]> 2026-10-05T15:14:33-04:00 Pad+ma bde chen gling pa 0 en 152a5 643 150b5 640 །ལོ་ཆེན་བཻ་རོ་ཙ་ནའི་ཐུགས་སྤྲུལ་རོང་སྟོན་པདྨ་བདེ་ཆེན་གླིང་པ་ནི། མདོ་སྨད་གསེར་རྡོ་གཉིས་ཀྱི་མཚམས་གོང་ཏི་བྱ་བའི་གྲོང་དུ་ཡབ་དཀོན་མཆོག་དང་ཡུམ་གཟུངས་ཐར་མའི་སྲས་སུ་ཆུ་ཡོས་དཔྱིད་ཟླ་འབྲིང་པོའི་ཚེས་བཅུའི་ཐོ་རངས་སུ་ལྟས་བཟང་པོ་དང་བཅས་ཏེ་སྐུ་འཁྲུངས། མཚན་ཤཱཀྱ་ཐར་ཞེས་བཏགས། དགུང་ལོ་གསུམ་པ་ནས་སྔོན་གྱི་བག་ཆགས་སད་ནས་བླ་མ་དང་འགྲོ་དོན་སྐྱོང་བའི་ཚུལ་ཁོ་ན་མཛད། བླ་མ་སྐུ་གསུམ་གྱི་གསོལ་འདེབས་སོགས་ཚིགས་བཅད་མང་པོ་ཐོལ་བྱུང་དུ་གསུང་ཞིང་དབྱངས་འཐེན། སྲུ་མོ་སྔགས་སྲུང་མའི་རྣམ་འཕྲུལ་ཞིག་ཡོད་པ་དེས་ལས་ཅན་གྱི་སྐྱེས་བུ་ཡིན་པར་ལུང་བསྟན་ཅིང་དད་གུས་ཕུལ། དགུང་ལོ་བཅུ་གསུམ་པ་ལ་ཀློག་བསླབ། འཁོར་བ་ལ་སྐྱོ་ཤས་དང་སེམས་ཅན་ལ་མི་བཟོད་པའི་སྙིང་རྗེ་སྐྱེས། བླ་མ་ཡེ་ཤེས་རྒྱལ་མཚན་པ་ལས་གདམས་ཕྲན་འགའ་རེ་གསན། དགུང་ལོ་ཉི་ཤུ་པར་དབུས་གཙང་དུ་གནས་སྐོར་ལ་ཕེབ་སྟེ་གནས་རྟེན་རྣམས་ལ་སྨོན་ལམ་ཁྱད་པར་ཅན་མཛད། རྟེན་སྔགས་པའི་ཚུལ་དུ་བཞུགས། དགུང་ལོ་ཉེར་གཅིག་ནས་གསེར་པ་བླ་མ་ཡེ་ཤེས་རྒྱལ་མཚན་མཉེས་པ་གསུམ་གྱིས་བསྟེན་ནས་གདམས་པ་གསན། ཚུལ་ཁྲིམས་བསླབ་པས་རྒྱུད་བསྡམས། རྩ་རླུང་དང་ཕྱག་རྫོགས་ཀྱི་ཉམས་བཞེས་ལོ་བདུན་ལ་རྩེ་གཅིག་ཏུ་བརྩོན་པས་གྲུབ་པའི་མཚན་མ་བརྙེས། གནས་ལུགས་ཀྱི་རྟོགས་པ་ཀློང་དུ་གྱུར། དགུང་ལོ་ཉེར་ལྔ་པར་ལུང་བསྟན་ཐོབ་ཅིང་ཁ་བྱང་ཕྱག་ཏུ་སོན་པ་ལྟར་གསང་ཐབས་ཀྱིས་རྒྱལ་མོ་ཤིང་གི་རོང་དུ་ཕེབས། གནས་ཆེན་དམུ་རྡོ་མཁའ་འགྲོ་འབུམ་འདུས་ཀྱི་ཕ་ཝཾ་ནས་ཀློང་གསལ་མཁའ་འགྲོ་སྙིང་ཐིག་བཀའ་སྲུང་སྲོག་བདུད་ཀྱི་སྐོར་བཅས་སྤྱན་དྲངས་ཏེ་གསང་རྒྱས་བཏབ། བླ་མ་རྣམས་ལས་གསར་རྙིང་བཀའ་གཏེར་གྱི་ཆོས་མཐའ་ཡས་པའང་གསན། དགུང་ལོ་ཉེར་བདུན་པར་ཀཿཐོག་ཏུ་རིག་འཛིན་ཀློང་གསལ་སྙིང་པོའི་སྤྱན་སྔར་ཕེབས་པས་སྔོན་རབས་ཀྱི་སྐྱེ་བ་དུ་མར་འབྲེལ་བའི་ལོ་རྒྱུས་ཀྱིས་དབུགས་དབྱུང་། ཐུན་མོང་མ་ཡིན་པའི་གདམས་པ་དང་བྱིན་རླབས་བསྩལ་ནས་དོན་གྱི་རྒྱལ་ཚབ་ཏུ་མངའ་གསོལ། དགུང་ལོ་སུམ་ཅུ་པར་གཏེར་ཆེན་སྟག་ཤམ་རྡོ་རྗེ་བཙན་རིར་ཕེབས་པ་དང་མཇལ་ནས་ཉིད་ཀྱི་གཏེར་ཆོས་ཡོངས་རྫོགས་གསན་ཅིང་ཐུགས་ཡིད་གཅིག་འདྲེས་སུ་གྱུར། ཁྱད་པར་ཏ་བླ་པདྨ་ནོར་བུ་དང་བྲག་དམར་པ་ཀུན་བཟང་ཁྱབ་བརྡལ་ལྷུན་གྲུབ་རྣམས་ལས་སྙན་བརྒྱུད་ཐུན་མོང་མ་ཡིན་པ་སོགས་ཆོས་བཀའ་མང་དུ་གསན། མཁའ་འགྲོ་སྙིང་ཐིག་ཀྱང་གསང་རྒྱ་གྲོལ་ཞིང་གནས་དུས་ཀྱི་རྟེན་འབྲེལ་འགྲིགས་པས་དམ་པ་དེ་གཉིས་ལ་སྨིན་གྲོལ་གྱི་གདམས་པ་ཐོག་མར་གནང། དེ་ཕྱོགས་སུ་འགྲོ་དོན་ཕྲིན་ལས་རིམ་གྱིས་རྒྱས། དེ་ནས་ལུང་བྱང་ལྟར་ཏྲེ་ཕུ་བྲག་རི་ཞུན་མཁར་ནས་མཁའ་འགྲོ་གསང་བ་ཡེ་ཤེས་དང་། བཙན་རི་རྡོ་རྗེའི་བྲག་ནས་བཀའ་འདུས་སྙིང་པོའི་སྐོར་རྣམས་ཀྱང་སྤྱན་དྲངས་ཤིང་ཕལ་ཆེར་གཏན་ལ་ཕབ། འདི་ཉིད་ཀྱི་གཏེར་ཁའི་གཙོ་བོ་རི་བོ་ཕག་ཞལ་ནས་མཁའ་འགྲོ་དགོངས་འདུས་བཞེས་དགོས་པ་ཕྱག་ཏུ་མ་འབྱོར་ཞིང་དེའི་དབང་གིས་ཀོང་བུ་ཆུའི་ལྷ་ཁང་ནས་ཐུགས་རྗེ་ཆེན་པོའི་ཟབ་གཏེར་ཡོད་པའང་མ་ཐོན་པར་སྣང་། སྐུ་ཚེའི་སྨད་དུ་གདན་སའི་གཙོ་བོ་བཙན་རིའི་གནས་ནང་དུ་མཛད། ཤིན་ཏུ་གདུལ་དཀའ་བའི་རྨུ་རྒོད་ཀྱི་སྐྱེ་བོའི་ཕྱོགས་སུ་འབྲེལ་ཚད་དོན་ལྡན་གྱི་འགྲོ་དོན་བསམ་ལས་འདས་པ་མཐར་ཕྱིན་ནས་སྤྲུལ་པའི་བཀོད་པ་ཆོས་དབྱིངས་སུ་བསྡུས། སྐུའི་སྲས་པདྨ་དབང་རྒྱལ་ཡབ་ཉིད་དང་སྨིན་གླིང་གཏེར་ཆེན་སྐུ་མཆེད་བླ་མར་བསྟེན། མཁས་ཤིང་གྲུབ་པའི་དབང་པོར་གྱུར། གཅུང་ཆོས་སྐྱོང་དཔལ་ལྡན་ཡང་རྙིང་ཆོས་ལ་མཁས་ཤིང་གྲུབ་པའི་རྟགས་མངོན་གྱུར་མངའ། འདི་ལས་ཞྭ་དམར་བཅུ་པ་དང་། ཀུན་མཁྱེན་བསྟན་པའི་ཉིན་བྱེད་སོགས་ཀྱིས་ཀྱང་གཏེར་ཆོས་གསན། གཙོ་བོ་ཉིད་ཀྱི་རྒྱལ་ཚབ་རིག་འཛིན་ཚེ་དབང་ནོར་བུས་འབྲུག་ཆེན་བཀའ་བརྒྱུད་ཕྲིན་ལས་ཤིང་རྟ། དཔའ་བོ་རྡོ་རྗེ་གཙུག་ལག་དགའ་བ་སོགས་དང་མངའ་རིས་ཕྱིན་ལ་སྨིན་གྲོལ་གྱི་རྒྱུན་སྤེལ་བ་ད་ལྟའང་ཅི་རིགས་བཞུགས། གདན་ས་དངོས་ལ་སྲས་བརྒྱུད་བར་མ་ཆད་པ་བྱོན་ནས་ཆོས་རྒྱུན་སྐྱོང་བར་མཛད། མདོ་ཁམས་སུ་བྱོན་པའི་གཏེར་སྟོན་ཞིག་ལ་གཏེར་ཆོས་ཀྱི་ཚིག་དོན་ཕུལ་དུ་བྱུང་བས་ཆོས་སྤྱན་ལྡན་པ་དག་གིས་རྟོགས་པས་ཤེས་ལ། གཏེར་ཆོས་གསུམ་པོ་ཁོ་བོས་ཀྱང་འབད་པས་ནོས་སོ། lo chen bai ro tsa na'i thugs sprul rong ston pad+ma bde chen gling pa ni/_mdo smad gser rdo gnyis kyi mtshams gong ti bya ba'i grong du yab dkon mchog dang yum gzungs thar ma'i sras su chu yos dpyid zla 'bring po'i tshes bcu'i tho rangs su ltas bzang po dang bcas te sku 'khrungs/_mtshan shAkya thar zhes btags/_dgung lo gsum pa nas sngon gyi bag chags sad nas bla ma dang 'gro don skyong ba'i tshul kho na mdzad/_bla ma sku gsum