| Citation
|
Khyentse, Dilgo. dgongs gter 'od gsal snying tig las bla ma rtsa gsum spyi dang bye brag gi smin lam dbang gi phreng ba 'jug bde dkyus gcig tu bkod pa smin grol ye shes bdud rtsi'i gsang mdzod. In Rin chen gter mdzod chen mo pod drug bcu re gsum pa (The Great Treasury of Rediscovered Teachings Volume 63) by 'jam mgon kong sprul, 289-646. New Delhi: Shechen Publications, 2007-2016.
|
| Author
|
Khyentse, Dilgo
དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
|
| Source Revealer
|
'jam dbyangs mkhyen brtse'i dbang po
འཇམ་དབྱངས་མཁྱེན་བརྩེའི་དབང་པོ་
|
| Cycle
|
Rtsa gsum 'od gsal snying tig
རྩ་གསུམ་འོད་གསལ་སྙིང་ཏིག་
|
| Tibetan Colophon(s)
|
- Author colophon page 642: ཅེས་ཤར་མདོ་ཁམས་སྡེ་དགེའི་ཆོས་རྒྱལ་ཆེན་པོའི་མངའ་རིས་ཀྱི་ཤར་ཕྱོགས་ཤྲཱི་ན་ལེནྡྲ་གཉིས་པ་རྫོང་སར་བཀྲ་ ཤིས་ལྷ་རྩེའི་གཟིམས་སྤྱིལ་འོག་མིན་གཉིས་པ་སྤྲིན་གྱི་སྐྱེད་ཚལ་བཀྲ་ཤིས་འཆི་མེད་གྲུབ་པའི་དགའ་ཚལ་ནས། ཐུབ་བསྟན་ཡོངས་རྫོགས་ཀྱི་མངའ་བདག་ཁྱབ་བདག་རྡོ་རྗེ་སེམས་དངོས་༧འཇམ་དབྱངས་ཆོས་ཀྱི་བློ་གྲོས་མཆོག་གི་ཞལ་སྔ་ནས་ཟབ་རྒྱས་ཆོས་ཀྱི་འཁོར་ལོའི་དགེ་མཚན་ཉི་ཟླ་ཁོར་ཡུག་ཏུ་འཆར་བའི་སྐབས། ཐུན་མོང་མ་ཡིན་པའི་ཟབ་ཆོས་འདི་དག་གི་སྨིན་གྲོལ་གྱིས་བདག་ཀྱང་རྗེས་སུ་བཟུང་བའི་སྐལ་བཟང་ཐོབ་པའི་སྐབས་འདི་བཞིན་ཞབས་ཏོག་སྲིད་ཞུ་སྤེལ་འོས་ཀྱི་བཀའ་ཕུན་སུམ་ཚོགས་པའི་རྟེན་དང་བཅས་དགྱེས་བརྩེས་ཚངས་གནས་ཀྱི་རྒྱན་དུ་བསྩལ་བ་དང་ཆབས་ཅིག །གཏེར་ཆེན་རོལ་པའི་རྡོ་རྗེའི་མཆོག་སྤྲུལ་དྭགས་རྙིང་གི་བསྟན་པའི་སྣང་བྱེད་ཆེན་པོ་ཀརྨ་དྲི་མེད་འོད་ཟེར་ཞབས་ཀྱིས་ཀྱང་སྨིན་གྲོལ་བདུད་རྩི་ལྷན་ཅིག་བཞེས་པར་རྗེ་བླ་མའི་བཀའ་བཞིན་མྱུར་དུ་སྒྲུབ་འོས་པའི་བསྐུལ་མ་རྟེན་དང་བཅས་ཡང་ཡང་བསྩལ་པ་དང་། རང་ཉིད་ཀྱིས་ཀྱང་དད་སྤྲོས་བསྙེན་སྒྲུབ་ཀྱི་ཞོར་ལ་ཟིན་ཐོ་ཁ་ཤས་བཏབ་ཀྱང་། མཐའ་མིའི་ལོག་སྤྱོད་ཀྱིས་ཁམས་བོད་ཐམས་ཅད་རྔ་ཐོག་གི་སྲན་མ་བཞིན་ཉམས་ཉེས་སུ་གྱུར་པས་ཟབ་ཆོས་འདི་ཉིད་ཀྱི་རྩ་བའི་གཞུང་ཡང་དབྱིངས་ཀྱི་མཁའ་འགྲོའི་ཕྱག་མཚན་དུ་བཞེས་པ་ལ་ཉེ་བར་རྩོམ་སྐབས། རྒྱལ་བའི་ཕྲིན་ལས་ཀྱི་རེ་ཁཱ་བསུབ་ཏུ་མེད་པས་རྗེ་བླ་མ་རིན་པོ་ཆེའི་ཕྱག་དཔེ་འཕགས་ཡུལ་དུ་གདན་འདྲེན་ཞུ་ཐུབ་པའི་བཀའ་དྲིན་ལས་རིམ་གྱིས་དཔེ་རྒྱུན་འཕེལ་བ་ལ། ཐེག་མཆོག་སྙིང་པོའི་བསྟན་དང་བསྟན་འཛིན་ལ་མཆོག་ཏུ་གུས་པ་བྱང་གནམ་མཚོའི་དོ་སྐྱ་མཆོག་སྤྲུལ་འགྱུར་མེད་པདྨ་དྲི་མེད་ནས་རྩ་དཔེ་ཞལ་བཤུས་ཀྱི་གླེགས་བམ་དབུས་འགྱུར་རྡོ་རྗེ་གདན་གྱི་གཙུག་ལག་ཁང་ནས་གནང་བའི་རྟེན་འབྲེལ་གྱིས་མཚམས་སྦྱར་ཏེ། ཤར་མདོ་ཁམས་སྡེ་དགེའི་རྒྱལ་ཁམས་ཀྱི་མུ་ཏོ་བ་འདུ་ཤེས་གསུམ་གྱི་གཡར་དམ་འཆང་བས་གྲོང་གསེབ་ཏུ་འཁྱམས་པའི་རྙིང་སྔགས་རྒན་པོ་སྙན་ལ་བརྗིད་པའི་མིང་མང་པོའི་ཁུར་གྱིས་ནོན་པའི་རྨོངས་བརྟུལ་གྱི་ཟོག་པོས། རྒྱ་གར་གྱི་ཡུལ་གྲུ་མཐའ་དབུས་ཀུན་ཏུ་རྒྱུ་བའི་སྐབས་སུ་རང་བློས་དཔོག་ཚོད་ཇི་ལྟར་ནུས་པའི་ཞབས་ཏོག་ཞུས་པ་ལ། རྡུལ་བྲལ་ཆོས་སྤྱན་མངའ་ཞིང་ངེས་དོན་གྱི་བསྟན་པ་རིན་པོ་ཆེ་ཐུགས་ལ་བཅགས་པའི་གཟུར་གནས་མཁས་གྲུབ་རྣམས་ཀྱིས་དཔྱད་ཞུས་དང་། སྨིན་གྲོལ་གྱི་སྲོག་རྩ་མི་ཆད་པའི་གཡར་དམ་བཞེས་གྲུབ་སྙིང་ནས་གསོལ་བ་འདེབས་པ་དང་། ཡི་གེའི་མཐུན་སྦྱོར་བྱང་ཕྱོགས་རེབ་ཀོང་རིག་པའི་འབྱུང་གནས་ཀྱི་སྔགས་བན་འཇིགས་མེད་སྐལ་བཟང་བདེ་ཆེན་གྲུབ་པའི་རྡོ་རྗེས་དད་གུས་ཀྱི་བརྩོན་པས་བགྱིས་པའི་ངལ་བའི་ཁུར་འདིས་ཀྱང་། བསྟན་འགྲོའི་དགེ་མཚན་ཉིན་བྱེད་ཕྱོགས་ཀྱི་ཐ་གྲུ་ཀུན་ཏུ་འཕེལ་རྒྱས་བརྟན་པའི་རྒྱུར་འགྱུར་བར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་པར་མཛད་དུ་གསོལ། སརྦ་དཱ་སུ་ཤྲཱི་ཡེ་བྷ་ཝནྟུ
- Editor colophon page 644: འདིར་གླེང་བར་བྱ་བ་ནི། འཕགས་ཡུལ་སྨིན་གླིང་གདན་སའི་ཆོས་འབངས་པ་པད་བཀོད་སྒམ་པོ་འམ་དྭགས་པོ་སྤྲུལ་སྐུར་འབོད་པ་ངོས། སྔོན་ཆད་རྗེ་བླ་མའི་ཞབས་གྲལ་ཡུན་མི་ཐུང་ཙམ་བཅར་སྡོད་སྐབས། རྗེའི་ཞལ་ནས་ཁྱོད་ཞིབ་ཆ་ཆེ་ཞིང་ཆོ་གའི་རྒྱུས་ཀྱང་ཅུང་ཟད་འདུག་པས། ངོས་ཀྱིས་བྲིས་པའི་ཡིག་དཔེ་རྣམས་སྟན་གནས་དུས་གཅིག་ཏུ་དཔྱད་བསམ་མཐར་ཕྱིན་པས་བྲི་བའི་སྐབས་ཕལ་ཆེར་མ་རྙེད་ཅིང་། རྣམ་མང་བྱ་བའི་ཞོར་ཁོམས་ནམ་བྱུང་ལ་བྲི་དགོས་པར་གྱུར་པས་གཙང་དག་ཏུ་གྱུར་ངེས་ཀྱི་བློ་བདེ་བ་ཞིག་མེད་པས། ཁྱོད་ཀྱིས་ཞིབ་བལྟས་གྱིས་ཞེས་ཕེབས་ཤིང་། དེ་ལྟར་ངོས་རང་ གིས་ཀྱང་ཟླ་ཤས་རིང་རྗེ་ཡི་ཟབ་གཏེར་གཉགས་ཕུར་གྱི་རིགས་བདག་རྡོར་སེམས་ཕྱི་ནང་གསང་བ་ཡང་གསང་གི་སྒྲུབ་ཐབས་དང་དབང་གི་ཆོག་ཁྲིགས་སོགས་ཆོས་ཚན་འགའ་ཞིག་ཞིབ་མཇལ་གྱིས། ས་བཅད་དང་ཚིག་དོན་སྔ་ཕྱི་སོགས་མཐོང་དང་དྲན་ཚད་སྤྱན་ཞུས་ཀྱིས་བྲིས་བསུབ་མང་ཙམ་བྱུང་བར། དད་དང་མོས་གུས་དག་སྣང་ཤིན་ཏུ་ཆེ་བའི་ཞལ་སློབ་འགས་རྗེ་བླ་མའི་གསུང་ལ་རང་བཟོས་བཅོས་སྒྱུར་བྱེད་པར་བསྒྲགས་ཤིང་། ངོས་ཀྱི་ལས་དོན་དེ་ལ་གལ་ཆེན་གྱིས་རམ་འདེགས་ཀྱང་ཆེ་ཕྲ་སུ་ཡང་མ་བྱུང་བས་སྤྱིར་དང་། བྱེ་བྲག་འདོན་སྒྲུབ་ཀྱི་བྱ་བའི་ཞབས་ཞུ་མང་དགོས་དང་རང་ཉིད་ལས་ལྷོད་ཆེ་བ་བཅས་ཀྱིས་ཀྱང་དེ་སྐབས་དེ་འདྲར་ལུས། ད་ཆ་༧སྐྱབས་རྗེ་རབ་འབྱམས་རིན་པོ་ཆེ་དང་། རྗེའི་ཡང་སྲིད་རིན་པོ་ཆེ། ཁྱད་པར་རྗེའི་དངོས་སློབ་ཐུགས་སྐྱེད་གཞན་ཕན་རྨད་དུ་བྱུང་བ་ཕ་རན་སའི་དགེ་སློང་དཀོན་མཆོག་བསྟན་འཛིན་རྣམས་ཀྱི་བཀའ་དང་ཐུགས་རེ་བཞིན། རིན་ཆེན་གཏེར་མཛོད་ཆེན་པོ་ཁ་སྐོང་སྔ་ཕྱི་ད་ལྟ་བར་བཅས་པོད་ཆེན་བདུན་ཅུ་སྐོར་འཕྲུལ་པར་ཞུ་དག་ཐ་མའི་སྲི་ཞུ་ཞིབ་པར་ལོ་མང་རིང་སྒྲུབ་སྐབས། ཆོས་ཚུལ་འདི་སྲིད་པ་ཇི་སྲིད་བར་དེར་བཞུགས་དགོས་པར་བརྟེན། སྔོན་རྗེའི་སྤྱན་སྔར་ཞུས་དཔྱད་རྒྱུས་མངའ་ལྟ་བུའི་རྒྱུ་དང་། ཉིད་མཛད་རྣམས་ལ་ཞིབ་དཔྱད་དགོས་ཚུལ་སྔོན་གསུངས་ཀྱི་རྐྱེན་བྱས་ནས། ཆོས་ཚུལ་འདིའི་གཏེར་གཞུང་ཕྱག་བྲི་དངོས་དུས་འགྱུར་སྐབས་སྐུ་གདུང་གཏོར་བཤིག་གིས་ཕྱིར་གྱར་འཕྲུལ་པར་ད་ལྟ་དངོས་སུ་མཇལ་རྒྱུ་ཡོད་པ་དང་། ཆོག་སྒྲིག་ཁུངས་གང་ལ་གཟིགས་པའི་དཔེ་སོགས་ལ་གཏུག་ནས་དཔྱད་ཞུས་གང་ནུས་བྱས་པས་སྔར་བཞིན་བྲིས་བསུབ་མང་དུ་གྱུར་པ། རང་ཉིད་གཞོན་དུས་ཤེས་བྱའི་གནས་ལ་སྦྱངས་པ་གང་ཡང་བྱ་བའི་བསོད་ནམས་དང་མཐུན་རྐྱེན་མ་བྱུང་བས་མ་མྱོང་ཞིང་། བཀའ་འདྲི་ཞུ་ཡུལ་ཀྱང་ཡུལ་དུས་ཀྱི་གནས་སྐབས་དང་མཐུན་རྐྱེན་སོགས་ཀྱིས་བསྐལ་བས་མ་རྙེད་པས་མ་སྦྱང་མུ་ཅོར་སྨྲ་བའི་ངང་ཚུལ་གྱིས་བཅོས་ཉེས་གྱུར་པ་ནི་སྤྱིར་མཐོལ་ལོ་བཤགས་ཤིང་། རང་གིས་ནི་ཚིག་སྐྱོན་ཙམ་ཡང་མེད་པར་རྣམ་དག་ཏུ་སྤེལ་བའི་འབད་པ་ཆེན་པོའི་ཞབས་ཞུ་བསྒྲུབས་པར་རློམས་པ་ཡིན་ཞིང་། སེམས་དགེ་བ་ལ་ཉེས་པ་མེད་པར་བཤད་པས་དགེ་ལེགས་འཕེལ་བར་གྱུར་ཅིག །ཅེས་བྱུང་བ་བརྗོད་པ་འདི་ཙམ་བྱེད་པོས་གླེང་ཞིང་གསོལ་བ་ཡིན་པས་ཟོལ་སྟབས་འོལ་ཚུལ་དུ་ཁྲོམ་གཤོག་གིས་མི་བཀླག་པར་དཔྱོད་ལྡན་དོ་གལ་ཅན་སྲིད་ན་པར་དཔེ་སྔ་ཕྱི་མི་མཚུངས་པ་ཅུང་ཟད་ཡོད་པ་རྒྱུ་མཚན་དེ་ལྟར་ཐུགས་ངེས་དང་ཐུགས་དཔྱད་གནང་སྐྱོང་ཡོད་པ་ཞུ་ཞུ་ཞུ། །མཁྱེན་མཁྱེན་མཁྱེན།
|
| Wylie Colophon(s)
|
