Terdzo-PHI-033

ཕྱུགས་གླུད་གཏང་ཐབས་འདོད་ཡོན་མཆོག་སྦྱིན་ནད་བདག་སྟོབས་འཇོམས་

phyugs glud gtang thabs 'dod yon mchog sbyin nad bdag stobs 'joms

by རིག་འཛིན་ཐུགས་ཀྱི་རྡོ་རྗེ་ (Rigdzin Tukyi Dorje)
revealed by རིག་འཛིན་ཐུགས་ཀྱི་རྡོ་རྗེ་ (Rigdzin Tukyi Dorje)
in cycle ཐུགས་ཀྱི་རྡོ་རྗེའི་དགོངས་གཏེར་ (Thugs kyi rdo rje'i dgongs gter)
Volume 44 (ཕི) / Pages 387-388 / Folios 1a1 to 1b4

Citation	rig 'dzin thugs kyi rdo rje. phyugs glud gtang thabs 'dod yon mchog sbyin nad bdag stobs 'joms. In Rin chen gter mdzod chen mo pod zhe bzhi pa (The Great Treasury of Rediscovered Teachings Volume 44) by 'jam mgon kong sprul, 387-388. New Delhi: Shechen Publications, 2007-2016.
Author	Rig 'dzin thugs kyi rdo rje རིག་འཛིན་ཐུགས་ཀྱི་རྡོ་རྗེ་
Source Revealer	Rig 'dzin thugs kyi rdo rje རིག་འཛིན་ཐུགས་ཀྱི་རྡོ་རྗེ་
Cycle	Thugs kyi rdo rje'i dgongs gter ཐུགས་ཀྱི་རྡོ་རྗེའི་དགོངས་གཏེར་
Terdzö Category	Mahayoga
Tibetan Colophon(s)	ཐུགས་ཀྱི་རྡོ་རྗེའི་དགོངས་པའི་གཏེར་ལས་ཕྱུང་བའོ༔
Wylie Colophon(s)	thugs kyi rdo rje'i dgongs pa'i gter las phyung ba'o:_
Notes	Front left-side note: phyugs glud Back left-side note: gter mdzod thung mong las tshogs thugs rdor
Links	No TBRC link // No THL link

< Previous Text

Next Text >

[edit]

ཕྱུགས་གླུད་གཏང་ཐབས་འདོད་ཡོན་མཆོག་སྦྱིན་ནད་བདག་སྟོབས་འཇོམས་བཞུགས་སོ༔ ས་མ་ཡ༔ ནོར་གླུད་གཏང་ན༔ སྣོད་དུ་བགེགས་གཏོར་ཤ་ཁྲག་གིས་བརྒྱན༔ ནོར་གླུད་ལ༔ ནམ་མཁའ་དང༔ མར་མེ་དང༔ སྤུ་གླུད་དང༔ ཆངས་བུ་གཙང་མས་བཀང་ལ༔ ཡི་དམ་གྱི་བདག་བསྐྱེད་སྔོན་དུ་འགྲོ་བས༔ བསང་སྦྱང་བྱིན་གྱིས་བརླབས་ནས༔ ཀྱཻ༔ ཉོན་ཅིག་ནད་བདག་ཕོ་མོའི་ཚོགས༔ སྣང་སྲིད་ལྷ་འདྲེ་མ་ལུས་པ༔ བཀའ་དང་བདེན་པའི་ཚིག་ལ་ཉོན༔ གླུད་གཏོར་ལེན་ལ་འདིར་འདུས་ཤིག༔ ཀྱཻ༔ ནད་བདག་མ་མོ་ཆེན་མོ་ནི༔ བུད་མེད་གཅེར་བུ་ཁྲག་རལ་ཅན༔ ལག་ན་ནད་ཀྱི་རྐྱལ་པ་ཐོགས༔ རེ་བ་ནག་པོ་གོས་སུ་གྱོན༔ འདིར་གཤེགས་གླུད་དང་གཏོར་མ་ལོང༔ ནད་བདག་ཆེན་པོ་འཇིགས་པའི་གཟུགས༔ མགོ་ལ་གྲོད་པའི་ཞྭ་གྱོན་ཞིང༔ ལུས་ལ་མི་ལྤགས་གཡང་གཞི་གྱོན༔ ལག་ན་བཤའ་གྲི་དམར་པོ་ཐོགས༔ འདིར་གཤེགས་གླུད་དང་གཏོར་མ་ལོང༔ སྡོང་ཟླ་མི་ནག་རྒྱ་ཆས་ཅན༔ ཞགས་པ་དང་ནི་གློ་སྙིང་བཟུང༔ རིགས་དང་སྡེ་ཚན་འཁོར་བཅས་པ༔ འདིར་གཤེགས་གླུད་དང་གཏོར་མ་ལོང༔ ཨོཾ་ལས་བྱུང་བའི་རཏྣའི་སྣོད༔ ནང་དུ་ཨོཾ་ཨཱཿཧཱུྃ་ཡིག་ལས༔ གཏོར་མ་འདོད་དགུའི་རྒྱ་མཚོ་འདིས༔ ནད་བདག་ཕོ་མོ་ཚིམས་གྱུར་ཅིག༔ རིན་ཆེན་ཕྱེ་མ་འབྲུ་སྣ་ལས༔ ཕྱུགས་གླུད་དངོས་ལས་ལྷག་པ་རུ༔ སྔགས་དང་ཕྱག་རྒྱ་ཏིང་འཛིན་གྱིས༔ བྱིན་གྱིས་བརླབས་ནས་འབུལ་ལོ་བཞེས༔ རིན་ཆེན་མང་དང་གཟུགས་མཛེས་དང༔ འབྱམས་ཀླས་འཇིགས་པ་ཐམས་ཅད་བྲལ༔ དེ་བཞིན་གཤེགས་ལ་ཕྱག་འཚལ་ལོ༔ ནད་བདག་གླུད་གཏོར་གྱིས་ཚིམས་ཤོག༔ ཁ་འབར་མའི་སྔགས༔ དཀོན་མཆོག་རྩ་གསུམ་བདེན་པ་དང༔ ཆོས་དབྱིངས་རྣམ་པར་དག་པ་དང༔ ཆོས་ཅན་རྒྱུ་འབྲས་བདེན་མཐུ་དང༔ སྔགས་འཆང་བདག་གི་བཀའ་ཉོན་ལ༔ ནད་བདག་འཁོར་བཅས་གཞན་དུ་སོང༔ འཁོར་འདིར་གནོད་པ་མ་བྱེད་ཅིག༔ བསྟན་པའི་སྤྱི་དགྲ་རྣལ་འབྱོར་དགྲ༔ ཟ་ཁ་གཏོད་ལ་གནས་མལ་སྤོས༔ གལ་ཏེ་བཀའ་འདའ་གནོད་བྱེད་ན༔ བདེན་པའི་སྟོབས་ཀྱིས་བརླག་པར་བྱེད༔ སྔགས་ཀྱི་མཐུ་ཡིས་ལུས་སྲོག་འབྲལ༔ དེ་བས་མྱུར་དུ་ཕྱིར་དེངས་ཤིག༔ ཅེས་བརྗོད༔ ཐུགས་ཀྱི་རྡོ་རྗེའི་དགོངས་པའི་གཏེར་ལས་ཕྱུང་བའོ༔ ྈྈྈ ྈ

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).