Difference between revisions of "Terdzo-'I-035"
m (Text replacement - "= Tsagli = {{TsagliCall}} " to "{{TsagliCall}} ") |
m (Text replacement - "2007-2016" to "2007-2018") |
||
Line 5: | Line 5: | ||
|fulltitletib=ཡང་ཟློག་ཟབ་མོ་གནུབས་ཀྱི་གོང་ཁུག་མ་ | |fulltitletib=ཡང་ཟློག་ཟབ་མོ་གནུབས་ཀྱི་གོང་ཁུག་མ་ | ||
|fulltitle=yang zlog zab mo gnubs kyi gong khug ma | |fulltitle=yang zlog zab mo gnubs kyi gong khug ma | ||
− | |citation=[[gnubs chen sangs rgyas ye shes]]. yang zlog zab mo gnubs kyi gong khug ma. In Rin chen gter mdzod chen mo pod nga gsum pa (The Great Treasury of Rediscovered Teachings Volume 53) by 'jam mgon kong sprul, 675-678. New Delhi: Shechen Publications, 2007- | + | |citation=[[gnubs chen sangs rgyas ye shes]]. yang zlog zab mo gnubs kyi gong khug ma. In Rin chen gter mdzod chen mo pod nga gsum pa (The Great Treasury of Rediscovered Teachings Volume 53) by 'jam mgon kong sprul, 675-678. New Delhi: Shechen Publications, 2007-2018. |
|collectiontitle=Rin chen gter mdzod; Rin chen gter mdzod Shechen Edition | |collectiontitle=Rin chen gter mdzod; Rin chen gter mdzod Shechen Edition | ||
|collectiontitletib=རིན་ཆེན་གཏེར་མཛོད་ | |collectiontitletib=རིན་ཆེན་གཏེར་མཛོད་ |
Revision as of 02:47, 7 November 2018
ཡང་ཟློག་ཟབ་མོ་གནུབས་ཀྱི་གོང་ཁུག་མ་
in cycle གནུབས་ལུགས་གཤིན་རྗེ་ (Gnubs lugs gshin rje)
Volume 53 (འི) / Pages 675-678 / Folios 1a1 to 2b4
༄༅༔ ཡང་ཟློག་ཟབ་མོ་གནུབས་ཀྱི་གོང་ཁུག་མ་བཞུགས་སོ༔ མཐུ་སྟོབས་དྲེགས་པའི་ལྷ་ལ་ཕྱག་འཚལ་ལོ༔ ཀ་ནི་རྩེ་ནས་རྙིང་པའི་འཕྲུལ་འདོག༔ བཙན་པོ་རྨང་ནས་འཇིགས་པའི་གཟུགས༔ སློབ་དཔོན་སློབ་མ་ནང་རྒྱས་སམ༔ ཆེན་པོ་ནང་རྒྱས་བྱུང་བའི་ཚེ༔ དེ་ཚེ་ངའི་བསྟན་པ་འབྱུང༔ གསུངས་པས༔ ཡང་ཟློག་ཆེན་པོའི་མཚོན་ཆ་འདི་གསུངས་སོ༔ དང་པོ་ཆོས་ཐམས་ཅད་སྟོང་པར་བསྒོམས་ལ༔ དེའི་ངང་ལས་སྐད་ཅིག་གིས༔ རང་ཉིད་གནམ་ལྕགས་ཀྱི་རྡོ་རྗེ་རྩེ་ལྔ་པ་གྱེན་དུ་ལངས་པའི་ལྟེ་བ་རྒྱ་ཁྱོན་ཡངས་པ༔ དེའི་ནང་ཐོད་པ་ཇ་རིལ་སྲུབས་མེད་པ༔ སེར་ཁ་མེད་པའི་ནང་དུ༔ ནང་འཇའ་འོད་སྣ་ལྔའི་འོད་འབར་བ༔ རང་ཉིད་ཡི་དམ་ཁྲོ་བོ་བསྒོམས་ལ༔ དབུས་སུ་རང་ཉིད༔ གཡས་སུ་ཕོ་རྒྱུད༔ གཡོན་དུ་མོ་རྒྱུད༔ རྒྱབ་ཏུ་རྟ་ཕྱུགས༔ མདུན་དུ་ཟས་གོས༔ ལག་མཐིལ་གཉིས་ལ་གསེར་གྱི་རྡོ་རྗེ་རྒྱ་གྲམ་བསྒོམས་ལ༔ བྷྲཱུྃ་ཉེར་གཅིག་བརྗོད༔ སྔགས་ནི༔ གནོད་བྱེད་བན་དགྲ་བྱད་མའི་ཤ་ལ་མྱོགས༔ ན་ལོ་ཀེ་ཤ་རྦད༔ ཏ་ལོ་ཀེ་ཤ་རྦད༔ གནོད་བྱེད་བྲག་ཚལ་པ༔ སྙིང་མགོ་ཆོད༔ ཚལ་པར་རྦད༔ རྩད་ནས་ཆོད༔ དྲུངས་ནས་ཕྱུངས༔ ཕུར་ཁ་ཟོར་ཁ་བྱད་ཁ་གཏོང་བའི་བན་བོན་ཕྱེ་མར་ཕུར་ཡ༔ ཕ་རོལ་བྱད་མའི་རང་གཤེད་རང་ལ་ཕོབ་ཅིག༔ ཅེས་བརྒྱ་འམ་ཉེར་གཅིག་བཟླ༔ ཆོ་འཕྲུལ་ཆེ་ཆུང་དང་སྦྱར༔ མང་ན་རང་ལ་ལྡོག་པས་ཚོད་དང་སྦྱར༔ དེ་ནས་རང་གི་ལག་མཐིལ་གཉིས་ལ་གསེར་གྱི་རྡོ་རྗེ་རྒྱ་གྲམ་རེ་བསམ་ལ༔ དེ་གཉིས་ཀྱི་བར་དུ་གནོད་བྱེད་བྱད་མ་དངོས་སུ་བསམ་ལ་ཐལ་མོ་བརྡབས་པས་བྱད་མ་ལྷ་སྲུང་དང་བཅས་པ་རྡུལ་དུ་བརླགས་པར་བསམ་མོ༔ ལིངྒ་བཞི་རེ་ནང་ན་ཡོད་པའི་ཙཀྲ་ཟུར་ལྟེབ་བྱ༔ ལྕགས་སླང་ནང་དུ་བཞག་དགུག་གཞུག་དྲག་ཏུ་བྱ༔ རང་ཡི་དམ་གྱི་ལྷར་བསྒོམ༔ རྒྱབ་ལ་རྡོ་རྗེ་རྒྱ་གྲམ་བྲི༔ ཞིང་ལྤགས་ཁུག་མ་གྲུ་གསུམ་དུ་བཅུག་ལ༔ ཕྲེང་བའི་མདོ་འཛིན་ལ་གདགས་སོ༔ ཐལ་མོ་བརྡབ་པའི་དུས་སུ་ལིངྒ་མགོ་རང་ལ་བསྟན༔ དམིགས་པ་ནི་བྱད་མ་གང་ཡིན་བཀུག་ལ་བརྡབ༔ རྒྱ་གྲམ་གྱི་བར་དུ་རྡུལ་དུ་བརླགས་པར་བསམ་མོ༔ ཕྲེང་བ་ཕྱིར་བསྒྱུར༔ མཆིལ་སྣབས་ཁོང་དུ་མི་གཏང༔ སྔགས་ཚར་ཉི་ཤུ་རེ་ལ་ཐལ་མོ་བརྡབ༔ དེ་ནི་ལག་ལེན་བྱ་ཐབས་སོ༔ ནང་རྒྱས་དྲག་པོ་ཡོད་པ་དང༔ ཆོ་འཕྲུལ་ཆེ་ན་བརྒྱ་སྟོང་བཟླ༔ གཞན་ཉི་ཤུ་རྩ་གཅིག་གིས་ཆོག༔ དེ་བས་མང་ན་རང་ལ་ལྡོག༔ ཀུན་ལ་མི་བསྟན་བསྟན་ན་རང་གི་གཤེད་དུ་ཡོང་བས་རིག་པའི་མདའ་རྒྱབ་ཟབ་ཟབ༔ ྀཨཚ༔ ༈ གྲོ་ཤོག་སྲབ་མོ་མཐོ་གང་གྲུ་བཞི་ལ༔ ལིངྒ་ལྟོ་བ་ཆེ་བར་བྱས་པའི་སྙིང་ཁའི་ནྲྀ་ཡིག་མཐར༔ གནོད་བྱེད་བྱད་མ་མཐུ་བྱེད་མི་མིང་རུས་གང་ཤེས་བྲི༔ མ་ཤེས་ན་ཕ་རོལ་བྱད་མ་མཐུ་བྱད་མཁན་རང་གཤེད་རང་ལ་ཕོབ་ཅིག༔ ལྷ་སྲུང་དང་བཅས་པ་རྡུལ་དུ་རློགས་ཤིག༔ གནོད་བྱེད་དགྲ་བོ་བྱད་མ་ཆེ་གེ་མོ་མཱ་ར་ཡ་སོད༔ ཕྱེ་མར་གྱིས༔ རྡུལ་དུ་རློགས༔ རང་མཐུ་རང་ལ་ཟློགས༔ རང་མཚོན་རང་ལ་ཟུག་ཅིག༔ ཕ་རོལ་བྱད་མ་ལྷ་སྲུང་དང་བཅས་པ་རང་གཤེད་རང་ལ་ཕོབ་ཅིག༔ ཅེས་བྲི༔ རྒྱབ་མདུན་གཉིས་སུ་རྡོ་རྗེ་རྒྱ་གྲམ་བྲི༔