Terdzo-BI-033

This page is under construction. Check back later for updated content.

Download PDF

བླ་མ་དྲག་པོ་ལས༔ མཚོན་སྲུང་རྡོ་རྗེའི་གོ་ཆ་ཞེས་བྱ་བ་ཐེམ་མེད་པ་

bla ma drag po las:_mtshon srung rdo rje'i go cha zhes bya ba them med pa

by  རཏྣ་གླིང་པ་ (Ratna Lingpa)
revealed by  རཏྣ་གླིང་པ་ (Ratna Lingpa)
in cycle  གུ་རུ་དྲག་པོ་མེ་རླུང་འཁྱིལ་བ་ (Gu ru drag po me rlung 'khyil ba)
Volume 45 (བི) / Pages 395-402 / Folios 1a1 to 4b4

Rinchen Terdzö Volumes List > Volume 45 > Text #33 (Scroll to Bottom)

Citation	rat+na gling pa. bla ma drag po las mtshon srung rdo rje'i go cha zhes bya ba them med pa. In Rin chen gter mdzod chen mo pod zhe lnga pa (The Great Treasury of Rediscovered Teachings Volume 45) by 'jam mgon kong sprul, 395-402. New Delhi: Shechen Publications, 2007-2018.
Author	Rat+na gling pa རཏྣ་གླིང་པ་
Source Revealer	Rat+na gling pa རཏྣ་གླིང་པ་
Cycle	Gu ru drag po me rlung 'khyil ba གུ་རུ་དྲག་པོ་མེ་རླུང་འཁྱིལ་བ་
Terdzö Category	Mahayoga
Tibetan Colophon(s)	First colophon (treasure) page 400: མཚོན་སྲུང་རྡོ་རྗེའི་གོ་ཆ་ཞེས༔ ཡང་ཟབ་ལྕགས་ཁང་ལྟ་བུ་འདི༔ དམ་ཅན་འཁོར་ལོའི་རྒྱུད་ལས་ཕྱུངས༔ བླ་མ་དྲག་པོའི་ལས་ཚོགས་སུ༔ རིན་ཆེན་གཏེར་དུ་བཅས་ཏེ་བཞག༔ སྙིགས་མ་ལྔ་བདོའི་ཐ་མ་ལ༔ གཡུལ་འཁྲུག་དམེ་གསད་ཧམ་གསུམ་དང༔ འགོང་པོའི་བསྟན་པ་དར་དུས་སུ༔ ཆོས་མཛད་དམ་པ་གྲིར་གུམ་དུས༔ དེ་དུས་འགྲོ་ལ་ཕན་ཐོགས་ཤོག༔ བདག་འདྲ་ཨ་ཙར་ཡེ་ཤེས་ཀྱིས༔ གུ་རུའི་གསུང་བཞིན་ཤོག་སེར་བྲིས༔ མ་འོངས་ལས་ཅན་གཅིག་དང་འཕྲད་པར་ཤོག༔ སྡིག་ཅན་མ་ཡིན་དགེ་ལྡན་ལ༔ སྤེལ་ཚོད་རིག་པས་བརྟག་པར་བྱའོ༔ ཞུ་ཡོན་རང་ལ་ཅི་རི་དགོས༔ རིན་ཆེན་དོང་ཙེར་བྲུབས་ནས་ཀྱང༔ མཁར་ཆུ་ཕུག་རིང་ཨ་ཐམ་རྒྱ༔ First colophon (revealer) page 400: སྤྲུལ་སྐུ་རཏྣ་གླིང་པས་མཁར་ཆུ་དཔལ་གྱི་ཕུག་རིང་ནས་གདན་དྲངས་པའོ Second colophon page 402: འདི་ཡང་ཕྱག་ལེན་རྒྱུན་ལྡན་གྱི། །བླ་མའི་ཞལ་ལས་ཐོས་པ་ལྟར། །མཚོ་སྐྱེས་དགྱེས་པས་བྲིས་པའི་དགེས། །འགྲོ་རྣམས་འཇིགས་པ་ཀུན་བྲལ་ཤོག །མངྒ་ལཾ།།
Wylie Colophon(s)	First colophon (treasure) page 400: mtshon srung rdo rje'i go cha zhes:_yang zab lcags khang lta bu 'di:_dam can 'khor lo'i rgyud las phyungs:_bla ma drag po'i las tshogs su:_rin chen gter du bcas te bzhag:_snyigs ma lnga bdo'i tha ma la:_g.yul 'khrug dme gsad ham gsum dang:_'gong po'i bstan pa dar dus su:_chos mdzad dam pa grir gum dus:_de dus 'gro la phan thogs shog:_bdag 'dra a tsar ye shes kyis:_gu ru'i gsung bzhin shog ser bris:_ma 'ongs las can gcig dang 'phrad par shog:_sdig can ma yin dge ldan la:_spel tshod rig pas brtag par bya'o:_zhu yon rang la ci ri dgos:_rin chen dong tser brubs nas kyang:_mkhar chu phug ring a tham rgya:_ First colophon (revealer) page 400: sprul sku rat+na gling pas mkhar chu dpal gyi phug ring nas gdan drangs pa'o Second colophon page 402: 'di yang phyag len rgyun ldan gyi/_/bla ma'i zhal las thos pa ltar/_/mtsho skyes dgyes pas bris pa'i dges/_/'gro rnams 'jigs pa kun bral shog_/mang+ga laM//_
Notes	Front left-side note: mtshon srung rdor go Back left-side note: gter mdzod srung ba'i las tshogs rat gling
Links	No TBRC link // No THL link

< Previous Text

Next Text >

Tibetan Text

Tsagli

[edit]

<!TCC Tibetan character 3,182 undefined in unicode!>༔ བླ་མ་དྲག་པོ་ལས༔ མཚོན་སྲུང་རྡོ་རྗེའི་གོ་ཆ་ཞེས་བྱ་བ་ཐེམ་མེད་པ་བཞུགས་སོ༔ ྈྈྈྈྈྈྈྈྈ རབ་འཇིགས་མེའི་ཕྲེང་བ་ཅན་ལ་ཕྱག་འཚལ་ལོ༔ དུས་ཀྱི་ཐ་མར་མཚོན་གྱི་བསྐལ་པ་དར༔ ཕལ་ཆེར་མི་ཕྱེད་མཚོན་གྱིས་འཆི་བའི་ཚེ༔ རྡོ་རྗེའི་གོ་ཁྲབ་ལྕགས་ཁང་ལྟ་བུ་འདི༔ ལས་ཅན་བུ་ཡི་དོན་དུ་ས་མ་ཡ༔ འདི་ལ་གསུམ་སྟེ༔ འདོགས་པ་རྡོ་རྗེའི་གོ་ཆས་བསྲུང་བ༔ སྔགས་བཟླས་པས་མཚོན་གྱིས་དབལ་ཟློག་པ༔ ཏིང་ངེ་འཛིན་སེམས་ཀྱིས་སྲུང་བ་སུམ་ཕྲུགས་རྡོ་རྗེའི་གོ་ཆའོ༔ ཙཀྲ་བྲི་བ་ནི༔ མཐིང་ཤོག་དག་ལ་ཐལ་ཆེན་གྱིས་བྱུག་སྟེ༔ དམ་ལྡན་སྔགས་པས༔ ཟླ་སྟོད་གཟའ་སྐར་བཟང་ཞིང་དར་བ་ལ་བྲི་བའམ༔ མཆོག་ཏུ་གཟའ་དམག་དཔོན་དར་བ་ལ༔ སྐྱབས་འགྲོ་སེམས་བསྐྱེད་ལྡན་པས༔ ཁ་བྱང་ཕྱོགས་སུ་བལྟས་ཏེ༔ བྲི་བའི་རྒྱུ་ནི༔ རབ་གསེར༔ འབྲིང་མཚལ༔ ཐ་མ་ཡང་རྒྱ་སྣག་ལ་རིན་པོ་ཆེ་བརྡར་ལ་བྱའོ༔ རྒྱུ་དེ་དག་ལ་ཡང་སྔགས་་་ཨོཾ་ཏ་ཡནྟེ་ཞེས་སོགས།བརྒྱ་རྩ་བརྒྱད་བཟླས་ཏེ་བྲི༔ ཙཀྲ་མུ་ཁྱུད་བདུན་དུ་བསྐོར་ལ༔ ལྟེ་བ་ཆེ་རུ་བྱས་ཏེ་རྡོ་རྗེ་སྦྲགས་པ་གཅིག་བྲིས་པའི་ལྟེ་བར༔ བསྲུང་བྱའི་གཟུགས་དང་མིང་རུས་དང་བཅས་པ་བྲིས་པའི་མཐར༔ མདའ༔་་་སྲུངས་ཤིག །གྲི༔་་་སྲུངས་ཤིག །མདུང༔་་་སྲུངས་ཤིག །རྡོ་ལ་སོགས་པའི་མཚོན་ཐམས་ཅད་སྲུངས་ཤིག་བྲི༔ དེའི་ཕྱི་རིམ་མུ་ཁྱུད་ལ༔ ཨོཾ་ཏ་ཡནྟེ༔ ཉག་ཕཊ༔ ས་ལི་ས་ལི་ཕཊ་ཕཊ༔་་་དཔེ་གཅིག་ལ་སིལ་སིལ་ཕཊ་ཕཊ༔སྣང་། འཆང་བ་པོ་ལ་སྲུངས་ཤིག་བྲི༔ དེའི་ཕྱི་རིམ་རྡོ་རྗེའི་རྭ་བཞི་ལ༔ ཨོཾ་ཐེ་ཐེ་བོ་ཤྲ་བུན་ཐེ་བོ་ཤྲ་ཕཊ༔ དུམ་ཤྲི་ཤྲི་ན་ཏྲེ་ཏྲེ་ཀེ༔ ཕོ་ཕོ་ཤྲི་མི་སྭཱ་ཧཱ༔ འཆང་བ་པོ་ལ་མདའ་གྲི་མདུང་རྡོ་ལ་སོགས་པའི་མཚོན་ཐམས་ཅད་ལས་སྲུངས་ཤིག་བྲི༔ མཚམས་བཞིར་རྡོ་རྗེ་རྐྱང་པ་རེ་བྲི༔ དེ་རྣམས་ཀྱི་ལྟེ་བ་ལ་ཧཱུྃ་རེ་བྲི༔ དེའི་ཕྱི་རིམ་མུ་ཁྱུད་ལ༔ སྔགས་འདི་ཚར་བཅུ་བྲི༔ ཨོཾ་མཚོན་རྣོ་སོད་ཟློག་ཆུམ་དྲིལ་སྭཱ་ཧཱ༔ འཆང་བ་པོ་ལ་རཀྵ་བྲི༔ དེའི་ཕྱི་རིམ་རྩིབས་བརྒྱད་ལ༔ ཨོཾ་ཟློག་མཚོན་གྱི་དབལ་ཟློག༔ མདའ་རྡོ་སྙིལ༔ རྡོ་མ་ལྕགས་ཀྱི་མདངས་འཕྲོག༔ ཅེས་ཚར་རེ་བྲི༔ དེའི་ཕྱི་རིམ་མུ་ཁྱུད་ལ༔ ཨོཾ་པྲ་མ་ཐ་ར་སོད༔ ཞུན་ཆི་ལི་ལི་སོད༔ ལྕགས་ངར་དྲག་པོས་བྱའི་སོད༔ ལྕགས་ཀྱི་ཕ་སོད༔ ལྕགས་ཀྱི་མ་སོད༔ རྣོ་བའི་ཁ་སྙིལ༔ ཉལ་ཉལ་སོད༔ ཁུང་ཐལ་སོད༔ གྲི་སོད༔ མདའ་སོད༔ མདུང་སོད༔ རྡོ་སོད༔ ཆེ་གེ་ལ་སྲུངས་ཤིག་རཀྵ་རཀྵ་སྭཱ་ཧཱ༔ དེའི་ཕྱི་རིམ་མུ་ཁྱུད་ལ༔ ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ༔ དང་རྟེན་འབྲེལ་སྙིང་པོ་བྲི༔ དེའི་ཕྱི་རིམ་མེ་རི་གཡོན་སྐོར༔ དེ་ནས་ཙཀྲ་ལ་དྲི་བཟང་གིས་བྱུག༔ རྩ་སྔགས་བརྒྱ་དང་རྟེན་འབྲེལ་སྙིང་པོས་རབ་གནས་བྱའོ༔ དེ་ནས་མིང་གཟུགས་མགོ་མཇུག་མ་ལོག་པར་དྲིལ་ཏེ༔ དར་དམར་གྱིས་ཐུམ་ལེགས་པར་བྱས་ཏེ༔ ཁྱི་དང་བུད་མེད་ཀྱིས་མ་རེག་པར་མགུལ་ལམ་མཆན་ཁུང་གཡོན་དུ་བཅང༔ དེ་ནས་འདིའི་མན་ངག་མཐའ་རྒྱས་ནི༔ ཉུངས་དཀར་དང་བྱེ་མ་ལ་ཙཀྲའི་སྔགས་བརྒྱ་སྟོང་ཁྲི་སོགས་བཟླས་ཏེ༔ གསེར་གྱི་འཁོར་ལོ་མེའི་དབལ་ཅན་དུ་བསམ་སྟེ༔ དར་གྱི་ཁུག་མར་བླུག་སྟེ་བཅང་ངོ༔ ནམ་གཡུལ་དུ་ཞུགས་དུས་གོ་ཁྲབ་ལ་བཏབ་པས་སྲ་བ་ཡིན་ནོ༔ གཡུལ་སྤྲད་པའི་ཚེ༔ བདག་ཉིད་གསང་བདག་གི་བསྐྱེད་རིམ་དང་ལྡན་པས༔ རྐང་པ་གཡོན་གྱི་འོག་གི་ས་བླངས་ཏེ་ཐུན་དང་བསྲེས་ལ༔ སྔགས་བཟླས་ཤིང་གོམ་པ་ཉེར་གཅིག་ཕྱིན་ནས་གཏོར་བས༔ ཆེ་གེའི་དཔལ་དུ་འགྱུར་ཏེ་ཕ་རོལ་གྱི་མཚོན་ཆ་ཐམས་ཅད་བསྙིལ༔ རྩེ་གུག་གཞུ་གཞོབ་སོང་བར་བསྒོམ༔ ཕ་རོལ་གྱི་མཚོན་རྣམས་ནུས་མེད་དུ་འགྱུར་རོ༔ མདོར་ན་སྔགས་འདི་བློ་ལ་ཡོད་པ་རང་གིས་མཚོན་གྱིས་མི་ཚུགས་སོ༔ ཏིང་ངེ་འཛིན་གྱིས་གསད་པ་ནི༔ རྡོ་རྗེ་རྒྱ་གྲམ་གྱི་ལྟེ་བར་བསྲུང་བྱ་གསང་བདག་ཏུ་བསྒོམ༔ གཡས་རྡོ་རྗེ་གཡོན་སྡིགས་མཛུབ་ལས་མེ་འབར་བ༔ རྐང་མཐིལ་ནས་སྤྱི་བོའི་བར་ལ་རྡོ་རྗེའི་གོ་ཁྲབ་ཞུ་ལུགས་སུ་གསོལ་བས༔ ཉམ་ང་བག་ཚ་མེད་པར་བསྒོམ༔ དེ་ལྟར་གསལ་བའི་འོད་ཟེར་རྡོ་རྗེའི་རྒྱ་གྲམ་ལ་ཕོག༔ རྡོ་རྗེའི་རྭ་ལས་རྡོ་རྗེའི་ཚྭ་ཚྭ་འཕྲོས་ཏེ༔ ཕ་རོལ་གྱི་མཚོན་ཆ་རྣམས་མགར་བའི་ཞུན་ལྟར་ཞུན་དུ་ཧྲིལ་སོང་བར་བསྒོམ༔ འདིས་ནི་ཕ་རོལ་པོ་རྣམས༔ སྟོབས་ཤོར་ཉམས་མེད༔ ནུས་པ་ཐམས་ཅད་བརླག་པར་འགྱུར་ཏེ༔ ཕ་རོལ་ཉམ་ཐག་པར་འགྱུར་རོ༔ འདི་ལྟར་སྔགས་འཁོར་རྫས་དམིགས་པ་ཐམས་ཅད་འཛོམ་ན༔ ནུས་པ་གསང་བའི་བདག་པོ་དང་མཉམ་སྟེ༔ ཁྲོ་ཆུའི་ཕ་བོང་ལྟ་བུའོ༔ དེས་ན་མཚོན་གྱིས་མི་ཚུགས་པར་ལྟ་སྨྲོས་ཀྱང་ཅི་དགོས་ཏེ༔ རྡོ་རྗེའི་གུར་དང་རྒྱ་གྲམ་ནི་བཙན་པོའི་མཁར་ལྟ་བུ༔ གནམ་ལྕགས་ཀྱི་འཁོར་ལོ་ནི་ལྕགས་ཀྱི་རི་དང་མཚུངས་སོ༔ མེའི་ཚྭ་ཚྭ་ནི་ཕར་རྒྱག་གི་མཚོན་ལྟ་བུའོ༔ དེ་ཕྱིར་གཞུང་ལས་ཅི་ལྟར་བྱུང་བ་ལྟར༔ དེས་ཆོག་མི་བྱ་བར་ཐམས་ཅད་འཛོམ་པར་བྱའོ༔ མཚོན་སྲུང་རྡོ་རྗེའི་གོ་ཆ་ཞེས༔ ཡང་ཟབ་ལྕགས་ཁང་ལྟ་བུ་འདི༔ དམ་ཅན་འཁོར་ལོའི་རྒྱུད་ལས་ཕྱུངས༔ བླ་མ་དྲག་པོའི་ལས་ཚོགས་སུ༔ རིན་ཆེན་གཏེར་དུ་བཅས་ཏེ་བཞག༔ སྙིགས་མ་ལྔ་བདོའི་ཐ་མ་ལ༔ གཡུལ་འཁྲུག་དམེ་གསད་ཧམ་གསུམ་དང༔ འགོང་པོའི་བསྟན་པ་དར་དུས་སུ༔ ཆོས་མཛད་དམ་པ་གྲིར་གུམ་དུས༔ དེ་དུས་འགྲོ་ལ་ཕན་ཐོགས་ཤོག༔ བདག་འདྲ་ཨ་ཙར་ཡེ་ཤེས་ཀྱིས༔ གུ་རུའི་གསུང་བཞིན་ཤོག་སེར་བྲིས༔ མ་འོངས་ལས་ཅན་གཅིག་དང་འཕྲད་པར་ཤོག༔ སྡིག་ཅན་མ་ཡིན་དགེ་ལྡན་ལ༔ སྤེལ་ཚོད་རིག་པས་བརྟག་པར་བྱའོ༔ ཞུ་ཡོན་རང་ལ་ཅི་རི་དགོས༔ རིན་ཆེན་དོང་ཙེར་བྲུབས་ནས་ཀྱང༔ མཁར་ཆུ་ཕུག་རིང་ཨ་ཐམ་རྒྱ༔ ྈྈྈྈྈྈ ྈྈྈྈྈ སྤྲུལ་སྐུ་རཏྣ་གླིང་པས་མཁར་ཆུ་དཔལ་གྱི་ཕུག་རིང་ནས་གདན་དྲངས་པའོ།། །། ༈ ན་མོ་གུ་རུ་དེ་ཝ་ཌཱ་ཀི་ནཱི་བྷྱཿ མཚོན་སྲུང་ཙཀྲའི་ཕྱག་ལེན་ནི། གཟའ་སྐར་འཕྲོད་སྦྱོར་བཟང་བ་དང་། ཁྱད་པར་བསྲུང་བྱའི་དགྲ་གཤེད་མིན། །སྲོག་གཟའ་དར་ཉིན་མཆོག་ཏུ་ལེགས། །དཀར་སྤྱད་ཁྱི་དང་བུད་མེད་སོགས། །ཐོ་ཕྱིར་མི་ཉེ་དབེན་པར་བྱ། །ངག་བཅད་གུར་དྲག་ལས་གཞུང་བསྲང་། །ཉི་ཤར་ཉི་མར་རྒྱབ་གཏད་ལ། །ཞིང་ངམ་རྔ་ལ་གྲི་ཁྲག་བྱུགས། །དེ་སྟེང་ཤོག་བུ་དགྲམ་ལ་འབྲི། །ལྟེ་བར་བསྒྲུབ་བྱའི་གཟུགས་བརྙན་ནི། །རྒྱན་ལྡན་ལང་ཚོ་དར་ལ་བབས། །མཉམ་པའི་སྟབས་ཀྱིས་ལངས་པ་ཡི། །སྙིང་གར་ནྲྀ་མཐར་མིང་རུས་དང་། །སྲུང་བའི་སྤེལ་ཚིག་མགོ་ཕྱིར་བསྟན།་་་དཔེར་ན། འཆང་བ་པོ་ཤིང་ཁམས་སྒ་རིགས་ལྷ་སྲུང་རྡོ་རྗེ་ཞེས་བྱ་བའི་ལུས་ལ་མདའ་གྲི་མདུང་རྡོ་རྗེ་ལ་སོགས་པའི་མཚོན་ཆ་ཐམས་ཅད་སྲུངས་ཤིག །ལྟ་བུའོ། །གཞན་རྣམས་གཞུང་དུ་གསལ་ལྟར་བྲི། །བྲིས་ཚར་ཐོད་ནང་འབྲུ་བླུགས་ལ། །དེ་དབུས་ཤིང་བུར་འཁོར་ལོ་བཙུག །བགེགས་བསྐྲད་ཁྲུས་གསོལ་ལས་གཞུང་བསྲང་། །ཙཀྲ་གཞལ་ཡས་ལྟེ་བ་རུ། །གཙོ་བོའི་ཐུགས་ཀར་མཆོད་རྟེན་གྱི། །བུམ་པར་ཕྱག་ན་རྡོ་རྗེ་ཡི། །ཐུགས་ཀར་ཡེ་ཤེས་སེམས་དཔའ་དང་། །དེ་ཡི་ཐུགས་ཀར་ཉི་ཟླའི་དབུས། །ཧཱུྃ་གི་ཁོག་པར་མིང་གཟུགས་དང་། །དབྱེར་མེད་བསྲུང་བྱ་ནྲྀ་ཡིག་བསྒོམ། །བསྙེན་མཐར་རྟེན་དང་བརྟེན་པའི་ལྷ། །འོད་ཞུ་འཁོར་ལོར་གྱུར་པར་བསམ། །རང་སྔགས་ཡིད་བཟླས་ཚར་བདུན་བྱ། །འཁོར་ལོའི་འོད་ཀྱི་སྣང་བ་ནི། །རྡོ་རྗེའི་གོ་ཁྲབ་ལྟ་བུ་ཡིས། །བསྲུང་བྱ་བཞུ་བླུགས་གཡོགས་པར་བསམ། །རྟེན་འབྲེལ་བརྒྱ་རྩས་རབ་གནས་བྱ། །ཟུར་གསུམ་དབྱིབས་སུ་ལྟེབ་པ་དང་། །སྲུང་ཆིངས་མཆོད་རྟེན་རིས་སུ་བཅིང་། །སླར་ཡང་གོང་ལྟར་ལེགས་པར་བསྒྲུབ། །རྨི་ལྟས་སྲུང་རྟགས་སྤྱི་དང་ནི། །དངོས་སུ་འོད་དང་དུ་བ་སོགས། །བྱུང་ན་ངེས་པར་གྲུབ་པ་ཡིན། །ཟངས་ཀྱི་གྭའུར་གཞུག་ལ་འཆང་། །ཐོག་མཐའ་བར་གསུམ་ཐམས་ཅད་དུ། །སྔགས་པ་རང་དང་བསྒྲུབ་བྱ་ལས། །གཞན་པས་འཁོར་ལོ་རེག་མི་རུང་། །གཡུལ་དུ་ཞུགས་དུས་དམར་སྐྱུར་དང་། ཁྱི་དང་བུད་མེད་སོགས་སྤངས་ནས། །འཁོར་ལོ་དྲོད་དང་མ་བྲལ་བར། །བཅངས་ལས་ངེས་པར་བསྲུང་བ་ཡིན། །འདི་ཡང་ཕྱག་ལེན་རྒྱུན་ལྡན་གྱི། །བླ་མའི་ཞལ་ལས་ཐོས་པ་ལྟར། །མཚོ་སྐྱེས་དགྱེས་པས་བྲིས་པའི་དགེས། །འགྲོ་རྣམས་འཇིགས་པ་ཀུན་བྲལ་ཤོག །མངྒ་ལཾ།། །།

[edit]

TSAGLI image gallery goes here

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).