gyi gsol 'debs sogs tshigs bcad mang po thol byung du gsung zhing dbyangs 'then/_sru mo sngags srung ma'i rnam 'phrul zhig yod pa des las can gyi skyes bu yin par lung bstan cing dad gus phul/_dgung lo bcu gsum pa la klog bslab/_'khor ba la skyo shas dang sems can la mi bzod pa'i snying rje skyes/_bla ma ye shes rgyal mtshan pa las gdams phran 'ga' re gsan/_dgung lo nyi shu par dbus gtsang du gnas skor la pheb ste gnas rten rnams la smon lam khyad par can mdzad/_rten sngags pa'i tshul du bzhugs/_dgung lo nyer gcig nas gser pa bla ma ye shes rgyal mtshan mnyes pa gsum gyis bsten nas gdams pa gsan/_tshul khrims bslab pas rgyud bsdams/_rtsa rlung dang phyag rdzogs kyi nyams bzhes lo bdun la rtse gcig tu brtson pas grub pa'i mtshan ma brnyes/_gnas lugs kyi rtogs pa klong du gyur/_dgung lo nyer lnga par lung bstan thob cing kha byang phyag tu son pa ltar gsang thabs kyis rgyal mo shing gi rong du phebs/_gnas chen dmu rdo mkha' 'gro 'bum 'dus kyi pha waM nas klong gsal mkha' 'gro snying thig bka' srung srog bdud kyi skor bcas spyan drangs te gsang rgyas btab/_bla ma rnams las gsar rnying bka' gter gyi chos mtha' yas pa'ang gsan/_dgung lo nyer bdun par kaHthog tu rig 'dzin klong gsal snying po'i spyan sngar phebs pas sngon rabs kyi skye ba du mar 'brel ba'i lo rgyus kyis dbugs dbyung /_thun mong ma yin pa'i gdams pa dang byin rlabs bstsal nas don gyi rgyal tshab tu mnga' gsol/_dgung lo sum cu par gter chen stag sham rdo rje btsan rir phebs pa dang mjal nas nyid kyi gter chos yongs rdzogs gsan cing thugs yid gcig 'dres su gyur/_khyad par ta bla pad+ma nor bu dang brag dmar pa kun bzang khyab brdal lhun grub rnams las snyan brgyud thun mong ma yin pa sogs chos bka' mang du gsan/_mkha' 'gro snying thig kyang gsang rgya grol zhing gnas dus kyi rten 'brel 'grigs pas dam pa de gnyis la smin grol gyi