Terdzo-TSA-025

This page is under construction. Check back later for updated content.

Download PDF

འཇམ་དཔལ་ཁྲོ་བོ་དྲེགས་པ་འཇོམས་བྱེད་ཀྱི་བརྒྱུད་འདེབས་

'jam dpal khro bo dregs pa 'joms byed kyi brgyud 'debs

by  གཏེར་བདག་གླིང་པ་འགྱུར་མེད་རྡོ་རྗེ་ (Minling Terchen Gyurme Dorje)
revealed by  གཏེར་བདག་གླིང་པ་འགྱུར་མེད་རྡོ་རྗེ་ (Minling Terchen Gyurme Dorje)
in cycle  གཤིན་རྗེ་དྲེགས་པ་འཇོམས་བྱེད་ (Gshin rje dregs pa 'joms byed)
Volume 17 (ཙ) / Pages 671-672 / Folios 1a1 to 1b3

Rinchen Terdzö Volumes List > Volume 17 > Text #25 (Scroll to Bottom)

Citation	gter bdag gling pa 'gyur med rdo rje. 'jam dpal khro bo dregs pa 'joms byed kyi brgyud 'debs. In Rin chen gter mdzod chen mo pod bcu bdun pa (The Great Treasury of Rediscovered Teachings Volume 17) by 'jam mgon kong sprul, 671-672. New Delhi: Shechen Publications, 2007-2016.
Author	Gter bdag gling pa 'gyur med rdo rje གཏེར་བདག་གླིང་པ་འགྱུར་མེད་རྡོ་རྗེ་
Source Revealer	Gter bdag gling pa 'gyur med rdo rje གཏེར་བདག་གླིང་པ་འགྱུར་མེད་རྡོ་རྗེ་
Cycle	Gshin rje dregs pa 'joms byed གཤིན་རྗེ་དྲེགས་པ་འཇོམས་བྱེད་
Terdzö Category	Mahayoga
Tibetan Colophon(s)	ཅེས་འཇམ་དཔལ་དྲེགས་པ་འཇོམས་བྱེད་ཀྱི་བརྒྱུད་འདེབས་འདི་ནི་ལྷག་པའི་ལྷ་དེ་ཉིད་ལས་དངོས་གྲུབ་བརྙེས་པའི་སྔགས་འཆང་བློ་གྲོས་རྒྱལ་བའི་གསུང་གིས་བསྐུལ་བ་ལས་རིག་པ་འཛིན་པ་འགྱུར་མེད་རྡོ་རྗེས་བྲིས་པ་ཛ་ཡནྟུ
Wylie Colophon(s)	ces 'jam dpal dregs pa 'joms byed kyi brgyud 'debs 'di ni lhag pa'i lha de nyid las dngos grub brnyes pa'i sngags 'chang blo gros rgyal ba'i gsung gis bskul ba las rig pa 'dzin pa 'gyur med rdo rjes bris pa dza yan+tu
Notes	Front left-side note: brgyud 'debs Back left-side note: gter mdzod smin gling gshin rje dregs 'joms
Links	No TBRC link // No THL link

< Previous Text

Next Text >

Tibetan Text

Tsagli

[edit]

འཇམ་དཔལ་ཁྲོ་བོ་དྲེགས་པ་འཇོམས་བྱེད་ཀྱི་བརྒྱུད་འདེབས་བཞུགས་སོ། །རིགས་ཀུན་ཁྱབ་བདག་ཀུན་བཟང་རྡོ་རྗེ་འཆང་། །ལོངས་སྤྱོད་རྫོགས་སྐུ་དཔལ་ལྡན་དུས་ཀྱི་དགྲ །གསང་ཆེན་རྒྱུད་ཀུན་སྡུད་མཛད་རྡོ་རྗེ་འཛིན། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །འཕོ་མེད་མཆོག་བརྙེས་འཇམ་དཔལ་བཤེས་གཉེན་ཞབས། །གཤིན་རྗེའི་རྣལ་འབྱོར་གཙུག་ལག་དཔལ་དགེ་དང་། །འཁོར་འདས་དབང་བསྒྱུར་ཁྲག་འཐུང་ནག་པོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །དྲག་སྔགས་མཐུ་ཡི་བཀའ་བབས་ཤཱནྟིཾགྷར། །རྒྱལ་བ་གཉིས་པ་པདྨ་འབྱུང་གནས་དཔལ། །སྐད་གཉིས་སྨྲ་བའི་དབང་ཕྱུག་བཻ་རོ་རྗེ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །འཇམ་དཔལ་ཞི་ཁྲོའི་སྨིན་གྲོལ་ངེས་གསང་སོགས། །སྙན་བརྒྱུད་ཟབ་མོའི་དངོས་གྲུབ་འདོད་རྒུའི་དཔལ། །སྩོལ་མཛད་ཁྱབ་བདག་དྲིན་ཅན་བླ་མ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །མ་དག་སྲིད་པའི་བདེ་ལ་མི་ཞེན་པར། །ཐུན་མོང་ཐུན་མོང་མིན་པའི་ལམ་ཞུགས་ཏེ། །སྨིན་བྱེད་དབང་བཞིའི་དགའ་སྟོན་བདུད་རྩིའི་ཆུས། །བདག་རྒྱུད་ཡོངས་འདུའི་འབྲས་བཟང་སྨིན་པར་ཤོག །ཆོ་ག་གསུམ་ལས་རྫོགས་པའི་ཕྱག་རྒྱའི་སྐུ །མེད་བཞིན་སྣང་བ་ཆུ་ཟླ་ལྟར་འཆར་ཞིང་། །བརྗོད་བྲལ་སྔགས་ཀྱི་སྒྲ་ཚིག་ནཱ་དའི་དབྱངས། །འགག་མེད་རྡོ་རྗེའི་དབྱངས་སུ་ལེན་པར་ཤོག །སྲུང་བའི་གོ་ཆས་ཕས་རྒོལ་གཡུལ་ངོ་བསྲུང་། །ཟློག་པའི་མཚོན་ཆས་བྱད་མ་རང་གཤེད་འབེབ། །བསད་མནན་བསྲེག་སོགས་མངོན་སྤྱོད་འཁྲུལ་འཁོར་གྱིས། །ནག་པོའི་རྩ་ལག་སྡེར་བཅས་ཚར་གཅོད་ཤོག །སྒྱུ་མ་མཁན་གྱི་སྒྱུ་མའི་རོལ་གར་བཞིན། །དངོས་ཀུན་སེམས་ཉིད་གཅིག་པུའི་རང་རྩལ་དུ། །རྟོགས་ནས་ཟུང་འཇུག་འཇམ་དཔལ་དཔའ་བོའི་སྐུ །ཚེ་འདིར་འགྲུབ་པའི་སྐལ་བཟང་ཐོབ་པར་ཤོག །ཅེས་འཇམ་དཔལ་དྲེགས་པ་འཇོམས་བྱེད་ཀྱི་བརྒྱུད་འདེབས་འདི་ནི་ལྷག་པའི་ལྷ་དེ་ཉིད་ལས་དངོས་གྲུབ་བརྙེས་པའི་སྔགས་འཆང་བློ་གྲོས་རྒྱལ་བའི་གསུང་གིས་བསྐུལ་བ་ལས་རིག་པ་འཛིན་པ་འགྱུར་མེད་རྡོ་རྗེས་བྲིས་པ་ཛ་ཡནྟུ།། །།

[edit]

TSAGLI image gallery goes here

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).