Terdzo-SIDDHAM-020

ཀློང་གསལ་ཞི་ཁྲོའི་གསོལ་འདེབས་གཏེར་གཞུང་

klong gsal zhi khro'i gsol 'debs gter gzhung

by ཐུགས་སྲས་གྲགས་པ་རྒྱལ་པོ་ (Tukse Drakpa Gyalpo)
revealed by པདྨ་གླིང་པ་ (Pema Lingpa)
Volume 67 (སིདྡྷཾ) / Pages 433-434 / Folios 1a1 to 1b6

Citation	thugs sras grags pa rgyal po. klong gsal zhi khro'i gsol 'debs gter gzhung. In Rin chen gter mdzod chen mo pod drug bcu re bdun pa (The Great Treasury of Rediscovered Teachings Volume 67) by 'jam mgon kong sprul, 433-434. New Delhi: Shechen Publications, 2007-2018.
Author	thugs sras grags pa rgyal po ཐུགས་སྲས་གྲགས་པ་རྒྱལ་པོ་
Source Revealer	Pad+ma gling pa པདྨ་གླིང་པ་
Tibetan Colophon(s)	ཀློང་གསལ་ཆོས་སྤྱོད་རྫོགས་ཆེན་ཀིརྟི་བི་ཛས་དར་རྒྱས་ཆོས་གླིང་དུ་བྲིས་པ་ལས་གསོལ་འདེབས་ཁོ་ན་ཟུར་ཕྱུང་བྱས་པའོ།།
Wylie Colophon(s)	klong gsal chos spyod rdzogs chen kirti bi dzas dar rgyas chos gling du bris pa las gsol 'debs kho na zur phyung byas pa'o
Notes	Front left-side note: sngags gso Back left-side note: gter mdzod pad gling zhi khro'i gsol 'debs
Links	No TBRC link // No THL link

< Previous Text

Next Text >

[edit]

