Terdzo-CA-004

ཐུགས་དམ་ཟབ་པ་སྐོར་བདུན་གྱི་བཀའ་སྲུང་གཟའི་སྐོང་གསོལ་ལས་བྱང་

thugs dam zab pa skor bdun gyi bka' srung gza'i skong gsol las byang

by ཞིག་པོ་གླིང་པ་ (Zhikpo Lingpa)
revealed by ཞིག་པོ་གླིང་པ་ (Zhikpo Lingpa)
in cycle མངའ་བདག་ཡབ་སྲས་ཐུགས་དམ་རྒྱུན་གྱི་ཉམས་ལེན་ཟབ་པ་སྐོར་བདུན (Mnga' bdag yab sras thugs dam rgyun gyi nyams len zab pa skor bdun)
Volume 5 (ཅ) / Pages 65-66 / Folios 1a1 to 1b4

Citation	zhig po gling pa. thugs dam zab pa skor bdun gyi bka' srung gza'i skong gsol las byang. In Rin chen gter mdzod chen mo pod lnga pa (The Great Treasury of Rediscovered Teachings Volume 5) by 'jam mgon kong sprul, 65-66. New Delhi: Shechen Publications, 2007-2018.
Author	Zhig po gling pa ཞིག་པོ་གླིང་པ་
Source Revealer	Zhig po gling pa ཞིག་པོ་གླིང་པ་
Cycle	Mnga' bdag yab sras thugs dam rgyun gyi nyams len zab pa skor bdun མངའ་བདག་ཡབ་སྲས་ཐུགས་དམ་རྒྱུན་གྱི་ཉམས་ལེན་ཟབ་པ་སྐོར་བདུན
Terdzö Category	Mahayoga
Tibetan Colophon(s)	ཞེས་པ་འདི་ནི་ཟུར་མཁར་རྡོའི་མཆོད་རྟེན་གྱི་ཤར་ཕྱོགས་ནས་དར་ཟུར་ཕུ་བ་ཀུན་དགའ་རྒྱ་མཚོ། ཕུན་ཚོགས་སྦྱིན་པ་གསུམ་གྱིས་བསྐུལ་བའི་ངོར་བདག་འདྲ་རྫོགས་ཆེན་པ་གར་གྱི་དབང་ཕྱུག་རྩལ་གྱིས་སྦྱར་བ་དགེ་ལེགས་སུ་འཕེལ་བར་གྱུར་ཅིག།
Wylie Colophon(s)	zhes pa 'di ni zur mkhar rdo'i mchod rten gyi shar phyogs nas dar zur phu ba kun dga' rgya mtsho/_phun tshogs sbyin pa gsum gyis bskul ba'i ngor bdag 'dra rdzogs chen pa gar gyi dbang phyug rtsal gyis sbyar ba dge legs su 'phel bar gyur cig/
Notes	Front left-side note: bka' srung Back left-side note: gter mdzod zhig gling zab bdun
Links	No TBRC link // No THL link

< Previous Text

Next Text >

[edit]

