Tai Situpa, 9th

Author

པདྨ་ཉིན་བྱེད་དབང་པོ་

Alternate Name(s)

• ཏཻ་སི་ཏུ་དགུ་པ་
  
• tai si tu dgu pa

• Pema Nyinje Wangpo

Dates

Western: Born 1774 Passed 1853
Tibetan: Male Wood Horse, Rabjung 13.

Place of Birth

yid lhung smar khams

Religious Affiliation

Kagyu

Emanation of

• [[:Tai Situpa
• 8th|Tai Situpa
• 8th]]

Student of

Karmapa, 13th, Rig 'dzin thugs kyi rdo rje, Drukchen, 8th

Teacher of

'jam mgon kong sprul, 'jam dbyangs mkhyen brtse'i dbang po, Karmapa, 14th, Karma nges don bstan pa rab rgyas, Karma bstan 'dzin phrin las, Pawo Rinpoche, 8th, Mkhan chen bkra shis 'od zer

Links

BDRC • Treasury of Lives • No Art Resource link

Terton Gyatsa Biography

Tibetan

Wylie

[edit]

The full Tertön Gyatsa text can be found at the following page: Volume 1 (ཀ), 341-765, 1a1-213a4.

Name in Gyatsa: ཏཻ་སི་ཏུ་དགུ་པ་པདྨ་ཉིན་བྱེད་དབང་པོ་ (tai si tu dgu pa pad+ma nyin byed dbang po)

Page #s for bio of this person: 729 to 735

Folio #s for bio of this person: 195a5 to 198a1

[edit]

