Terdzo-YA-029



Property "Author" has a restricted application area and cannot be used as annotation property by a user. 








Terdzo-YA-029.pdf

Click the picture above to view the Shechen manuscript.

ཐུགས་རྗེ་ཆེན་པོ་ཡང་གསང་བླ་མེད་ལས། བརྒྱུད་པའི་གསོལ་འདེབས་བྱིན་རླབས་དབང་གི་ཆུ་བོ་

thugs rje chen po yang gsang bla med las/_brgyud pa'i gsol 'debs byin rlabs dbang gi chu bo

by  ཀློང་གསལ་སྙིང་པོ་ (Longsal Nyingpo)
revealed by  ཀློང་གསལ་སྙིང་པོ་ (Longsal Nyingpo)
in cycle  ཐུགས་རྗེ་ཆེན་པོ་ཡང་གསང་བླ་མེད་ (Thugs rje chen po yang gsang bla med)
Volume 24 (ཡ) / Pages 557-558 / Folios 1a1 to 1b1

Tibetan Text

ཐུགས་རྗེ་ཆེན་པོ་ཡང་གསང་བླ་མེད་ལས། བརྒྱུད་པའི་གསོལ་འདེབས་བྱིན་རླབས་དབང་གི་ཆུ་བོ་བཞུགས་སོ།། ཧྲཱིཿ ཡེ་ཤེས་སྐྱེ་མེད་སྣང་བ་མཐའ་ཡས་དང་། །མ་འགགས་ལོངས་སྐུ་ཐུགས་རྗེ་ཆེན་པོ་དང། །ཚད་མེད་སྤྲུལ་སྐུ་པདྨ་འབྱུང་གནས་ལ། །གསོལ་བ་འདེབས་སོ་ཐུགས་རྗེའི་བྱིན་གྱིས་རློབས། །དབྱིངས་གཞི་ངང་ཉིད་ཤེས་རབ་ན་བཟའ་དཀར། །ལམ་གྱི་ཆོ་འཕྲུལ་གསང་བའི་ཡེ་ཤེས་མོ། །འབྲས་བུ་གར་དབང་བདེ་ཆེན་རྒྱ་མཚོ་ལ། །གསོལ་བ་འདེབས་སོ་ཐུགས་རྗེའི་བྱིན་གྱིས་རློབས། །དཀྱིལ་འཁོར་ངོ་བོའི་དབང་ཕྱུག་ལོ་ཙཱ་བ། །རང་བཞིན་ཡོངས་ལ་མངོན་སྣང་ཟབ་གཏེར་བདག །ཐུགས་རྗེ་གང་འདུལ་ལུང་ཟིན་ཆོས་བདག་ལ། །གསོལ་བ་འདེབས་སོ་ཐུགས་རྗེའི་བྱིན་གྱིས་རློབས། །བྱམས་པ་ཆེན་པོ་རྒྱལ་བའི་ཆོ་འཕྲུལ་གྱི། །སྙིང་རྗེས་བསྟན་འགྲོ་བུ་བཞིན་སྐྱོང་མཛད་པའི། །བྱང་སེམས་བརྒྱུད་རིམ་རྩ་བའི་བླ་མ་ལ། །གསོལ་བ་འདེབས་སོ་ཐུགས་རྗེའི་བྱིན་གྱིས་རློབས། །ཡང་གསང་བླ་མེད་ཐུགས་རྗེ་ཆེན་པོ་ཡི། །ལམ་གྱི་སྨིན་གྲོལ་བསྐྱེད་རྫོགས་འབྲས་བུ་ཡི། །བཅུད་འཛིན་བཀའ་ཡི་སྲུང་མ་དང་བཅས་ལ། །གསོལ་བ་འདེབས་སོ་ཐུགས་རྗེའི་བྱིན་གྱིས་རློབས། །སྔོན་སྦྱང་ལས་འཕྲོ་ཅན་ལ་སྐལ་བཟང་གིས། །ཡང་གསང་བླ་མེད་ལམ་བཟང་བསྐྱེད་རྫོགས་ཀྱིས། །བསྒྲུབ་ཅིང་གྲུབ་པའི་འབྲས་བུ་མངོན་འགྱུར་ཞིང་། །རང་གཞན་དོན་གཉིས་མྱུར་དུ་ལྷུན་གྲུབ་ཤོག །ཅེས་སྐལ་ལྡན་ཀུན་བཟང་ཏིང་འཛིན་གྱིས་བསྐུལ་བ་དོན་ཡོད་པའི་ཕྱིར། སྒྱུ་འཕྲུལ་རྡོ་རྗེ་ཀློང་གསལ་སྙིང་པོས་ཤར་ཤིང་སྒོ་གངས་ཀྱི་ར་བར་སྦྱར་བའོ། །མངྒ་ལཾ།། །།


Footnotes[edit]

Other Information[edit]

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).