Terdzo-ZI-048

Revision as of 22:08, 28 December 2017 by Jeremi (talk | contribs) (Text replacement - "= Tibetan Text = " to "<h1 style="font-size: 24px !important;">Tibetan Text</h1> ")



Property "Author" has a restricted application area and cannot be used as annotation property by a user. 








ཟབ་བདུན་རྩ་གསུམ་ཚེ་ཟབ་ལས༔ པདྨ་མཁའ་འགྲོའི་དབང་བསྐུར་

zab bdun rtsa gsum tshe zab las:_pad+ma mkha' 'gro'i dbang bskur

by  མཆོག་གྱུར་གླིང་པ་ (Chogyur Lingpa)
revealed by  མཆོག་གྱུར་གླིང་པ་ (Chogyur Lingpa)
in cycle  དབང་གི་ལས་སྦྱོར་པདྨ་མཁའ་འགྲོ་ (Dbang gi las sbyor pad+ma mkha' 'gro)
parent cycle  ཟབ་བདུན་རྩ་གསུམ་ཚེའི་ཟབ་པ་ (Zab bdun rtsa gsum tshe'i zab pa)
Volume 52 (ཟི) / Pages 721-722 / Folios 1a1 to 1b3

[edit]

ཟབ་བདུན་རྩ་གསུམ་ཚེ་ཟབ་ལས༔ པདྨ་མཁའ་འགྲོའི་དབང་བསྐུར་བཞུགས༔ ྈ རྩ་གསུམ་ལྷ་ལ་ཕྱག་འཚལ་ནས༔ པདྨ་མཁའ་འགྲོའི་དབང་བསྐུར་བསྟན༔ སྒྲུབ་ཐབས་བཞིན་དུ་དཀྱིལ་འཁོར་བཞེངས༔ དེ་བཞིན་རྟེན་མཆོད་ཚོགས་པར་བྱས༔ སྒྲུབ་ཅིང་བདག་ཉིད་དབང་བླངས་ནས༔ སློབ་མ་ཁྲུས་བྱས་བགེགས་དང་ཕྲལ༔ སྲུང་ཞིང་ཆོས་བཤད་སློབ་མས་ཀྱང༔ གསེར་གྱི་མཎྜལ་ཕུལ་བྱས་ལ༔ བླ་མ་སངས་རྒྱས་དགོངས་སུ་གསོལ༔ བདག་ལ་ཡེ་ཤེས་མཁའ་འགྲོ་ཡི༔ སྐུ་གསུང་ཐུགས་ཀྱི་རྗེས་གནང་སྩོལ༔ གསང་བ་གསུམ་དུ་འགྲུབ་པར་མཛོད༔ དེ་ནས་སློབ་མའི་རྒྱུད་སྦྱོང་ཞིང༔ ལྷར་བསྐྱེད་ཡེ་ཤེས་དབབ་ཅིང་བརྟན༔ བུམ་པ་སྐུ་འབག་སྤྱི་བོར་བཞག༔ ཧྲཱི༔ དོན་དམ་མི་གཡོ་ངང་ཉིད་ལས༔ སྣ་ཚོགས་སྣང་བ་སྤྲུལ་པའི་སྐུ༔ ལུས་སྣང་ལྷ་རུ་འགྱུར་བའི་ཕྱིར༔ སྐུ་ཡི་ནུས་དབང་ཡོངས་རྫོགས་ཤོག༔ རྩ་སྔགས་ཀཱ་ཡ་ཨ་བྷི་ཥིཉྩ་ཨོཾ༔ ཐོད་ཆང་སྦྱིན་ཞིང་བཟླས་ལུང་འབོགས༔ ཧྲཱི༔ དོན་དམ་མི་གཡོ་ངང་ཉིད་ལས༔ མ་འགགས་ལོངས་སྤྱོད་རྫོགས་པའི་གསུང༔ སྔགས་རླུང་ནུས་པ་བསྐྱེད་པའི་ཕྱིར༔ གསུང་གི་ནུས་དབང་ཡོངས་རྫོགས་ཤོག༔ རྩ་སྔགས་ཝཱ་ཀ་ཨ་བྷི་ཥིཉྩ་ཨཱ༔ མེ་ལོང་སིནྡྷུ་སྙིང་གར་བཞག༔ ཧྲཱི༔ དོན་དམ་མི་གཡོ་སྤྲོས་དང་བྲལ༔ ལྷུན་གྱིས་གྲུབ་པ་ཆོས་ཀྱི་སྐུ༔ སེམས་ཉིད་ཀ་དག་རྟོགས་པའི་ཕྱིར༔ ཐུགས་དབང་སེམས་ལ་ཡོངས་རྫོགས་ཤོག༔ རྩ་སྔགས་ཙིཏྟ་ཨ་བྷི་ཥིཉྩ་ཧཱུྃ༔ གཏོར་མ་སྤྱི་བོར་བཞག་བྱས་ལ༔ ཧྲཱི༔ དོན་དམ་མི་གཡོ་ཆོས་ཀྱི་སྐུ༔ རང་བཞིན་ལྷུན་གྲུབ་ལོངས་སྤྱོད་རྫོགས༔ ཅིར་ཡང་སྣང་བ་སྤྲུལ་པའི་སྐུ༔ ཐམས་ཅད་དབྱེར་མེད་ངོ་བོ་ཉིད༔ སྐུ་བཞི་ལྷུན་གྲུབ་དབང་བསྐུར་པས༔ མཁའ་འགྲོ་མ་ཡི་གོ་འཕང་ཐོབ༔ མཆོག་ཐུན་དངོས་གྲུབ་འགྲུབ་པར་ཤོག༔ རྩ་སྔགས་སརྦ་ཨ་བྷི་ཥིཉྩ་ཧྲཱི༔ སློབ་མས་དམ་ཚིག་ཁས་ལེན་ཞིང༔ གཏང་རག་འབུལ་ཞིང་དགེ་བསྔོ་བྱ༔ བླ་མས་ཕྲིན་ལས་མཇུག་བསྡུ་ཞིང༔ རྒྱུན་གྱི་སྤྱོད་ལམ་བརྟན་པར་བྱ༔ ས་མ་ཡ་རྒྱ༔ རྒྱ་ས་མ་ས༔ མཆོག་གྱུར་གླིང་པས་ནམ་མཁའ་མཛོད་ནས་སྤྱན་དྲངས་པའོ།།

RTZ-Tsagli-DA-04-gter gsar padma mkha' 'gro-01.jpg
RTZ-Tsagli-Dzongsar-ZI-07-mchog gling padma mkha' 'gro-01.JPG
RTZ-Tsagli-Dzongsar-ZI-07-mchog gling padma mkha' 'gro-02.jpeg
RTZ-Tsagli-Dzongsar-ZI-07-mchog gling padma mkha' 'gro-03.JPG
RTZ-Tsagli-Dzongsar-ZI-07-mchog gling padma mkha' 'gro-04.jpeg
RTZ-Mandala-Dzongsar-06-537-mchog gling padma mkha' 'gro.jpeg

Footnotes[edit]

Other Information[edit]

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).