Terdzo-PI-024

Download PDF

རྩིས་ཀྱི་གཙུག་ལག་ལས་འབྱུང་བའི་ལྷ་རྣམས་མཆོད་པའི་ཆོ་ག་མདོར་བསྡུས་

rtsis kyi gtsug lag las 'byung ba'i lha rnams mchod pa'i cho ga mdor bsdus

by  སྨིན་གླིང་ལོ་ཆེན་དྷརྨ་ཤྲཱི་ (Minling Lochen Dharmaśrī)
Volume 43 (པི) / Pages 457-458 / Folios 1a1 to 1b5

Rinchen Terdzö Volumes List > Volume 43 > Text #24 (Scroll to Bottom)

Citation	smin gling lo chen d+harma shrI. rtsis kyi gtsug lag las 'byung ba'i lha rnams mchod pa'i cho ga mdor bsdus. In Rin chen gter mdzod chen mo pod zhe gsum pa (The Great Treasury of Rediscovered Teachings Volume 43) by 'jam mgon kong sprul, 457-458. New Delhi: Shechen Publications, 2007-2016.
Author	Smin gling lo chen d+harma shrI སྨིན་གླིང་ལོ་ཆེན་དྷརྨ་ཤྲཱི་
Terdzö Category	Mahayoga
Tibetan Colophon(s)	ཞེས་གྲོང་དུ་རྒྱུ་བའི་ལྷ་གཤེན་བླ་མཁྱེན་རྣམས་ལ་ཕན་པའི་ཆེད་དུ་དྷརྨ་ཤྲཱིས་བྲིས་པའོ། །ཤུ་བྷཾ།།
Wylie Colophon(s)	zhes grong du rgyu ba'i lha gshen bla mkhyen rnams la phan pa'i ched du d+harma shrIs bris pa'o/_/shu b+haM//_
Notes	Front left-side note: rtsis lha mchod pa Back left-side note: gter mdzod thung mong las tshogs smin lo
Links	No TBRC link // No THL link

< Previous Text

Next Text >

Tibetan Text

Tsagli (0)

Mandalas (0)

[edit]