- Author colophon page 642: ces shar mdo khams sde dge'i chos rgyal chen po'i mnga' ris kyi shar phyogs shrI na len+d+ra gnyis pa rdzong sar bkra _shis lha rtse'i gzims spyil 'og min gnyis pa sprin gyi skyed tshal bkra shis 'chi med grub pa'i dga' tshal nas/_thub bstan yongs rdzogs kyi mnga' bdag khyab bdag rdo rje sems dngos 7'jam dbyangs chos kyi blo gros mchog gi zhal snga nas zab rgyas chos kyi 'khor lo'i dge mtshan nyi zla khor yug tu 'char ba'i skabs/_thun mong ma yin pa'i zab chos 'di dag gi smin grol gyis bdag kyang rjes su bzung ba'i skal bzang thob pa'i skabs 'di bzhin zhabs tog srid zhu spel 'os kyi bka' phun sum tshogs pa'i rten dang bcas dgyes brtses tshangs gnas kyi rgyan du bstsal ba dang chabs cig_/gter chen rol pa'i rdo rje'i mchog sprul dwags rnying gi bstan pa'i snang byed chen po karma dri med 'od zer zhabs kyis kyang smin grol bdud rtsi lhan cig bzhes par rje bla ma'i bka' bzhin myur du sgrub 'os pa'i bskul ma rten dang bcas yang yang bstsal pa dang /_rang nyid kyis kyang dad spros bsnyen sgrub kyi zhor la zin tho kha shas btab kyang /_mtha' mi'i log spyod kyis khams bod thams cad rnga thog gi sran ma bzhin nyams nyes su gyur pas zab chos 'di nyid kyi rtsa ba'i gzhung yang dbyings kyi mkha' 'gro'i phyag mtshan du bzhes pa la nye bar rtsom skabs/_rgyal ba'i phrin las kyi re khA bsub tu med pas rje bla ma rin po che'i phyag dpe 'phags yul du gdan 'dren zhu thub pa'i bka' drin las rim gyis dpe rgyun 'phel ba la/_theg mchog snying po'i bstan dang bstan 'dzin la mchog tu gus pa byang gnam mtsho'i do skya mchog sprul 'gyur med pad+ma dri med nas rtsa dpe zhal bshus kyi glegs bam dbus 'gyur rdo rje gdan gyi gtsug lag khang nas gnang ba'i rten 'brel gyis mtshams sbyar te/_shar mdo khams sde dge'i rgyal khams kyi mu to ba 'du shes gsum gyi g.yar dam 'chang bas grong gseb tu 'khyams pa'i rnying sngags rgan po snyan la brjid pa'i ming mang po'i khur gyis non pa'i rmongs brtul gyi zog pos/_rgya gar gyi yul gru mtha' dbus kun tu rgyu ba'i skabs su rang blos dpog tshod ji ltar nus pa'i zhabs tog zhus pa