Terdzo-BI-057

སྲི་ཟློག་བཀྲ་ཤིས་བཅུ་གསུམ་རྡོ་རྗེའི་སྒྲ་དབྱངས་

sri zlog bkra shis bcu gsum rdo rje'i sgra dbyangs

by རིན་ཆེན་དར་རྒྱས་ (Karmai Khenpo Rinchen Dargye)
revealed by མཆོག་གྱུར་གླིང་པ་ (Chogyur Lingpa)
in cycle རིག་འཛིན་རཀྴ་ཐོད་ཕྲེང་ (Rig 'dzin rak+sha thod phreng)
parent cycle བླ་མའི་ཐུགས་སྒྲུབ་བར་ཆད་ཀུན་སེལ་ (Bla ma'i thugs sgrub bar chad kun sel)
Volume 45 (བི) / Pages 637-638 / Folios 1a1 to 1b4

Citation	rin chen dar rgyas. sri zlog bkra shis bcu gsum rdo rje'i sgra dbyangs. In Rin chen gter mdzod chen mo pod zhe lnga pa (The Great Treasury of Rediscovered Teachings Volume 45) by 'jam mgon kong sprul, 637-638. New Delhi: Shechen Publications, 2007-2018.
Author	rin chen dar rgyas རིན་ཆེན་དར་རྒྱས་
Source Revealer	Mchog gyur gling pa མཆོག་གྱུར་གླིང་པ་
Cycle	Rig 'dzin rak+sha thod phreng རིག་འཛིན་རཀྴ་ཐོད་ཕྲེང་
Parent Cycle	Bla ma'i thugs sgrub bar chad kun sel བླ་མའི་ཐུགས་སྒྲུབ་བར་ཆད་ཀུན་སེལ་
Terdzö Category	Mahayoga
Tibetan Colophon(s)	Author colophon: ཙཀྲ་བཅུ་གསུམ་གྱི་སྔགས་དང་འབྲེལ་བའི་བཀྲ་ཤིས་ཀྱང་། རི་ཆེ་རྗེ་དྲུང་མཻ་ཏྲིའི་མཚན་ཅན་གྱི་ཞབས་བརྟན་སྐབས། མཁན་པོ་ཀརྨ་རཏྣས་བྲིས་པ་མི་མཐུན་བདུད་དང་དམ་སྲིའི་གཡུལ་ལས་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག །སརྦ་མངྒ་ལཾ།། Printer colophon: དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ་
Wylie Colophon(s)	Author colophon: tsakra bcu gsum gyi sngags dang 'brel ba'i bkra shis kyang /_ri che rje drung mai tri'i mtshan can gyi zhabs brtan skabs/_mkhan po karma rat+nas bris pa mi mthun bdud dang dam sri'i g.yul las rgyal nas shin tu bkra shis par gyur cig_/sarba mang+ga laM Printer colophon: dpe tshan 'di sngon chad gter mdzod dkyus su med cing /_bal yul zhe dgon gyi par gsar 'dir gsar bzhag byas pas lung rgyun la zhib rtog dgos pa yin no
Notes	Front left-side note: bkra shis Back left-side note: gter mdzod zhi las mchog gling sri zlog
Links	No TBRC link // No THL link

< Previous Text

Next Text >

[edit]

