Klong gsal snying po

The printable version is no longer supported and may have rendering errors. Please update your browser bookmarks and please use the default browser print function instead.

Longsel Nyingpo

ཀློང་གསལ་སྙིང་པོ་

Tertön Gyatsa Information from the Rinchen Terdzö

[edit]

The full Tertön Gyatsa text can be found at the following page: Volume 1 (ཀ), 341-765, 1a1-213a4.

Name in Gyatsa: ཀཿ་ཐོག་རིག་འཛིན་ཀློང་གསལ་སྙིང་པོ་ (kaH thog rig 'dzin klong gsal snying po)

Page #s for bio of this person: 609 to 614

Folio #s for bio of this person: 135a3 to 127b1

[edit]

༈།ལང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་རྣམ་འཕྲུལ་གཏེར་སྟོན་རིག་འཛིན་ཆེན་པོ་ཀློང་གསལ་སྙིང་པོ་ནི། རིག་འཛིན་བདུད་འདུལ་རྡོ་རྗེ་སོགས་ཀྱི་གཏེར་ལུང་ལས་གསལ་བ་ལྟར། ཀཾ་པོ་གནས་དང་ཉེ་བའི་ཡུལ་ཕྱོགས་དབྲ་པར་གྲགས་པའི་བྱེ་བྲག་བྱེས་པ་ཞེས་པའི་སའི་ཆར་ཡབ་སྔགས་འཆང་ཀུན་དགའ་དོན་གྲུབ་དང་ཡུམ་སྒྲོལ་མ་དཀར་མོས་བྱིན་གྱིས་བརླབས་པའི་དཀོན་མཆོག་སྒྲོན་མ་ཞེས་པའི་སྲས་སུ་ཤིང་མོ་གླང་གི་ལོ་ལ་སྐུ་བལྟམས། གྲུབ་དབང་བསྟན་པ་རྒྱ་མཚོར་གུར་དྲག་གི་དབང་གསན་ནས་མཚན་དབང་དྲག་རྒྱ་མཚོར་བཏགས། དགུང་ལོ་བདུན་ཙམ་ནས་ཡི་གེ་བསླབ་པ་བརྡའ་བསྟན་པ་ཙམ་གྱིས་མཁྱེན། ཆུང་ངུ་ནས་ངེས་འབྱུང་སོགས་དམ་པའི་ཆོས་ཀྱི་བག་ཆགས་གསལ་བར་སད་པས་དགུང་ལོ་ཉེར་གཉིས་དུས་ཀཿཐོག་ཏུ་ཆོས་བྲོས་ལ་བྱོན། ལམ་བར་ནས་སྒ་རྗེ་ཁམས་གོང་དགོན་དུ་རྗེ་ཆོས་སྐྱོང་རྒྱ་མཚོ་ལས་དབང་དང་གདམས་ཁྲིད་མང་དུ་གསན། སླར་ཀཿཐོག་ཏུ་ཕེབས། མཉམ་མེད་དཀོན་མཆོག་རྒྱལ་མཚན་ལས་རྫོགས་ཆེན་དགོངས་པ་ཟང་ཐལ་སོགས་ཉམས་ཁྲིད་དུ་མ་གསན་ནས་གནས་ལུགས་ལ་རང་དབང་འབྱོར་བར་མཛད། སླར་ཡབ་ཡུལ་ཕྱོགས་སུ་ཕེབས་ཏེ་ཆོས་ལུང་རི་ཁྲོད་སོགས་དབེན་པའི་གནས་ཁོ་ནར་རྗེ་བཙུན་བཞད་པ་རྡོ་རྗེའི་རྣམ་ཐར་ལ་འགྲན་བཟོད་པའི་དཀའ་ཐུབ་ཀྱིས་སྒྲུབ་པའི་དམ་བཅའ་བརྟན་པོར་བཟུང་བས་རྩ་གསུམ་རྒྱ་མཚོའི་ཞལ་གཟིགས། ཡེ་ཤེས་དང་ལས་ལས་གྲུབ་པའི་ཆོས་སྲུང་རྣམས་བྲན་དུ་འཁོལ་ཞིང་ལྷ་སྲིན་གཞི་བདག་རྣམས་ཀྱིས་སྲོག་གི་སྙིང་པོ་ཕུལ་བ་སོགས་གྲུབ་པའི་གོ་འཕང་མཐོན་པོར་གཤེགས། ཁྱད་པར་ཟབ་མོ་གཏེར་གྱི་བཀའ་བབས་ཚུལ་ནི། དགུང་ལོ་ཉེར་བརྒྱད་ཙམ་གྱི་དུས་ནས་གཏེར་གྱི་ལུང་བསྟན་མང་དུ་བྱུང་ཡང་ཇི་མི་སྙམ་དུ་བཞག་པ་ན། སླར་ཡང་གཏེར་ཆེན་བདུད་འདུལ་རྡོ་རྗེའི་དྲུང་དུ་སོང་ཞིག་པའི་ལུང་བསྟན་བྱུང་བ་ལྟར་སྤོ་བོར་རིག་འཛིན་ཆེན་པོ་དེ་ཉིད་ཀྱི་དྲུང་དུ་བྱོན་པས་ཐུགས་ཀྱིས་ཤིན་ཏུ་བཏགས་ཤིང་། ཟབ་གཏེར་གསར་བཞེས་ཀྱིས་མཚོན་དབང་ཁྲིད་གདམས་པ་མང་དུ་བསྩལ། དངོས་གྲུབ་གཏེར་གྱི་བཀའ་བབས་ཡོད་ཚུལ་ལུང་བསྟན་གསལ་བར་བསྩལ་ནས། མི་རིང་བར་རིག་འཛིན་དེ་ཉིད་ཀྱིས་བཀས་བསྐུལ་ཏེ་རང་ཡུལ་དུ་ཕྱིར་ཕེབས། མཁའ་ཀློང་རི་ཁྲོད་ཅེས་པར་བསྙེན་སྒྲུབ་ལ་བཞུགས་པའི་སྐབས། དགུང་གྲངས་སོ་གཉིས་སུ་སོན་པ་ས་ཕོ་སྤྲེའུ་ལོར་རྣལ་འབྱོར་བ་སྐུ་མདོག་དམར་སྨུག་རུས་པའི་རྒྱན་ཅན་ཞིག་གིས་ཁ་བྱང་དངོས་སུ་བསྩལ། དེ་ཉིད་གུ་རུ་རིན་པོ་ཆེའི་རྣམ་འཕྲུལ་དུ་ངེས་ཤེས་རྙེད་དེ་ལོ་གཉིས་ཀྱི་ཁོངས་སུ་གཏེར་སྒྲུབ་ཚགས་སུ་ཚུད་པར་མཛད་ནས་གཏེར་ཁ་ཐམས་ཅད་ཀྱི་ཐོག་མ་ནི། ས་ཁྱི་ཧོར་ཟླ་དང་པོའི་ཚེས་བཅུ་ལ་ཁེ་མི་འགྱུར་རྡོ་རྗེའི་བྲག་ནས་སྐུ་གསུམ་རྡོ་རྗེ་སྙིང་པོ་དང་། རྩ་གསུམ་རྡོ་རྗེ་སྙིང་པོའི་སྐོར་རྣམས་གསང་སྟབས་སུ་བཞེས་ཏེ་ཉམས་བཞེས་མཐར་ཕྱིན་པར་མཛད། རིམ་པར་གཏེར་ཁ་གཉིས་པ་ལི་ཐང་གནམ་ཆེན་བྲག་དཀར་ནས་གུར་དྲག་ཡེ་ཤེས་རབ་འབར། གསུམ་པ་སྒྲོལ་མ་བྲག་གི་མགུལ་ནས་སྲོང་བཙན་སྒམ་པོའི་ཐུགས་རྗེ་ཆེན་པོ་སྙན་བརྒྱུད་གཙུག་རྒྱན་ནོར་བུ། བཞི་པ་ར་རི་བར་གྱི་བྲག་ནས་རྫོགས་པ་ཆེན་པོ་ཡང་སྙིང་ཀུན་ཟབ། ལྔ་པ་ཁེ་ནང་གཏེར་གནས་གསུམ་ནས་བི་མ་ལའི་ཆོས་གཏེར་མན་ངག་ཟབ་པ་སྐོར་གསུམ། དྲུག་པ་རོལ་པ་བདེ་ཆེན་ཁང་ནས་བཀའ་བརྒྱད་བདེ་གཤེགས་ཡོངས་འདུས། བདུན་པ་སྔོ་རྒྱ་གནས་ནས་གནམ་ལྕགས་ཀྱི་རྡོ་རྗེ་སོགས་དང་། བརྒྱད་པ་སྣ་བྲག་དཀར་རྡོ་རྗེའི་ཡང་རྫོང་ནས་ཚེ་སྒྲུབ་ཡང་གསང་བླ་མེད། དགུ་པ་ཤིང་སྒོ་གངས་ར་ནས་ཐུགས་རྗེ་ཆེན་པོ་ཡང་གསང་བླ་མེད། བཅུ་པ་གནས་དེའི་གཡུ་མཚོ་ནས་མཁའ་འགྲོ་ཡང་གསང་བླ་མེད། བཅུ་གཅིག་པ་དེའི་བོན་གནས་ནས་བོན་གཏེར། བཅུ་གཉིས་པ་རྫོགས་པ་ཆེན་པོ་སྒྱུ་འཕྲུལ་གསང་བ་ཡང་ཁོལ། བཅུ་གསུམ་པ་ཕ་ཝཾ་བོན་མོ་ནས་ཕྱི་ནང་གསང་བའི་ལུང་བསྟན་དང་བསྟན་སྲུང་དྲག་སྔགས་སྐོར། བཅུ་བཞི་པ་ངོ་ཐི་གཡུང་དྲུང་ནས་ཟབ་གཏེར་གཅིག །བཅོ་ལྔ་པ་ཀཿཐོག་དམ་ཕུག་དང་ཉེ་བ་ནས་དམ་པ་བདེ་གཤེགས་ཀྱིས་སྦས་པའི་སྒྱུ་འཕྲུལ་གླེགས་བམ་ཞིག་ཡང་གཏེར་དུ་སྤྱན་དྲངས་པ་རྣམས་ལས། ངོ་ཐིའི་གཏེར་ཁ་ད་ལྟ་མི་གསལ་བས་མི་བགྲང་། བི་མ་ལའི་ཟབ་པ་སྐོར་གསུམ་གཏེར་གནས་ཐ་དད་པས་སོ་སོར་བགྲངས་པའི་བཅུ་དྲུག་ཏུ་གྲགས་ཤིང་། དེ་རྣམས་དང་ལྷན་ཅིག་སྐུའི་རིགས་དང་ཐུགས་རྟེན་ཕྱག་མཚན་ཁྱད་འཕགས། དམ་རྫས་མྱང་གྲོལ་ཤིན་ཏུ་མང་པོ་སྤྱན་དྲངས། ཕལ་ཆེར་ཆོས་བཀའ་ཡོངས་རྫོགས་གཏན་ལ་ཕབས། སོ་སོའི་གཏེར་སྒྲུབ་རྟགས་ཐོན་པར་མཛད། འགའ་ཞིག་ཡང་གཏེར་དུ་སྦས། ཐུགས་བསྐྱེད་སྨོན་ལམ་རྒྱ་ཆེ་ཞིང་བསྐྱེད་རྫོགས་ཉམས་བཞེས་མཐར་ཕྱིན་པའི་དབང་གིས་རྗེ་འདི་ཉིད་གཏེར་ཕྲན་ཙམ་གྱི་དབང་སྐལ་ལ་གཏེར་ཆེན་གྱི་དངོས་གྲུབ་བརྙེས་ཤིང་འགྲོ་དོན་ཤིན་ཏུ་རླབས་ཆེ་བར་གྱུར། མཚན་གྱི་རྣམ་གྲངས་ཀྱང་ཨོ་རྒྱན་མདོ་སྔགས་གླིང་པ། ཧཱུྃ་ནག་ནམ་མཁའི་རྡོ་རྗེ་སོགས་མང་དུ་གྲགས། བྲག་གཡང་གཟར་པོ་དང་མཚོ་ཆེན་གྱི་དབུས་སུ་ཆིབས་དང་བཅས་ཏེ་ཕེབས་ཤིང་ཆིབས་པས་ཀྱང་ཞབས་རྗེས་ལན་མང་དུ་བཞག་པ་སོགས་རྫུ་འཕྲུལ་གྱི་བཀོད་པ་བསམ་ལས་འདས།སྙིགས་དུས་ཀྱི་འདྲེ་རྒོད་མ་རུངས་པ་མང་པོ་དངོས་སུ་སྲོག་སྙིང་འཕྲོག་ནས་དམ་ལ་བཏགས་པ་དང་བསྐྲད་ཅིང་མནན་པ་དང་། ཨར་ལ་གཏད་པ་སོགས་ཀྱིས་ཡུལ་ལྗོངས་མང་པོའི་འགྲོ་བ་རྣམས་ལ་མི་འཇིགས་པའི་སྦྱིན་པ་བསྩལ། སོག་པོའི་རྒྱལ་པོའི་མཁའ་འགྲོའང་རྫུ་འཕྲུལ་གྱིས་དད་དེ་དགོན་གནས་དང་བསྙེན་བཀུར་ཕུལ། ས་སྐྱོང་སྡེ་དགེ་སོགས་མི་ཆེན་མང་པོས་བླ་མར་བཀུར། མདོ་སྨད་ཀྱི་ལྗོངས་ཕལ་ཆེར་ཞབས་ཀྱིས་བཅགས་ཤིང་གནས་སྒོ་མང་པོ་ཕྱེས། སྐུ་ཚེའི་སྨད་ལ་ཀཿཐོག་རྡོ་རྗེའི་གདན་དུ་བཞུགས་ནས་ཆོས་ཀྱི་ཕྲིན་ལས་བསྐྱངས་ཏེ་བསྟན་པ་རྨང་ནས་གསོས། གདན་ས་ཆེན་པོ་འདི་ཉིད་གཙོར་གྱུར་པའི་གནས་ཆེན་རྣམས་སུ་རྟེན་བཞེངས་ཀྱང་རྒྱ་ཆེན་པོ་གནང་བ་སོགས་མཛད་པ་ཐམས་ཅད་མཐར་ཕྱིན་ནས་དགུང་ལོ་དྲུག་ཅུ་རེ་བརྒྱད་པ་ཆུ་སྤྲེལ་སྤྲེའུ་ཟླ་བའི་ཉེར་གསུམ་ལ་ངོ་མཚར་བའི་རྟགས་མཚན་་་དུ་མ་དང་བཅས་མཁའ་སྤྱོད་པདྨ་འོད་དུ་གཤེགས་ཤིང་སྐུ་གདུང་རིང་བསྲེལ་གྱི་ཕུང་པོར་གྱུར་པས་ཀྱང་ཐམས་ཅད་ངོ་མཚར་གྱི་གནས་ལ་བཀོད་དོ། །རྒྱུད་འཛིན་གཙོ་བོ་བསོད་ནམས་ལྡེའུ་བཙན་སོགས་རྒྱལ་སྲས་སྐུ་མཆེད་རྣམས་དང་། དབོན་བཀྲ་ཤིས་འོད་ཟེར། ཀུན་བཟང་ཁྱབ་བདལ་ལྷུན་གྲུབ། ཏ་བླ་པདྨ་ནོར་བུ་སོགས་བཟང་ལ་གྲངས་མང་བ་བྱོན་ཅིང་མདོ་སྨད་ཀྱི་ཕྱོགས་ཕལ་ཆེར་ཆོས་རྒྱུན་གྱིས་ཁྱབ། གཏེར་ཆོས་རྣམས་ཀྱི་དབང་ལུང་གི་རྒྱུན་དང་རྡོ་རྗེ་སྙིང་པོའི་ཁྲིད་སྲོལ་བཅས་དར་རྒྱས་སུ་བཞུགས་ཤིང་ཆོས་སྐོར་གཙོ་བོར་གྱུར་པ་རྣམས་བདག་གིས་ཀྱང་ཐོབ་བོ།

[edit]

lang gro lo tsA ba dkon mchog 'byung gnas kyi rnam 'phrul gter ston rig 'dzin chen po klong gsal snying po ni/_rig 'dzin bdud 'dul rdo rje sogs kyi gter lung las gsal ba ltar/_kaM po gnas dang nye ba'i yul phyogs dbra par grags pa'i bye brag byes pa zhes pa'i sa'i char yab sngags 'chang kun dga' don grub dang yum sgrol ma dkar mos byin gyis brlabs pa'i dkon mchog sgron ma zhes pa'i sras su shing mo glang gi lo la sku bltams/_grub dbang bstan pa rgya mtshor gur drag gi dbang gsan nas mtshan dbang drag rgya mtshor btags/_dgung lo bdun tsam nas yi ge bslab pa brda' bstan pa tsam gyis mkhyen/_chung ngu nas nges 'byung sogs dam pa'i chos kyi bag chags gsal bar sad pas dgung lo nyer gnyis dus kaHthog tu chos bros la byon/_lam bar nas sga rje khams gong dgon du rje chos skyong rgya mtsho las dbang dang gdams khrid mang du gsan/_slar kaHthog tu phebs/_mnyam med dkon mchog rgyal mtshan las rdzogs chen dgongs pa zang thal sogs nyams khrid du ma gsan nas gnas lugs la rang dbang 'byor bar mdzad/_slar yab yul phyogs su phebs te chos lung ri khrod sogs dben pa'i gnas kho nar rje btsun bzhad pa rdo rje'i rnam thar la 'gran bzod pa'i dka' thub kyis sgrub pa'i dam bca' brtan por bzung bas rtsa gsum rgya mtsho'i zhal gzigs/_ye shes dang las las grub pa'i chos srung rnams bran du 'khol zhing lha srin gzhi bdag rnams kyis srog gi snying po phul ba sogs grub pa'i go 'phang mthon por gshegs/_khyad par zab mo gter gyi bka' babs tshul ni/_dgung lo nyer brgyad tsam gyi dus nas gter gyi lung bstan mang du byung yang ji mi snyam du bzhag pa na/_slar yang gter chen bdud 'dul rdo rje'i drung du song zhig pa'i lung bstan byung ba ltar spo bor rig 'dzin chen po de nyid kyi drung du byon pas thugs kyis shin tu btags shing /_zab gter gsar bzhes kyis mtshon dbang khrid gdams pa mang du bstsal/_dngos grub gter gyi bka' babs yod tshul lung bstan gsal bar bstsal nas/_mi ring bar rig 'dzin de nyid kyis bkas bskul te rang yul du phyir phebs/_mkha' klong ri khrod ces par bsnyen sgrub la bzhugs pa'i skabs/_dgung grangs so gnyis su son pa sa pho spre'u lor rnal 'byor ba sku mdog dmar smug rus pa'i rgyan can zhig gis kha byang dngos su bstsal/_de nyid gu ru rin po che'i rnam 'phrul du nges shes rnyed de lo gnyis kyi khongs su gter sgrub tshags su tshud par mdzad nas gter kha thams cad kyi thog ma ni/_sa khyi hor zla dang po'i tshes bcu la khe mi 'gyur rdo rje'i brag nas sku gsum rdo rje snying po dang /_rtsa gsum rdo rje snying po'i skor rnams gsang stabs su bzhes te nyams bzhes mthar phyin par mdzad/_rim par gter kha gnyis pa li thang gnam chen brag dkar nas gur drag ye shes rab 'bar/_gsum pa sgrol ma brag gi mgul nas srong btsan sgam po'i thugs rje chen po snyan brgyud gtsug rgyan nor bu/_bzhi pa ra ri bar gyi brag nas rdzogs pa chen po yang snying kun zab/_lnga pa khe nang gter gnas gsum nas bi ma la'i chos gter man ngag zab pa skor gsum/_drug pa rol pa bde chen khang nas bka' brgyad bde gshegs yongs 'dus/_bdun pa sngo rgya gnas nas gnam lcags kyi rdo rje sogs dang /_brgyad pa sna brag dkar rdo rje'i yang rdzong nas tshe sgrub yang gsang bla med/_dgu pa shing sgo gangs ra nas thugs rje chen po yang gsang bla med/_bcu pa gnas de'i g.yu mtsho nas mkha' 'gro yang gsang bla med/_bcu gcig pa de'i bon gnas nas bon gter/_bcu gnyis pa rdzogs pa chen po sgyu 'phrul gsang ba yang khol/_bcu gsum pa pha waM bon mo nas phyi nang gsang ba'i lung bstan dang bstan srung drag sngags skor/_bcu bzhi