།དེ་ཉིད་ཀྱི་ཐུགས་སྲས་ཀྱི་གཙོ་བོ་བདག་ཅག་གི་དཔལ་མགོན་བླ་མ་དམ་པ་བྱམས་མགོན་ཏཱའི་སི་ཏུ་དགུ་པ་རྡོ་རྗེ་འཆང་པདྨ་ཉིན་བྱེད་དབང་པོ་སྟེ། ཡུལ་ཡིད་ལྷུང་སྨར་ཁམས་ཞེས་རིགས་རུས་མངོན་པར་མཐོ་བ་ངག་དབང་མགོན་པོའི་སྲས་སུ་ངོ་མཚར་བའི་ལྟས་དང་བཅས་མཚན་དཔེའི་པདྨོ་བཞད། རྡོ་རྗེ་གཙུག་ལག་དགའ་བས་རྗེ་བསྟན་པའི་ཉིན་བྱེད་ཀྱི་ཡང་སྲིད་འཁྲུལ་མེད་དུ་ལུང་བསྟན་ཅིང་ཀར་འབྲུག་རྒྱལ་བ་ཡབ་སྲས་ཀྱིས་སྟངས་བཅད་ནས་དགུང་ལོ་ལྔ་པར་གདན་ས་ཆེན་པོར་མངའ་གསོལ། བླ་མ་དགོངས་པ་འདུས་པའི་ལུང་བསྟན་བཀའ་རྒྱ་མ་ལས། མ་འོངས་ཆོས་ཀྱི་སྤྱན་ཅན་དྲུག་དང་པདྨའི་ལྗགས་ལྡན་དྲུག་འབྲེལ་ཆགས་སུ་ལུང་བསྟན་པའི་པདྨའི་ལྗགས་ལྡན་དང་པོར་ངེས་པས་རྗེ་དཔའ་བོས་ཀྱང་དག་སྣང་དུ་གསལ་བ་ལྟར་པདྨ་ཉིན་བྱེད་དབང་པོ་ཞེས་པའི་མཚན་གྱི་ཅོད་པན་དཔྱངས། གཞན་དཔལ་པདྨ་དབང་ཆེན་དང་། རྒྱལ་དབང་བཅུ་གསུམ་པ་ལས་རབ་བྱུང་གསན་པའི་སྐབས། དཔལ་ལྡན་བསྟན་འཛིན་ཉིན་བྱེད་ཕྲིན་ལས་རབ་རྒྱས་ཕྱོགས་ལས་རྣམ་པར་རྒྱལ་བའི་སྡེ་ཞེས་པའི་མཚན་གནང་། རྗེ་དེ་ཉིད་དང་ཞྭ་དམར་མཆོག་གི་སྤྲུལ་སྐུ་ཆོས་གྲུབ་རྒྱ་མཚོ། འབྲི་གུང་པ་དོན་གྲུབ་ཆོས་རྒྱལ། འབྲུག་ཆེན་ཀུན་གཟིགས་ཆོས་ཀྱི་སྣང་བ། གར་དབང་ཆོས་སྐྱོང་འགྱུར་མེད། འཛི་སྒར་བཀའ་བརྒྱུད་ཕྲིན་ལས་རྣམ་རྒྱལ་རྣམས་དང་། རྗེ་རིག་འཛིན་ཆེན་པོའི་སྐུའི་སྲས་ཚེ་དབང་དཔལ་དར་ལས་ཀྱང་ཆོས་འབྲེལ་ཙམ་གསན་ཅིང་། གཙོ་བོར་རྗེ་བདུད་འདུལ་རྡོ་རྗེ་རྩ་བའི་བླ་མར་འཛིན། དེ་རྣམས་ལས་བཀའ་བརྒྱུད་ཀཾ་ཚང་གི་སྨིན་གྲོལ་ཡན་ལག་དང་བཅས་པའི་རྒྱུན་གང་བཞུགས་གཙོས། འབྲི་འབྲུག་དང་རྙིང་མའི་སྐོར་སོགས་གསན་བསམ་རྒྱ་ཆེར་མཛད། སྡོམ་པ་གསུམ་གྱི་བཅས་མཚམས་ལས་ནམ་ཡང་མི་འདའ་བའི་སྐུ་བཙུན་པའི་མཆོག་ཏུ་གྱུར། ཐུན་མོང་གི་རིག་གནས་ཅི་རིགས་དང་ཁྱད་པར་མདོ་སྔགས་ཀྱི་གཞུང་ལ་དོན་གྱིས་མཁྱེན་པ་རྒྱས་པས་མཁས་པའི་ཕུལ་དུ་གྱུར། བསྟན་འགྲོའི་དོན་ལ་གཅིག་ཏུ་གཞོལ་བའི་ཐུགས་བསྐྱེད་རླབས་པོ་ཆེ་མངའ་བས་བཟང་པོའི་ཕྲིན་ལས་མཁའ་ཁྱབ་ཏུ་བརྡལ། གཙོ་བོར་དུས་དང་རྒྱུན་དུ་ཟབ་མོའི་རྣལ་འབྱོར་ལ་གཞོལ་བས་གྲུབ་པའི་གོ་འཕང་མཐོན་པོར་གཤེགས་པར་ངེས་ཀྱང་བཀའ་གདམས་པའི་བཤེས་གཉེན་ཆེན་པོའི་རྣམ་ཐར་ལྟར་རང་གི་ཡོན་ཏན་བུམ་ནང་གི་མར་མེ་ལྟར་སྦེད་ཅིང་གསང་བ་སྲུང་བ་ལ་ཐུགས་སྒམ་པས་སུས་ཀྱང་གཏིང་མཐའ་མི་དཔོག་མོད། ཐག་རིང་ནས་ཕྱག་ནས་ཟང་ཐལ་དུ་ཕེབས་པ་དང་། སྲ་མཁྲེགས་ཀྱི་རྡོ་ལ་ཞབས་ཀྱི་རྗེས་བྱོན་པ་དང་། ཞབས་ས་ལ་མི་རེག་པ་སོགས་ཤུགས་མི་ཐུབ་པའི་ཚུལ་གྱིས་ཐུན་མོང་གི་སྤྱོད་ཡུལ་དུ་བསྟན། གཞན་སེམས་མཁྱེན་པའི་མངོན་ཤེས་དང་། སྤྲུལ་པའི་སྐུ་ངོས་འཛིན་གནང་བ་རྣམས་བསྟན་པ་ལ་ཕན་པ་ཁོ་ནར་བྱུང་བས་འཁྲུལ་པའི་དྲི་མ་ཕྲ་མོ་ཙམ་ཡང་བྲལ། དབུས་ཕྱོགས་སུ་ལན་གསུམ་ཆིབས་བསྐྱོད་ཀྱིས་མཚོན། རང་གི་གདན་ས་དང་ཁམས་ཀྱི་འབྲོག་སྡེ་སྟོད་སྨད་རྣམས་སུའང་ཕེབས་ནས་ཆོས་ཀྱི་འཁོར་ལོ་རྒྱུན་མི་ཆད་པར་བསྐོར་བའི་གྲུབ་འབྲས། ཐུགས་སྲས་ཀྱི་གཙོ་བོ་དཔལ་ཀརྨ་པ་བཅུ་བཞི་པ་ཁྱབ་བདག་ཐེག་མཆོག་རྡོ་རྗེ། འབྲུག་ཆེན་ཆོས་ཀྱི་སྣང་བ་གོང་འོག །དཔའ་བོ་གཙུག་ལག་ཆོས་རྒྱལ་སོགས་ཀར་འབྲུག་གི་སྐྱེས་ཆེན་རྣམས་ཀྱིས་གཙོས། ནང་ཐུགས་ཀྱི་སྲས་ཟླ་སྤྲུལ་རིན་པོ་ཆེ་ཀརྨ་ངེས་དོན་བསྟན་པ་རབ་རྒྱས་དང་། རང་དགོན་གྱི་དབོན་སྤྲུལ་གོང་འོག །དཔལ་ཡུལ་གདན་ས་པ་ཀརྨ་འགྱུར་མེད་སོགས་ཀར་རྙིང་གི་བསྟན་འཛིན་སྐྱེས་ཆེན་ཕལ་ཆེར་རྗེས་སུ་བཟུང་ཞིང་མོས་གུས་གསོལ་འདེབས་ཙམ་ལྷུར་བྱེད་པའི་བདག་ལྟ་བུས་མཐའ་བརྟེན་པའི་སློབ་ཚོགས་ཀྱི་ཕྲེང་བ་བརྗོད་པའི་་་་་་་ཡུལ་ལས་འདས། བདག་ཅག་གི་བླ་མ་དམ་པ་ཀུན་གཟིགས་མཁྱེན་བརྩེའི་དབང་པོས་ཀྱང་ཕྱག་ཆེན་ཆོས་དྲུག་སོགས་སྨིན་གྲོལ་ཅི་རིགས་པ་གསན་ཅིང་རྗེ་ཉིད་ནས་ཀྱང་ཐུགས་གཏད་ཤིན་ཏུ་ཆེ་བས་དོན་བརྒྱུད་བྱིན་གྱིས་བརླབས་པར་ཞལ་གྱིས་བཞེས་ཤིང་གཏེར་རྙིང་སྐོར་སོགས་འཆད་སྤེལ་དང་ཕྱོགས་བསྡུ་བྱུང་ན་ལེགས་ཞེས་རིན་ཆེན་གཏེར་མཛོད་ཆེན་མོའི་བཀའི་གནང་བའང་དོན་གྱིས་བསྩལ་བས་འཆད་སྤེལ་གྱི་ཐུགས་སྲས་མཆོག་ཏུ་མངོན་པར་མ་ཟད། ཕྱིས་ནས་དཔལ་ཀརྨ་པ་དང་མཆོག་གི་སྤྲུལ་པའི་སྐུས་ཀྱང་ཟབ་ཆོས་གསན་ཅིང་བདག་ཅག་དཔོན་སློབ་ཀྱིས་རིན་ཆེན་གཏེར་མཛོད་ཆེན་མོའི་བཀའི་བསྡུ་བ་མཐར་ཕྱིན་པས་ལུང་དོན་མངོན་དུ་གྱུར་པ་ཡིན་ནོ། །གསུང་རྩོམ་ཆོག་བསྒྲིག་སོགས་སྔར་ཡོད་ལས་གསར་སྤྲོས་རིགས་ལ་ཐུགས་དགྱེས་པ་ཆེར་མེད་ཀྱང་རྒྱལ་དབང་རིན་པོ་ཆེས་གཙོས་མཆོག་ཕལ་གྱི་གདུལ་བྱ་རྣམས་ཀྱིས་ནན་ཏན་དུ་གསོལ་བ་བཏབ་པའི་ངོར། སྒྲུབ་དཀྱིལ་དབང་ཆོག་ཁྲིད་ཡིག་ཞལ་གདམས་སོགས་གླེགས་བམ་གསུམ་ཙམ་བཞུགས་པ་ཁོ་བོས་ཀྱང་ལྗགས་ལུང་རགས་རིམ་གདམས་གཏད་བྱིན་རླབས་ཟབ་མོ་ཐོབ་ཅིང་གཞན་ལ་འཆད་ཅིང་སྤེལ་བ་རྗེས་སུ་གནང་བའི་སྐལ་བཟང་ཡང་ཐོབ་པ་ཡིན། གཞན་ཡང་རྗེ་འདི་ཉིད་བྱང་ཆུབ་སེམས་དཔའི་སྤྱོད་པ་བསྡུ་བ་བཞི་དང་གཏོང་བ་ལ་མཆོག་ཏུ་གོམས་པས། སྟོད་མངའ་རིས་ནས་འཇང་ཡུལ་རྒྱ་མཚམས་ཡན་གྱི་ཀར་འབྲུག་གི་དགོན་སྡེ་ཆེ་ཕྲ་མཐའ་དག་ལ་དངུལ་འགྱེད་ལན་གསུམ་གནང་བ་དངུལ་སྲང་ཁྲི་ཕྲག་གསུམ་ལྷག་གིས་མཚོན་རྟེན་གསུམ་དང་མཆོད་རྫས་སྒྲུབ་པའི་རྒྱུན་སོགས་མཐའ་ཡས་པ་འཛུག་པར་མཛད། དཔལ་སྤུངས་ཀྱི་གདན་སར་གསེར་གདུང་ཆེན་མོ་རྟེན་དང་བརྟེན་པར་བཅས་པ་དཔེ་བྲལ་དུ་བཞེངས། ཆོས་གོས་དང་ཡོ་བྱད་སོགས་མ་འོངས་བསྟན་པའི་མིག་རྒྱན་དུ་འགྱུར་བ་གནང་བས་མཚོན། བྱ་བ་ལས་ཀྱི་འཁོར་ལོ་བསམ་བརྗོད་ཀྱི་ཡུལ་ལས་འདས་ཤིང་། དགུང་གྲངས་དྲུག་ཅུ་རྩ་གཅིག་ནས་གཟུགས་སྐུ་མ་གཤེགས་ཀྱི་བར་ལོ་ངོ་བཅོ་བརྒྱད་ལ་སྒྲུབ་ཁང་ཆེན་མོར་ཐེམས་མི་འདའ་བའི་ཚུལ་གྱིས་སྤོང་བ་བསམ་གཏན་གྱི་འཁོར་ལོར་རྩེ་གཅིག་ཏུ་བཞུགས་པ་ཡིན་ནོ། །དེ་ལྟ་བུའི་རྒྱལ་བསྟན་འཛིན་སྐྱོང་སྤེལ་བའི་འཁོར་ལོ་གསུམ་གྱི་མཛད་པ་མཐར་ཕྱིན་ནས་དགུང་གྲངས་བརྒྱད་ཅུ་བཞེས་པའི་ལྕགས་གླང་སྣྲོན་ཟླ་བའི་ཚེས་བདུན་གྱི་ནམ་ཕྱེད་ཙམ་དུ་བསྙུན་ཆེར་མེད་པར་མངོན་པར་ཤེས་བཞིན་དུ་རེ་ཞིག་ཞིང་ཁམས་གཞན་དུ་གཤེགས་པའི་ཚུལ་བསྟན་པ་ན་དགོངས་པ་མངོན་དུ་གྱུར་པའི་རྟགས་སུ་ནམ་མཁའ་ལ་སྤྲིན་མེད་ཅིང་སེར་བུ་ཙམ་ཡང་མི་ལྡང་བ་དང་། ཐམས་ཅད་ཀྱིས་ཚོར་བའི་ས་གཡོ་བ་སོགས་རྟགས་དང་ཆོ་འཕྲུལ་མང་པོ་མངོན་པར་འདུ་མཛད། སྐུ་གདུང་རིན་པོ་ཆེ་ཞུགས་ལ་ཕུལ་བས་ངོ་མཚར་ཅན་གྱི་རྟེན་མང་དུ་བྱོན་ཅིང་གདུང་གི་ཆ་ཤས་ཙམ་དད་ལྡན་འགའ་རེའི་ལག་ཏུ་སོན་པ་ལས་རིང་བསྲེལ་མང་དུ་འཕེལ་བར་སྣང་། གཤེགས་རྗེས་ཀྱི་བྱ་བ་དགོངས་པ་རྫོགས་པའི་ཐབས་ཀྱང་། སྐུ་མཆོད་ཆེན་མོར། ཚོགས་ཆེན་དུ་མར་ལུགས་དགྱེས་རྡོར་ལྷ་དགུ། གསང་འདུས་མི་བསྐྱོད་པ། མ་ཧཱ་མཱ་ཡ་ལྷ་ལྔའི་སྒྲུབ་མཆོད་རྒྱུན་འཛུག་སོགས་ཕུལ་དུ་ཕྱིན་པར་གྲུབ། མཆོག་གི་སྤྲུལ་སྐུ་དཔལ་ཀརྨ་པས་ལུང་བསྟན་ཅིང་མཚན་པདྨ་ཀུན་བཟང་ཆོས་ཀྱི་རྒྱལ་པོར་གནང་བ་པདྨའི་ལྗགས་ལྡན་གཉིས་པར་གྲུབ་བོ། །དེ་ལྟ་བུའི་རྗེ་བླ་མ་འདི་ཉིད་ཀྱིས་ཞལ་གཟིགས་ལུང་བསྟན་ལྟ་ཅི། མནལ་ལམ་ཙམ་གྱི་འཕྲོས་ཀྱང་གཞན་ལ་མི་གནང་བས་དག་སྣང་དགོངས་གཏེར་སོགས་བཞུགས་མིན་མ་ངེས་ཀྱང་། གྲུབ་བརྙེས་བླ་མ་ཀཾ་ཚང་ནོར་བུས་ནན་ཏན་དུ་གསོལ་བ་བཏབ་པའི་ངོར་ཨོ་རྒྱན་རིན་པོ་ཆེ་རྗེ་འབངས་ཉེར་ལྔས་བསྐོར་བའི་བླ་སྒྲུབ་ཟབ་མོ་དགོངས་གཏེར་བསྟན་བཅོས་ཀྱི་ཚུལ་དུ་བསྩལ་ཅིང་ཡང་ཟབ་དཀོན་མཆོག་སྤྱི་འདུས་ཀྱི་དབང་བཞི་དང་ཟུང་དུ་འབྲེལ་བའི་རྒྱུན་བདག་ཅག་གིས་ཀྱང་འབད་པས་ཞུས་ཤིང་རིན་ཆེན་་་་་་གཏེར་མཛོད་ཆེན་མོའི་སྙིང་པོར་བཞུགས་སུ་གསོལ་བ་ཡིན་ནོ།

