Difference between revisions of "Terdzo-BI-013"
m (Text replace - ";[ ]* " to " ") |
|||
Line 27: | Line 27: | ||
|collectiontitle=Rin chen gter mdzod; Rin chen gter mdzod Shechen Edition | |collectiontitle=Rin chen gter mdzod; Rin chen gter mdzod Shechen Edition | ||
|collectiontitletib=རིན་ཆེན་གཏེར་མཛོད་ | |collectiontitletib=རིན་ཆེན་གཏེར་མཛོད་ | ||
− | |author=Zur mkhar mnyam nyid rdo rje | + | |author=Zur mkhar mnyam nyid rdo rje |
− | |sourcerevealer=Zur mkhar mnyam nyid rdo rje | + | |sourcerevealer=Zur mkhar mnyam nyid rdo rje |
|compiler='jam mgon kong sprul | |compiler='jam mgon kong sprul | ||
|authortib=ཟུར་མཁར་མཉམ་ཉིད་རྡོ་རྗེ | |authortib=ཟུར་མཁར་མཉམ་ཉིད་རྡོ་རྗེ |
Revision as of 18:09, 12 July 2016
ཁོང་ལྷོག་ནག་པོའི་སྲུང་བ་རྟོག་མེད་མཚོན་ཆའི་འཁོར་ལོ་
by ཟུར་མཁར་མཉམ་ཉིད་རྡོ་རྗེ་ (Zurkhar Nyamnyi Dorje)
revealed by ཟུར་མཁར་མཉམ་ཉིད་རྡོ་རྗེ་ (Zurkhar Nyamnyi Dorje)
Volume 45 (བི) / Pages 171-175 / Folios 1a1 to 3a6
༄༅། །ཁོང་ལྷོག་ནག་པོའི་སྲུང་བ་རྟོག་མེད་མཚོན་ཆའི་འཁོར་ལོ་བཞུགས། ། དྲི་མེད་པད་སྡོང་ལས་འཁྲུངས་སྤྲུལ་པའི་སྐུ །ཨོ་རྒྱན་མཁན་པོ་པདྨ་འབྱུང་གནས་ལ། །རྣམ་ཀུན་དད་པས་ཕྱི་ནང་གསང་བས་མཆོད། །སྒོ་གསུམ་གུས་པས་སྙིང་ནས་ཕྱག་འཚལ་ལོ། །སྙིགས་མའི་དུས་འདིར་ནད་ངན་ཁོང་ལྷོག་དར། །མི་རྣམས་མྱུར་གསོད་གསོ་བྱེད་སྨན་པ་ཡང་། །རང་སྲུང་མེད་ན་རང་སྲོག་ཐེད་ལ་འབོར། །དེ་ཕྱིར་བསླུ་བ་མེད་པའི་གོ་ཆ་ཡིས། །བསྲུང་བའི་མན་ངག་གུད་དུ་སྦས་པ་ཡང་། །བརྩེ་བའི་སེམས་ཀྱིས་འདི་ན་