pa ngo thi g.yung drung nas zab gter gcig_/bco lnga pa kaHthog dam phug dang nye ba nas dam pa bde gshegs kyis sbas pa'i sgyu 'phrul glegs bam zhig yang gter du spyan drangs pa rnams las/_ngo thi'i gter kha da lta mi gsal bas mi bgrang /_bi ma la'i zab pa skor gsum gter gnas tha dad pas so sor bgrangs pa'i bcu drug tu grags shing /_de rnams dang lhan cig sku'i rigs dang thugs rten phyag mtshan khyad 'phags/_dam rdzas myang grol shin tu mang po spyan drangs/_phal cher chos bka' yongs rdzogs gtan la phabs/_so so'i gter sgrub rtags thon par mdzad/_'ga' zhig yang gter du sbas/_thugs bskyed smon lam rgya che zhing bskyed rdzogs nyams bzhes mthar phyin pa'i dbang gis rje 'di nyid gter phran tsam gyi dbang skal la gter chen gyi dngos grub brnyes shing 'gro don shin tu rlabs che bar gyur/_mtshan gyi rnam grangs kyang o rgyan mdo sngags gling pa/_hU~M nag nam mkha'i rdo rje sogs mang du grags/_brag g.yang gzar po dang mtsho chen gyi dbus su chibs dang bcas te phebs shing chibs pas kyang zhabs rjes lan mang du bzhag pa sogs rdzu 'phrul gyi bkod pa bsam las 'das/snyigs dus kyi 'dre rgod ma rungs pa mang po dngos su srog snying 'phrog nas dam la btags pa dang bskrad cing mnan pa dang /_ar la gtad pa sogs kyis yul ljongs mang po'i 'gro ba rnams la mi 'jigs pa'i sbyin pa bstsal/_sog po'i rgyal po'i mkha' 'gro'ang rdzu 'phrul gyis dad de dgon gnas dang bsnyen bkur phul/_sa skyong sde dge sogs mi chen mang pos bla mar bkur/_mdo smad kyi ljongs phal cher zhabs kyis bcags shing gnas sgo mang po phyes/_sku tshe'i smad la kaHthog rdo rje'i gdan du bzhugs nas chos kyi phrin las bskyangs te bstan pa rmang nas gsos/_gdan sa chen po 'di nyid gtsor gyur pa'i gnas chen rnams su rten bzhengs kyang rgya chen po gnang ba sogs mdzad pa thams cad mthar phyin nas dgung lo drug cu re brgyad pa chu sprel spre'u zla ba'i nyer gsum la ngo mtshar ba'i rtags mtshan du ma dang bcas mkha' spyod pad+ma 'od du gshegs shing sku gdung ring bsrel gyi phung por gyur pas kyang thams cad ngo mtshar gyi gnas la bkod do/_/rgyud 'dzin gtso bo bsod nams lde'u btsan sogs rgyal sras sku mched rnams dang /_dbon bkra shis 'od zer/_kun bzang khyab bdal lhun grub/_ta bla pad+ma nor bu sogs bzang la grangs mang ba byon cing mdo smad kyi phyogs phal cher chos rgyun gyis khyab/_gter chos rnams kyi dbang lung gi rgyun dang rdo rje snying po'i khrid srol bcas dar rgyas su bzhugs shing chos skor gtso bor gyur pa rnams bdag gis kyang thob bo

[edit]

mailto:research@tsadra.org

10 Cycles

87 Works

Vol. 5, Text 41:

གུ་རུ་པདྨ་འབྱུང་གནས་ཀྱི་མཚན་བརྒྱ་རྩ་བརྒྱད་ཀྱི་བསྟོད་པ་

gu ru pad+ma 'byung gnas kyi mtshan brgya rtsa brgyad kyi bstod pa

Vol. 13, Text 24:

ཡེ་ཤེས་རབ་འབར་གྱི་བརྒྱུད་པའི་གསོལ་འདེབས་

ye shes rab 'bar gyi brgyud pa'i gsol 'debs

Vol. 13, Text 25:

ཡེ་ཤེས་རབ་འབར་ལས༔ བསྐྱེད་རིམ་སྔོན་འགྲོ་ཐུན་མོང་འཇུག་པ་

ye shes rab 'bar las:_bskyed rim sngon 'gro thun mong 'jug pa

Vol. 13, Text 26:

ཡེ་ཤེས་རབ་འབར་ལས༔ ཕྲིན་ལས་སྔོན་འགྲོ་ཕྱི་གཏོར་འདོད་དོན་ལྷུན་གྲུབ་

ye shes rab 'bar las:_phrin las sngon 'gro phyi gtor 'dod don lhun grub

Vol. 13, Text 27:

ཡེ་ཤེས་རབ་འབར་ལས༔ བསྐྱེད་རྫོགས་འབྲིང་པོའི་ལས་བྱང་

ye shes rab 'bar las:_bskyed rdzogs 'bring po'i las byang

Vol. 13, Text 28:

ཡེ་ཤེས་རབ་འབར་ལས༔ རྩ་བའི་སྒྲུབ་པ་

ye shes rab 'bar las:_rtsa ba'i sgrub pa

Vol. 13, Text 29:

ཡེ་ཤེས་རབ་འབར་ལས༔ ཐུན་མོང་འཛབ་དབྱངས་རིག་སྔགས་བཅུད་བསྡུས་

ye shes rab 'bar las:_thun mong 'dzab dbyangs rig sngags bcud bsdus

Vol. 13, Text 30:

ཡེ་ཤེས་རབ་འབར་ལས༔ བསྐྱེད་རྫོགས་ཆུང་ངུའི་དང་པོ་ལས་ཀྱི་དྲག་པོ་བཟློག་པ་དང་འབྲེལ་བའི་ཕྲིན་ལས་

ye shes rab 'bar las:_bskyed rdzogs chung ngu'i dang po las kyi drag po bzlog pa dang 'brel ba'i phrin las

Vol. 13, Text 31:

ཡེ་ཤེས་རབ་འབར་ལས༔ དྲག་པོ་གཏུམ་དྲག་དམར་ནག་གི་གསང་སྒྲུབ་

ye shes rab 'bar las:_drag po gtum drag dmar nag gi gsang sgrub

Vol. 13, Text 32:

ཡེ་ཤེས་རབ་འབར་ལས། བླ་མ་ལོངས་སྐུའི་སྒྲུབ་པ་འཆི་མེད་ཚེ་སྦྱིན་

ye shes rab 'bar las/_bla ma longs sku'i sgrub pa 'chi med tshe sbyin

Vol. 13, Text 33:

ཡེ་ཤེས་རབ་འབར་ལས༔ ཚེ་དབང་འཆི་མེད་རྔ་སྒྲ་

ye shes rab 'bar las:_tshe dbang 'chi med rnga sgra

Vol. 13, Text 34:

གུ་རུ་དྲག་པོ་ཡེ་ཤེས་རབ་འབར་གྱི་སྨིན་བྱེད་རྩ་བའི་དབང་གི་ཆོ་ག་ཡེ་ཤེས་བཅུད་སྦྱིན་

gu ru drag po ye shes rab 'bar gyi smin byed rtsa ba'i dbang gi cho ga ye shes bcud sbyin

Vol. 13, Text 35:

ཡེ་ཤེས་རབ་འབར་ལས༔ སྡེ་བརྒྱད་དྲེགས་པའི་མཆོད་གསོལ་མེ་རླུང་རབ་འཁྲུགས་

ye shes rab 'bar las:_sde brgyad dregs pa'i mchod gsol me rlung rab 'khrugs

Vol. 13, Text 36:

ཡེ་ཤེས་རབ་འབར་ལས༔ སྡེ་བརྒྱད་དྲེགས་པའི་སྲོག་དབང་དོན་བསྡུས་

ye shes rab 'bar las:_sde brgyad dregs pa'i srog dbang don bsdus

Vol. 13, Text 37:

གུ་རུ་དྲག་པོ་ཡེ་ཤེས་རབ་འབར་གྱི་རྗེས་གནང་གི་ཆོ་ག་ཡེ་ཤེས་ཐིག་ལེ་

gu ru drag po ye shes rab 'bar gyi rjes gnang gi cho ga ye shes thig le

Vol. 13, Text 38:

གུ་རུ་དྲག་པོ་ཡེ་ཤེས་རབ་འབར་གྱི་དོན་དབང་མདོར་བསྡུས་པའི་མཚམས་སྦྱོར་རྡོ་རྗེའི་ཕྲེང་བ་

gu ru drag po ye shes rab 'bar gyi don dbang mdor bsdus pa'i mtshams sbyor rdo rje'i phreng ba

Vol. 13, Text 39:

གུ་རུ་དྲག་པོ་ཡེ་ཤེས་རབ་འབར་གྱི་བསྙེན་ཡིག་ཁྱེར་བདེར་བཀོད་པ་མཐུ་སྟོབས་རབ་འབར་

gu ru drag po ye shes rab 'bar gyi bsnyen yig khyer bder bkod pa mthu stobs rab 'bar

Vol. 16, Text 3:

བདེ་གཤེགས་ཡོངས་འདུས་ལས༔ སྙིང་པོ་དོན་གྱི་གནས་གསལ་ཞེས་མི་འགྱུར་རྡོ་རྗེའི་ལམ་གྱི་ཆིངས་

bde gshegs yongs 'dus las:_snying po don gyi gnas gsal zhes mi 'gyur rdo rje'i lam gyi chings

Vol. 16, Text 4:

སྒྲུབ་ཆེན་བཀའ་བརྒྱད་བདེ་གཤེགས་ཡོངས་འདུས་ཀྱི་དོན་དབང་སྙིང་པོ་ཐིག་ལེའི་ཡང་ཞུན་བཀླག་ཆོག་ཏུ་བཀོད་པ་ཐིག་ལེ་རབ་འབྱམས་

sgrub chen bka' brgyad bde gshegs yongs 'dus kyi don dbang snying po thig le'i yang zhun bklag chog tu bkod pa thig le rab 'byams

Vol. 16, Text 5:

བཀའ་བརྒྱད་དྲག་པོ་བདེ་གཤེགས་ཡོངས་འདུས་ལས༔ ལམ་འབྲས་བུ་དང་བཅས་པའི་གདམས་པ་གསང་ཆེན་ཡེ་ཤེས་ཀྱི་སྙིང་པོ་

bka' brgyad drag po bde gshegs yongs 'dus las:_lam 'bras bu dang bcas pa'i gdams pa gsang chen ye shes kyi snying po

Vol. 16, Text 6:

བདེ་གཤེགས་ཡོངས་འདུས་ལས༔ མ་ཆགས་སྒྲུབ་པའི་རྒྱུན་གྱི་ལམ་ཁྱེར་རྡོ་རྗེ་མི་འགྱུར་བ་

bde gshegs yongs 'dus las:_ma chags sgrub pa'i rgyun gyi lam khyer rdo rje mi 'gyur ba

Vol. 20, Text 23:

རྡོ་རྗེ་ཚེའི་སྐོར་ལས༔ གནམ་ལྕགས་རྡོ་རྗེའི་སྲོག་སྒྲུབ་ཀྱི་རིག་འཛིན་བརྒྱུད་པའི་གསོལ་འདེབས་

rdo rje tshe'i skor las:_gnam lcags rdo rje'i srog sgrub kyi rig 'dzin brgyud pa'i gsol 'debs

Vol. 20, Text 24:

རྡོ་རྗེ་ཚེའི་སྐོར་ལས། ཚེ་སྒྲུབ་ཀྱི་བྱིན་འབེབ་

rdo rje tshe'i skor las/_tshe sgrub kyi byin 'beb

Vol. 20, Text 25:

ཚེ་སྒྲུབ་ཡང་གསང་བླ་མེད་ལས༔ ཕྲིན་ལས་རང་གཞུང་འཆི་མེད་ལམ་བཟང་

tshe sgrub yang gsang bla med las:_phrin las rang gzhung 'chi med lam bzang

Vol. 20, Text 26:

