Terdzo-LA-018

ཟབ་ཆོས་རྟ་ཕག་ཡིད་བཞིན་ནོར་བུའི་བརྒྱུད་པའི་གསོལ་འདེབས་ཟུང་འཇུག་རོལ་མོ་

zab chos rta phag yid bzhin nor bu'i brgyud pa'i gsol 'debs zung 'jug rol mo

by འཇམ་མགོན་ཀོང་སྤྲུལ་ (Jamgön Kongtrul Lodrö Taye)
revealed by འཇའ་ཚོན་སྙིང་པོ་ (Jatsön Nyingpo)
in cycle ཟབ་ཆོས་རྟ་ཕག་ཡིད་བཞིན་ནོར་བུ་ (Zab chos rta phag yid bzhin nor bu)
Volume 26 (ལ) / Pages 289-290 / Folios 1a1 to 1b1

Citation	'jam mgon kong sprul. zab chos rta phag yid bzhin nor bu'i brgyud pa'i gsol 'debs zung 'jug rol mo. In Rin chen gter mdzod chen mo pod nyer drug pa (The Great Treasury of Rediscovered Teachings Volume 26) by 'jam mgon kong sprul, 289-290. New Delhi: Shechen Publications, 2007-2016.
Author	'jam mgon kong sprul འཇམ་མགོན་ཀོང་སྤྲུལ་
Source Revealer	'ja' tshon snying po འཇའ་ཚོན་སྙིང་པོ་
Cycle	Zab chos rta phag yid bzhin nor bu ཟབ་ཆོས་རྟ་ཕག་ཡིད་བཞིན་ནོར་བུ་
Terdzö Category	Mahayoga
Tibetan Colophon(s)	ཅེས་པའང་ཟབ་ཆོས་འདི་ལ་མོས་པ་ཀརྨེ་ཤྭ་རས་བསྐུལ་ངོར་པདྨ་གར་གྱི་དབང་ཕྱུག་རྩལ་གྱིས་ཡང་དབེན་ཀུན་བཟང་བདེ་ཆེན་གླིང་དུ་སྤེལ་བ་དགེ་ལེགས་འཕེལ
Wylie Colophon(s)	ces pa'ang zab chos 'di la mos pa karme shwa ras bskul ngor pad+ma gar gyi dbang phyug rtsal gyis yang dben kun bzang bde chen gling du spel ba dge legs 'phel
Notes	Front left-side note: brgyud 'debs Back left-side note: gter mdzod 'ja' tshon rta phag yid bzhin nor bu
Links	No TBRC link // No THL link

< Previous Text

Next Text >

[edit]

ཟབ་ཆོས་རྟ་ཕག་ཡིད་བཞིན་ནོར་བུའི་བརྒྱུད་པའི་གསོལ་འདེབས་ཟུང་འཇུག་རོལ་མོ་ཞེས་བྱ་བ་བཞུགས་སོ། །ཨོཾ་ཨཱཿཧཱུྃ་ཧྲཱིཿ སྣང་བ་མཐའ་ཡས་འཇིག་རྟེན་དབང་ཕྱུག་དང་། །པདྨ་སཾ་བྷ་ཡེ་ཤེས་མཚོ་རྒྱལ་མ། །ཏིང་འཛིན་བཟང་པོ་ཨོ་རྒྱན་ལས་འཕྲོ་གླིང་། །ཀརྨ་རིག་འཛིན་ཀརྨ་ཆགས་མེད་ཞབས། །པདྨ་ཀུན་དགའ་ཕྲིན་ལས་དབང་འབྱུང་རྗེ། །ཤེས་རབ་གྲགས་པ་བསྟན་འཛིན་དོན་ཀུན་གྲུབ། ཐེག་མཆོག་བསྟན་འཕེལ་རྩ་བརྒྱུད་བླ་མ་ལ། །གསོལ་བ་འདེབས་སོ་ཐུགས་རྗེས་བྱིན་གྱིས་རློབས། །འགྱུར་མེད་བདེ་བ་དབང་ཆེན་རྟ་མཆོག་དཔལ། །སྤྲོས་བྲལ་སྟོང་ཉིད་རྡོ་རྗེའི་རྣལ་འབྱོར་མ། །ཟུང་འཇུག་གུ་རུ་ཡིད་བཞིན་ནོར་བུ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ཐབས་མཆོག་སྣང་བའི་རང་བཞིན་ཕོ་རྒྱུད་དང་། །ཤེས་རབ་སྟོང་པའི་རང་རྩལ་མོ་རྒྱུད་ཚོགས། །གཉིས་མེད་མ་ནིང་རྒྱུད་གསུམ་དམ་ཅན་ལ། །གསོལ་བ་འདེབས་སོ་ཕྲིན་ལས་རྣམ་བཞི་སྒྲུབས། །སྣང་སྟོང་ལྷ་སྐུ་གྲགས་སྟོང་སྔགས་ཀྱི་སྒྲ །རིག་སྟོང་བདེ་ཆེན་ཡེ་ཤེས་འཁོར་ལོར་ཤར། །རང་སྣང་དབང་འདུས་གཞན་སྣང་ཟིལ་གྱིས་གནོན། །དབང་ཆེན་ཡབ་ཡུམ་ཕྱག་རྒྱ་མྱུར་འགྲུབ་ཤོག །ཀ་དག་ཁྲེགས་ཆོད་དགོངས་པའི་གཟེར་ཐེབས་ཤིང་། །ལྷུན་གྲུབ་ཐོད་རྒལ་སྣང་བཞིའི་རྩལ་རྫོགས་ཏེ། །འཁོར་འདས་ཆོས་ཀུན་གདོད་མའི་ཟད་སར་ཕྱིན། །རིགས་བདག་བླ་མའི་གོ་འཕང་ཐོབ་པར་ཤོག །ཅེས་པའང་ཟབ་ཆོས་འདི་ལ་མོས་པ་ཀརྨེ་ཤྭ་རས་བསྐུལ་ངོར་པདྨ་གར་གྱི་དབང་ཕྱུག་རྩལ་གྱིས་ཡང་དབེན་ཀུན་བཟང་བདེ་ཆེན་གླིང་དུ་སྤེལ་བ་དགེ་ལེགས་འཕེལ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).