Terdzo-AA-079

This page is under construction. Check back later for updated content.

སྡེ་གསུམ་སྤྱི་སྐོར་རབ་གནས་ཆོ་ག་

sde gsum spyi skor rab gnas cho ga

by འཇམ་དབྱངས་མཁྱེན་བརྩེའི་དབང་པོ་ (Jamyang Khyentse Wangpo)
revealed by མཆོག་གྱུར་གླིང་པ་ (Chogyur Lingpa)
in cycle དམ་ཆོས་རྫོགས་པ་ཆེན་པོ་སྡེ་གསུམ་ (Dam chos rdzogs pa chen po sde gsum)
Volume 62 (ཨཱཿ) / Pages 447-448 / Folios 1a1 to 1b2

Citation	'jam dbyangs mkhyen brtse'i dbang po. sde gsum spyi skor rab gnas cho ga . In Rin chen gter mdzod chen mo pod drug bcu re gnyis pa (The Great Treasury of Rediscovered Teachings Volume 62) by 'jam mgon kong sprul, 447-448. New Delhi: Shechen Publications, 2007-2018.
Author	'jam dbyangs mkhyen brtse'i dbang po; འཇམ་དབྱངས་མཁྱེན་བརྩེའི་དབང་པོ་
Source Revealer	Mchog gyur gling pa མཆོག་གྱུར་གླིང་པ་
Cycle	Dam chos rdzogs pa chen po sde gsum དམ་ཆོས་རྫོགས་པ་ཆེན་པོ་སྡེ་གསུམ་
Terdzö Category	Atiyoga
Tibetan Colophon(s)	མཁྱེན་བརྩེའི་ཕྱག་བྲིས་ལས་ཞལ་བཤུས་པའོ
Wylie Colophon(s)	mkhyen brtse'i phyag bris las zhal bshus pa'o
Notes	Front left-side note: rab gnas Back left-side note: gter mdzod rdzogs chen sde gsum mchog gling
Links	No TBRC link // No THL link

< Previous Text

Next Text >

[edit]

སྡེ་གསུམ་སྤྱི་སྐོར་རབ་གནས་ཆོ་ག་བཞུགས། །དབྱིངས་དང་རིག་པ་དབྱེར་མེད་པའི༔ ཡེ་ཤེས་སྤྱན་དབྱེའི་ཆོ་ག་ནི༔ ཚད་དང་མཚན་ཉིད་རྫོགས་པ་ཡི༔ སྐུ་གཟུགས་ལ་སོགས་མདུན་བདར་ཏེ༔ མཆོད་པའི་ཡོ་བྱད་རྒྱས་པར་བཤམས༔ བདག་མདུན་སྒྲུབ་ཅིང་མཆོད་པ་དང༔ བུམ་པར་བདུད་རྩི་འཁྱིལ་པ་བསྐྱེད༔ རྡོ་རྗེའི་སྔགས་ཀྱིས་ནུས་ལྡན་བྱ༔ དེ་ནས་བགེགས་ཚོགས་གཏོར་མས་སྦྱངས༔ རང་གཞན་སྡིག་པ་ཏིལ་ལ་བསྟིམ༔ ཡེ་ཤེས་མེས་བསྲེག་ཆུ་བོར་དོར༔ ཨཱོྃ་བཛྲ་སཏྭ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ༔ ལས་ཀྱི་བུམ་པས་ཉེས་སྐྱོན་བཀྲུ༔ ཨ༔ རང་བཞིན་དབྱིངས་ཀྱི་བུམ་པ་རུ༔ ཡེ་ཤེས་རིག་པའི་བདུད་རྩིས་བལྟམས༔ རྟེན་མཆོག་རྣམས་ལ་ཁྲུས་གསོལ་བས༔ གློ་བུར་དྲི་མ་དག་གྱུར་ཅིག༔ ཨཱོྃ་ཨཱཿཧཱུྃ་ཛྙཱ་ན་ཨ་མྲྀཏ་སརྦ་ཤུདྡྷེ་སྭཱ་ཧཱ༔ ཁྲུས་རས་གཙང་མས་སྐུ་ཕྱི་ཞིང༔ དྲི་ཡིས་བྱུགས་ཏེ་ཤིས་པ་བརྗོད༔ ཨ༔ ཆོས་ཀུན་གདོད་ནས་སྐྱེ་མེད་ལས༔ སྐྱེ་བའི་རྣམ་འཕྲུལ་ཅིར་ཡང་སྣང༔ གང་འདུལ་འགྲོ་བ་སྒྲོལ་བའི་ཕྱིར༔ རྡོ་རྗེའི་སྐུ་གསུང་ཐུགས་སུ་ཤར༔ ལྷ་སྐུ་ཕྱག་རྒྱའི་གཟུགས་བརྙན་ཀུན༔ ཆོས་དབྱིངས་ཡེ་ཤེས་རྣམ་སྣང་མཛད༔ དཀར་གསལ་འཁོར་ལོ་དྲིལ་བུ་འཛིན༔ སངས་རྒྱས་སྤྱན་དང་མཉམ་པར་སྦྱོར༔ གསུང་རྟེན་རིག་པ་གླེགས་བམ་ཀུན༔ སོར་རྟོག་ཡེ་ཤེས་སྣང་མཐའ་ཡས༔ དམར་གསལ་པདྨ་དྲིལ་བུ་འཛིན༔ གོས་དཀར་མོ་དང་མཉམ་པར་སྦྱོར༔ ཐུགས་རྟེན་ཕྱག་མཚན་མཆོད་རྟེན་ཀུན༔ མེ་ལོང་ཡེ་ཤེས་མི་བསྐྱོད་རྒྱལ༔ མཐིང་གསལ་རྡོ་རྗེ་དྲིལ་བུ་འཛིན༔ དབྱིངས་ཕྱུག་མ་དང་མཉམ་པར་སྦྱོར༔ མཁྱེན་བརྩེའི་ཕྱག་བྲིས་ལས་ཞལ་བཤུས་པའོ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).