Terdzo-THI-021

This page is under construction. Check back later for updated content.

Download PDF

གནམ་ཆོས་ཐུགས་གཏེར་ལས་བདུད་རྩི་འཁྱིལ་པའི་སྒྲུབ་པ་

gnam chos thugs gter las bdud rtsi 'khyil pa'i sgrub pa

by  སྤྲུལ་སྐུ་མི་འགྱུར་རྡོ་རྗེ་ (Mingyur Dorje)
revealed by  སྤྲུལ་སྐུ་མི་འགྱུར་རྡོ་རྗེ་ (Mingyur Dorje)
in cycle  གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ (Gnam chos thugs kyi gter kha snyan brgyud zab mo'i skor)
Volume 40 (ཐི) / Pages 477-478 / Folios 1a1 to 1b4

Rinchen Terdzö Volumes List > Volume 40 > Text #22 (Scroll to Bottom)

Citation	sprul sku mi 'gyur rdo rje. gnam chos thugs gter las bdud rtsi 'khyil pa'i sgrub pa. In Rin chen gter mdzod chen mo pod bzhi bcu pa (The Great Treasury of Rediscovered Teachings Volume 40) by 'jam mgon kong sprul, 477-478. New Delhi: Shechen Publications, 2007-2016.
Author	Sprul sku mi 'gyur rdo rje སྤྲུལ་སྐུ་མི་འགྱུར་རྡོ་རྗེ་
Source Revealer	Sprul sku mi 'gyur rdo rje སྤྲུལ་སྐུ་མི་འགྱུར་རྡོ་རྗེ་
Cycle	Gnam chos thugs kyi gter kha snyan brgyud zab mo'i skor གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་
Terdzö Category	Mahayoga
Tibetan Colophon(s)	ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་པ་བྱ་ལོ་སྣྲོན་ཟླ་བའི་གནམ་གང་ལ་ཁྲོ་བོ་བདུད་རྩི་འཁྱིལ་པ་ཉིད་ཀྱིས་དངོས་སུ་གསུངས་སོ༔ འདིའི་དབང་གཟུངས་དབང་ལྟར་རོ།།
Wylie Colophon(s)	ces pa sprul sku mi 'gyur rdo rje dgung lo bcu gsum pa bya lo snron zla ba'i gnam gang la khro bo bdud rtsi 'khyil pa nyid kyis dngos su gsungs so:_'di'i dbang gzungs dbang ltar ro
Notes	Front left-side note: bdud rtsi 'khyil pa Back left-side note: gter mdzod bsnyen sgrub spyi gces gnam chos
Links	No TBRC link // No THL link

< Previous Text

Next Text >

Tibetan Text

Tsagli

Tsagli (7)

Mandalas (0)

[edit]

