Terdzo-NI-019

ཐུགས་སྒྲུབ་ཆ་ལག་མེ་མཆོད་ཟབ་མོ་

thugs sgrub cha lag me mchod zab mo

by རཏྣ་གླིང་པ་ (Ratna Lingpa)
revealed by རཏྣ་གླིང་པ་ (Ratna Lingpa)
in cycle བླ་མའི་ཐུགས་སྒྲུབ་ཡང་སྙིང་འདུས་པ་ (Bla ma'i thugs sgrub yang snying 'dus pa)
Volume 42 (ནི) / Pages 227-228 / Folios 1a1 to 1b4

Citation	rat+na gling pa. thugs sgrub cha lag me mchod zab mo. In Rin chen gter mdzod chen mo pod zhe gnyis pa (The Great Treasury of Rediscovered Teachings Volume 42) by 'jam mgon kong sprul, 227-228. New Delhi: Shechen Publications, 2007-2016.
Author	Rat+na gling pa རཏྣ་གླིང་པ་
Source Revealer	Rat+na gling pa རཏྣ་གླིང་པ་
Cycle	Bla ma'i thugs sgrub yang snying 'dus pa བླ་མའི་ཐུགས་སྒྲུབ་ཡང་སྙིང་འདུས་པ་
Terdzö Category	Mahayoga
Tibetan Colophon(s)	སྤྲུལ་སྐུ་རཏྣ་གླིང་པའི་གཏེར་མའོ། །བཀྲ་ཤིས་པར་ཤོག །
Wylie Colophon(s)	sprul sku rat+na gling pa'i gter ma'o/_/bkra shis par shog
Notes	Front left-side note: me mchod Back left-side note: gter mdzod spyi'i yan lag rat gling
Links	No TBRC link // No THL link

< Previous Text

Next Text >

[edit]

ཐུགས་སྒྲུབ་ཆ་ལག་མེ་མཆོད་ཟབ་མོ་བཞུགས་སོ༔ བའོག༔ བདག་འདྲ་པདྨ་མཁན་པོ་ཡིས༔ སྒྲུབ་ཐབས་གསུམ་གྱི་ཁ་སྐོང་དུ༔ མེ་ཡི་མཆོད་པ་བསྟན་པར་བྱ༔ བརྩོན་འགྲུས་ལྡན་པའི་རྣལ་འབྱོར་པས༔ རྒྱ་ཤུག་དཀར་དམར་ཨ་ག་རུ༔ གླ་བ་སྐྱེར་ཚེར་མཐུན་ཤིང་བསག༔ དབྱིབས་ནི་ཕྲིན་ལས་བཞི་རུ་ཤེས༔ ཐབ་ཁུང་མེ་ལྷ་སྤྱན་དྲངས་བསྟིམ༔ མེ་ལྷའི་ལྟོ་བར་རྩ་བ་གསུམ༔ ལྷ་ཚོགས་ཚོམ་བུའི་ཚུལ་དུ་བསྐྱེད༔ གསེར་དངུལ་ཟངས་ལྕགས་སྨན་སྣ་དང༔ འབྲུ་སྣ་ཟས་སྣ་མང་དུ་བསག༔ དཀར་གསུམ་མངར་གསུམ་ཕྱེ་མར་དང༔ མདོར་ན་གང་འདོད་བསྲེགས་པས་འགྲུབ༔ རྒྱུན་དུ་ཕྱེ་མར་ཟས་སྣ་བསྲེག༔ རྩ་བ་གསུམ་གྱི་ལྷ་ཚོགས་རྣམས༔ ཞལ་རྣམས་ཧོམ་ཁུང་གདངས་པའི་ནང༔ འདོད་པའི་རོ་མཆོག་བདུད་རྩིར་ཕུལ༔ ཞལ་དུ་སིབ་སིབ་སོང་བར་བསམ༔ རྫས་དང་ལོངས་སྤྱོད་དཔག་མེད་པ༔ ཡིད་ཀྱིས་འགུག་གཞུག་བྱས་ལ་བསྟིམ༔ རྩ་བའི་སྔགས་འདིས་འབུལ་བར་བྱ༔ ཨོཾ་ཨཱཿཧཱུྃ་གུ་རུ་ཧྲཱིཿམ་ཧ་རི་ནི་ས་ར་ཙ་ཧྲི་ཡ་ཙིཏྟ་ཧྲཱིང་ཧྲཱིང་ནྲྀཿཨཱ་ཀརྵ་ཡ་ཨགྣེ་ཛྭ་ལ་རཾ་ཧཱུྃ་ཛ་ཛཿཁཱ་ཧི་ཁཱ་ཧི༔ ཞེས་འབུལ་ཞིང༔ གང་འདོད་དོན་ལ་གསོལ་བ་གདབ༔ དེ་ཡིས་དངོས་གྲུབ་གང་འདོད་པ༔ འགྲུབ་འགྱུར་འདི་ལ་ཐེ་ཚོམ་མེད༔ དཔེར་ན་ཡིད་བཞིན་ནོར་བུ་འདྲ༔ རྒྱུན་མཆོད་ནར་མར་བྱེད་པ་ནི༔ ཐབ་ཁུང་མེ་ལྷ་གོང་བཞིན་ལ༔ ཕྱེ་མར་བསྲེག་ཅིང་སྔགས་རྣམས་ཕུལ༔ ཅི་ཟ་ཅི་འཐུང་ཕུད་ཀྱིས་མཆོད༔ འདི་ཡི་ཡོན་ཏན་བསམ་མི་ཁྱབ༔ ནད་གདོན་བགེགས་དང་བར་ཆད་ཞི༔ ཚེ་དང་ལོངས་སྤྱོད་རྒྱས་པར་འགྱུར༔ སྣང་སྲིད་ཐམས་ཅད་དབང་དུ་འདུས༔ དགྲ་བགེགས་གདུག་པའི་བར་ཆད་ཞི༔ ཡིད་ལ་བསམ་པ་དེ་བཞིན་འགྲུབ༔ དགོས་འདོད་ཆར་ལྟར་འབབ་པར་འགྱུར༔ ཤིན་ཏུ་ཟབ་ཕྱིར་གཏེར་དུ་སྦས༔ ལས་ཅན་ཤེས་རབ་བློ་ལྡན་པ༔ སྙིང་རྗེ་ཅན་དང་འཕྲད་པར་ཤོག༔ ས་མ་ཡ༔ ཁ་ཐམ༔ གུ་ཧྱ༔ ཟབ་རྒྱ༔ གཏེར་རྒྱ༔ གབ་རྒྱ༔ སྦས་རྒྱ༔ གཉན་རྒྱ༔ ྈྈྈྈྈྈྈྈྈྈ ྈྈྈ ྀཨཚ༔ སྤྲུལ་སྐུ་རཏྣ་གླིང་པའི་གཏེར་མའོ། །བཀྲ་ཤིས་པར་ཤོག །

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).