་ཚིག་ཡེ་ཤེས་གཉིས་མེད་ངང་། །སྟོང་པའི་ངང་ལས་ནད་པ་ཐམས་ཅད་ཀྱི། །ལུས་རྣམས་སོ་སོར་གཞལ་ཡས་ཁང་པ་ནི། །གྲུ་བཞི་སྒོ་བཞི་རྟ་བབས་ཆོས་འཁོར་བཅས། །དེ་དབུས་པདྨ་ཉི་མ་ཟླ་བའི་སྟེང་། །སེམས་ནི་གསང་བདག་ཕྱག་ན་རྡོ་རྗེ་མཐིང་། །རྡོ་རྗེ་ཕྱར་ཞིང་སྡིགས་མཛུབ་ཐུགས་ཀར་སྒྲེང་། ཁྲོ་བོའི་ཆས་རྫོགས་འདོར་ཐབས་མེ་ཀློང་བཞུགས། །དམ་ཡེ་དབྱེར་མེད་ཐུགས་སྲོག་ཧཱུྃ་གིས་མཚན། །དེ་ལྟར་གསལ་བས་སྔགས་འདི་གྲངས་མེད་བཟླས། །ཨོཾ་ཀྱཻ་ཀྱཻ་རིང་རིང་ཀྱེ་རིང་མཆེ་བའི་དབལ་སོད། །དང་པོ་སྔགས་འདི་སྟོང་ཕྲག་ཡན་ཆད་བཟླས། །དེ་ནས་སྔགས་འདི་བཟླ་བར་བྱ་བ་འོ། །ཨོཾ་དཀར་ཁྲམ་སོད། དམར་ཁྲམ་སོད། ནུར་ཁྲམ་སོད། ཁྲག་ཉག་རམ་སོད། མེ་ལྟར་འབར་བ་སོད། ཆུ་ལྟར་ཁོལ་བ་སོད། རླུང་ལྟར་འཕྱོ་བ་སོད། གཞི་དུག་ནད་ཀྱི་བདག་མོ་ལ་སྭཱ་ཧཱ། ཞེས་པའི་སྔགས་འདི་ལྔ་བརྒྱ་ཙམ་རེ་བཟླས། དེ་བར་ངག་བཅད་དེ་ནས་ཐུན་བསྡུ་བ། སྣོད་བཅུད་རང་ཐིམ་དེ་ཡང་མི་དམིགས་གྱུར། །དགེ་བས་འགྲོ་ཀུན་པད་འབྱུང་སྐུ་ཐོབ་ཤོག །དེ་ནས་སྔར་ལྟར་ཐུན་གཟུང་སྔགས་པར་བྱ། །དེ་ལྟར་ཡུན་རིང་ཞག་གྲངས་མང་དུ་བྱ། །ནད་པ་ལ་ནི་ཁྱི་སྨྱོན་གཏམ་མི་སྨྲ། །མི་གཙང་ལ་འཛེམ་དྲག་ཤུལ་འཐབ་རྩོད་སྤང་། །དེ་སྐད་རཱ་ག་ཨ་སྱས་བསྡུས་ཏེ་བྲིས། །དགེ་བས་སེམས་ཅན་ཐམས་ཅད་བདེ་གྱུར་ཅིག །མངྒ་ལཾ།། །། ༁ྃ༔ གནམ་ཆོས་ཐུགས་ཀྱི་གཏེར་ཁ་ཨུ་པ་རཱ་ཛའི་སྐོར་ལས་བྱུང་བའི་གདམས་པ་ནི། ྈྈྈ གུ་རུ་དྷེ་ཝ་དྷཱ་ཀི་ནཱི་ཧཱུྃ༔ ཁྱི་སྨྱོན་སྲུང་དང་བཅོས་པའི་ཐབས༔ ཀ་ཁ་ག་གསུམ་ཡིན་པ་སྟེ༔ དང་པོ་ཀ་ནི་ཁྱི་སྨྱོན་ནི༔ མི་འོང་བ་ཡི་ཐབས་ཡིན་ཏེ༔ རྫས་ནི་མི་དགོས་སྔགས་དམིགས་འདི༔ རང་ཉིད་ཐུགས་རྗེ་ཆེན་པོར་བསམ༔ རང་གི་ཐུགས་ནས་འོད་ཟེར་ནི༔ དཀར་ལ་དམར་བའི་མདངས་ཆགས་འཕྲོས༔ ཁྱི་རྣམས་ཐམས་ཅད་བྱིན་བརླབས་བསམ༔ དེ་ནས་སྔགས་ནི་འདི་ཡིན་ནོ༔ ཨོཾ་ཏོག་གེ་ཡ་ལེ་ཧཱུྃ་ཕཊ༔ ས་མ་ཡ༔ རྒྱ་རྒྱ་རྒྱ༔ ཁ་པ་ཁྱི་སྨྱོན་མི་རྨུག་ཐབས༔ རྫས་ནི་མི་དགོས་སྔགས་དམིགས་འདི༔ མི་ཀུན་སྤྱི་བོར་ཐུགས་ཆེན་ནི༔ རྒྱལ་བ་རྒྱ་མཚོ་དམར་པོ་བསྐྱེད༔ དེ་ཉིད་བསྲུང་བྱར་ཐིམ་པར་བསམ༔ དེ་ལྟར་ལན་གྲངས་མང་དུ་བསྐྱར༔ ཨོཾ་ཝ་ལེ་ཡེ་ཝ་ལེ་ཡེ་ཨཻ་སྭཱ་ཧཱ༔ ས་མ་ཡ༔ རྒྱ་རྒྱ་རྒྱ༔ ག་པ་རྨུགས་ཀྱང་སྐྱོན་མེད་ཐབས༔ རྫས་ནི་མི་དགོས་སྔགས་དམིགས་འདི༔ རྨུགས་པའི་མི་དེའི་ སྤྱི་བོ་རུ༔ ཐུགས་རྗེ་ཆེན་པོ་བསྐྱེད་ནས་སུ༔ སྐུ་ལས་བདུད་རྩིའི་རྒྱུན་བབས་པས༔ མི་དེའི་དུག་རྣམས་དག་རྗེས་སུ༔ ཐུགས་རྗེ་ཆེན་པོ་ཐིམ་པར་བསམ༔ སྤྲོ་ན་ཟ་ཡིག་དཔེའུ་རིས་ལྟར༔ ཟ་ཡིག་་་་ྈ སྔགས་འདི་བཟླས་ཤིང་ཟ་ཡིག་སྔགས༔ ཨོཾ་ཧ་ལ་ཀུ་གུ་ཨ་མྲྀཏ་ཡེ་སྭཱ་ཧཱ༔ སྲུང་སྐུད་ཆུ་སོགས་སྔགས་ཀྱང་རུང༔ ས་མ་ཡ༔ རྒྱ་རྒྱ་རྒྱ༔ ཅེས་པ་སྤྲུལ་སྐུ་མི་འགྱུར་རྡོ་རྗེ་བྱ་ལོ་སྣྲོན་ཟླ་བའི་བཅུ་བདུན་ལ་རྒྱལ་བ་རྒྱ་མཚོས་གསུངས་པའོ།། །།

Tsagli (0)

Mandalas (0)

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).