ཐུགས་དམ་ཟབ་པ་སྐོར་བདུན་གྱི་བཀའ་སྲུང་གཟའི་སྐོང་གསོལ་ལས་བྱང་ནི། དང་པོ་སྤྱན་འདྲེན་པ་ནི། ཧཱུྃ། གསང་བདག་རྟ་མཆོག་དཔལ་དང་རིག་འཛིན་གཙོ། །པདྨ་ཐོད་ཕྲེང་སྤྱན་སྔར་ཁས་བླངས་པའི། །དྲེགས་པའི་གཙོ་བོ་མཐུ་སྟོབས་ཀུན་གྱི་བདག །ལྷ་ཆེན་རཱ་ཧུ་ལ་ཁྱོད་གཤེགས་སུ་གསོལ། ཁྱེད་ཀྱི་འཁོར་ཚོགས་གཟའ་བརྒྱད་གདོང་མོ་བཞི། །རྒྱུ་སྐར་སྣང་སྲིད་ལྷ་འདྲེ་དྲེགས་པའི་ཚོགས། །ཕྱོགས་བཞི་མཚམས་བརྒྱད་ཕོ་བྲང་སོ་སོ་ནས། །སྐད་ཅིག་ཡུད་ཙམ་ལ་ནི་གཤེགས་སུ་གསོལ། །བཞུགས་སུ་གསོལ་བ་ནི། ཧཱུྃ། དགྲ་བགེགས་ཞིང་ཆེན་པདྨའི་གདན་ཁྲི་ལ། །མི་སྲུན་དྲེགས་པའི་གཙོ་བོ་འཁོར་བཅས་རྣམས། །སངས་རྒྱས་བསྟན་པ་གཉན་པོ་བསྲུང་བའི་ཕྱིར། །མི་གཡོ་དགྱེས་ཤིང་བརྟན་པར་བཞུགས་སུ་གསོལ། །མཆོད་པ་འབུལ་བ་ནི། ཧཱུྃ། ཕྱི་ནང་གསང་གསུམ་བདུད་རྩི་རཀྟའི་ཚོགས། །དམར་ཆེན་གཏོར་མ་དགྲ་བོའི་ཤ་ཁྲག་རུས། །ཟ་བྱེད་བསྟན་སྲུང་འཁོར་བཅས་ཞལ་དུ་ཁཱ་ཧི། །ཕྲིན་ལས་བཅོལ་བ་ནི། ཧཱུྃ། སྔོན་གྱི་དམ་བཅས་ཐུགས་དམ་ཇི་བཞིན་དུ། །སངས་རྒྱས་བསྟན་པ་གཉན་པོ་བསྲུང་བ་དང་། །རྣལ་འབྱོར་སྒྲུབ་པ་པོ་ཡི་གྲོགས་མཛད་ཕྱིར། །དམ་བཅས་བཞིན་དུ་བཅོལ་བའི་ཕྲིན་ལས་མཛོད། །བསྟོད་པ་ནི། ཧྲཱིཿ དུག་ལྔ་ལས་གྲུབ་སྲིད་པ་ཀུན་གྱི་བདག །ཟ་བྱེད་རྔམས་པ་ལུས་དམར་མིག་སྟོང་ལྡན། །ཆུ་སྲིན་རྒྱལ་མཚན་རྭ་ཡི་མདའ་གཞུ་འཛིན། །བསྟན་དགྲ་ཐལ་བར་རླག་མཛད་ཁྱེད་ལ་བསྟོད། ཁྱེད་ཀྱི་འཁོར་ཚོགས་གཟའ་བརྒྱད་གདོང་མོ་བཞི། །རྒྱུ་སྐར་སྣང་སྲིད་འཇིག་རྟེན་དྲེགས་པའི་ཚོགས། །ལེགས་ཉེས་སྟངས་འཛིན་དམ་ཚིག་རྗེས་གཅོད་པའི། །བཀའ་སྡོད་བྲན་གཡོག་ཚོགས་ལ་བདག་བསྟོད་དོ། །བསྐུལ་བ་ནི། ཧཱུྃ། མཐུ་སྟོབས་དྲེགས་པའི་གཙོ་བོ་རཱ་ཧུ་ལ། སྐྱེ་འགྲོའི་སྲོག་བདག་དྲག་རྩལ་ཆེན་པོ་ཁྱེད། །འཁོར་བཅས་བསྐྱོད་དེ་དགྲ་བོའི་སྲོག་ལ་བྷྱོ། །དམ་ཉམས་དགྲ་བོ་ལས་ངན་འདི་ཉིད་ཀྱི། །ཤ་ཟོ་ཁྲག་ཐུངས་སྲོག་དབུགས་ཞལ་དུ་གསོལ། །མི་རྒྱུད་རྩད་ཆོད་ས་ཞིང་ཐལ་བར་ཐོངས། །མིང་ཙམ་མེད་པར་རྡུལ་དུ་བརླག་པར་མཛོད། །ཅེས་བསྐུལ་བར་བྱའོ། །ཞེས་པ་འདི་ནི་ཟུར་མཁར་རྡོའི་མཆོད་རྟེན་གྱི་ཤར་ཕྱོགས་ནས་དར་ཟུར་ཕུ་བ་ཀུན་དགའ་རྒྱ་མཚོ། ཕུན་ཚོགས་སྦྱིན་པ་གསུམ་གྱིས་བསྐུལ་བའི་ངོར་བདག་འདྲ་རྫོགས་ཆེན་པ་གར་གྱི་དབང་ཕྱུག་རྩལ་གྱིས་སྦྱར་བ་དགེ་ལེགས་སུ་འཕེལ་བར་གྱུར་ཅིག། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).