གནམ་ཆོས་ཐུགས་གཏེར་ལས་བདུད་རྩི་འཁྱིལ་པའི་སྒྲུབ་པ་བཞུགས་སོ༔ ྈྈ གུ་རུ་དྷེ་ཝ་དྷཱ་ཀི་ནཱི་ཧཱུྃ༔ བདུད་རྩི་འཁྱིལ་པའི་སྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ རང་ཉིད་ཁྲོ་བོ་བདུད་རྩི་འཁྱིལ༔ སྐུ་མདོག་ལྗང་ལ་དམར་བའི་མདངས༔ གཡས་པས་རྡོ་རྗེ་ནམ་མཁར་ཕྱར༔ གཡོན་པས་སྡིགས་མཛུབ་མེ་འབར་མཛད༔ ཁྲོ་བོའི་ཆས་ཀུན་ཡོངས་སུ་རྫོགས༔ ཞབས་གཉིས་འདོར་ཐབས་དགྲ་བགེགས་མནན༔ དེ་ནས་སྔགས་ནི་འདི་ཉིད་བརྗོད༔ ཨོཾ་ཨ་མྲྀ་ཏེ་ཧཱུྃ་ཕཊ༔ དེ་ཡིས་བདུད་རྩི་འཁྱིལ་པ་འགྲུབ༔ ས་མ་ཡ༔ རྒྱ་རྒྱ་རྒྱ༔ དེ་ནས་དེ་ཡི་ལས་ཚོགས་ནི༔ ཆུ་ནས་ས་གསུམ་བསྔག་པ་སྟེ༔ དང་པོ་ཆུ་སྔགས་རིམ་པ་ནི༔ ཆུ་ནི་རྩ་སྔགས་རབ་ཏུ་བསྔགས༔ སྔགས་ཀྱི་ཤམ་བུ་མེད་ལགས་སོ༔ དེ་ཉིད་ནད་པའི་ལྟོར་བཏང་ངམ༔ ཁྱིམ་དུ་གཏོར་བའི་ཕན་ཡོན་ནི༔ གདོན་བགེགས་གང་གིས་མི་ཚུགས་ཤིང༔ གྲིབ་སོགས་གནོད་པ་གང་གིས་ཀྱང༔ མི་ཚུགས་འདི་ལས་ཟབ་པ་མེད༔ ས་མ་ཡ༔ རྒྱ་རྒྱ་རྒྱ༔ དེ་ནས་ས་སྔགས་རིམ་པ་ནི༔ ས་ནི་རབ་གཙང་ཕྱེ་མ་ལ༔ ཤམ་མེད་རྩ་སྔགས་རབ་ཏུ་བསྔགས༔ དེ་ཉིད་ནད་པར་གཏོར་བ་འམ༔ ཁྱིམ་དུ་གཏོར་བའི་ཕན་ཡོན་ནི༔ གདོན་སོགས་གནོད་པ་གང་གིས་ཀྱང༔ མི་ཚུགས་འདི་ལས་ཟབ་པ་མེད༔ ས་མ་ཡ༔ རྒྱ་རྒྱ་རྒྱ༔ དེ་ནས་ནས་སྔགས་རིམ་པ་ནི༔ རྩ་སྔགས་ཤམ་མེད་རབ་ཏུ་བསྔགས༔ ནས་དེ་ནད་པའི་ལྟོར་བཏང་ངམ༔ ཁྱིམ་དུ་གཏོར་བའི་ཕན་ཡོན་ནི༔ གདོན་སོགས་གནོད་པ་གང་གིས་ཀྱང༔ མི་ཚུགས་འདི་ལས་ཟབ་པ་མེད༔ ས་མ་ཡ༔ རྒྱ་རྒྱ་རྒྱ༔ དེ་ནས་སྔགས་ཀྱི་སྲུང་བ་ནི༔ སྔགས་འདི་བཟླས་པའི་ཕན་ཡོན་ནི༔ གདོན་སོགས་གནོད་པ་གང་གིས་ཀྱང༔ མི་ཚུགས་འདི་ལས་ཟབ་པ་མེད༔ ཨོཾ་བཛྲ་ཨ་མྲྀཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ས་མ་ཡ༔ རྒྱ་རྒྱ་རྒྱ༔ དེ་ནས་ཆང་སྲུང་རིམ་པ་ནི༔ རྡེལ་བུ་དཀར་ནག་ཡིག་དྲུག་རྩ་སྔགས་བསྔགས༔ ཞོ་ཆང་གང་འཕང་ཞིམ་པར་འགྱུར༔ ས་མ་ཡ༔ རྒྱ་རྒྱ་རྒྱ༔ དེ་ནས་སྤྱི་ཡི་དམིགས་པ་ནི༔ རྡེལ་སམ་ས་ནས་ཆུ་རང་རྣམས༔ བདུད་རྩི་འཁྱིལ་པ་གོང་ལྟར་བསྐྱེད༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ་གུ་ཧྱ༔ ྈྈྈ ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་པ་བྱ་ལོ་སྣྲོན་ཟླ་བའི་གནམ་གང་ལ་ཁྲོ་བོ་བདུད་རྩི་འཁྱིལ་པ་ཉིད་ཀྱིས་དངོས་སུ་གསུངས་སོ༔ འདིའི་དབང་གཟུངས་དབང་ལྟར་རོ།། །།

[edit]

[edit]

[edit]

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).