Terdzo-TSHI-002

ཉེས་པ་ཀུན་སེལ་

nyes pa kun sel

by འཕྲེང་པོ་གཏེར་སྟོན་ཤེས་རབ་འོད་ཟེར་ (Trengpo Tertön Sherab Özer)
revealed by འཕྲེང་པོ་གཏེར་སྟོན་ཤེས་རབ་འོད་ཟེར་ (Trengpo Tertön Sherab Özer)
in cycle གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (Grol tig dgongs pa rang grol gyi chos sde)
Volume 48 (ཚི) / Pages 7-8 / Folios 1a1 to 1b4

Citation	'phreng po gter ston shes rab 'od zer. nyes pa kun sel. In Rin chen gter mdzod chen mo pod zhe brgyad pa (The Great Treasury of Rediscovered Teachings Volume 48) by 'jam mgon kong sprul, 7-8. New Delhi: Shechen Publications, 2007-2016.
Author	'phreng po gter ston shes rab 'od zer འཕྲེང་པོ་གཏེར་སྟོན་ཤེས་རབ་འོད་ཟེར་
Source Revealer	'phreng po gter ston shes rab 'od zer འཕྲེང་པོ་གཏེར་སྟོན་ཤེས་རབ་འོད་ཟེར་
Cycle	Grol tig dgongs pa rang grol gyi chos sde གྲོལ་ཏིག་དགོངས་པ་རང་གྲོལ་གྱི་ཆོས་སྡེ་
Terdzö Category	Mahayoga
Tibetan Colophon(s)	Treasure colophon: ཕྱོགས་དང་དུས་ཚོད་ངན་པ་སེལ་བྱེད་འདི༔ ལྷ་སྲས་བུ་འབངས་དོན་དུ་གཏེར་དུ་སྦས༔ མ་མགོན་སྡེ་བརྒྱད་བཀའ་འདི་བསྲུང་བར་མཛོད༔ ས་མ་ཡ༔ རྒྱ་རྒྱ་རྒྱ༔ མངྒ་ལཾ། །དགེའོ།། Revealer colophon: །།་་་་ཕྲེང་པོ་གཏེར་ཆེན་ཤེས་རབ་འོད་ཟེར་གཏེར་མའོ
Wylie Colophon(s)	Treasure colophon: phyogs dang dus tshod ngan pa sel byed 'di:_lha sras bu 'bangs don du gter du sbas:_ma mgon sde brgyad bka' 'di bsrung bar mdzod:_sa ma ya:_rgya rgya rgya:_mang+ga laM/_/dge'o//_ Revealer colophon: ...phreng po gter chen shes rab 'od zer gter ma'o
Notes	Front left-side note: nyes sel Back left-side note: gter mdzod zhi las sher 'od grol thig
Links	No TBRC link // No THL link

< Previous Text

Next Text >

[edit]