[edit]

de nyid kyi thugs sras kyi gtso bo bdag cag gi dpal mgon bla ma dam pa byams mgon tA'i si tu dgu pa rdo rje 'chang pad+ma nyin byed dbang po ste/_yul yid lhung smar khams zhes rigs rus mngon par mtho ba ngag dbang mgon po'i sras su ngo mtshar ba'i ltas dang bcas mtshan dpe'i pad+mo bzhad/_rdo rje gtsug lag dga' bas rje bstan pa'i nyin byed kyi yang srid 'khrul med du lung bstan cing kar 'brug rgyal ba yab sras kyis stangs bcad nas dgung lo lnga par gdan sa chen por mnga' gsol/_bla ma dgongs pa 'dus pa'i lung bstan bka' rgya ma las/_ma 'ongs chos kyi spyan can drug dang pad+ma'i ljags ldan drug 'brel chags su lung bstan pa'i pad+ma'i ljags ldan dang por nges pas rje dpa' bos kyang dag snang du gsal ba ltar pad+ma nyin byed dbang po zhes pa'i mtshan gyi cod pan dpyangs/_gzhan dpal pad+ma dbang chen dang /_rgyal dbang bcu gsum pa las rab byung gsan pa'i skabs/_dpal ldan bstan 'dzin nyin byed phrin las rab rgyas phyogs las rnam par rgyal ba'i sde zhes pa'i mtshan gnang /_rje de nyid dang zhwa dmar mchog gi sprul sku chos grub rgya mtsho/_'bri gung pa don grub chos rgyal/_'brug chen kun gzigs chos kyi snang ba/_gar dbang chos skyong 'gyur med/_'dzi sgar bka' brgyud phrin las rnam rgyal rnams dang /_rje rig 'dzin chen po'i sku'i sras tshe dbang dpal dar las kyang chos 'brel tsam gsan cing /_gtso bor rje bdud 'dul rdo rje rtsa ba'i bla mar 'dzin/_de rnams las bka' brgyud kaM tshang gi smin grol yan lag dang bcas pa'i rgyun gang bzhugs gtsos/_'bri 'brug dang rnying ma'i skor sogs gsan bsam rgya cher mdzad/_sdom pa gsum gyi bcas mtshams las nam yang mi 'da' ba'i sku btsun pa'i mchog tu gyur/_thun mong gi rig gnas ci rigs dang khyad par mdo sngags kyi gzhung la don gyis mkhyen pa rgyas pas mkhas pa'i phul du gyur/_bstan 'gro'i don la gcig tu gzhol ba'i thugs bskyed rlabs po che mnga' bas bzang po'i phrin las mkha' khyab tu brdal/_gtso bor dus dang rgyun du zab mo'i rnal 'byor la gzhol bas grub pa'i go 'phang mthon por gshegs par nges kyang bka' gdams pa'i bshes gnyen chen po'i rnam thar ltar rang gi yon tan bum nang gi mar me ltar sbed cing gsang ba srung ba la thugs sgam pas sus kyang gting mtha' mi dpog mod/_thag ring nas phyag nas zang thal du phebs pa dang /_sra mkhregs kyi rdo la zhabs kyi rjes byon pa dang /_zhabs sa la mi reg pa sogs shugs mi thub pa'i tshul gyis thun mong gi spyod yul du bstan/_gzhan sems mkhyen pa'i mngon shes dang /_sprul pa'i sku ngos 'dzin gnang ba rnams bstan pa la phan pa kho nar byung bas 'khrul pa'i dri ma phra mo tsam yang bral/_dbus phyogs su lan gsum chibs bskyod kyis mtshon/_rang gi gdan sa dang khams kyi 'brog sde stod smad rnams su'ang phebs nas chos kyi 'khor lo rgyun mi chad par bskor ba'i grub 'bras/_thugs sras kyi gtso bo dpal karma pa bcu bzhi pa khyab bdag theg mchog rdo rje/_'brug chen chos kyi snang ba gong 'og_/dpa' bo gtsug lag chos rgyal sogs kar 'brug gi skyes chen rnams kyis gtsos/_nang thugs kyi sras zla sprul rin po che karma nges don bstan pa rab rgyas dang /_rang dgon gyi dbon sprul gong 'og_/dpal yul gdan sa pa karma 'gyur med sogs kar rnying gi bstan 'dzin skyes chen phal cher rjes su bzung zhing mos gus gsol 'debs tsam lhur byed pa'i bdag lta bus mtha' brten pa'i slob tshogs kyi phreng ba brjod pa'i yul las 'das/_bdag cag gi bla ma dam pa kun gzigs mkhyen brtse'i dbang pos kyang phyag chen chos