རྡོ་རྗེ་ཚེའི་སྐོར་ལས༔ ཚེ་འགུགས་ཡེ་ཤེས་ཐུགས་རྗེའི་ལྕགས་ཀྱུ་

rdo rje tshe'i skor las:_tshe 'gugs ye shes thugs rje'i lcags kyu

Vol. 20, Text 27:

ཀློང་གསལ་གཏེར་བྱོན་ཚེ་སྒྲུབ་ཡང་གསང་བླ་མེད་ཀྱི་དབང་གི་མཚམས་སྦྱོར་འཆི་མེད་བདུད་རྩིའི་རྒྱུན་བཟང་

klong gsal gter byon tshe sgrub yang gsang bla med kyi dbang gi mtshams sbyor 'chi med bdud rtsi'i rgyun bzang

Vol. 21, Text 5:

བཅོམ་ལྡན་འདས་གསུང་རྡོ་རྗེ་སྣང་བ་མཐའ་ཡས་ཀྱི་སྒྲུབ་ཐབས་དབང་ཆོག་དང་བཅས་པ་བདེ་ཆེན་ལམ་འདྲེན་

bcom ldan 'das gsung rdo rje snang ba mtha' yas kyi sgrub thabs dbang chog dang bcas pa bde chen lam 'dren

Vol. 24, Text 29:

ཐུགས་རྗེ་ཆེན་པོ་ཡང་གསང་བླ་མེད་ལས། བརྒྱུད་པའི་གསོལ་འདེབས་བྱིན་རླབས་དབང་གི་ཆུ་བོ་

thugs rje chen po yang gsang bla med las/_brgyud pa'i gsol 'debs byin rlabs dbang gi chu bo

Vol. 24, Text 30:

ཐུགས་རྗེ་ཆེན་པོ་ཡང་གསང་བླ་མེད་ལས༔ ལས་བྱང་ཚོགས་གཉིས་ཆུ་གཏེར་

thugs rje chen po yang gsang bla med las:_las byang tshogs gnyis chu gter

Vol. 24, Text 31:

ཐུགས་རྗེ་ཆེན་པོ་ཡང་གསང་བླ་མེད་ཀྱི་དབང་བསྐུར་བའི་ཆོ་ག་བདེ་ཆེན་ཟབ་གསལ་

thugs rje chen po yang gsang bla med kyi dbang bskur ba'i cho ga bde chen zab gsal

Vol. 24, Text 32:

རིག་འཛིན་ཀློང་གསལ་སྙིང་པོའི་གཏེར་བྱོན་ཐུགས་རྗེ་ཆེན་པོ་ཡང་གསང་བླ་མེད་ཀྱི་དབང་བཞིའི་མཚམས་སྦྱོར་སྙིང་པོར་དྲིལ་བ་ཡེ་ཤེས་དཔལ་སྟེར་

rig 'dzin klong gsal snying po'i gter byon thugs rje chen po yang gsang bla med kyi dbang bzhi'i mtshams sbyor snying por dril ba ye shes dpal ster

Vol. 33, Text 2:

རྡོ་རྗེ་སྙིང་པོ་ལས༔ སེང་གདོང་དམར་མོའི་སྒྲུབ་པ་

rdo rje snying po las:_seng gdong dmar mo'i sgrub pa

Vol. 33, Text 3:

ཀློང་གསལ་རྡོ་རྗེ་སྙིང་པོ་ལས། སིཾ་ཧ་དམར་མོའི་ཕྲིན་ལས་དང་སྲུང་ཟློག་ལས་ཀྱི་རིམ་པ་རྡོ་རྗེའི་ཐོག་མཚོན་

klong gsal rdo rje snying po las/_siM ha dmar mo'i phrin las dang srung zlog las kyi rim pa rdo rje'i thog mtshon

Vol. 33, Text 4:

ཀློང་གསལ་རྡོ་རྗེ་སྙིང་པོ་ལས། ཡན་ལག་གི་སྒྲུབ་སྐོར་བདུད་འདུལ་སིཾ་ཧ་དམར་མོའི་བཀའ་གཏད་མཚམས་སྦྱོར་གྱིས་བརྒྱན་པ་རྡོ་རྗེའི་ཞུན་ཐིགས་

klong gsal rdo rje snying po las/_yan lag gi sgrub skor bdud 'dul siM ha dmar mo'i bka' gtad mtshams sbyor gyis brgyan pa rdo rje'i zhun thigs

Vol. 40, Text 17:

སྔ་འགྱུར་རྡོ་རྗེ་ཐེག་པའི་དབང་བསྐུར་སྤྱི་ལ་འཇུག་པའི་མཚམས་སྦྱོར་ཉུང་ངུར་བསྡུས་པ་བློ་གསལ་ངག་གི་འདོད་འཇོ་

snga 'gyur rdo rje theg pa'i dbang bskur spyi la 'jug pa'i mtshams sbyor nyung ngur bsdus pa blo gsal ngag gi 'dod 'jo

Vol. 40, Text 21:

ཀློང་གསལ་རྡོ་རྗེ་སྙིང་པོ་ལས༔ ཁྲོ་བོ་བདུད་རྩི་འཁྱིལ་པའི་སྒྲུབ་ཐབས་

klong gsal rdo rje snying po las:_khro bo bdud rtsi 'khyil pa'i sgrub thabs

Vol. 41, Text 28:

གཏེར་ཆེན་ཀློང་གསལ་སྙིང་པོའི་ཟབ་གཏེར་སྐོར་གྱི་སྲུང་མའི་གཏོར་འབུལ་

gter chen klong gsal snying po'i zab gter skor gyi srung ma'i gtor 'bul

Vol. 41, Text 58:

ཡེ་ཤེས་རབ་འབར་ལས༔ ཨརྒྷའི་ཆོ་ག་ཀློང་ཡངས་མཐའ་གྲོལ་

ye shes rab 'bar las:_ar+g+ha'i cho ga klong yangs mtha' grol

Vol. 42, Text 52:

ཡེ་ཤེས་རབ་འབར་ལས༔ སྔགས་འབུམ་འདོད་དགུའི་གཏེར་བུམ་

ye shes rab 'bar las:_sngags 'bum 'dod dgu'i gter bum

Vol. 42, Text 56:

ཡེ་ཤེས་རབ་འབར་ལས༔ གོས་སྔོན་ཅན་གྱི་ཟ་ཡིག་

ye shes rab 'bar las:_gos sngon can gyi za yig

Vol. 43, Text 9:

