Terdzo-GA-023-2



Property "author" has been marked for restricted use.







Property "keywords" has been marked for restricted use.








Terdzo-GA-023-2.pdf
Click the picture above to view the Shechen manuscript.

ཀར་གླིང་ཞི་ཁྲོའི་བསྙེན་ཡིག་གི་དཀྱུས་སུ་མཁོ་བའི་ཤོག་བྱང་། ཀུན་བཟང་དགོངས་པ་ཀུན་འདུས་ལས༔ ཞི་ཁྲོའི་བདག་དབང་

kar gling zhi khro'i bsnyen yig gi dkyus su mkho ba'i shog byang /_kun bzang dgongs pa kun 'dus las:_zhi khro'i bdag dbang

by  ཀརྨ་གླིང་པ་ (Karma Lingpa)
revealed by  ཀརྨ་གླིང་པ་ (Karma Lingpa)
in cycle  ཟབ་ཆོས་ཞི་ཁྲོ་དགོངས་པ་རང་གྲོལ་ (Zab chos zhi khro dgongs pa rang grol)
Volume 3 (ག) / Pages 479-480 / Folios 1a1 to 1b3

Tibetan Text

ཀར་གླིང་ཞི་ཁྲོའི་བསྙེན་ཡིག་གི་དཀྱུས་སུ་མཁོ་བའི་ཤོག་བྱང་། ༁ྃ༔ ཀུན་བཟང་དགོངས་པ་ཀུན་འདུས་ལས༔ ཞི་ཁྲོའི་བདག་དབང་བཞུགས་སོ༔ དེ་ནས་རྡོ་རྗེ་སློབ་དཔོན་གྱིས༔ ཐོག་མར་རང་ཉིད་དབང་བསྐུར་ཞུ༔ ངག་ཏུ་འདི་སྐད་བརྗོད་པར་བྱ༔ ཧཱུྃ༔ རིག་རྩལ་ལྷུན་གྲུབ་ལྷ་ཚོགས་ནི༔ དུས་གསུམ་རྒྱལ་བའི་སྐུ་གསུང་ཐུགས༔ ཡོན་ཏན་ཕྲིན་ལས་ཞི་ཁྲོའི་སྐུ༔ མ་བསྐྱེད་ལྷུན་གྱིས་གྲུབ་པའི་ལྷ༔ བསྐལ་པ་སྔོན་ནས་ད་ལྟའི་བར༔ ཡེ་ནས་རང་དང་གཉིས་མེད་གཅིག༔ མ་རིག་དབང་གིས་ཞལ་མ་མཇལ༔ ད་ནི་རང་རིག་རྟོགས་པའི་ལྷ༔ ངོ་བོ་རང་བཞིན་ཐུགས་རྗེར་ལྡན༔ སྐུ་གསུམ་ཡེ་ཤེས་ལྔ་ཡི་བདག༔ དབང་བསྐུར་ཆེན་པོ་བདག་ལ་སྩོལ༔ ལྷ་དབང་ལུས་ལ་ཞུགས་པ་ཡིས༔ ལུས་ཀྱང་ཡེ་ཤེས་ལྔ་རུ་གྲོལ༔ སངས་རྒྱས་སྐུ་ཡི་དབང་ཐོབ་ཤོག༔ སྐུ་ཡི་བྱིན་རླབས་ངག་ལ་སྩོལ༔ གྲགས་སྟོང་ཨཱ་ལི་ཀཱ་ལིའི་སྒྲ༔ རང་བྱུང་ཆོས་ཀྱི་སྒྲ་དབྱངས་ལྡན༔ སངས་རྒྱས་གསུང་གི་དབང་ཐོབ་ཤོག༔ གསུང་སྒྲ་སེམས་ལ་ཞུགས་པ་ཡིས༔ བདེ་གསལ་མི་རྟོག་ཆོས་ཀྱི་དབྱིངས༔ ཀ་དག་ཆེན་པོ་ཡངས་པའི་ཀློང༔ སངས་རྒྱས་ཐུགས་ཀྱི་དབང་ཐོབ་ཤོག༔ ཀཱ་ཡ་སིདྡྷི་ཨོཾ༔ ཝཱ་ཀ་སིདྡྷི་ཨཱ༔ ཙིཏྟ་སིདྡྷི་ཧཱུྃ༔ ཞི་ཁྲོའི་གཙོ་བུམ་སྤྱི་བོ་མགྲིན་པ་སྙིང་གར་བཞག༔ ཡེ་ཤེས་སེམས་དཔའ་བདག་དམ་ཚིག་སེམས་དཔའ་ལ་བསྟིམ༔ ཏིང་ངེ་འཛིན་གྱིས༔ ཨོཾ་ཨཱཿཧཱུྃ༔གསུམ་བདག་གི་གནས་གསུམ་དུ་བསྟིམ་མོ༔ དེ་ནས་རྡོ་རྗེ་སེམས་དཔའ་རུ་ཝལ་གྱིས་བསྐྱེད་པ་ནི༔ བདག་ཉིད་དབང་ལྡན་རྒྱལ་པོར་འགྱུར་རོ༔ ༈ དངོས་གྲུབ་བླང་བ་ནི༔ བདེ་གཤེགས་རྒྱ་བ་ཞི་ཁྲོའི་ལྷ་ཚོགས་ཀྱིས༔ འགྱུར་མེད་སྐུ་ཡི་དངོས་གྲུབ་བསྩལ་དུ་གསོལ༔ འགགས་མེད་གསུང་གི་དངོས་གྲུབ་བསྩལ་དུ་གསོལ༔ འཁྲུལ་མེད་ཐུགས་ཀྱི་དངོས་གྲུབ་བསྩལ་དུ་གསོལ༔ ཡོན་ཏན་རེ་སྐོང་དངོས་གྲུབ་བསྩལ་དུ་གསོལ༔ ཕྲིན་ལས་འགྲོ་འདུལ་དངོས་གྲུབ་བསྩལ་དུ་གསོལ༔ ཨོཾ་ཨཱཿཧཱུྃ༔ སརྦ་སིདྡྷི་ཕ་ལ་ཨ་ལ་ལ་ཧོ༔


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).