drug sogs smin grol ci rigs pa gsan cing rje nyid nas kyang thugs gtad shin tu che bas don brgyud byin gyis brlabs par zhal gyis bzhes shing gter rnying skor sogs 'chad spel dang phyogs bsdu byung na legs zhes rin chen gter mdzod chen mo'i bka'i gnang ba'ang don gyis bstsal bas 'chad spel gyi thugs sras mchog tu mngon par ma zad/_phyis nas dpal karma pa dang mchog gi sprul pa'i skus kyang zab chos gsan cing bdag cag dpon slob kyis rin chen gter mdzod chen mo'i bka'i bsdu ba mthar phyin pas lung don mngon du gyur pa yin no/_/gsung rtsom chog bsgrig sogs sngar yod las gsar spros rigs la thugs dgyes pa cher med kyang rgyal dbang rin po ches gtsos mchog phal gyi gdul bya rnams kyis nan tan du gsol ba btab pa'i ngor/_sgrub dkyil dbang chog khrid yig zhal gdams sogs glegs bam gsum tsam bzhugs pa kho bos kyang ljags lung rags rim gdams gtad byin rlabs zab mo thob cing gzhan la 'chad cing spel ba rjes su gnang ba'i skal bzang yang thob pa yin/_gzhan yang rje 'di nyid byang chub sems dpa'i spyod pa bsdu ba bzhi dang gtong ba la mchog tu goms pas/_stod mnga' ris nas 'jang yul rgya mtshams yan gyi kar 'brug gi dgon sde che phra mtha' dag la dngul 'gyed lan gsum gnang ba dngul srang khri phrag gsum lhag gis mtshon rten gsum dang mchod rdzas sgrub pa'i rgyun sogs mtha' yas pa 'dzug par mdzad/_dpal spungs kyi gdan sar gser gdung chen mo rten dang brten par bcas pa dpe bral du bzhengs/_chos gos dang yo byad sogs ma 'ongs bstan pa'i mig rgyan du 'gyur ba gnang bas mtshon/_bya ba las kyi 'khor lo bsam brjod kyi yul las 'das shing /_dgung grangs drug cu rtsa gcig nas gzugs sku ma gshegs kyi bar lo ngo bco brgyad la sgrub khang chen mor thems mi 'da' ba'i tshul gyis spong ba bsam gtan gyi 'khor lor rtse gcig tu bzhugs pa yin no/_/de lta bu'i rgyal bstan 'dzin skyong spel ba'i 'khor lo gsum gyi mdzad pa mthar phyin nas dgung grangs brgyad cu bzhes pa'i lcags glang snron zla ba'i tshes bdun gyi nam phyed tsam du bsnyun cher med par mngon par shes bzhin du re zhig zhing khams gzhan du gshegs pa'i tshul bstan pa na dgongs pa mngon du gyur pa'i rtags su nam mkha' la sprin med cing ser bu tsam yang mi ldang ba dang /_thams cad kyis tshor ba'i sa g.yo ba sogs rtags dang cho 'phrul mang po mngon par 'du mdzad/_sku gdung rin po che zhugs la phul bas ngo mtshar can gyi rten mang du byon cing gdung gi cha shas tsam dad ldan 'ga' re'i lag tu son pa las ring bsrel mang du 'phel bar snang /_gshegs rjes kyi bya ba dgongs pa rdzogs pa'i thabs kyang /_sku mchod chen mor/_tshogs chen du mar lugs dgyes rdor lha dgu/_gsang 'dus mi bskyod pa/_ma hA mA ya lha lnga'i sgrub mchod rgyun 'dzug sogs phul du phyin par grub/_mchog gi sprul sku dpal karma pas lung bstan cing mtshan pad+ma kun bzang chos kyi rgyal por gnang ba pad+ma'i ljags ldan gnyis par grub bo/_/de lta bu'i rje bla ma 'di nyid kyis zhal gzigs lung bstan lta ci/_mnal lam tsam gyi 'phros kyang gzhan la mi gnang bas dag snang dgongs gter sogs bzhugs min ma nges kyang /_grub brnyes bla ma kaM tshang nor bus nan tan du gsol ba btab pa'i ngor o rgyan rin po che rje 'bangs nyer lngas bskor ba'i bla sgrub zab mo dgongs gter bstan bcos kyi tshul du bstsal cing yang zab dkon mchog spyi 'dus kyi dbang bzhi dang zung du 'brel ba'i rgyun bdag cag gis kyang 'bad pas zhus shing rin chen gter mdzod chen mo'i snying por bzhugs su gsol ba yin no