Terdzo-LA-030

Download PDF

སྙན་བརྒྱུད་རྟ་མགྲིན་སྐོང་བ་དངོས་གྲུབ་ཆར་འབེབ་

snyan brgyud rta mgrin skong ba dngos grub char 'beb

by  འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ (Jamyang Khyentse Chökyi Lodrö)
revealed by   ([['jam dbyangs mkhyen brtse'i dbang po|]])
in cycle  རྟ་མཆོག་རོལ་པའི་སྙིང་ཏིག་ (Rta mchog rol pa'i snying tig)
Volume 26 (ལ) / Pages 523-524 / Folios 1a1 to 1b4

Rinchen Terdzö Volumes List > Volume 26 > Text #30 (Scroll to Bottom)

Citation	'jam dbyangs mkhyen brtse chos kyi blo gros. snyan brgyud rta mgrin skong ba dngos grub char 'beb. In Rin chen gter mdzod chen mo pod nyer drug pa (The Great Treasury of Rediscovered Teachings Volume 26) by 'jam mgon kong sprul, 523-524. New Delhi: Shechen Publications, 2007-2016.
Author	'jam dbyangs mkhyen brtse chos kyi blo gros འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Source Revealer	'jam dbyangs mkhyen brtse'i dbang po
Cycle	Rta mchog rol pa'i snying tig རྟ་མཆོག་རོལ་པའི་སྙིང་ཏིག་
Terdzö Category	Mahayoga
Tibetan Colophon(s)	Author colophon: ཅེས་པའང་ཤིང་ལུག་ལོར་དཔའ་འོག་དབང་ཆེན་བྲག་ཏུ་རྟ་མགྲིན་གྱི་ཚོགས་སྐོང་ཕུལ་སྐབས་བྲིས་པ་དགེའོ། Compiler colophon: །འཇམ་དབྱངས་ཆོས་ཀྱི་བློ་གྲོས་ཕྱག་བྲིས་ལས་ཞལ་བཤུས་ཞུས Printer colophon: དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།
Wylie Colophon(s)	Author colophon: ces pa'ang shing lug lor dpa' 'og dbang chen brag tu rta mgrin gyi tshogs skong phul skabs bris pa dge'o/_ Compiler colophon:/'jam dbyangs chos kyi blo gros phyag bris las zhal bshus zhus Printer colophon: dpe tshan 'di sngon chad gter mdzod dkyus su med cing /_bal yul zhe dgon gyi par gsar 'dir gsar bzhag byas pas lung rgyun la zhib rtog dgos pa yin no//
Notes	Front left-side note: skong ba Back left-side note: gter mdzod mkhyen brtse'i snyan brgyud rta mgrin
Links	No TBRC link // No THL link

< Previous Text

Next Text >

Tibetan Text

སྙན་བརྒྱུད་རྟ་མགྲིན་སྐོང་བ་དངོས་གྲུབ་ཆར་འབེབ་ཅེས་བྱ་བ་བཞུགས་སོ། །ཧ་ཡ་གྲཱི་ཝ་ལ་ན་མོ། སྐོང་རྫས་རྣམས་བྱིན་གྱིས་བརླབས་ལ། ཧྲཱིཿཧྲཱིཿཧྲཱིཿ ཟླ་གམ་དབང་ཆེན་རོལ་པའི་དཀྱིལ་འཁོར་ནས། །པདྨ་དབང་ཆེན་ཡུམ་ཆེན་གཟི་ལྡན་དང་། །དབང་ཆེན་རིགས་བཞི་ཁམ་རྒྱ་དམུས་ལོང་དང་། །དཔལ་གྱི་ཁྱི་སྤྱང་ལ་སོགས་དཀྱིལ་འཁོར་གྱི། །ལྷ་ཚོགས་སྤྲུལ་པ་ཡང་སྤྲུལ་དམ་ཅན་ཚོགས། །ཐུགས་དམ་བསྐང་ངོ་དངོས་གྲུབ་མ་ལུས་སྩོལ། །ཧཱུྃ་ཧྲཱིཿ དཀྱིལ་འཁོར་ལྷ་ཚོགས་ཐུགས་དམ་བསྐང་བའི་རྫས། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ལྷ་རྫས་ཕྱི་ཡི་མཆོད་པ་རྣམ་མང་དང་། །གཟུགས་སྒྲ་དྲི་རོ་རེག་བྱ་ལ་སོགས་པ། །རང་བྱུང་ནང་གི་མཆོད་པ་ཆེན་པོ་དང་། །སྨན་རཀ་གཏོར་མ་སྦྱོར་སྒྲོལ་ཚོགས་འཁོར་ལོ། །གཉིས་མེད་གསང་བའི་མཆོད་པ་རྨད་བྱུང་ཆེ། །མདོར་ན་འཁོར་འདས་སྣང་ཞིང་སྲིད་པ་ཡི། །མཆོད་པར་འོས་པའི་ཚོགས་ཀྱིས་ཐུགས་དམ་བསྐང་། །རྟེན་སྒྲུབ་མཆོད་སྐོང་དམ་རྫས་ཆེན་པོ་དང་། །ལྷ་སྔགས་ཏིང་འཛིན་ཕྱག་རྒྱའི་ཆོ་འཕྲུལ་ཆེ། །རང་སེམས་གཉུག་མ་དབང་ཆེན་རྟ་མགྲིན་གྱི། །དཀྱིལ་དང་འཁོར་དུ་ཤར་བ་ཐམས་ཅད་ཀུན། །གཉིས་མེད་རང་ངོ་ཤེས་པས་ཐུགས་དམ་བསྐང་། །ཉམས་ཆག་སྡིག་ལྟུང་ཆོས་དབྱིངས་སྐྱེ་མེད་ངང་། །བཤགས་བྱ་བཤགས་བྱེད་བྲལ་བའི་ཀློང་དུ་བཤགས། །ཐུགས་དམ་དགྱེས་བསྐངས་དངོས་གྲུབ་མ་ལུས་སྩོལ། །བདག་ཅག་རིག་འཛིན་རྣལ་འབྱོར་སྒྲུབ་པ་པོས། །རྟ་སྐད་ཐེངས་གསུམ་དགོངས་པ་མངོན་དུ་གྱུར། །བདུད་དང་དམ་སྲི་ཐམས་ཅད་ཟིལ་གྱིས་ནོན། །བྱད་ཕུར་རྦོད་གཏོང་ཐམས་ཅད་རྡུལ་དུ་བརླགས། །གཟུང་འཛིན་རྟོག་ཚོགས་ཆོས་ཀྱི་དབྱིངས་སུ་བསྒྲལ། །སྣང་སྲིད་དབང་སྡུད་དབང་གི་ལས་མཐར་ཕྱིན། །སྲིད་གསུམ་རྟ་མཆོག་རོལ་པའི་ཐིག་ལེ་ཆེར། །འུབ་ཆུབ་གསུང་མཆོག་ཕྲིན་ལས་འགྲུབ་པར་ཤོག །ཅེས་པའང་ཤིང་ལུག་ལོར་དཔའ་འོག་དབང་ཆེན་བྲག་ཏུ་རྟ་མགྲིན་གྱི་ཚོགས་སྐོང་ཕུལ་སྐབས་བྲིས་པ་དགེའོ། །འཇམ་དབྱངས་ཆོས་ཀྱི་བློ་གྲོས་ཕྱག་བྲིས་ལས་ཞལ་བཤུས་ཞུས། ༈ །དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།

Tsagli (0)

Mandalas (0)

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).