Terdzo-BI-053

Download PDF

རཀྴ་ཐོད་ཕྲེང་གི་སྐོང་བསྡུས་སྲི་སྐེག་གཡུལ་འཇོམས་

rak+sha thod phreng gi skong bsdus sri skeg g.yul 'joms

by   ([['jam mgon kong sprul|]])
revealed by  མཆོག་གྱུར་གླིང་པ་ (Chogyur Lingpa)
in cycle  རིག་འཛིན་རཀྴ་ཐོད་ཕྲེང་ (Rig 'dzin rak+sha thod phreng)
parent cycle  བླ་མའི་ཐུགས་སྒྲུབ་བར་ཆད་ཀུན་སེལ་ (Bla ma'i thugs sgrub bar chad kun sel)
Volume 45 (བི) / Pages 597-598 / Folios 1a1 to 1b6

Rinchen Terdzö Volumes List > Volume 45 > Text #53 (Scroll to Bottom)

Citation	'jam mgon kong sprul. rak+sha thod phreng gi skong bsdus sri skeg g.yul 'joms. In Rin chen gter mdzod chen mo pod zhe lnga pa (The Great Treasury of Rediscovered Teachings Volume 45) by 'jam mgon kong sprul, 597-598. New Delhi: Shechen Publications, 2007-2018.
Author	'jam mgon kong sprul
Source Revealer	Mchog gyur gling pa མཆོག་གྱུར་གླིང་པ་
Cycle	Rig 'dzin rak+sha thod phreng རིག་འཛིན་རཀྴ་ཐོད་ཕྲེང་
Parent Cycle	Bla ma'i thugs sgrub bar chad kun sel བླ་མའི་ཐུགས་སྒྲུབ་བར་ཆད་ཀུན་སེལ་
Terdzö Category	Mahayoga
Tibetan Colophon(s)	Author colophon: དེ་ལྟར་སྐོང་བ་ཉུང་ངུ་འདིའང་འོག་མིན་མཚུར་མདོའི་གནྡྷོ་ལར་བསྟན་རིམ་ཆེད་གཟུངས་སྒྲུབ་འབུམ་ཐེར་གྱི་སྲི་ཟློག་མཆོད་རྟེན་སྒྲུབ་པའི་སྐབས་ཉེར་མཁོའི་ཆ་རྐྱེན་དུ་གཏེར་ཆེན་བླ་མའི་བཀས་བསྐུལ་བ་བཞིན། སངས་རྒྱས་ཀརྨ་པའི་མཚན་གྱི་ཅོད་པན་འཆང་བ་ཀུན་བཟང་མཁའ་ཁྱབ་བདེ་བའི་རྡོ་རྗེས་བྲིས་པ་དགེ་ Printer colophon: དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།
Wylie Colophon(s)	Author colophon: de ltar skong ba nyung ngu 'di'ang 'og min mtshur mdo'i gan+d+ho lar bstan rim ched gzungs sgrub 'bum ther gyi sri zlog mchod rten sgrub pa'i skabs nyer mkho'i cha rkyen du gter chen bla ma'i bkas bskul ba bzhin/_sangs rgyas karma pa'i mtshan gyi cod pan 'chang ba kun bzang mkha' khyab bde ba'i rdo rjes bris pa dge Printer colophon: dpe tshan 'di sngon chad gter mdzod dkyus su med cing /_bal yul zhe dgon gyi par gsar 'dir gsar bzhag byas pas lung rgyun la zhib rtog dgos pa yin no
Notes	Front left-side note: skong ba Back left-side note: gter mdzod zhi las mchog gling sri zlog
Links	No TBRC link // No THL link

