Terdzo-NI-012

གཤིན་པོ་འདྲེར་མི་འོང་བའི་ཤོག་དྲིལ་གསལ་བར་བྱས་པ་

gshin po 'drer mi 'ong ba'i shog dril gsal bar byas pa

by མཁའ་ཁྱབ་རྡོ་རྗེ་ (Fifteenth Karmapa Khakhyab Dorje)
Volume 42 (ནི) / Pages 95-96 / Folios 1a1 to 1b5

Citation	Karmapa, 15th. gshin po 'drer mi 'ong ba'i shog dril gsal bar byas pa. In Rin chen gter mdzod chen mo pod zhe gnyis pa (The Great Treasury of Rediscovered Teachings Volume 42) by 'jam mgon kong sprul, 95-96. New Delhi: Shechen Publications, 2007-2016.
Author	Karmapa, 15th
Terdzö Category	Mahayoga
Tibetan Colophon(s)	Author colophon: ཞེས་པ་འདིའང་ཤ་བྲག་བླ་མ་ཀརྨ་གཞན་ཕན་གྱིས་བསྐུལ་ངོར། ཀརྨ་པའི་མཚན་འཛིན་མཁའ་ཁྱབ་རྡོ་རྗེས་བྲིས་པ་དགེ་ལེགས་འཕེལ།། Printer colophon: དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།
Wylie Colophon(s)	Author colophon: zhes pa 'di'ang sha brag bla ma karma gzhan phan gyis bskul ngor/_karma pa'i mtshan 'dzin mkha' khyab rdo rjes bris pa dge legs 'phel// Printer colophon: dpe tshan 'di sngon chad gter mdzod dkyus su med cing /_bal yul zhe dgon gyi par gsar 'dir gsar bzhag byas pas lung rgyun la zhib rtog dgos pa yin no//
Notes	Front left-side note: shi 'dre mi 'ong Back left-side note: gter mdzod spyi'i las rta mgrin yang gsang
Links	No TBRC link // No THL link

< Previous Text

Next Text >

[edit]