གསལ་བར་བསྟན། །སྙིང་འདྲའི་སློབ་བུ་དམ་ལྡན་མ་གཏོགས་པ། །ཀུན་ལ་སྤེལ་ན་བཀའ་གསང་འཆོལ་བར་འགྱུར། །དེ་ཕྱིར་སླར་ཡང་འདི་ནི་དམ་དུ་སྦ། །རྟོག་མེད་མཚོན་ཆའི་འཁོར་ལོ་བྲི་རྫས་ནི། །བཙན་དུག་གུ་གུལ་ཤུ་དག་ཤིང་ཀུན་དང་། །ལྡོང་རོས་གི་ཝང་གླ་རྩི་བ་བླ་དང་། །རྒྱ་སྣག་སྦྱར་བས་ཤོག་བུ་གཙང་མ་ལ། །ཕག་ནག་ལྟོ་བར་མུ་ཁྱུད་གསུམ་བསྐོར་བའི། །དང་པོ་ལྟེ་བའི་དབུས་སུ་ཁྲོཾ་གཅིག་བྲི། །ཀླད་ཀོར་སྟེང་ནས་གཡས་སྐོར་སྔགས་འདི་བཀོད། །ཨོཾ་ཕེ་ཁྱི་མ་ནི་སྭཱ་ཧཱ། འཆང་བ་ལ་རིམས་ནད་ཐམས་ཅད་སྲུངས་ཤིག །གཉིས་པ་རྩིབས་ལྔའི་སྟེང་ནས་རིམ་པ་བཞིན། ཨོཾ་ཨོཾ་དེ་བ་ནན། ཀ་རུ་ན་ད་ཏེ་སད། འཆང་བ་ལ་རིམས་ནད་ཐམས་ཅད་སྲུངས་ཤིག །ཨོཾ་ཨོཾ་བྲམ་ཟེ་སད་ཤོག་སད། འཆང་བ་ལ་རིམས་ནད་ཐམས་ཅད་སྲུངས་ཤིག །ཨོཾ་ཨོཾ་ཞུ་ཟེ་ཞུ་ཟེ་ཞུ་སད། ཤོག་སེ་ཤོག་སད། འཆང་བ་ལ་རིམས་ནད་ཐམས་ཅད་སྲུངས་ཤིག །ཨོཾ་ཨོཾ་གནམ་ལྕགས་རྡོ་རྗེ་ཁ་ཡ་བྲམ། གནམ་ལྕགས་རྡོ་རྗེ་དུ་ཡ་བྲམ། འཆང་བ་ལ་རིམས་ནད་ཐམས་ཅད་སྲུངས་ཤིག །ཨོཾ་ཨོཾ་གནམ་ལྕགས་རྡོ་རྗེ་ཐིབ་སོད། འཆང་བ་ལ་རིམས་ནད་ཐམས་ཅད་སྲུངས་ཤིག །རྩིབས་མཆན་ལྔའི་དྲུག་སྟོད་ནས་བརྩམ་སྟེ། ཨོཾ་ག་རུ་ཌཿཙ་ལེ་ཙ་ལེ་ཧཱུྃ་ཕཊ། འཆང་བ་ལ་རིམས་ནད་ཐམས་ཅད་སྲུངས་ཤིག །ཏདྱ་ཐཱ། ཡི་ཁ་སི་བ་སུ་ཨ་གི་སྭཱ་ཧཱ། འཆང་བ་ལ་རིམས་ནད་ཐམས་ཅད་སྲུངས་ཤིག །ཏདྱ་ཐཱ་མ་ཧཱ་གྷ་མ་ལི་ཧི་ཧི། འཆང་བ་ལ་རིམས་ནད་ཐམས་ཅད་སྲུངས་ཤིག །ཏདྱ་ཐཱ་བདག་ལ་ཨ་གི་བཛྲ་ར་ག་ན་དྭ་ཧི་ཀཉྩར།་་་ར་མེད་པའང་འདུག །དུ་ར་མ་ཧི། འཆང་བ་ལ་རིམས་ནད་ཐམས་ཅད་སྲུངས་ཤིག །ཏདྱ་ཐཱ། ཀན་དྷི་ཧི་ཀཉྩ་དུ་རུ་མི། ཨོཾ་ག་གི་ནི་ར། འཆང་བ་ལ་རིམས་ནད་ཐམས་ཅད་སྲུངས་ཤིག །དེའི་ཕྱི་རིམ་མུ་ཁྱུད་འཁོར་མ་ལ། ཁྲོཾ་གྱི་ཀླད་ཀོར་སྟེང་དུ་ཨོཾ་བཞག་ནས། ཡེ་དྷརྨཱ་བརྒྱད་ཤད་ཅིག་དག་པར་བྲི། །ཡི་གེ་མ་ཆད་མ་ལྷག་མ་སུབ་ཅིང་། །མ་ཞར་གསལ་བ་འཁོར་ལོའི་དམ་ཚིག་ཡིན། །གཞན་ཡང་དེ་འདྲའི་འཁོར་ལོ་ལུགས་ཟློག་ཀྱང་། །དཔེ་ཆུང་ལྟར་བྲིས་སྟེགས་ཁར་མེ་ཏོག་གི །གདན་ལ་ལེགས་བཀྲམ་རབ་ཏུ་གནས་པ་ནི། བདག་དང་སྲུང་བ་ཕག་ནག་འཇིགས་སུ་རུང་། །སྤུ་རྩེ་ཁམ་ནག་མེ་དཔུང་འབར་བ་ཡི། །ལྟོ་བར་འཁོར་ལོ་ཡིག་འབྲུ་བཀྲ་བར་བསྒོམ། །སྙིང་གར་ལུས་ཕྱེད་ཐོན་པའི་ཕག་དཀར་ཡང་། །ཡེ་ཤེས་སེམས་དཔའི་ཚུལ་དུ་བསམ་ནས་ནི། །འཁོར་ལོའི་སྔགས་རྣམས་ཐམས་ཅད་ཉེར་གཅིག་རེ། །རྟེན་འབྲེལ་སྙིང་པོ་དག་ཀྱང་ཉེར་གཅིག་བཟླས། །མེ་ཏོག་གཏོར་ཞིང་དཀོན་མཆོག་གསུམ་གྱི་ནི། །བཀྲ་ཤིས་ཚིག་བརྗོད་འཁོར་ལོ་ཁ་སྦྱར་བས། །མགོ་མཇུག་བསྣོལ་ལྟེབ་ཚོན་སྐུད་སྣ་ལྔས་བཅིངས། །སླར་ཡང་ཡེ་དྷར་བཟླས་ཤིང་མེ་ཏོག་དོར། །བསྲུང་བྱའི་མགུལ་བཏགས་འདི་ཡི་དམ་ཚིག་ཏུ། །མི་ལག་མི་འགྲིམ་སློབ་དཔོན་རང་གིས་གདགས། །ཆེ་བ་བརྗོད་ཅིང་ཡིད་ཆེས་ངེས་པ་བསྐྱེད། །ཡོན་མེད་སྲུང་བ་བཤོས་མེད་ལྷ་བཤོས་འདྲ། །དེ་ཕྱིར་སློབ་དཔོན་ཡོན་ལ་མི་བལྟ་ཡང་། །སྲུང་ཡོན་བཟང་པོ་རྒྱབ་ཆོས་རིམ་གྲོ་ཡིན། །ཡིད་ཆེས་མེད་ན་རྐེ་ལ་རྡོ་བཅངས་འདྲ། །དེ་ཕྱིར་ངེས་པ་རྙེད་ཅིང་མོས་པ་བྱ། །འདི་ནི་ཨུ་རྒྱན་ཐུགས་ཀྱི་བཅུད་ཕྱུང་བ། །ཞལ་གདམས་དང་བཅས་ལྷག་མ་མེད་པར་བསྟན། །སྙིགས་དུས་རིམས་ནད་སེར་བ་དྲག་པོ་ཡིས། །འགྲོ་བའི་ལུས་སེམས་ཕན་བདེའི་ལོ་ཐོག་འཇོམས། །དེ་ཕྱིར་སྲུང་བའི་མན་ངག་ཟབ་མོ་འདི། །ཞལ་གདམས་གབ་དཀྲུགས་ཐམས་ཅད་དཀྱུས་སུ་བཀོད། །དེ་ལ་མཁའ་འགྲོའི་ཚོགས་ཀྱིས་བཀའ་གནང་སྩོལ། །དགེ་ཚོགས་ཇི་སྙེད་མར་གྱུར་འགྲོ་ལ་སྦྱིན། །འདི་ཡང་ཟུར་མཁར་སྨན་གླིང་སྐྱེད་ཚལ་དུ། །དྷརྨ་སྭཱ་མིས་གཞན་ལ་ཕན་ཕྱིར་བྲིས། །འདི་ལ་དཔེའུ་རིས་ཀྱང་ཡོད། ཤུ་བྷཾ།། །།
TSAGLI image gallery goes here