la/_rdul bral chos spyan mnga' zhing nges don gyi bstan pa rin po che thugs la bcags pa'i gzur gnas mkhas grub rnams kyis dpyad zhus dang /_smin grol gyi srog rtsa mi chad pa'i g.yar dam bzhes grub snying nas gsol ba 'debs pa dang /_yi ge'i mthun sbyor byang phyogs reb kong rig pa'i 'byung gnas kyi sngags ban 'jigs med skal bzang bde chen grub pa'i rdo rjes dad gus kyi brtson pas bgyis pa'i ngal ba'i khur 'dis kyang /_bstan 'gro'i dge mtshan nyin byed phyogs kyi tha gru kun tu 'phel rgyas brtan pa'i rgyur 'gyur bar bla ma rgyal ba sras dang bcas pas byin gyis brlab par mdzad du gsol/_sarba dA su shrI ye b+ha wan+tu
- Editor colophon page 644: 'dir gleng bar bya ba ni/_'phags yul smin gling gdan sa'i chos 'bangs pa pad bkod sgam po 'am dwags po sprul skur 'bod pa ngos/_sngon chad rje bla ma'i zhabs gral yun mi thung tsam bcar sdod skabs/_rje'i zhal nas khyod zhib cha che zhing cho ga'i rgyus kyang cung zad 'dug pas/_ngos kyis bris pa'i yig dpe rnams stan gnas dus gcig tu dpyad bsam mthar phyin pas bri ba'i skabs phal cher ma rnyed cing /_rnam mang bya ba'i zhor khoms nam byung la bri dgos par gyur pas gtsang dag tu gyur nges kyi blo bde ba zhig med pas/_khyod kyis zhib bltas gyis zhes phebs shing /_de ltar ngos rang _gis kyang zla shas ring rje yi zab gter gnyags phur gyi rigs bdag rdor sems phyi nang gsang ba yang gsang gi sgrub thabs dang dbang gi chog khrigs sogs chos tshan 'ga' zhig zhib mjal gyis/_sa bcad dang tshig don snga phyi sogs mthong dang dran tshad spyan zhus kyis bris bsub mang tsam byung bar/_dad dang mos gus dag snang shin tu che ba'i zhal slob 'gas rje bla ma'i gsung la rang bzos bcos sgyur byed par bsgrags shing /_ngos kyi las don de la gal chen gyis ram 'degs kyang che phra su yang ma byung bas spyir dang /_bye brag 'don sgrub kyi bya ba'i zhabs zhu mang dgos dang rang nyid las lhod che ba bcas kyis