| Citation
|
'jam mgon kong sprul. phyogs med ris med kyi bstan pa la 'dun zhing dge sbyong gi gzugs brnyan 'chang ba blo gros mtha' yas pa'i sde'i byung ba brjod pa nor bu sna tshogs mdog can. In Rin chen gter mdzod chen mo pod drug bcu re lnga pa (The Great Treasury of Rediscovered Teachings Volume 65) by 'jam mgon kong sprul, 429-804. New Delhi: Shechen Publications, 2007-2018.
|
| Author
|
'jam mgon kong sprul
འཇམ་མགོན་ཀོང་སྤྲུལ་
|
| Terdzö Category
|
Concluding Materials
|
| Tibetan Colophon(s)
|
- First colophon pages 766-768: །མཁན་བླ་མ་བཀྲ་ཤིས་འོད་ཟེར་དང་། གསེར་ཐལ་བླ་མ་ཨོ་རྒྱན་ལྷུན་གྲུབ་གཉིས་ཀྱིས་སྔར་ནས་རྣམ་ཐར་ཞིག་བྲི་དགོས་ཚུལ་ལན་གྲངས་མང་པོར་བསྐུལ་བ་དང་། མཁས་དབང་བླ་མ་བཀྲ་ཤིས་ཆོས་འཕེལ་ནས་དེ་མཚུངས་བསྐུལ་མ་དང་ཡི་གེའི་མཐུན་རྐྱེན་སྦྱར་བ་ལ་བརྟེན་ནས་དབང་ལུང་འཆད་ཉན་སོགས་རེ་བ་མེད་ཅིང་དལ་སྡོད་སྐབས་སུ་གཉིད་བསང་བྱེད་དུ་འདི་ཙམ་མ་བྲིས་ཀ་མེད་གྱུར་པ་ལགས། སྤྱིར་ཁྱད་གཞི་དལ་འབྱོར་གྱི་མི་ལུས་རིན་པོ་ཆེ་ཐོབ། ཁྱད་ཆོས་མཐོ་རིས་ཡོན་ཏན་བདུན། འཁོར་ལོ་ཆེན་པོ་བཞི་དང་ཡང་ལྡན། དོན་གྱི་འབྲས་བུ་སངས་རྒྱས་ཀྱི་བསྟན་པ་རིན་པོ་ཆེའི་སྒོར་ཞུགས་པ་ཙམ་དུ་མ་ཟད་དུས་གསུམ་དུ་མ་བྱོན་མི་འབྱོན་འབྱོན་པར་མི་འགྱུར་བ་གསང་སྔགས་རྡོ་རྗེ་ཐེག་པ་དང་མཇལ་ནས། རིན་པོ་ཆེ་གསེར་གྱི་གླིང་དུ་ཕྱིན་པ་ལྟར་ཇི་འདོད་རང་དབང་དུ་སྤྱོད་དུ་ཡོད་པ་འདི་ལྟ་བུ་ནི་འཁོར་བའི་གནས་སྐབས་ནམ་དུའང་རྙེད་མི་སྲིད་པར་འདུག་ཀྱང་། ལས་སྨོན་དབང་བཙན་པ་དང་རང་དབང་གཞན་ལ་ཤོར་བ་ལྟ་བུས་ཆེད་དུ་ཡིད་ལ་བརྣག་པའི་སྒྲུབ་པ་སྙིང་པོར་བྱེད་པ་ནི་ལག་ཏུ་མ་ཐེབས། ཡིད་ལ་མེད་པའི་བྱ་བ་ལས་ཀྱི་འཁོར་ལོ་རྒྱུན་ཆད་མེད་པ་ཞིག་གིས་གཡེང་། འོན་ཀྱང་ཆུང་ངུའི་དུས་ནས་འཇིག་རྟེན་གྱི་བྱ་བཞག་ཤུགས་ཀྱིས་བོར། སྐུ་སྐྱེ་སོགས་ཀྱི་མིང་མ་ཐོགས། དགོན་པའི་ཁ་འཛིན་གྱི་དཀོར་སྡུད་པ་སོགས་ཀྱི་བྱ་བ་གང་ཡང་མ་དགོས་པས་ད་ལྟའི་བར་དུ་དགེ་བ་དང་ཆོས་ཀྱི་བྱ་བ་འབའ་ཞིག་ལ་བརྩོན་པ་འདི་དག་རྣམ་ཐར་གྱི་སྙིང་པོ་ཡིན་ཅིང་རང་ལོ་སུམ་ཅུ་སོ་བགྲང་ཕན་ལ་དད་ཟས་དང་གཤིན་སྐོར་ཡང་ཟོས་པ་མེད་ཀྱང་དེ་ཕྱིན་ནས་དཀོར་ནག་གི་ཁུར་པོ་ཇེ་ལྕི་སོང་། གསལ་སྣང་དང་ཡོན་ཏན་གྱི་རིགས་ཕྱིར་ལ་འགྲིབས། སྡིག་ལྟུང་དང་བག་ཆགས་ངན་པ་ཇེ་འཕེལ་དུ་སོང་བས། མདོ་སྡེ་ལས། སྡིག་ཅན་ཞིག་གིས་ཉིན་རེ་བཞིན་མི་སྟོང་ཕྲག་བསད་པ་ལས་ཚུལ་ཁྲིམས་འཆལ་པས་དཀོར་ལ་སྤྱོད་པ་ཉེས་པ་ཆེ་བར་གསུངས་པས། ཚུལ་ཁྲིམས་རྣམ་པ་གསུམ་ཁས་མ་བླངས་པ་རང་གཞན་སུའང་མེད་ཀྱང་། སོ་ཐར་ལ་བུད་མེད་མངོན་མཚན་དུ་མེད་ན་སྡོམ་པ་གཙང་བར་བརྩི་བ་ལས་དགོན་དཔོན་བླ་མ་རྣམས་ནས་ཀྱང་རྩ་ལྟུང་གཞན་ལ་བརྩི་འཇོག་མེད། བྱང་སྡོམ་རྩ་བ་སེམས་ཅན་བློས་སྤངས་དང་ནག་པོའི་ཆོས་བཞི་རྣམས་ཀྱང་ཉམས་ལེན་དུ་བསྟར། སྔགས་ཀྱི་དམ་ཚིག་རྩ་བ་ཡན་ལག་ཕལ་ཆེར་ཇི་མི་སྙམ་པར་སྤྱོད་ན་བླ་མེད་དབང་བཞིའི་དམ་ཚིག་འཇའ་ལྟར་ཡལ་བ་ལྟ་ཅི་སྨྲོས། དེ་དག་གི་རྒྱུ་ལྟུང་བ་འབྱུང་བའི་སྒོ་བཞིར་གསུངས་པ་མི་ཤེས་པ། མ་གུས་པ། བག་མེད་པ། ཉོན་མོངས་པ་མང་བ་རྣམས་ཏེ། མི་ཤེས་པ་ནི་དེང་སང་གི་བླ་སྤྲུལ་དུ་མཚན་གསོལ་བ་ཕལ་མོ་ཆེས་ཀྱང་སྡོམ་པ་གསུམ་གྱི་བཅས་པ་སྲུང་མཚམས་འདས་ཉམས་ཀྱི་རྣམ་གཞག་ཕྱོགས་ཙམ་ཤེས་པ་མེད་ན་གྲྭ་རིགས་རྣམས་ཀྱིས་ལྟ་ཅི་སྨྲོས། བསླབ་པ་ལ་སྙིང་ནས་མི་གུས་པ་མེད་ཀྱང་རྒྱུ་མཚན་མི་ཤེས་པས་གུས་པའང་མེད་ཅིང་དེ་ལས་འགའ་ཞིག་ཤེས་བཞིན་ཁྱད་དུ་གསོད་པ་ནི་ཤིན་ཏུ་ནོངས་པ་ཆེ་བ་དང་། བག་ཡོད་པ་དྲན་པ་དང་ཤེས་བཞིན་བསྟེན་དགོས་ཀྱང་དེ་བསྟེན་མ་ནུས་པས་སྒོ་གསུམ་བག་མེད་དབང་དུ་ཤོར་བ་དང་། སྙིགས་དུས་སུ་སྐྱེས་པའི་མི་རྣམས་ཉོན་མོངས་པ་རིམ་བཞིན་ཇེ་ཧྲག་ཏུ་སོང་བས་དུག་གསུམ་གང་རུང་གི་དབང་དུ་ཤོར་བ་ཤས་ཆེ་བས། རང་ཉིད་ཀྱང་དེ་ལྟ་བུའི་ནོངས་པས་འགྲོ་ས་ངན་སོང་ལས་མེད་པར་དོགས་པའི་ཁོང་འཚང་ནི་རྒྱུན་དུ་འབྱུང་བར་སྣང་བ་ནི་འཕྲོས་སུ་ཐལ་ལོ།
- Author's Closing Verses page 802: །དམ་པའི་རྣམ་ཐར་མཚན་ཉིད་པ་ནི་བརྗོད་གཞིའི་ཕོངས། །དམན་པའི་སྤྱོད་པ་དཀྱུས་ལས་ལྷག་ཙམ་བརྗོད་བྱར་བྱས། །རྗོད་བྱེད་ཚིག་ཕྲེང་ར་ཐོན་ལུག་ཐོན་སྤེལ་བ་འདིས། །མཁས་རྣམས་ཁྲེལ་ལ་བླུན་པོ་མགུ་བ་སྐྱེད་སྲིད་དམ། །འདི་བྲིས་རང་གཞན་སྡིག་པའི་ས་བོན་དུ། །ནམ་ཡང་མི་འགྱུར་དཀར་པོའི་སྟོབས་འཕེལ་བས། །འབྲེལ་ཚད་དོན་ལྡན་སྤྱོད་པ་རླབས་པོ་ཆེར། །འགྱུར་བ་དཀོན་མཆོག་བདེན་པས་བྱིན་གྱིས་རློབས། །སརྦ་ཐཱ་ཀ་ལྱཱ་ཎཾ་མངྒ་ལ་བྷ་བནྟུ།།
|
| Wylie Colophon(s)
|
- First colophon pages 766-768: mkhan bla ma bkra shis 'od zer dang /_gser thal bla ma o rgyan lhun grub gnyis kyis sngar nas rnam thar zhig bri dgos tshul lan grangs mang por bskul ba dang /_mkhas dbang bla ma bkra shis chos 'phel nas de mtshungs bskul ma dang yi ge'i mthun rkyen sbyar ba la brten nas dbang lung 'chad nyan sogs re ba med cing dal sdod skabs su gnyid bsang byed du 'di tsam ma bris ka med gyur pa lags/_spyir khyad gzhi dal 'byor gyi mi lus rin po che thob/_khyad chos mtho ris yon tan bdun/_'khor lo chen po bzhi dang yang ldan/_don gyi 'bras bu sangs rgyas kyi bstan pa rin po che'i sgor zhugs pa tsam du ma zad dus gsum du ma byon mi 'byon 'byon par mi 'gyur ba gsang sngags rdo rje theg pa dang mjal nas/_rin po che gser gyi gling du phyin pa ltar ji 'dod rang dbang du spyod du yod pa 'di lta bu ni 'khor ba'i gnas skabs nam du'ang rnyed mi srid par 'dug kyang /_las smon dbang btsan pa dang rang dbang gzhan la shor ba lta bus ched du yid la brnag pa'i sgrub pa snying por byed pa ni lag tu ma thebs/_yid la med pa'i bya ba las kyi 'khor lo rgyun chad med pa zhig gis g.yeng /_'on kyang chung ngu'i dus nas 'jig rten gyi bya bzhag shugs kyis bor/_sku skye sogs kyi ming ma thogs/_dgon pa'i kha 'dzin gyi dkor sdud pa sogs kyi bya ba gang yang ma dgos pas da lta'i bar du dge ba dang chos kyi