Terdzo-NI-049

Download PDF

བཟླས་ཆོག་སྔགས་འབུམ་དཀར་པོ་རྡོ་རྗེའི་གོ་ཁྲབ་

bzlas chog sngags 'bum dkar po rdo rje'i go khrab

by  རྡོ་རྗེ་གླིང་པ་ (Dorje Lingpa)
revealed by  རྡོ་རྗེ་གླིང་པ་ (Dorje Lingpa)
in cycle  སྔགས་འབུམ་དཀར་པོ་རྡོ་རྗེའི་གོ་ཁྲབ་ (Sngags 'bum dkar po rdo rje'i go khrab)
Volume 42 (ནི) / Pages 805-810 / Folios 1a1 to 3b4

Rinchen Terdzö Volumes List > Volume 42 > Text #49 (Scroll to Bottom)

Citation	rdo rje gling pa. bzlas chog sngags 'bum dkar po rdo rje'i go khrab. In Rin chen gter mdzod chen mo pod zhe gnyis pa (The Great Treasury of Rediscovered Teachings Volume 42) by 'jam mgon kong sprul, 805-810. New Delhi: Shechen Publications, 2007-2016.
Author	Rdo rje gling pa རྡོ་རྗེ་གླིང་པ་
Source Revealer	Rdo rje gling pa རྡོ་རྗེ་གླིང་པ་
Cycle	Sngags 'bum dkar po rdo rje'i go khrab སྔགས་འབུམ་དཀར་པོ་རྡོ་རྗེའི་གོ་ཁྲབ་
Terdzö Category	Mahayoga
Tibetan Colophon(s)	Treasure colophon: ཨོ་རྒྱན་པདྨས་འདི་ལ་ཟབ་པར་དགོངས་ནས་སེམས་ཅན་ལ་ཕན་པའི་ཕྱིར༔ དཀར་པོའི་སྔགས་འབུམ་ནང་ནས་ཁོལ་དུ་ཕྱུང་སྟེ༔ གནམ་སྐས་བྲག་ལ་གཏེར་དུ་སྦས༔ ཁོ་བོ་རྡོ་རྗེ་གླིང་པའི་བརྗེད་ཐོ་ལགས༔ འདི་ཉིད་ཞུ་བ་ལ་གསེར་ཞོ་རེ་མེད་པར་སུ་ལ་ཡང་མི་སྦྱིན་གསུངས༔ རྣམ་རྟོག་མ་ཆེ་དད་པ་ཆེ་བར་གྱིས༔ ས་མ་ཡ༔ རྒྱ་རྒྱ་རྒྱ༔ ༔
Wylie Colophon(s)	Treasure colophon: o rgyan pad+mas 'di la zab par dgongs nas sems can la phan pa'i phyir:_dkar po'i sngags 'bum nang nas khol du phyung ste:_gnam skas brag la gter du sbas:_kho bo rdo rje gling pa'i brjed tho lags:_'di nyid zhu ba la gser zho re med par su la yang mi sbyin gsungs:_rnam rtog ma che dad pa che bar gyis:_sa ma ya:_rgya rgya rgya:_:
Notes	Front left-side note: sngags 'bum Back left-side note: gter mdzod thung mong las tshogs rdor gling
Links	No TBRC link // No THL link

< Previous Text

Next Text >

Tibetan Text

Tsagli (0)

Mandalas (0)

[edit]