kyang de skabs de 'drar lus/_da cha 7skyabs rje rab 'byams rin po che dang /_rje'i yang srid rin po che/_khyad par rje'i dngos slob thugs skyed gzhan phan rmad du byung ba pha ran sa'i dge slong dkon mchog bstan 'dzin rnams kyi bka' dang thugs re bzhin/_rin chen gter mdzod chen po kha skong snga phyi da lta bar bcas pod chen bdun cu skor 'phrul par zhu dag tha ma'i sri zhu zhib par lo mang ring sgrub skabs/_chos tshul 'di srid pa ji srid bar der bzhugs dgos par brten/_sngon rje'i spyan sngar zhus dpyad rgyus mnga' lta bu'i rgyu dang /_nyid mdzad rnams la zhib dpyad dgos tshul sngon gsungs kyi rkyen byas nas/_chos tshul 'di'i gter gzhung phyag bri dngos dus 'gyur skabs sku gdung gtor bshig gis phyir gyar 'phrul par da lta dngos su mjal rgyu yod pa dang /_chog sgrig khungs gang la gzigs pa'i dpe sogs la gtug nas dpyad zhus gang nus byas pas sngar bzhin bris bsub mang du gyur pa/_rang nyid gzhon dus shes bya'i gnas la sbyangs pa gang yang bya ba'i bsod nams dang mthun rkyen ma byung bas ma myong zhing /_bka' 'dri zhu yul kyang yul dus kyi gnas skabs dang mthun rkyen sogs kyis bskal bas ma rnyed pas ma sbyang mu cor smra ba'i ngang tshul gyis bcos nyes gyur pa ni spyir mthol lo bshags shing /_rang gis ni tshig skyon tsam yang med par rnam dag tu spel ba'i 'bad pa chen po'i zhabs zhu bsgrubs par rloms pa yin zhing /_sems dge ba la nyes pa med par bshad pas dge legs 'phel bar gyur cig_/ces byung ba brjod pa 'di tsam byed pos gleng zhing gsol ba yin pas zol stabs 'ol tshul du khrom gshog gis mi bklag par dpyod ldan do gal can srid na par dpe snga phyi mi mtshungs pa cung zad yod pa rgyu mtshan de ltar thugs nges dang thugs dpyad gnang skyong yod pa zhu zhu zhu/_/mkhyen mkhyen mkhyen/
|
| Notes
|
Front left-side note:
dbang chog
Back left-side note:
gter mdzod rtsa gsum 'od gsal snying thig
|
| Links
|
No TBRC link // No THL link
|