bya ba 'ba' zhig la brtson pa 'di dag rnam thar gyi snying po yin cing rang lo sum cu so bgrang phan la dad zas dang gshin skor yang zos pa med kyang de phyin nas dkor nag gi khur po je lci song /_gsal snang dang yon tan gyi rigs phyir la 'gribs/_sdig ltung dang bag chags ngan pa je 'phel du song bas/_mdo sde las/_sdig can zhig gis nyin re bzhin mi stong phrag bsad pa las tshul khrims 'chal pas dkor la spyod pa nyes pa che bar gsungs pas/_tshul khrims rnam pa gsum khas ma blangs pa rang gzhan su'ang med kyang /_so thar la bud med mngon mtshan du med na sdom pa gtsang bar brtsi ba las dgon dpon bla ma rnams nas kyang rtsa ltung gzhan la brtsi 'jog med/_byang sdom rtsa ba sems can blos spangs dang nag po'i chos bzhi rnams kyang nyams len du bstar/_sngags kyi dam tshig rtsa ba yan lag phal cher ji mi snyam par spyod na bla med dbang bzhi'i dam tshig 'ja' ltar yal ba lta ci smros/_de dag gi rgyu ltung ba 'byung ba'i sgo bzhir gsungs pa mi shes pa/_ma gus pa/_bag med pa/_nyon mongs pa mang ba rnams te/_mi shes pa ni deng sang gi bla sprul du mtshan gsol ba phal mo ches kyang sdom pa gsum gyi bcas pa srung mtshams 'das nyams kyi rnam gzhag phyogs tsam shes pa med na grwa rigs rnams kyis lta ci smros/_bslab pa la snying nas mi gus pa med kyang rgyu mtshan mi shes pas gus pa'ang med cing de las 'ga' zhig shes bzhin khyad du gsod pa ni shin tu nongs pa che ba dang /_bag yod pa dran pa dang shes bzhin bsten dgos kyang de bsten ma nus pas sgo gsum bag med dbang du shor ba dang /_snyigs dus su skyes pa'i mi rnams nyon mongs pa rim bzhin je hrag tu song bas dug gsum gang rung gi dbang du shor ba shas che bas/_rang nyid kyang de lta bu'i nongs pas 'gro sa ngan song las med par dogs pa'i khong 'tshang ni rgyun du 'byung bar snang ba ni 'phros su thal lo/
- Author's Closing Verses page 802: dam pa'i rnam thar mtshan nyid pa ni brjod gzhi'i phongs/_/dman pa'i spyod pa dkyus las lhag tsam brjod byar byas/_/rjod byed tshig phreng ra thon lug thon spel ba 'dis/_/mkhas rnams khrel la blun po mgu ba skyed srid dam/_/'di bris rang gzhan sdig pa'i sa bon du/_/nam yang mi 'gyur dkar po'i stobs 'phel bas/_/'brel tshad don ldan spyod pa rlabs po cher/_/'gyur ba dkon mchog bden pas byin gyis rlobs/_/sarba thA ka l+yA NaM mang+ga la b+ha ban+tu
|
| Notes
|
Front left-side note:
rnam thar
Back left-side note:
gter mdzod 'jam mgon blo gros mtha' yas
|
| Links
|
No TBRC link // No THL link
|
