Terdzo-DA-053



Property "author" has been marked for restricted use.








Terdzo-DA-053.pdf
Click the picture above to view the Shechen manuscript.

དགོངས་གཏེར་གྲུབ་ཐོབ་ཆེན་པོའི་ཐུགས་ཐིག་གི་བརྒྱུད་པའི་གསོལ་འདེབས་

dgongs gter grub thob chen po'i thugs thig gi brgyud pa'i gsol 'debs

by  འཇམ་མགོན་ཀོང་སྤྲུལ་ (Jamgön Kongtrul)
revealed by  འཇམ་དབྱངས་མཁྱེན་བརྩེའི་དབང་པོ་ (Jamyang Khyentse Wangpo)
in cycle  གྲུབ་ཐོབ་ཆེན་པོའི་ཐུགས་ཏིག་ (Grub thob chen po'i thugs tig)
Volume 11 (ད) / Pages 897 / Folios 1a1 to 1a6

Tibetan Text

དགོངས་གཏེར་གྲུབ་ཐོབ་ཆེན་པོའི་ཐུགས་ཐིག་གི་བརྒྱུད་པའི་གསོལ་འདེབས་བཞུགས་སོ། །ཨོཾ་ཨཱཿཧཱུྃ་ཧྲཱིཿཧྲཱིཿ ངོ་བོ་ཆོས་སྐུ་ཀུན་བཟང་སྣང་མཐའ་ཡས། །རང་བཞིན་ལོངས་སྐུ་འཆི་མེད་སྤྱན་རས་གཟིགས། །ཐུགས་རྗེ་སྤྲུལ་སྐུ་རྟ་མགྲིན་དབང་གི་རྒྱལ། །སྐུ་གསུམ་ཀུན་འདུས་པདྨ་ཐོད་ཕྲེང་རྩལ། །དབྱེར་མེད་གྲུབ་པའི་དབང་ཕྱུག་ཐང་སྟོང་པ། །དེ་ཉིད་འགྲོ་འདུལ་རིག་པ་འཛིན་པའི་ཚུལ། ཁྱབ་བདག་འོད་གསལ་སྤྲུལ་པའི་རྡོ་རྗེའི་ཞབས། །བཀའ་བབས་བརྒྱུད་ལྡན་བླ་མའི་ཚོགས་རྣམས་དང་། །སྒྲུབ་པ་བཀའ་བརྒྱད་ཡི་དམ་ཞི་ཁྲོའི་ལྷ། །གནས་གསུམ་མཁའ་འགྲོ་ཆོས་སྐྱོང་སྲུང་མ་ལ། །སྒོ་གསུམ་རྩེ་གཅིག་གུས་པས་གསོལ་བ་འདེབས། །འདི་ནས་བྱང་ཆུབ་བར་དུ་ཐུགས་རྗེས་ཟུངས། །དབང་ལྔས་རྒྱུད་སྨིན་དམ་ཚིག་ཚུལ་བཞིན་བཟུང་། །ཐུན་མོང་ཐུན་མིན་ཁྱད་པར་སྔོན་འགྲོ་འབྱོངས། །རྣམ་ཐར་སྒོ་གསུམ་དབུ་མའི་ལྟ་བ་རྟོགས། །ཕྱག་ཆེན་སྒོམ་པ་མཐར་ཕྱིན་བྱིན་གྱིས་རློབས། །རོ་སྙོམས་སྤྱོད་པའི་རྟུལ་ཞུགས་རྩལ་རྫོགས་ཤིང་། །ཐབས་ལམ་བོགས་ཐོན་འབྲས་བུ་རྫོགས་པ་ཆེའི། །རྟགས་ཚད་མངོན་གྱུར་སྐུ་དང་ཡེ་ཤེས་ལྔ། །མྱུར་དུ་ཐོབ་ནས་དོན་གཉིས་ལྷུན་གྲུབ་ཤོག །ཅེས་པའང་བླ་མ་གྲུབ་ཐོབ་ཆེན་པོའི་རྣམ་པར་རོལ་པས་རྗེས་སུ་བཟུང་བའི་ལས་ཀྱི་འཕྲོ་ལྡན་བློ་གྲོས་མཐའ་ཡས་པའི་སྡེས་སྦྱར་བ་དགེ་ལེགས་འཕེལ།། །།


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).