Terdzo-WI-034



Property "author" has been marked for restricted use.








Terdzo-WI-034.pdf
Click the picture above to view the Shechen manuscript.

མཁྱེན་བརྩེའི་ཡང་གཏེར་བལ་པོའི་ཛཾ་ནག་གཡང་འགུགས་འགྲེས་བྱང་

mkhyen brtse'i yang gter bal po'i dzaM nag g.yang 'gugs 'gres byang

by  འཇམ་དབྱངས་མཁྱེན་བརྩེའི་དབང་པོ་ (Jamyang Khyentse Wangpo)
revealed by  བལ་པོ་ཨ་ཧཱུྃ་འབར་, འཇམ་དབྱངས་མཁྱེན་བརྩེའི་དབང་པོ་ (Balpo A Hūm BarJamyang Khyentse Wangpo)
in cycle  བལ་པོའི་ཡཀྴ་ཛཾ་ནག་ (Bal po'i yak+sha dzaM nag)
Volume 50 (ཝི) / Pages 567-568 / Folios 1a1 to 1b5

Tibetan Text

མཁྱེན་བརྩེའི་ཡང་གཏེར་བལ་པོའི་ཛཾ་ནག་གཡང་འགུགས་འགྲེས་བྱང་ནི།  རྩེ་གཅིག་གུས་པས་སྒྲུབ་ལགས་ན༔ བྱམས་པའི་ཞལ་བཟང་དུས་འདིར་སྟོན༔ དགྱེས་པ་ཆེན་པོའི་གཟི་བྱིན་སྐྱེད༔ དངོས་བཤམས་ཡིད་ལས་བྱུང་བ་ཡི༔ ཉེར་སྤྱོད་འདོད་ཡོན་སྤྲིན་ལྟར་གཏིབས༔ སྣོད་བཅུད་རི་གླིང་འབྱོར་པའི་ཚོགས༔ བཀྲ་ཤིས་རྟགས་རྫས་རྒྱལ་སྲིད་བདུན༔ བུམ་བཟང་འདོད་འཇོ་དཔག་བསམ་ཤིང༔ གཏོར་མ་སྐྱེམས་ཕུད་རོ་བཅུད་ལྡན༔ ཟད་མི་ཤེས་པའི་ལོངས་སྤྱོད་ཀྱིས༔ གཡར་དམ་བསྐང་ཞིང་ཉམས་ཆག་བཤགས༔ མོས་ཤིང་གདུང་བས་རྒྱུད་བསྐུལ་ན༔ ཐུགས་རྗེ་ཐུགས་དམ་དབྱིངས་ནས་དགོངས༔ སྟོང་གསུམ་འཁོར་འདས་རབ་འབྱམས་ཀྱི༔ སྣོད་ཀྱི་འབྱུང་བའི་ཕྱྭ་གཡང་ཁུག༔ བཅུད་ཀྱི་འབྱོར་པའི་ཕྱྭ་གཡང་ཁུག༔ མཛེས་སྡུག་གཟུགས་ཀྱི་ཕྱྭ་གཡང་ཁུག༔ སྙན་བརྗིད་སྒྲ་ཡི་ཕྱྭ་གཡང་ཁུག༔ བསུང་ཞིམ་དྲི་ཡི་ཕྱྭ་གཡང་ཁུག༔ བཅུད་ལྡན་རོ་ཡི་ཕྱྭ་གཡང་ཁུག༔ འཇམ་འཁྲིལ་རེག་བྱའི་ཕྱྭ་གཡང་ཁུག༔ ཡིད་མཐུན་ཆོས་ཀྱི་ཕྱྭ་གཡང་ཁུག༔ ལྷ་ཡི་བདུད་རྩིའི་ཕྱྭ་གཡང་ཁུག༔ ཀླུ་ཡི་ནོར་བུའི་ཕྱྭ་གཡང་ཁུག༔ གནོད་སྦྱིན་གཏེར་གྱི་ཕྱྭ་གཡང་ཁུག༔ གླིང་བཞི་མི་ཡི་ཕྱྭ་གཡང་ཁུག༔ ཕོ་བྲང་མཁར་གྱི་ཕྱྭ་གཡང་ཁུག༔ རིགས་རྒྱུད་སྲས་ཀྱི་ཕྱྭ་གཡང་ཁུག༔ མངའ་རིས་བདེ་སྐྱིད་ཕྱྭ་གཡང་ཁུག༔ དཔའ་རྩལ་སྟོབས་ཀྱི་ཕྱྭ་གཡང་ཁུག༔ སྲ་བརྟན་གོ་ཆའི་ཕྱྭ་གཡང་ཁུག༔ རྐང་བཞི་ཕྱུགས་ཀྱི་ཕྱྭ་གཡང་ཁུག༔ ལོ་ཏོག་འབྲུ་བཅུད་ཕྱྭ་གཡང་ཁུག༔ བཟའ་ཤིང་སྨན་གྱི་ཕྱྭ་གཡང་ཁུག༔ ཞིམ་མངར་ཟས་ཀྱི་ཕྱྭ་གཡང་ཁུག༔ བཀྲག་ཅན་གོས་ཀྱི་ཕྱྭ་གཡང་ཁུག༔ ཡིད་འཕྲོག་རྒྱན་གྱི་ཕྱྭ་གཡང་ཁུག༔ བརྗིད་ཅན་ནོར་གྱི་ཕྱྭ་གཡང་ཁུག༔ མཁས་པའི་མཁྱེན་རྩལ་ཕྱྭ་གཡང་ཁུག༔ གྲུབ་པའི་ནུས་མཐུའི་ཕྱྭ་གཡང་ཁུག༔ འཕགས་པའི་སྤངས་རྟོགས་ཕྱྭ་གཡང་ཁུག༔ དམ་པའི་ཆོས་ཀྱི་ཕྱྭ་གཡང་ཁུག༔ བཤད་སྒྲུབ་བསྟན་པའི་ཕྱྭ་གཡང་ཁུག༔ འཆི་མེད་ཚེ་ཡི་ཕྱྭ་གཡང་ཁུག༔ བསོད་ནམས་དབང་ཐང་ཕྱྭ་གཡང་ཁུག༔ སྙན་ཅིང་གྲགས་པའི་ཕྱྭ་གཡང་ཁུག༔ དཔལ་དང་འབྱོར་པའི་ཕྱྭ་གཡང་ཁུག༔ ནད་མེད་བདེ་བའི་ཕྱྭ་གཡང་ཁུག༔ རྒས་མེད་ལང་ཚོའི་ཕྱྭ་གཡང་ཁུག༔ ཅི་བསམ་འགྲུབ་པའི་ཕྱྭ་གཡང་ཁུག༔ ཕྱྭ་ཁུག་གཡང་སྐྱོབས་དངོས་གྲུབ་སྩོལ༔ བཀྲ་ཤིས་བདེ་ལེགས་རྒྱས་པར་མཛོད༔ སོ་སོའི་སྔགས་བརྗོད།


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).