རྩིས་ཀྱི་གཙུག་ལག་ལས་འབྱུང་བའི་ལྷ་རྣམས་མཆོད་པའི་ཆོ་ག་མདོར་བསྡུས་དགེ །རྩིས་ཀྱི་གཙུག་ལག་ལས་འབྱུང་བའི་ལྷ་རྣམས་ལ་གཏོར་མ་དང་གསེར་སྐྱེམས་ཀྱིས་མཆོད་པ་ནི། ཆོ་ག་རྒྱས་པ་གཞན་དང་འབྲེལ་ན་སྐབས་སུ་བབས་པ་ན་སྦྱར་ཞིང་། མ་འབྲེལ་ན། བདག་བསྐྱེད་མཆོད་གཏོར་བྱིན་རླབས་སྔོན་དུ་འགྲོ་བས། ཧོཿ ལོ་རྒྱལ་པོ། ཟླ་བ་བློན་པོ། ཞག་དམག་མི། དུས་ཚོད་མཚོན་ཆ། སྲིད་པ་གསུམ་གྱི་ཡབ་ཡུམ་གནམ་ས། གཡས་གདགས་རི་དཀར་པོ་སྐྱེས་པའི་བླ་རི། གཡོན་སྲིབ་རི་ནག་པོ་ཟ་མ་མོ་ཡི་བླ་རི། མཚམས་བཞི་བུ་ཚ་ནོར་གྱི་སས་བསྡུས་པའི་ཡུལ་འདིར་གནས་པའི་ཀླུ་གཉན་ས་བདག་བསེན་མོ། ཤར་ཕྱོགས་འབྱུང་བ་ཤིང་གི་ལྷ། ལྷོ་ཕྱོགས་འབྱུང་བ་མེའི་ལྷ། ནུབ་ཕྱོགས་འབྱུང་བ་ལྕགས་ཀྱི་ལྷ། བྱང་ཕྱོགས་འབྱུང་བ་ཆུའི་ལྷ། མཚམས་བཞི་འབྱུང་བ་ས་ཡི་ལྷ། ཤར་གྱི་སྟག་སྐྱ་བོ། ལྷོའི་གཡུ་འབྲུག་སྔོན་མོ། ནུབ་ཀྱི་བྱ་དམར་པོ། བྱང་གི་རུ་སྦལ་ནག་པོ། དབུས་ཀྱི་སྤྲེའུ་སེར་པོ། མཚམས་བཞི་གཡོག་བརྒྱད་དམངས་ཀྱི་ལྷ། ཐེ་སེ་རྒྱལ་པོ་ལ་སོགས་ཏེ་ལོའི་ས་བདག །འབྲུག་ལྷ་གྭ་པ་ལ་སོགས་ཏེ་ཟླ་བའི་ས་བདག །གསེར་མཛོད་སེར་པོ་ལ་སོགས་ཏེ་ཞག་གི་ས་བདག །གཡུ་མཛོད་སྔོན་མོ་ལ་སོགས་ཏེ་དུས་ཚོད་ཀྱི་ས་བདག །ཤིང་ཕོ་བྱི་བ་ལ་སོགས་ཏེ་ལོ་དྲུག་ཅུའི་ལྷ། མེ་སྟག་ལ་སོགས་ཏེ་ཟླ་བའི་ལྷ། ས་སྟག་ལ་སོགས་ཏེ་ཞག་གི་ལྷ། ལྕགས་ཡོས་ལ་སོགས་ཏེ་དུས་ཚོད་ཀྱི་ལྷ། ལོ་ཟླ་དུས་བཞིའི་ས་བདག །སྤར་ཁ་བརྒྱད་ཀྱི་ལྷ། སྨེ་བ་དགུའི་ལྷ། གཟའ་སྐར་འཕྲོད་སྦྱོར་དུས་ལྷ་འབྱུང་པོའི་ལྷ། ཕྱེད་གཉིས་དང་ཟེར་གཉིས་སུ་རྒྱུ་བའི་ལྷ། གཉུག་མར་གནས་པའི་ལྷ་ལ་སོགས་པ་ཡུལ་དུས་ལ་དབང་བྱེད་པའི་ས་བདག་ལྷ་ཀླུ་འཁོར་དང་བཅས་པ་ཐམས་ཅད་ལ། རང་རང་གི་སྤྱོད་ཡུལ་དང་མཐུན་པའི་གཏོར་མ་རྒྱན་ལྡན་གཡོས་སུ་སྦྱར་བ་གསེར་སྐྱེམས་ཀྱིས་བརྒྱན་པའི་མཆོད་པ་དམ་པ་འདིས་གསོལ་ཞིང་མཆོད་དོ། །སོ་སོའི་རྒྱུད་ཚིམས་པ་དང་ལོངས་སྤྱོད་ཀྱི་རྐྱེན་དུ་འབྱོར་པར་གྱུར་ཅིག །བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ་ཆེ་བས་མ་བཀྱོན། ཆུང་བས་མ་འཁང་། རུ་ང་དང་ཕྲག་དོག་མ་མཛད། བདག་ནི་ས་དང་ཡུལ་དུས་ལ་དབང་མི་བྱེད་དོ། །ས་དང་ཡུལ་དུས་ཀྱི་བདག་པོ་ཁྱེད་རྣམས་ལ་བསྟེན་ནས་ལས་དང་བྱ་བ་བྱེད་པ་ཡིན་པས་སྟོངས་དང་གྲོགས་མཛོད་ཅིག །བཀྲ་ཤིས་དང་བདེ་ལེགས་ཕུན་སུམ་ཚོགས་པར་མཛད་དུ་གསོལ། ཞེས་གྲོང་དུ་རྒྱུ་བའི་ལྷ་གཤེན་བླ་མཁྱེན་རྣམས་ལ་ཕན་པའི་ཆེད་དུ་དྷརྨ་ཤྲཱིས་བྲིས་པའོ། །ཤུ་བྷཾ།། །། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜ་ལ་མ་ཡེ་སྭཱ་ཧཱ། ཞེས་མང་དུ་བཟླའོ།།

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).