gdams pa thog mar gnang/_de phyogs su 'gro don phrin las rim gyis rgyas/_de nas lung byang ltar tre phu brag ri zhun mkhar nas mkha' 'gro gsang ba ye shes dang /_btsan ri rdo rje'i brag nas bka' 'dus snying po'i skor rnams kyang spyan drangs shing phal cher gtan la phab/_'di nyid kyi gter kha'i gtso bo ri bo phag zhal nas mkha' 'gro dgongs 'dus bzhes dgos pa phyag tu ma 'byor zhing de'i dbang gis kong bu chu'i lha khang nas thugs rje chen po'i zab gter yod pa'ang ma thon par snang /_sku tshe'i smad du gdan sa'i gtso bo btsan ri'i gnas nang du mdzad/_shin tu gdul dka' ba'i rmu rgod kyi skye bo'i phyogs su 'brel tshad don ldan gyi 'gro don bsam las 'das pa mthar phyin nas sprul pa'i bkod pa chos dbyings su bsdus/_sku'i sras pad+ma dbang rgyal yab nyid dang smin gling gter chen sku mched bla mar bsten/_mkhas shing grub pa'i dbang por gyur/_gcung chos skyong dpal ldan yang rnying chos la mkhas shing grub pa'i rtags mngon gyur mnga'/_'di las zhwa dmar bcu pa dang /_kun mkhyen bstan pa'i nyin byed sogs kyis kyang gter chos gsan/_gtso bo nyid kyi rgyal tshab rig 'dzin tshe dbang nor bus 'brug chen bka' brgyud phrin las shing rta/_dpa' bo rdo rje gtsug lag dga' ba sogs dang mnga' ris phyin la smin grol gyi rgyun spel ba da lta'ang ci rigs bzhugs/_gdan sa dngos la sras brgyud bar ma chad pa byon nas chos rgyun skyong bar mdzad/_mdo khams su byon pa'i gter ston zhig la gter chos kyi tshig don phul du byung bas chos spyan ldan pa dag gis rtogs pas shes la/_gter chos gsum po kho bos kyang 'bad pas nos so རོང་སྟོན་པདྨ་བདེ་ཆེན་གླིང་པ་ rong ston pad+ma bde chen gling pa true true Pema Dechen Lingpa པདྨ་བདེ་ཆེན་གླིང་པ་ http://treasuryoflives.org/biographies/view/Pema-Dechen-Lingpa/9297 2017-07-06T19:26:16Z 2457941.3099074 2018-03-28T21:49:55Z 2458206.4096644 false Pad+ma bde chen gling pa 39672 118432 0 