< Previous Text

Next Text >

Tibetan Text

རཀྴ་ཐོད་ཕྲེང་གི་སྐོང་བསྡུས་སྲི་སྐེག་གཡུལ་འཇོམས་ཞེས་བྱ་བ། ཧཱུྃ་ཧྲཱིཿ གཞོམ་དུ་མེད་པའི་ཡེ་ཤེས་རྡོ་རྗེ་ནི། །སྙིང་རྗེ་ཁྲོས་པའི་མཚོན་ཆ་འབར་བའི་སྲོག །རྟགས་ཀྱི་ཕྱག་རྒྱར་སད་པ་རྡོ་རྗེའི་དལ། །རབ་འཇིགས་ཧེ་རུ་ཀ་ཡི་གྲོང་ཁྱེར་འདིར། །འདུས་ཤིང་ཚོགས་པའི་རིག་འཛིན་རྩ་གསུམ་དང་། །སྐུ་གསུམ་བླ་མ་རྡོ་རྗེ་ཐོད་ཕྲེང་རྩལ། །འབར་བའི་སྐུར་བཞེངས་གསང་བདག་སེང་གེའི་སྒྲ །ཐབས་ཤེས་གཉིས་མེད་ཟིལ་གནོན་སྤྲུལ་པའི་སྲས། །ཕྱོགས་བཅུའི་སྲི་འདུལ་བདུད་གཤེད་ཁྲོ་བོ་བཅུ། །དགྲ་བགེགས་སྲོག་གི་སྤུ་གྲི་བཀའ་སྡོད་འཁོར། །རབ་འབྱམས་རྒྱ་མཚོ་འདུས་པའི་ཚོམ་བུར་བཅས། །བསྐང་ངོ་ཐུགས་དམ་གཉན་པོ་དབྱིངས་སུ་བསྐང་། །བཤགས་སོ་སྔགས་ཀྱི་དམ་ཉམས་མཐོལ་ལོ་བཤགས། །མཛོད་ཅིག་དྲག་པོའི་ཕྲིན་ལས་ད་མཛོད་ཅིག །སྒྱུར་ཅིག་བར་ཆད་སྲི་ཀེག་དགྲ་ལ་སྒྱུར། །རྡོ་རྗེའི་ཡལ་གམ་བསྐང་ཞིང་བསྐུལ་བའི་ཕྱིར། །སྐུ་གསུང་ཐུགས་ཡོན་ཕྲིན་ལས་རྟེན་རྫས་བཤམས། །བསྐྱེད་སྔགས་རྫོགས་པ་ལས་སྦྱོར་ཏིང་འཛིན་སྦར། །དགྱེས་རྫས་སྣང་སྲིད་ཚོགས་ཀྱི་སྟོན་མོར་སྤུངས། །མཁའ་དབྱིངས་གང་བའི་མཐུན་རྫས་སྤྱན་གཟིགས་བཀྲམ། །དྲག་པོའི་ཉེར་སྤྱོད་རྔམ་བརྗིད་འཇིགས་པར་བཀོད། །བཤུག་གླུ་རྐང་གླིང་མི་བཟད་སྒྲ་དབྱངས་འུར། །རྡོ་རྗེའི་ལྷ་མོས་བདེ་མཆོག་རེག་བྱ་སྟོབ། །བདུད་བགེགས་མངོན་སྤྱོད་དྲག་ཤུལ་སྟོབས་ཀྱིས་བསྒྲལ། །དམིགས་པའི་མཐའ་གྲོལ་དོན་གྱི་ཕྱག་རྒྱས་བཏབ། །འདིར་བཤམས་ཕྱི་ནང་གསང་བ་ཡང་གསང་གི །མཆོད་པ་བླ་མེད་ཐུགས་དམ་བསྐང་ཕྱིར་འབུལ། །བཞེས་ནས་བསྟན་འཛིན་རྣལ་འབྱོར་མཆེད་ལྕམ་རྣམས། །ལྷ་སྔགས་རྡོ་རྗེའི་ཙཀྲའི་གུར་གྱིས་སྲུངས། །བན་བོན་བྱད་མ་རྦོད་གཏོང་ཕྲ་མེན་ཟློགས། །ཕུང་བྱེད་སྲི་རིགས་དྲག་པོའི་སྟོབས་ཀྱིས་སོད། །མཐུ་གཏད་སྦྱོར་བ་འབར་བའི་ཧོམ་གྱིས་སྲེགས། །ཆག་ཆེ་ཉམ་ང་དྲག་པོའི་ཟོར་གྱིས་ཆོམས། །དམ་སྲི་བསྟན་དགྲ་གཤིན་རྗེའི་ལྟེ་བར་བྲུབས། །མཁའ་འགྲོའི་གདོན་ཚོགས་སྲོག་སྙིང་གནད་དུ་གཟིར། །རྒྱལ་གདོན་འབྱུང་པོ་གླིང་བཞིའི་ཕ་མཐར་སྐྲོད། །མདོར་ན་བདག་ཅག་བྱང་ཆུབ་མཆོག་སྒྲུབ་ཅིང་། །བདེ་གཤེགས་རྒྱལ་བའི་གདུང་བརྒྱུད་འཛིན་པ་ལ། །མི་མཐུན་ཕྱོགས་ཀུན་བརླག་ཅིང་མེད་པར་མཛོད། །མཐུན་པའི་ལེགས་ཚོགས་དངོས་གྲུབ་རྒྱ་མཚོ་སྩོལ། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །དེ་ལྟར་སྐོང་བ་ཉུང་ངུ་འདིའང་འོག་མིན་མཚུར་མདོའི་གནྡྷོ་ལར་བསྟན་རིམ་ཆེད་གཟུངས་སྒྲུབ་འབུམ་ཐེར་གྱི་སྲི་ཟློག་མཆོད་རྟེན་སྒྲུབ་པའི་སྐབས་ཉེར་མཁོའི་ཆ་རྐྱེན་དུ་གཏེར་ཆེན་བླ་མའི་བཀས་བསྐུལ་བ་བཞིན། སངས་རྒྱས་ཀརྨ་པའི་མཚན་གྱི་ཅོད་པན་འཆང་བ་ཀུན་བཟང་མཁའ་ཁྱབ་བདེ་བའི་རྡོ་རྗེས་བྲིས་པ་དགེ། །། ༈ དཔེ་ཚན་འདི་སྔོན་ཆད་གཏེར་མཛོད་དཀྱུས་སུ་མེད་ཅིང་། བལ་ཡུལ་ཞེ་དགོན་གྱི་པར་གསར་འདིར་གསར་བཞག་བྱས་པས་ལུང་རྒྱུན་ལ་ཞིབ་རྟོག་དགོས་པ་ཡིན་ནོ།།

Tsagli (0)

Mandalas (0)

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).