Difference between revisions of "Terdzo-DA-060"
m (Text replace - "TSAGLI image gallery goes here" to "") |
m (Text replace - "‘" to "'") |
||
Line 22: | Line 22: | ||
|fulltitletib=སྐུ་གསུམ་རིག་འདུས་ཟབ་ཏིག་ལས། བརྒྱུད་པའི་གསོལ་འདེབས་བྱིན་རླབས་ཐིག་ལེ | |fulltitletib=སྐུ་གསུམ་རིག་འདུས་ཟབ་ཏིག་ལས། བརྒྱུད་པའི་གསོལ་འདེབས་བྱིན་རླབས་ཐིག་ལེ | ||
|fulltitle=sku gsum rig 'dus zab tig las/_brgyud pa'i gsol 'debs byin rlabs thig le | |fulltitle=sku gsum rig 'dus zab tig las/_brgyud pa'i gsol 'debs byin rlabs thig le | ||
− | |citation=[[ | + | |citation=[['jam mgon kong sprul]]. sku gsum rig 'dus zab tig las/_brgyud pa'i gsol 'debs byin rlabs thig le. In Rin chen gter mdzod chen mo pod bcu gcig pa (The Great Treasury of Rediscovered Teachings Volume 11) by 'jam mgon kong sprul, 969-970. New Delhi: Shechen Publications, 2007-2016. |
|collectiontitle=Rin chen gter mdzod; Rin chen gter mdzod Shechen Edition | |collectiontitle=Rin chen gter mdzod; Rin chen gter mdzod Shechen Edition | ||
|collectiontitletib=རིན་ཆེན་གཏེར་མཛོད་ | |collectiontitletib=རིན་ཆེན་གཏེར་མཛོད་ |
Revision as of 11:57, 28 September 2016
སྐུ་གསུམ་རིག་འདུས་ཟབ་ཏིག་ལས། བརྒྱུད་པའི་གསོལ་འདེབས་བྱིན་རླབས་ཐིག་ལེ་
by འཇམ་མགོན་ཀོང་སྤྲུལ་ (Jamgön Kongtrul Lodrö Taye)
revealed by འཇམ་དབྱངས་མཁྱེན་བརྩེའི་དབང་པོ་ (Jamyang Khyentse Wangpo)
in cycle དག་སྣང་སྐུ་གསུམ་རིགས་འདུས་ཟབ་ཏིག་ (Dag snang sku gsum rigs 'dus zab tig)
Volume 11 (ད) / Pages 969-970 / Folios 1a1 to 1b3
སྐུ་གསུམ་རིག་འདུས་ཟབ་ཏིག་ལས། བརྒྱུད་པའི་གསོལ་འདེབས་བྱིན་རླབས་ཐིག་ལེ་ཞེས་བྱ་བ་བཞུགས་སོ། །རིགས་ཀུན་ཁྱབ་བདག་པདྨ་ཀུན་ཏུ་འཆང་། །ལྷུན་རྫོགས་མགོན་པོ་པདྨའི་སྤྱན་མཆོག་ལ། །གསོལ་བ་འདེབས་སོ་ཛྙཱ་ན་བཛྲ་ཧོཿ བྱིན་གྱིས་རློབས་ཤིག་སརྦ་སིདྡྷི་ཧཱུྃ། །སྒྱུ་འཕྲུལ་རང་གཟུགས་པདྨ་ཚེ་དཔག་མེད། །ཀུན་འདུས་སེམས་དཔའ་པདྨའི་མྱུ་གུ་ལ། །གསོལ་བ་འདེབས་སོ་ཛྙཱ་ན་བཛྲ་ཧོཿ བྱིན་གྱིས་རློབས་ཤིག་སརྦ་སིདྡྷི་ཧཱུྃ། །རིགས་གསུམ་གཅིག་བསྡུས་པདྨ་མདོ་སྔགས་གླིང་། །བཀའ་བབས་བརྒྱུད་འཛིན་པདྨའི་སྲས་རྣམས་ལ། །གསོལ་བ་འདེབས་སོ་ཛྙཱ་ན་བཛྲ་ཧོཿ བྱིན་གྱིས་རློབས་ཤིག་སརྦ་སིདྡྷི་ཧཱུྃ། །ཐེག་དགུ་ཡི་དམ་རྒྱལ་བའི་དཀྱིལ་འཁོར་དང་། །གནས་གསུམ་མཁའ་འགྲོ་དམ་ཅན་གཏེར་སྲུང་ལ། །གསོལ་བ་འདེབས་སོ་ཛྙཱ་ན་བཛྲ་ཧོཿ བྱིན་གྱིས་རློབས་ཤིག་སརྦ་སིདྡྷི་ཧཱུྃ། །སྲིད་ལས་ངེས་འབྱུང་དད་གསུམ་ཁོང་ནས་བརྡོལ། །ལས་འབྲས་ཡིད་ཆེས་ཐར་མཆོག་དོན་དུ་གཉེར། །གསག་སྦྱང་མཐར་ཕྱིན་སྙིང་རྗེ་མོས་གུས་འབྱོངས། །ཚོགས་ལམ་མྱུར་དུ་བགྲོད་པར་བྱིན་གྱིས་རློབས། །དབང་བཞིས་རྒྱུད་སྨིན་དམ་ཚིག་རྣམ་པར་དག །བསྐྱེད་རིམ་བརྟན་ཐོབ་རྩ་རླུང་ཐིག་ལེ་འབྱོངས། །ལས་བཞི་གྲུབ་པ་བརྒྱད་སོགས་ཉམས་འོག་ཆུད། །སྦྱོར་ལམ་རྣམ་བཞི་བགྲོད་པར་བྱིན་གྱིས་རློབས། །ཀ་དག་རང་སྣང་རིས་མེད་དགོངས་རྩལ་རྫོགས། །ལྷུན་གྲུབ་འོད་གསལ་སྣང་བ་ཚད་ལ་ཕེབས། །བདེ་སྟོང་ཡེ་ཤེས་རྣམ་པ་ཐམས་ཅད་པ། །མཐོང་སྒོམ་ལམ་བཟང་བགྲོད་པར་བྱིན་གྱིས་རློབས། །ལམ་གྱུར་འབྲས་བུ་རིག་འཛིན་རྣམ་པ་བཞི། །མཐར་ཕྱིན་སྒྲིབ་གཉིས་ཀུན་སངས་མཁྱེན་གཉིས་རྒྱས། །མི་སློབ་ཟུང་འཇུག་སྐུ་གསུམ་མངོན་དུ་གྱུར། །དོན་གཉིས་མཐའ་རུ་ཕྱིན་པར་བྱིན་གྱིས་རློབས། །འདིའང་ཁྱབ་བདག་ཀུན་མཁྱེན་བླ་མས་བཀའི་གནང་བསྩལ་པ་དང་། གནས་མདོ་གཅོད་བླ་སྤྲུལ་སྐུ་དང་དཔལ་ཁྱིམ་ཨ་མྱེ་ཨོ་རྒྱན་བསྟན་འཛིན་སོགས་ཀྱིས་བསྐུལ་ངོར་པདྨ་གར་དབང་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ།། །།