1 plainlist 3 [[Category:Tibetan Texts]] [[Sourcerevealer::Pad+ma bde chen gling pa]] Pad+ma bde chen gling pa# QUERY9b4f3f957b0d06f4f69d28878a7743f9 0 0 plainlist 1 [[:Bka' 'dus snying po yid bzhin nor bu]] Pad+ma bde chen gling pa# QUERY973fd5fdcb8b485b6bbb34a0da39b22c 0 0 plainlist 1 [[:Gsang ba ye shes mkha' 'gro snying gi thig le]] Pad+ma bde chen gling pa# QUERY033ee0b6f6108aa40b582fd222ac3398 0 0 plainlist 1 [[:Klong gsal mkha' 'gro snying thig]] Pad+ma bde chen gling pa# QUERY48294ae4737e85337b466eaf6061bcaa 0 0 plainlist 1 [[:Tshe sgrub 'chi med rdo rje rgya mdud]] Pad+ma bde chen gling pa# QUERY45a0bfcfadb86d1d817d2598cebce4ed 0 200 0 template 4 <q>[[Category:Tibetan Texts]] [[Category:Pad+ma bde chen gling pa]] OR [[Category:Illustrations]] [[Category:Pad+ma bde chen gling pa]]</q> Pad+ma bde chen gling pa# QUERYfff38083cc3d5e20458463a4841e4861 Terdzo-GA-035 0 en Terdzo-GA-035 Terdzo-GA-036 0 en Terdzo-GA-036 Terdzo-GA-037 0 en Terdzo-GA-037 Terdzo-MA-009 0 en Terdzo-MA-009 Terdzo-MA-010 0 en Terdzo-MA-010 Terdzo-MA-011 0 en Terdzo-MA-011 Terdzo-MI-041 0 en Terdzo-MI-041 Terdzo-MI-042 0 en Terdzo-MI-042 Terdzo-MI-043 0 en Terdzo-MI-043 Terdzo-MI-044 0 en Terdzo-MI-044 Terdzo-PA-056 0 en Terdzo-PA-056 Terdzo-PA-057 0 en Terdzo-PA-057 Terdzo-PA-058 0 en Terdzo-PA-058 Terdzo-WA-034 0 en Terdzo-WA-034 Terdzo-WA-035 0 en Terdzo-WA-035 Terdzo-WA-036 0 en Terdzo-WA-036 Terdzo-WA-037 0 en Terdzo-WA-037 Terdzo-GA-035 0 en Terdzo-GA-035 Terdzo-GA-036 0 en Terdzo-GA-036 Terdzo-MA-009 0 en Terdzo-MA-009 Terdzo-MA-010 0 en Terdzo-MA-010 Terdzo-MI-042 0 en Terdzo-MI-042 Terdzo-MI-043 0 en Terdzo-MI-043 Terdzo-PA-056 0 en Terdzo-PA-056 Terdzo-PA-057 0 en Terdzo-PA-057 པདྨ་བདེ་ཆེན་གླིང་པ་ 0 en པདྨ་བདེ་ཆེན་གླིང་པ་ Sourcerevealer 102 en Sourcerevealer RtzAuthor 102 en RtzAuthor REDI 102 en REDI