ཀློང་གསལ་རྡོ་རྗེའི་སྙིང་པོ་ལས། རྒྱལ་མཚན་རྩེ་མོའི་དཔུང་རྒྱན་གྱི་ཕྲིན་ལས་དབང་བསྐུར་དང་བཅས་པ་ཁྲིགས་བཀོད་གནམ་ལྕགས་རལ་གྲི་

klong gsal rdo rje'i snying po las/_rgyal mtshan rtse mo'i dpung rgyan gyi phrin las dbang bskur dang bcas pa khrigs bkod gnam lcags ral gri

Vol. 44, Text 6:

བདེ་གཤེགས་ཡོངས་འདུས་ལས༔ སྲིད་པ་ཁོད་སྙོམ་གྱི་མདོས་

bde gshegs yongs 'dus las:_srid pa khod snyom gyi mdos

Vol. 44, Text 7:

བདེ་གཤེགས་ཡོངས་འདུས་ལས༔ གླིང་བཞི་སྤྱི་མདོས་

bde gshegs yongs 'dus las:_gling bzhi spyi mdos

Vol. 44, Text 8:

གླིང་བཞི་སྤྱི་མདོས་ཀྱི་ལས་འགྲིགས་

gling bzhi spyi mdos kyi las 'grigs

Vol. 44, Text 9:

ཡེ་ཤེས་རབ་འབར་ལས༔ བདུད་མོ་ཁྲག་རལ་ཅན་གྱི་མདོས་

ye shes rab 'bar las:_bdud mo khrag ral can gyi mdos

Vol. 44, Text 10:

ཡེ་ཤེས་རབ་འབར་ལས། བདུད་མོ་ཁྲག་རལ་མའི་མདོས་ཀྱི་ཟིན་བྲིས་

ye shes rab 'bar las/_bdud mo khrag ral ma'i mdos kyi zin bris

Vol. 44, Text 57:

ཡེ་ཤེས་རབ་འབར་ལས། སྡེ་བརྒྱད་སྲུང་བ་རྡོ་རྗེའི་གུར་ཁང་

ye shes rab 'bar las/_sde brgyad srung ba rdo rje'i gur khang

Vol. 44, Text 58:

ཡེ་ཤེས་རབ་འབར་ལས༔ ལྷ་འདྲེ་སྤྱི་འདུལ་སྲུང་བའི་འཁོར་ལོ

ye shes rab 'bar las:_lha 'dre spyi 'dul srung ba'i 'khor lo

Vol. 44, Text 59:

ཡེ་ཤེས་རབ་འབར་ལས༔ སྡེ་བརྒྱད་གདོང་ཟློག་རྟེན་འབྲེལ་སྤྱི་བཅོས་

ye shes rab 'bar las:_sde brgyad gdong zlog rten 'brel spyi bcos

Vol. 44, Text 60:

ཡེ་ཤེས་རབ་འབར་ལས། ཀུན་འདུས་སྲུང་ཟློག་རྫས་སྒྲུབ་ནག་པོ་

ye shes rab 'bar las/_kun 'dus srung zlog rdzas sgrub nag po

Vol. 44, Text 61:

ཡེ་ཤེས་རབ་འབར་ལས༔ སྔགས་ཀྱི་ལས་འཇུག་ལྷ་འདྲེ་སྤྱི་ཆིངས་

ye shes rab 'bar las:_sngags kyi las 'jug lha 'dre spyi chings

Vol. 44, Text 62:

ཡེ་ཤེས་རབ་འབར་ལས། དུས་ཀྱི་རྒྱ་འདྲེ་འགོང་པོའི་སྒྲིབ་ཤིང་

ye shes rab 'bar las/_dus kyi rgya 'dre 'gong po'i sgrib shing

Vol. 44, Text 63:

ཡེ་ཤེས་རབ་འབར་ལས༔ རྡོ་རྗེ་བརྩེགས་པ་སྲུང་བའི་རིམ་པ་

ye shes rab 'bar las:_rdo rje brtsegs pa srung ba'i rim pa

Vol. 44, Text 64:

ཡེ་ཤེས་རབ་འབར་ལས༔ འཇིགས་པ་བརྒྱད་སོགས་སྲུང་བའི་ལས་རིམ་

ye shes rab 'bar las:_'jigs pa brgyad sogs srung ba'i las rim

Vol. 44, Text 65:

ཡེ་ཤེས་རབ་འབར་ལས། གོ་ཆ་ལྷ་ལྔའི་ལས་ཀྱི་ཁ་བསྒྱུར་

ye shes rab 'bar las/_go cha lha lnga'i las kyi kha bsgyur

Vol. 44, Text 81:

ཀློང་གསལ་རྡོ་རྗེ་སྙིང་པོ་ལས༔ རྒྱལ་ཆེན་ཡུལ་འཁོར་སྲུང་གི་མཆོད་རྟེན་ལས་འཇུག་བོད་ཁམས་བདེ་བྱེད་

klong gsal rdo rje snying po las:_rgyal chen yul 'khor srung gi mchod rten las 'jug bod khams bde byed

Vol. 45, Text 39:

སྤྲིང་ཡིག་

spring yig

Vol. 45, Text 64:

རྡོ་རྗེ་སྙིང་པོ་ལས། བཅོམ་ལྡན་འདས་སྨན་གྱི་བླ་མའི་ཆོ་ག་དབང་བསྐུར་དང་བཅས་པ་བཻ་ཌཱུརྻའི་ཕྲ་ཚོམ་

rdo rje snying po las/_bcom ldan 'das sman gyi bla ma'i cho ga dbang bskur dang bcas pa bai DUr+Ya'i phra tshom

Vol. 47, Text 8:

ཀློང་གསལ་རྡོ་རྗེ་སྙིང་པོ་ལས། འཇིག་རྟེན་དབང་ཕྱུག་སེང་གེ་སྒྲའི་སྒྲུབ་ཐབས་དང་དབང་ཆོག་ཀླུ་ཆོག་གདོན་ཁྲོལ་བཅས་པ་བདུད་རྩིའི་ཟིལ་ཐིགས་

klong gsal rdo rje snying po las/_'jig rten dbang phyug seng ge sgra'i sgrub thabs dang dbang chog klu chog gdon khrol bcas pa bdud rtsi'i zil thigs

Vol. 47, Text 9:

ཡེ་ཤེས་རབ་འབར་ལས༔ ཞི་སྦྱོང་བདུད་རྩིའི་ཆུ་བོ་

ye shes rab 'bar las:_zhi sbyong bdud rtsi'i chu bo

Vol. 47, Text 22:

