Terdzo-TSI-026

Download PDF

མཁའ་འགྲོ་མ་སྨེ་བརྩེགས་ཀྱི་སྒྲུབ་ཐབས་

mkha' 'gro ma sme brtsegs kyi sgrub thabs

by  གུ་རུ་ཆོས་ཀྱི་དབང་ཕྱུག་ (Guru Chökyi Wangchuk)
revealed by  གུ་རུ་ཆོས་ཀྱི་དབང་ཕྱུག་ (Guru Chökyi Wangchuk)
Volume 47 (ཙི) / Pages 339-340 / Folios 1a1 to 1b6

Rinchen Terdzö Volumes List > Volume 47 > Text #26 (Scroll to Bottom)

Citation	gu ru chos kyi dbang phyug. mkha' 'gro ma sme brtsegs kyi sgrub thabs. In Rin chen gter mdzod chen mo pod zhe bdun pa (The Great Treasury of Rediscovered Teachings Volume 47) by 'jam mgon kong sprul, 339-340. New Delhi: Shechen Publications, 2007-2016.
Author	Gu ru chos kyi dbang phyug གུ་རུ་ཆོས་ཀྱི་དབང་ཕྱུག་
Source Revealer	Gu ru chos kyi dbang phyug གུ་རུ་ཆོས་ཀྱི་དབང་ཕྱུག་
Terdzö Category	Mahayoga
Tibetan Colophon(s)	Treasure colophon: རབ་ཏུ་ཟབ་ཕྱིར་མཁའ་འགྲོའི་རྒྱུད་ལས་བཏུས༔ ཉམས་སུ་བླང་བདེ་ཕན་ཡོན་བསམ་ལས་འདས༔ ལྔ་བརྒྱའི་དུས་སུ་ཕན་ཕྱིར་གཏེར་དུ་སྦས༔ མངའ་བདག་གསུང་སྤྲུལ་གཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ མངྒ་ལཾ། །ཤུ་བྷཾ།།
Wylie Colophon(s)	Treasure colophon: rab tu zab phyir mkha' 'gro'i rgyud las btus:_nyams su blang bde phan yon bsam las 'das:_lnga brgya'i dus su phan phyir gter du sbas:_mnga' bdag gsung sprul gcig dang 'phrad par shog:_sa ma ya:_rgya rgya rgya:_mang+ga laM/_/shu b+haM//_
Notes	Front left-side note: mkha' 'gro sme brtsegs Back left-side note: gter mdzod zhi ba'i las tshogs chos dbang
Links	No TBRC link // No THL link

< Previous Text

Next Text >

Tibetan Text

Tsagli

Tsagli (0)

Mandalas (0)

[edit]