ཀློང་གསལ་ཞི་ཁྲོའི་གསོལ་འདེབས་གཏེར་གཞུང་། ཨོཾ་ཨཱཿཧཱུྃ༔ མཁའ་ཀློང་རྣམ་དག་འོག་མིན་ཕོ་བྲང་དུ༔ ཆོས་སྐུ་སྐྱེ་མེད་ཀུན་བཟང་ཡབ་ཡུམ་ལ༔ གསོལ་བ་འདེབས་སོ་དབང་སྐུར་བྱིན་གྱིས་རློབས༔ འོག་མིན་སྤྲོས་བྲལ་བདེ་ཆེན་ཞིང་ཁམས་སུ༔ ལྷུན་གྲུབ་གཟུགས་སྣང་དག་པའི་རྡོར་སེམས་ལ༔ གསོལ་བ་འདེབས་སོ་དབང་སྐུར་བྱིན་གྱིས་རློབས༔ མེ་རི་འབར་བའི་དུར་ཁྲོད་ཆེན་པོ་རུ༔ ཤར་གྲོལ་མ་འགགས་དགའ་རབ་རྡོ་རྗེ་ལ༔ གསོལ་བ་འདེབས་སོ་དབང་སྐུར་བྱིན་གྱིས་རློབས༔ རྩུབ་འགྱུར་ཚལ་གྱི་དུར་ཁྲོད་ཆེན་པོ་རུ༔ རིག་རྩལ་ཐོགས་མེད་ཤྲཱི་སིང་ཧ་ལ༔ གསོལ་བ་འདེབས་སོ་དབང༴ སོ་ས་གླིང་གི་དུར་ཁྲོད་ཆེན་པོ་རུ༔ གནས་ལུགས་ཡིད་དཔྱོད་བྲལ་བའི་ཨོ་རྒྱན་ལ༔ གསོལ་བ་འདེབས་སོ་དབང༴ གཞོ་སྟོད་གཏེར་སྒྲོམ་བྲག་དཀར་ཆེན་པོ་རུ༔ ཐབས་ཤེས་གཉིས་ལྡན་ཡེ་ཤེས་མཚོ་རྒྱལ་ལ༔ གསོལ་བ་འདེབས་སོ་དབང༴ འོད་གསལ་རྡོ་རྗེ་སྙིང་པོའི་ཕོ་བྲང་དུ༔ ལྷུན་གྲུབ་རིག་འཛིན་པདྨ་གླིང་པ་ལ༔ གསོལ་བ་འདེབས་སོ་དབང༴ སྤྱི་གཙུག་ཉི་ཟླ་པདྨའི་གདན་སྟེང་དུ༔ རང་སེམས་མ་བུ་སྤྲོད་པའི་བླ་མ་ལ༔ གསོལ་བ་འདེབས་སོ་དབང༴ མཐོང་ཆ་ཡུལ་སྣང་དག་པའི་ཞིང་ཁམས་སུ༔ སྐུ་གསུང་ཐུགས་བཅུད་ཀློང་གསལ་འབར་མའི་རྒྱུད༔ གསོལ་བ་འདེབས་སོ་དབང༴ ལྔ་ལྡན་ཡེ་ཤེས་བརྩེགས་པའི་ཕོ་བྲང་དུ༔ སྙིང་པོ་རང་གསལ་བཏགས་གྲོལ་རྒྱུད་འགྲེལ་ལ༔ གསོལ་བ་འདེབས་སོ་དབང༴ ཙིཏྟ་རིན་ཆེན་ཟུར་བརྒྱད་གཞལ་ཡས་སུ༔ ཞི་བའི་ལྷ་ཚོགས་སུམ་ཅུ་རྩ་དྲུག་ལ༔ གསོལ་བ་འདེབས་སོ་དབང༴ སྤྱི་བོ་དུང་ཁང་ཀླད་རྒྱའི་གཞལ་ཡས་སུ༔ ཁྲག་འཐུང་ལྷ་ཚོགས་ལྔ་བཅུ་རྩ་བརྒྱད་ལ༔ གསོལ་བ་འདེབས་སོ་དབང༴ འཁོར་ལོ་ལྔ་བརྩེགས་རྐང་མཐིལ་རྩ་ཁྲོད་དུ༔ འགྲོ་དོན་རྫོགས་མཛད་སྤྲུལ་སྐུ་ཐུབ་དྲུག་ལ༔ གསོལ་བ་འདེབས་སོ་དབང༴ སྣ་རིང་བྲག་ཕུག་ཤེལ་གྱི་ཡང་རྫོང་དུ༔ མ་དང་མཁའ་འགྲོ་ཆོས་སྐྱོང་གཏེར་བདག་ལ༔ གསོལ་བ་འདེབས་སོ་དབང་སྐུར་བྱིན་གྱིས་རློབས༔ མི་རྟག་འཆི་བ་དྲན་པར་བྱིན་གྱིས་རློབས༔ འཁོར་བའི་ཉེས་དམིགས་མཐོང་བར་བྱིན༴ བདག་འཛིན་འཁྲུལ་པ་ཞིག་པར་བྱིན༴ རེ་དོགས་སྤང་བླང་བྲལ་བར་བྱིན༴ སེམས་ཉིད་མ་བུ་འཕྲོད་པར་བྱིན༴ འོད་གསལ་ནང་ནས་འཆར་བར་བྱིན༴ མངོན་སུམ་ལམ་དུ་ལོངས་པར་བྱིན༴ ཆོས་ཉིད་བཙན་ས་ཟིན་པར་བྱིན༴ ཆོས་རྣམས་ཟད་སར་འཁྱོལ་བར་བྱིན༴ སེམས་ཀྱི་འཁྲི་བ་ཆོད་པར་བྱིན༴ མྱུར་དུ་སངས་རྒྱས་ཐོབ་པར་བྱིན་གྱིས་རློབས༔ མཆོག་དང་ཐུན་མོང་དངོས་གྲུ་བསྩལ་དུ་གསོལ། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཧཱུྃ༔ ཀློང་གསལ་ཆོས་སྤྱོད་རྫོགས་ཆེན་ཀིརྟི་བི་ཛས་དར་རྒྱས་ཆོས་གླིང་དུ་བྲིས་པ་ལས་གསོལ་འདེབས་ཁོ་ན་ཟུར་ཕྱུང་བྱས་པའོ།།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).