༄༅༔ བཟླས་ཆོག་སྔགས་འབུམ་དཀར་པོ་རྡོ་རྗེའི་གོ་ཁྲབ་བཞུགས་སོ༔ གཏེར་ཁ་སུམ་ལྡན༔ གུ་རུ་པདྨ་འབྱུང་གནས་དང་བླ་མ་དམ་པ་རྣམས་ལ་ཕྱག་འཚལ་ལོ༔ ལྔ་བརྒྱ་དུས་ཀྱི་མཐའ་རུ་སླེབ་པའི་ཚེ༔ འགྲོ་བ་མི་རྣམས་བསོད་ནམས་ཆུང༔ དུས་ཀྱི་ཆར་ཆུ་མི་འབབ་ཅིང༔ སྐྱེས་འབྲུ་དུས་སུ་མི་སྨིན་པས༔ དེ་དུས་སྤྱོད་ངན་སྣ་ཚོགས་བྱེད༔ དེ་བྱས་འབྱུང་པོ་མང་པོ་འཁྲུགས་གྱུར་ཏེ༔ གདོན་དུ་སྟེང་གདོན་འོག་གདོན་དང༔ འབྱུང་པོའི་ཚོགས་རྣམས་ཁ་རྒྱལ་ཏེ༔ ནད་དུ་མཛེ་ཤུ་གཟའ་ནད་དར་བར་འགྱུར༔ རིམས་ནད་མིང་མི་ཐོགས་པ་མང་པོ་འབྱུང༔ ལྷ་རྗེ་སྨན་པས་ནད་ངོས་མི་ཟིན་ཏེ༔ བཟང་དྲུག་སྨན་གྱིས་ནད་ཀྱི་ཟུག་མི་ཆོག༔ སྟེང་གདོན་འོག་གདོན་རིམས་ཀྱིས་མི་ཚུགས་པའི༔ དཀར་པོའི་སྔགས་འབུམ་འདི་ལ་ཡི་དམ་བྱ༔ ངག་བཅད་དམ་པོས་བསྙེན་པ་ཅི་ནུས་བྱེད༔ བརྒྱ་རྩ་རེ་ལ་རྒྱུན་གྱི་དམ་བཅའ་མཛོད༔ གཞན་དོན་བྱེད་ན་ཁྲུས་དང་སྔགས་ཆུས་མི་སོས་གང་ཡང་མེད༔ འདི་ལ་དམིགས་པ་བསྒོམ་རྒྱུ་མེད༔ བསྲུང་བྱ་གང་ཡང་མི་དགོས༔ གདམས་པ་དངོས་ནི་འདིའོ༔ ཨོཾ་པདྨ་ཤ་ཝ་རི་ཕཊ༔ ནན་པར་ཤིག༔ ནཱ་ག་ནན༔ ཏདྱ་ཐཱ༔ སརྦ་ཝི་རི་ཏ༔ ཧ་ན་ཧ་ན༔ བཛྲེ་ན་རཀྵ་རཀྵ་སྭཱ་ཧཱ༔ བཟླས་ཆོག་དཀར་པོའི་སྔགས་འབུམ་འདིས༔ ཁྱད་པར་གནམ་ནད་མེ་གཟའ་ཆུ་གཟའ་རླུང་གཟའ་དང༔ བཙན་དུག་སྦྱར་དུག་དུག་རིགས་ཐམས་ཅད་ལ༔ འདི་ཡི་སྔགས་ཆུ་འཐུང་བས་ཆོག༔ གག་ལྷོག་གཟེར་ཐུང་མ་མོའི་ནད་དང༔ ཕོ་ལོག་དམར་བཤལ་འབྲུམ་པའི་རིགས༔ ཕོ་གླང་སྐྲན་དང་དམུ་ཆུ་མཛེ་ནད་དང༔ ཤུ་བ་མེ་དབལ་བས་ལྡག་གཡེན་པ་དང༔ རྨ་དང་འབྲས་དང་གཉན་འབུར་དང༔ ཁྱད་པར་རིམས་ནད་སྟེང་གདོན་འོག་གདོན་རྣམས་ལ་བསྔགས་པ་ཡིན༔ ལིང་ཐོག་ཤ་མཛེར་ཤུ་ཐོར་དང༔ ལིང་རོ་ལ་སོགས་མིག་ནད་ཐམས་ཅད་ལ༔ སྔགས་ཆུ་བཏང་བས་མི་སོས་གང་ཡང་མེད༔ ཕྱི་ཡི་ནད་རྣམས་ཐམས་ཅད་ལ༔ སྔགས་འདི་བཏབ་པས་སོས་པར་འགྱུར༔ སོ་ནད་ལ་སོགས་རུས་ནད་ཐམས་ཅད་ལ༔ ཚྭ་ཆུ་དག་ལ་སྔགས་ནས་བྱིན་པས་ཕན༔ ཚད་པའི་ནད་རིགས་ཐམས་ཅད་ལ༔ གངས་ཆུ་དག་ལ་སྔགས་ཆུ་བྱས་ཏེ་བླུད༔ གྲང་བའི་ནད་ལ་ཆང་ལ་སྔགས་ནས་སྦྱིན༔ གློ་བུར་ནད་ལ་ཉུངས་དཀར་སྔགས་ནས་བྲབས༔ མི་གཙང་ནད་རིགས་ཐམས་ཅད་ལ༔ བུམ་ཆུར་བུལ་ཏོག་བཏབ་ལ་སྔགས་ནས་བཀྲུ༔ འགོ་བའི་ནད་རིགས་ཐམས་ཅད་ལ༔ བགྲང་པས་མི་ཐུབ་གང་ཡང་མེད༔ ལྷ་ཡི་ཆད་པ་གཟའ་ཡི་གཟེར་ནད་དང༔ རྒྱལ་པོའི་ཆོ་འཕྲུལ་གཉན་གྱི་གདུག་རྩུབ་ཐུབ༔ ལྷོག་པ་དཀར་ནག་ས་བདག་ཀླུ་གཉན་དང༔ བཙན་གྱི་གདོང་ཐུག་ལྷ་སྲིན་སྡེ་བརྒྱད་ཐུབ༔ མ་མོའི་ཡམས་ནད་དམུ་ཡི་བསྲང་ནད་དང༔ ཐེའུ་རང་སྲིས་རྐུ་བརྟན་མའི་གདོང་ཐུག་ཐུབ༔ སྔགས་པའི་རྦད་གཟེར་སྤར་ཁ་དགྲ་གཤེད་དང༔ བཞི་གཤེད་ལྟས་ངན་བརྒྱད་ཅུ་ཐམས་ཅད་ཐུབ༔ གློ་བུར་བདུན་བརྒྱ་ཉི་ཤུ་དང༔ ཡེ་འདྲོག་སུམ་བརྒྱ་དྲུག་ཅུ་ཐུབ༔ ནད་རིགས་བཞི་བརྒྱ་རྩ་བཞི་དང༔ མི་མཐུན་ཕྱོགས་ནི་ཐམས་ཅད་ཐུབ༔ ཕྱོགས་ངན་ཀག་དང་མནའ་ཟོས་དང༔ མནའ་བསྐྱལ་དཀར་མིན་བྱེད་པ་དང༔ ཕོ་འདྲེ་མོ་འདྲེ་མ་ལུས་པ༔ སྲོད་དང་ཐོ་རེངས་འཕྲད་པ་དང༔ གཙུག་ལག་ངན་དགུ་ཐམས་ཅད་ཐུབ༔ སྲ་མཁྲེགས་རྡོ་རྗེའི་བྲག་དང་མཚུངས༔ སྔགས་བསྙེན་ཞག་གསུམ་ཐེང་ཚད་བཟླ༔ མཐིང་ཤོག་དག་ལ་གསེར་གྱིས་བྲི༔ རབ་གནས་བྱས་ལ་མགུལ་དུ་བཏགས༔ དེ་ལྟར་བྱས་པས་ཁམས་གསུམ་གྱི༔ སྔགས་པའི་ངན་བྱད་དག་གིས་འཆི་མི་སྲིད༔ ཚངས་པའི་ཚེ་དང་ལྡན་པར་འགྱུར༔ གཞན་ཡང་ཡོན་ཏན་བསམ་མི་ཁྱབ༔ སྲུང་བ་རྡོ་རྗེའི་གོ་ཆ་ཡིན༔ ཟློག་པ་མཚོན་ཆའི་འཁོར་ལོ་འདྲ༔ སྔགས་ཟློག་ཀུན་གྱི་མན་ངག་ཡིན༔ སུ་ལའང་འདི་ནི་བསྟན་པ་ཕངས༔ གནད་ཀྱི་མན་ངག་འདི་མེད་པར༔ མན་ངག་གཞན་ལ་གདིང་བཅའ་བ༔ སྙིང་མེད་མི་ལ་མིར་འཛིན་འདྲ༔ རྒྱ་གར་རྒྱ་ནག་ཁ་ཆེ་དང༔ ཨོ་རྒྱན་ཡུལ་ལ་སོགས་པ་ཡི༔ འཛམ་བུའི་གླིང་ཀུན་དཀྲུགས་བྱས་ཀྱང༔ འདི་འདྲའི་མན་ངག་རྙེད་མི་སྲིད༔ འདི་ཡོད་འགྲོ་བ་རྡོ་རྗེའི་སྐུ༔ རང་ལ་ཅི་རི་འདི་ལ་རི༔ སྙིང་ལས་ཕངས་པའི་མན་ངག་འདི༔ སྙིང་དང་འདྲ་བ་མ་གཏོགས་པ༔ གཞན་ལ་བྱིན་ན་དམ་ཚིག་ཉམས༔ མཁའ་འགྲོས་བཀའ་སྲུངས་ཆད་པ་ཆོད༔ ཤི་ནས་དམྱལ་བར་སྐྱེ་བར་འགྱུར༔ གུ་རུ་པདྨ་འབྱུང་གནས་ཀྱིས༔ ཡིག་འབྲུ་སུམ་ཅུ་ཐམ་པ་ཡོད༔ ན་རོ་གཅིག་དང་གི་གུ་བཞི༔ འགྲེང་བུ་གཅིག་དང་རིང་ཆ་བཞི༔ ལྷག་ཆད་མེད་ན་དེ་དང་མཐུན༔ དེ་ཡང་ཟབ་པའི་གནད་གཅིག་ཡིན༔ བརྒྱུད་པའི་ལོ་རྒྱུས་དང་ཕན་ཡོན་སོགས་མང་དུ་འདུག་སྟེ༔ འདིར་ཡི་གེས་འཇིག་པས་མ་བྲིས་སོ༔ ཨོ་རྒྱན་པདྨས་འདི་ལ་ཟབ་པར་དགོངས་ནས་སེམས་ཅན་ལ་ཕན་པའི་ཕྱིར༔ དཀར་པོའི་སྔགས་འབུམ་ནང་ནས་ཁོལ་དུ་ཕྱུང་སྟེ༔ གནམ་སྐས་བྲག་ལ་གཏེར་དུ་སྦས༔ ཁོ་བོ་རྡོ་རྗེ་གླིང་པའི་བརྗེད་ཐོ་ལགས༔ འདི་ཉིད་ཞུ་བ་ལ་གསེར་ཞོ་རེ་མེད་པར་སུ་ལ་ཡང་མི་སྦྱིན་གསུངས༔ རྣམ་རྟོག་མ་ཆེ་དད་པ་ཆེ་བར་གྱིས༔ ས་མ་ཡ༔ རྒྱ་རྒྱ་རྒྱ༔ ༔

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).