རྫོགས་པ་ཆེན་པོ་རྩོལ་བྲལ་རང་བྱུང་ཉག་གཅིག་ལས༔ གསང་བའི་བདག་པོ་རྡོ་རྗེ་རྣམ་པར་འཇོམས་པའི་སྒྲུབ་པ་

rdzogs pa chen po rtsol bral rang byung nyag gcig las:_gsang ba'i bdag po rdo rje rnam par 'joms pa'i sgrub pa

Vol. 47, Text 23:

ཀློང་གསལ་བི་མའི་ཆོས་སྡེ་ལས་རྣམ་འཇོམས་དཀར་པོའི་སྒྲུབ་ཐབས་དབང་ཆོག་དང་བཅས་པ་ནོར་བུ་ཀེ་ཏ་ཀའི་ཆུ་རྒྱུན་

klong gsal bi ma'i chos sde las rnam 'joms dkar po'i sgrub thabs dbang chog dang bcas pa nor bu ke ta ka'i chu rgyun

Vol. 47, Text 31:

ཀློང་གསལ་རྡོར་སྙིང་གི་ཁྲོ་བོ་དང་མཁའ་འགྲོ་སྨེ་བརྩེགས་གཉིས་ཀྱི་སྒྲུབ་རྗེས་

klong gsal rdor snying gi khro bo dang mkha' 'gro sme brtsegs gnyis kyi sgrub rjes

Vol. 47, Text 32:

ཡེ་ཤེས་རབ་འབར་ལས༔ གྲིབ་དང་མི་གཙང་བ་ཐམས་ཅད་སེལ་བའི་ཐབས་

ye shes rab 'bar las:_grib dang mi gtsang ba thams cad sel ba'i thabs

Vol. 47, Text 56:

རྡོ་རྗེའི་སྙིང་པོ་ལས། འཕགས་མ་གདུགས་དཀར་མོ་གཙོ་རྐྱང་གི་སྒྲུབ་ཕྲིན་དབང་བསྐུར་དང་བཅས་པ་རབ་བརྟན་རྡོ་རྗེའི་གོ་ཆ་

rdo rje'i snying po las/_'phags ma gdugs dkar mo gtso rkyang gi sgrub phrin dbang bskur dang bcas pa rab brtan rdo rje'i go cha

Vol. 48, Text 9:

སྣོད་བཅུད་ཀྱི་ཉེས་པ་ཞི་བར་བྱེད་པའི་གཏེར་བུམ་སྒྲུབ་ཐབས་ཀྱི་གཞུང་དང་ལག་ལེན་ནོར་བུ་ཀེ་ཏ་ཀའི་ཕྲེང་བ་

snod bcud kyi nyes pa zhi bar byed pa'i gter bum sgrub thabs kyi gzhung dang lag len nor bu ke ta ka'i phreng ba

Vol. 48, Text 28:

ཀློང་གསལ་རྡོ་རྗེའི་སྙིང་པོ་ལས། བཅོམ་ལྡན་འདས་མགོན་པོ་མི་འཁྲུག་པའི་ཆོ་ག་དང་དབང་བསྐུར་གནས་ལུང་བཅས་པ་མུན་འཇོམས་ཟླ་བའི་འོད་ཟེར་

klong gsal rdo rje'i snying po las/_bcom ldan 'das mgon po mi 'khrug pa'i cho ga dang dbang bskur gnas lung bcas pa mun 'joms zla ba'i 'od zer

Vol. 48, Text 29:

ཀློང་གསལ་རྡོར་སྙིང་ཞི་ཁྲོ་སྐུ་གསུམ་ཆོག་སྐོར་ལས་ཟུར་བཏོན་རྫས་རྟགས་སྣ་བདུན་དབང་རྒྱས་བསྡུས་

klong gsal rdor snying zhi khro sku gsum chog skor las zur bton rdzas rtags sna bdun dbang rgyas bsdus

Vol. 48, Text 30:

མངོན་དགའི་ཞིང་གི་སྨོན་ལམ་བདེ་ཆེན་སྒོ་འབྱེད་

mngon dga'i zhing gi smon lam bde chen sgo 'byed

Vol. 48, Text 31:

ཀློང་གསལ་རྡོ་རྗེ་མི་འཁྲུག་པའི་ཞི་བའི་སྲེག་བླུག་གི་ཆོ་ག་སྡིག་སྒྲིབ་རྣམ་སྦྱོང་

klong gsal rdo rje mi 'khrug pa'i zhi ba'i sreg blug gi cho ga sdig sgrib rnam sbyong

Vol. 48, Text 56:

ཀློང་གསལ་རྡོ་རྗེའི་སྙིང་པོ་ལས། རྒྱལ་ཡུམ་རྣམ་པར་རྒྱལ་མའི་ཕྲིན་ལས་དང་རྗེས་གནང་། ཚེ་དབང་དང་བཅས་པ་ཁྲིགས་བཀོད་འཆི་བདག་གཡུལ་རྒྱལ་

klong gsal rdo rje'i snying po las/_rgyal yum rnam par rgyal ma'i phrin las dang rjes gnang /_tshe dbang dang bcas pa khrigs bkod 'chi bdag g.yul rgyal

Vol. 48, Text 57:

ཀློང་གསལ་རྡོ་རྗེའི་སྙིང་པོ་ལས༔ རྒྱལ་ཡུམ་རྣམ་པར་རྒྱལ་མའི་སྒྲུབ་པའི་ཐོག་མར་གསོ་སྦྱོང་གི་ཆོ་ག་

klong gsal rdo rje'i snying po las:_rgyal yum rnam par rgyal ma'i sgrub pa'i thog mar gso sbyong gi cho ga

Vol. 48, Text 58:

ཀློང་གསལ་རྡོ་རྗེའི་སྙིང་པོ་ལས༔ དབང་ཆེན་ཚེ་སྒྲུབ་ཉི་ཟླའི་གྭའུ་

klong gsal rdo rje'i snying po las:_dbang chen tshe sgrub nyi zla'i gwa'u

Vol. 48, Text 59:

ཀློང་གསལ་རྡོ་རྗེའི་སྙིང་པོ་ལས། དབང་ཆེན་ཚེ་སྒྲུབ་ཉི་ཟླའི་གྭའུ་རྗེས་གནང་དང་བཅས་པའི་ཁྲིགས་བསྡེབས་ཉི་ཟླའི་ཟེར་ཐིགས་

klong gsal rdo rje'i snying po las/_dbang chen tshe sgrub nyi zla'i gwa'u rjes gnang dang bcas pa'i khrigs bsdebs nyi zla'i zer thigs

Vol. 49, Text 54:

ཚེ་ཐར་གཏང་ཐབས་ཕན་བདེའི་སྙིང་པོ་

tshe thar gtang thabs phan bde'i snying po