མཁའ་འགྲོ་མ་སྨེ་བརྩེགས་ཀྱི་སྒྲུབ་ཐབས་བཞུགས་སོ༔ གུ་རུ་ཆོས་དབང་གི་གཏེར་བྱོན་མྱང་སྨན་ལུང་བའི་ཟབ་ཆོས་ཡང་དག་པའོ༔ ྀཨཚ༔ ན་མོ་གུ་རུ་ཌཱ་ཀི་ནཱི༔ གང་ཞིག་ཉམས་གྲིབ་སྦྱང་ཕྱིར་མཁའ་འགྲོ་མ་སྨེ་བརྩེགས་བསྒོམ་པར་འདོད་པས༔ སྐྱབས་འགྲོ་སེམས་བསྐྱེད་སྔོན་དུ་སོང་ནས༔ སྐད་ཅིག་གིས་པདྨ་ཉི་ཟླའི་གདན་ལ༔ རང་ཉིད་མཁའ་འགྲོ་མ་སྨེ་བ་བརྩེགས་མ་སྐུ་མདོག་མཐིང་ནག་ཤིན་ཏུ་འཚེར་བ༔ ཞལ་གཅིག་ཕྱག་གཉིས་ཞི་མ་ཁྲོ༔ ཞབས་གཤིབས་ནས་དྲང་པོར་བཞེངས་པ༔ ཕྱག་གཉིས་ཐུགས་ཀར་བསྣོལ་བའི་སྟེང་ན་བཻ་ཌཱུརྻའི་བུམ་པ་བདུད་རྩིས་གང་བ་བསྣམས་པ༔ རིགས་ལྔའི་དབུ་རྒྱན་དང་དར་སྔོན་པོའི་ཤམ་ཐབས་གསོལ་བ༔ སྤྱན་གསུམ་དང་ལྡན་ཞིང་ཞལ་ཅུང་ཟད་གདངས་པའི་ཐུགས་ཀར་ཡི་གེ་ཧྲཱིཿམཐིང་ག་སྔགས་ཕྲེང་གིས་བསྐོར་བར་གནས་པ་ལས་འོད་ཟེར་འཕྲོས༔ རང་བཞིན་གྱི་གནས་ནས་སངས་རྒྱས་བྱང་སེམས་ཐམས་ཅད་རང་འདྲ་བར་སྤྱན་དྲངས༔ རང་ལ་ཐིམ་པས་རང་གི་སྡིག་སྒྲིབ་དང་མི་གཙང་ཉམས་གྲིབ་ཐམས་ཅད་བྱང་བར་བསམ་ཞིང༔ སྔགས་བཟླས་པས་སྔགས་ཕྲེང་ལས་འོད་ཟེར་མེའི་ཚྭ་ཚྭ་ལྟ་བུ་འཕྲོས༔ རང་གི་མི་གཙང་བ་ཐམས་ཅད་བྱ་སྤུ་མེར་བསྲེགས་པ་བཞིན་སོང་བར་བསམ་ལ༔ ཨོཾ་ཁརྑཾ་ཛིརྑཾ་བི་མཱ་ན་སེ་ཨུཙུཥྨ་ཀྲོ་དྷཱི་ནཱི་ཧཱུྃ་ཕཊ་སྭཱ་ཧཱ༔ ཞེས་རབ་བརྒྱ་རྩ་བརྒྱད༔ འབྲིང་ཉེར་གཅིག༔ ཐ་མ་བདུན་བྱ་སྐད་མ་གྲགས་གོང་དུ་བཟླས་ལ་སྣ་བུག་ཏུ་ཕུས་གདབ་བོ༔ གཞན་གྱི་འབུལ་བ་དང་བཟའ་བཏུང་ལ་ཡང༔ སྔགས་ཀྱི་འོད་ཟེར་གྱིས་མི་གཙང་ཉམས་གྲིབ་ཚིག་པར་བསམས་ནས་རོལ་པར་བྱའོ༔ གཞན་ལ་ཁྲུས་ཆུ་བྱེད་ན༔ རིན་པོ་ཆེའི་བུམ་པར་ལྷ་སྒོམ་ལ་སྔགས་བཟླ༔ གོང་བཞིན་བསྐྱེད་རིམ་གསལ་བའི་ཕྱག་གི་བུམ་པ་ནས་ཆུ་བྱུང་བས་ཉམས་གྲིབ་སྦྱང་བར་བསམ་མོ༔ རང་གི་ཚེ་སྒྲུབ་ཏུ་བྱེད་ན༔ ཕྱག་གི་བུམ་པའི་ནང་དུ་ཨ་དཀར་པོ་གཅིག་ལས་འོད་འཕྲོས༔ ཕྱོགས་བཅུའི་སངས་རྒྱས་དང་བྱང་སེམས་དཔའ་བོ་མཁའ་འགྲོ་ཐམས་ཅད་ཀྱི་བྱིན་རླབས་ཨའི་རྣམ་པར་སྤྱན་དྲངས་བུམ་པར་ཐིམ༔ གཞན་ཡང་འབྱུང་བའི་བཅུད་དང༔ རང་གི་བླ་ཚེ་འཐོར་བ་ཡང་བསྡུས་བུམ་པར་ཐིམ༔ བུམ་པ་ཨ་དཀར་པོས་གང་བ་ལ་དམིགས་པ་གཏད༔ རླུང་ཐུན་གཅིག་གཟུང་ངོ༔ ཨ་ཉེར་གཅིག་རེ་བཟླས་ལ་འོད་དུ་ཞུ་བའི་བདུད་རྩིའི་ཆུ་རང་གི་ཁར་ཧུབ་རེ་འཐུངས་པས༔ ལུས་བདེ་བས་ཁྱབ་ཅིང་སྙིང་གར་ཡང་ཨ་དཀར་ལ་འཚེར་བ་གཅིག་བསམ་པས་ཚེའི་དངོས་གྲུབ་ཐོབ་བོ༔ རྗེས་དམིགས་མེད་སྟོང་གསལ་གྱི་ངང་ལ་བཞག་གོ༔ ྀཨཚ༔ རབ་ཏུ་ཟབ་ཕྱིར་མཁའ་འགྲོའི་རྒྱུད་ལས་བཏུས༔ ཉམས་སུ་བླང་བདེ་ཕན་ཡོན་བསམ་ལས་འདས༔ ལྔ་བརྒྱའི་དུས་སུ་ཕན་ཕྱིར་གཏེར་དུ་སྦས༔ མངའ་བདག་གསུང་སྤྲུལ་གཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ མངྒ་ལཾ། །ཤུ་བྷཾ།། །།

[edit]

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).