Terdzo-CHI-046



Property "author" has been marked for restricted use.








Terdzo-CHI-046.pdf
Click the picture above to view the Shechen manuscript.

བརྒྱུད་པའི་བླ་མ་རྣམས་ལ་གསོལ་བ་འདེབས་པ་བྱིན་རླབས་སྤྲིན་ཕུང་

brgyud pa'i bla ma rnams la gsol ba 'debs pa byin rlabs sprin phung

by  མཆོག་གྱུར་གླིང་པ་ (Chogyur Lingpa)
revealed by  མཆོག་གྱུར་གླིང་པ་ (Chogyur Lingpa)
in cycle  ཟུར་བཟའི་ཐུགས་དམ་སྐོར་དྲུག་ (Zur bza'i thugs dam skor drug)
Volume 36 (ཆི) / Pages 849 / Folios 1a1 to 1a6

Tibetan Text

བརྒྱུད་པའི་བླ་མ་རྣམས་ལ་གསོལ་བ་འདེབས་པ་བྱིན་རླབས་སྤྲིན་ཕུང་བཞུགས་སོ། །གདོད་མའི་མགོན་པོ་ཀུན་བཟང་ཡུམ་ཆེན་མོ། །ངེས་པ་ལྔ་ལྡན་དབྱིངས་ཕྱུག་རྒྱལ་མོ་ལྔ། །སྤྲུལ་པའི་སྐུར་སྣང་རྡོ་རྗེ་ཕག་མོ་ལ། །གསོལ་བ་འདེབས་སོ་བདེ་ཆེན་ཡེ་ཤེས་སྩོལ། །གསང་བའི་བདག་པོ་མཁའ་འགྲོ་ལས་དབང་མོ། །པདྨ་འབྱུང་གནས་ཡེ་ཤེས་མཚོ་རྒྱལ་མ། །ཡེ་ཤེས་རོལ་པ་ཟུར་བཟའ་མེ་ཏོག་ལ། །གསོལ་བ་འདེབས་སོ་བདེ་ཆེན་ཡེ་ཤེས་སྩོལ། །རྩ་བའི་བླ་མ་རིག་འཛིན་ཡབ་དང་ཡུམ། །ཡེ་ཤེས་མཁའ་འགྲོ་དཀྱིལ་འཁོར་ལྷ་ཡི་ཚོགས། །དཔའ་བོ་ཌཱ་ཀི་དམ་ཅན་རྒྱ་མཚོ་ལ། །གསོལ་བ་འདེབས་སོ་བདེ་ཆེན་ཡེ་ཤེས་སྩོལ། །ཕྱི་སྒྲུབ་སྒྲོལ་མས་བསྐྱེད་རིམ་མཐའ་རུ་ཕྱིན། །ནང་སྒྲུབ་ཕག་མོས་རྩ་རླུང་ལས་སུ་རུང་། །གསང་སྒྲུབ་གསང་བ་ཡེ་ཤེས་ཕོ་ཉའི་ལམ། །ལྷན་སྐྱེས་བདེ་ཆེན་རྟོགས་པར་བྱིན་གྱིས་རློབས། །ཡང་གསང་མནྡཱ་ར་བའི་མན་ངག་གིས། །བརྟུལ་ཞུགས་ལམ་སློང་འཆི་མེད་ཚེ་དབང་འགྲུབ། །དེ་ཁོ་ན་ཉིད་ཡེ་ཤེས་མཚོ་རྒྱལ་གྱིས། །སྣང་བཞིའི་ཡེ་ཤེས་འགྲུབ་པར་བྱིན་གྱིས་རློབས། །ཞེས་པ་འདིའི་བཀའ་བབས་བདེ་ཆེན་ཆོས་སྒྲོན་དང་། དད་ལྡན་ཐོན་པའི་རྗེ་བཙུན་བློ་བཟང་ཆོས་སྒྲོན་སོགས་དོན་གཉེར་མང་པོས་བསྐུལ་ངོར། མཆོག་གྱུར་བདེ་ཆེན་གླིང་པས་མཁའ་འགྲོ་འདུ་བའི་གླིང་དཔལ་གྱི་ལྷ་སར་སྦྱར་བའི་ཡི་གེ་པ་ནི་པདྨ་རང་གྲོལ་ལོ།། །།


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).