ཉེས་པ་ཀུན་སེལ་བཞུགས་སོ༔ མ་ཧཱ་གུ་རུ་སརྦ་སིདྡྷི་ཧཱུྃ༔ རྣལ་འབྱོར་གང་ཞིག་ལམ་དུ་འཇུག་པ་དང༔ གནས་བཙལ་བ་དང་ས་གཟུང་རོ་འདོན་དང༔ ཤིད་བྱེད་རབ་གནས་ལ་སོགས་དུས་རྣམས་སུ༔ དུས་རྩིས་འཁྲུལ་དང་ནོར་བས་བར་ཆད་རྐྱེན༔ ནད་དང་སྡུག་བསྔལ་མཁོན་གཅུགས་དགྲ་གདོན་གདུང༔ དེ་དུས་གདམས་པ་འདི་དང་ལྡན་གྱུར་ན༔ ཕྱོགས་ངན་བདུད་གཅོད་གསང་སྐེག་རུ་འཛིང་དང༔ མདུན་ཕུང་གང་ལའང་ཉམ་ང་མི་དགོས་ཤིང༔ རྟེན་བཞེངས་ཕོ་བྲང་འདེབས་དང་ས་སྒོ་སློང༔ རོ་དང་བག་མའི་ལམ་སོགས་ནོར་འཁྲུལ་སེལ༔ བུ་ནོར་ཆོས་དང་བཀྲ་ཤིས་རྒྱུད་རིགས་འཕེལ༔ ས་མ་ཡ༔ རྒྱ་རྒྱ་རྒྱ༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ༔ ན་མོ་རཏྣ་ཏྲ་ཡཱ་ཡ༔ ཨོཾ་ཡེ་དྷརྨཱ་ཧེ་ཏུ་པྲ་བྷ་བཱཿཧེ་ཏུནྟེ་ཥཱནྟ་ཐཱ་ག་ཏོ་ཧྱ་ཝ་དཏ྄༔ ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿཡེ་སྭཱ་ཧཱ༔ ཨོཾ་ཨ་ཀ་ནི་ནི་ཀ་ནི་ཨ་བྱི་ལ་མཎྜ་ལ་མ་དྷ་ལེ་སྭཱ་ཧཱ༔ དེ་ལྟར་ཐུབ་པའི་ཞལ་གྱིས་ཕྱོགས་བཅུ་རུ༔ མ་འགགས་གསལ་བའི་སྐུ་ལས་འཕྲོས་པའི་འོད༔ ས་འོག་ས་སྟེང་ས་བླའི་ཕྱོགས་མཚམས་བཅུར༔ འཕྲོས་པས་སྣང་སྲིད་འཁོར་ལོར་བསྐོར་བ་ལས༔ འོད་ཟེར་འདོད་པའི་དོན་རྣམས་འགྲུབ་བྱེད་པའི༔ སངས་རྒྱས་སྐུ་གསུང་ཐུགས་སུ་གསལ་བ་ཡིས༔ སྣང་སྲིད་མཉེས་བྱེད་ཕྱག་རྒྱ་བཅས་བྱས་ལ༔ སྐྱོན་སྦྱངས་ཡོན་ཏན་མ་ལུས་སྤེལ་བར་བསམ༔ ཐལ་སྦྱར་ཕྱོགས་མཚམས་ཀུན་ཏུ་གཡས་སྐོར་དང༔ གཡོན་དུ་བསྐོར་བ་བཅུ་གཉིས་ཚུལ་དུ་བྱ༔ བྱི་བ་གླང་སྟག་ཡོས་འབྲུག་སྦྲུལ་དང་རྟ༔ ལུག་སྤྲེལ་བྱ་ཁྱི་ཕག་གི་ལོ་ཟླ་དུས༔ ཐམས་ཅད་བྱང་ཆུབ་ཆེན་པོར་དག་གྱུར་ཅིག༔ མངྒ་ལཾ༔ དེ་ལྟར་བརྗོད་པས་ཕྱོགས་དུས་ཀུན་ལས་གྲོལ༔ ལེགས་པ་ཀུན་འགྲུབ་ཐམས་ཅད་སེམས་ཀྱི་གཟུགས༔ རྣམ་པར་རྟོག་པ་ཐམས་ཅད་དོན་དུ་འགྱུར༔ དུས་ཀྱི་མཐའ་མ་ལོ་ཟླ་དུས་ཀྱི་རྩིས༔ གོ་ནོར་ཆད་ལྷག་རྩོད་པ་རྒྱས་དུས་སུ༔ འདི་ཡིས་དུས་གསུམ་དུས་མེད་བདེ་གཤེགས་སྟེར༔ ང་ཡི་རྗེས་འཇུག་སྙིང་རྗེ་ཅན་གཅིག་དང༔ འཕྲད་ནས་འགྲོ་བའི་དཔལ་དུ་འགྱུར་བར་ཤོག༔ ཕྱོགས་དང་དུས་ཚོད་ངན་པ་སེལ་བྱེད་འདི༔ ལྷ་སྲས་བུ་འབངས་དོན་དུ་གཏེར་དུ་སྦས༔ མ་མགོན་སྡེ་བརྒྱད་བཀའ་འདི་བསྲུང་བར་མཛོད༔ ས་མ་ཡ༔ རྒྱ་རྒྱ་རྒྱ༔ མངྒ་ལཾ། །དགེའོ།། །།་་་་ཕྲེང་པོ་གཏེར་ཆེན་ཤེས་རབ་འོད་ཟེར་གཏེར་མའོ།།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).