གཤིན་པོ་འདྲེར་མི་འོང་བའི་ཤོག་དྲིལ་གསལ་བར་བྱས་པ་བཞུགས་སོ། །ན་མོ་གུ་རུ། དེང་སང་དུས་དབང་གི་གཤིན་འདྲེ་ཟེར་བ་མང་ཙམ་སྣང་ཡང་དོན་དུ་ཟ་འདྲེ་ཤི་གཤེད་ཀྱིས་གཤིན་པོ་དེའི་བླ་འཕྲོགས་པའི་བླ་དེ་དངོས་སམ། དེས་བརྫུས་པ་ལྟ་བུའི་རིགས་མ་གཏོགས། རྣམ་ཤེས་དངོས་གཤིན་འདྲེར་སྐྱེ་བ་མི་འཐད་སྙམ། གང་ལྟར་གཏེར་མཛོད་ནང་དུ་ཡོད་པའི་ཤོག་དྲིལ་དེ་གསལ་ཁ་ཅན་ཞིག་མི་འདུག །འོལ་ཚོད་ཙམ་བགྱིས་ན། ཐོག་མར་རང་ཉིད་ཡི་དམ་གང་རུང་གི་བདག་བསྐྱེད་སྔོན་དུ་བཏང་། ལིངྒ་ཟེར་བ་གཤིན་པོའི་གཟུགས་ཀྱི་སྙིང་གར་ནྲྀ་ཡིག་གི་མཐར། མིང་རུས་རྣམ་ཤེས་བླ་དང་བཅས་པ་རྟེན་འདིར་ཁུག་ཅིག །ཅེས་བྲིས་པ་དེ་མགོ་མཇུག་ལྡོག་པར་གཡོན་ནས་གཡས་སུ་དྲིལ། དྲི་རྟེན་དང་ལྷན་ཅིག་ཚོན་སྐུད་ལྟ་བུས་དཀྲིས། ལྷོ་སྒོ་ལྟར་གྱི་འགུགས་གཞུག་བློ་མ་ཁེལ་བར་དུ་བསྐྱར། དེ་ནས་བཛྲ་གུ་རུས་བརླབ་པའི་སཱཙྪའི་ནང་དུ་བཅུག་ལ། སཱཙྪ་བརྡབ་ཅིང་གུ་རུར་ཀྲོང་གི་དམིགས་པ་བྱེད། སླར་དེ་ཉིད། མདུན་དུ་ཏྲཱཾ་ལས་རིན་པོ་ཆེའི་མཆོད་སྡོང་བྱང་ཆུབ་ཆེན་པོའི་རྣམ་པ་ཅན། དེའི་བུམ་ནང་དུ་གུ་རུ་པདྨ་ཆུ་དར་སྔོན་པོའི་་་དར་སྔོན་སྤྱི་འགྲེ། མཆན།ན་བཟའ་ཅན། ཤ་བའི་ཡིབ་ཞུ་་་སྐུ་ཚབ་ཕྱག་ཚའི་དབུ་ཞྭ་དེ་འདྲ་ཡིན། མཆན།གསོལ་བ། ཕྱག་གཡས་བྷནྡྷ་ཁ་སྤྲད་པའི་ནང་དུ། དམིགས་ཡུལ་གྱི་རྣམ་ཤེས་བླ་དང་བཅས་པ་བསྲུང་ཞིང་། གཡོན་ཐོད་པ་ཁ་སྤྲད་པའི་བར་དུ། ཟ་འདྲེ་ཤི་གཤེད་རྣམས་ཕྱེ་མར་འཐག་པའི་སྐུར་གསལ་བའི། གནས་གསུམ་འབྲུ་གསུམ་གྱི་འོད་ཀྱིས་ཡེ་ཤེས་པ་སྤྱན་དྲངས། དམ་ཚིག་པར་བསྟིམ། ཉེར་སྤྱོད་དང་གཏོར་མ་སྔགས་ཙམ་གྱིས་འབུལ། ཧྲཱིཿ མ་བཅོས་སྤྲོས་བྲལ་ལྟ་བུའི་བསྟོད་པ་བྱ། གོང་གི་དམིགས་པ་གཙོ་བོར་བཏོན་ལ། བཟླས་པ་བྱ། མཐར་བསམ་པ་ལྷུན་གྲུབ་མའི་མཐའི། གཞན་ཡང་ལས་དང་རྐྱེན་གྱི་དབང་གྱུར་ཏེ༔ འཁྲུལ་སྣང་དངོས་པོར་ཞེན་ཅིང་སྡུག་བསྔལ་ན༔ ཡིད་གཉིས་ཐེ་ཚོམ་མེད་པར་གསོལ་བ་འདེབས༔ གུ་རུ་བདེ་ཆེན་རྒྱལ་པོའི་ངོ་བོ་སྟེ༔ སྡུག་བསྔལ་འཁྲུལ་པ་རྩད་ནས་གཞིག་པར་བྱེད༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ ཞེས་པ་ཅི་མང་སོགས་ཀྱིས་གསོལ་བ་དྲག་ཏུ་བཏབ། མཐར་ཡེ་དྷརྨཱས་རབ་གནས་ཀྱི་དམིགས་པ་མི་བསྡུ་བར་བརྟན་པར་བཞུགས། སྒྲུབ་པ་བཀའ་བརྒྱད་ཟེར་ཡང་། མ་མགོན་སོགས་ཆོས་སྐྱོང་སྤྱིའི་གཏོར་འབུལ་དང་ཕྲིན་ལས་བཅོལ། དགེ་བསྔོ་བཀྲ་ཤིས་བཅས་ཀྱིས་གྲུབ་པར་བྱས་པས་འཐུས་སྙམ། ཞེས་པ་འདིའང་ཤ་བྲག་བླ་མ་ཀརྨ་གཞན་ཕན་གྱིས་བསྐུལ་ངོར། ཀརྨ་པའི་མཚན་འཛིན་མཁའ་ཁྱབ་རྡོ་རྗེས་བྲིས་པ་དགེ་ལེགས་འཕེལ།། །། ༈ དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).