སྲི་ཟློག་བཀྲ་ཤིས་བཅུ་གསུམ་རྡོ་རྗེའི་སྒྲ་དབྱངས་ཞེས་བྱ་བ་བཞུགས་སོ། །རྒྱལ་བའི་ཐུགས་རྗེས་འཛིན་ཅིང་འཛིན་པའི་འཁོར་ལོ་ཡིས། །ཆེ་སྲི་ལས་རྒྱལ་རྗེས་སུ་འཛིན་པའི་བཀྲ་ཤིས་ཤོག །ཉོན་མོངས་གཡུལ་རྒྱལ་རྒྱལ་ཞིང་རྒྱལ་བའི་འཁོར་ལོ་ཡིས། །ཆུང་སྲི་བྱིས་པའི་གདོན་ལས་རྒྱལ་བའི་བཀྲ་ཤིས་ཤོག །སྣ་ཚོགས་ཕྱག་མཚན་བསྣུན་ཅིང་བསྣུན་པའི་འཁོར་ལོ་ཡིས། །ཕོ་སྲི་གདོན་བགེགས་དུམ་བུར་གཏུབ་པའི་བཀྲ་ཤིས་ཤོག །བྱིན་རླབས་སྤྲིན་ཕུང་འགེབ་ཅིང་འགེབ་པའི་འཁོར་ལོ་ཡིས། །མོ་སྲི་འདོད་སྲིའི་ཚ་གདུང་ཞི་བའི་བཀྲ་ཤིས་ཤོག །མི་བརྗེད་གཟུངས་ཐོབ་དྲན་ཅིང་དྲན་པའི་འཁོར་ལོ་ཡིས། །རྒན་སྲི་ལས་གྲོལ་རྗེས་དྲན་དྲུག་གི་བཀྲ་ཤིས་ཤོག །འཇིགས་པར་སེམས་པ་མངོན་སྤྱོད་དྲག་པོའི་འཁོར་ལོ་ཡིས། །གཞོན་སྲི་བར་ཆད་རྡུལ་དུ་བརླག་པའི་བཀྲ་ཤིས་ཤོག །དྲག་པོའི་སྔགས་རྒོད་འབར་ཞིང་འབར་བའི་འཁོར་ལོ་ཡིས། །ནད་སྲི་འགོ་ནད་གཞོབ་ཐུལ་སྲེག་པའི་བཀྲ་ཤིས་ཤོག །འབྱུང་གནས་ཚོགས་ཀྱི་འདྲེན་པ་སྙིང་པོའི་འཁོར་ལོ་ཡིས། །དུར་སྲི་སྒོ་ཆོད་ཚོགས་གཉིས་སྙིང་པོའི་བཀྲ་ཤིས་ཤོག །ས་ལམ་གོང་འཕེལ་འཕར་ཞིང་འཕར་བའི་འཁོར་ལོ་ཡིས། །བགེགས་རྐྱེན་སྲི་ཟློག་ལམ་ལ་སྤྱོད་པའི་བཀྲ་ཤིས་ཤོག །ལྟར་མི་མངོན་པ་ཕྲ་ཞིང་ཕྲ་བའི་འཁོར་ལོ་ཡིས། །ལོ་སྲི་རྒྱལ་པོའི་བཀའ་ཆད་ཟློག་པའི་བཀྲ་ཤིས་ཤོག །སྙིང་རྗེ་ཆེན་པོས་འཆིང་ཞིང་འཆིང་བའི་འཁོར་ལོ་ཡིས། །ཟླ་སྲི་བློན་པོའི་གྲོས་ངན་གཞིག་པའི་བཀྲ་ཤིས་ཤོག །འགྱུར་བ་མེད་པར་ཀུན་ཏུ་གནོན་པའི་འཁོར་ལོ་ཡིས། །ཞག་སྲིའི་དམག་དཔུང་གཡོ་བ་མེད་པའི་བཀྲ་ཤིས་ཤོག །རྡོ་རྗེ་ཕ་ལམ་མཚོན་ཆ་འབར་བའི་འཁོར་ལོ་ཡིས། །དུས་སྲིའི་རྣོ་ངར་ཐལ་བར་རློག་པའི་བཀྲ་ཤིས་ཤོག །རྩ་བརྒྱུད་བླ་མའི་བྱིན་རླབས་སྙིང་ལ་ཞུགས༔ ཡི་དམ་མཁའ་འགྲོ་ལུས་དང་གྲིབ་བཞིན་འགྲོགས༔ ཆོས་སྐྱོང་སྲུང་མས་བར་ཆད་ཀུན་བསལ་ནས༔ མཆོག་ཐུན་དངོས་གྲུབ་འགྲུབ་པའི་བཀྲ་ཤིས་ཤོག༔ ཅེས་བརྗོད་ཅིང་རོལ་མོ་སྙན་པར་ལྡིར་རོ། །ཙཀྲ་བཅུ་གསུམ་གྱི་སྔགས་དང་འབྲེལ་བའི་བཀྲ་ཤིས་ཀྱང་། རི་ཆེ་རྗེ་དྲུང་མཻ་ཏྲིའི་མཚན་ཅན་གྱི་ཞབས་བརྟན་སྐབས། མཁན་པོ་ཀརྨ་རཏྣས་བྲིས་པ་མི་མཐུན་བདུད་དང་དམ་སྲིའི་གཡུལ་ལས་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག །སརྦ་མངྒ་ལཾ།། །། ༈ དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).