Zhig po gling pa

The printable version is no longer supported and may have rendering errors. Please update your browser bookmarks and please use the default browser print function instead.

Zhikpo Lingpa

ཞིག་པོ་གླིང་པ་

Tertön Gyatsa Information from the Rinchen Terdzö

[edit]

The full Tertön Gyatsa text can be found at the following page: Volume 1 (ཀ), 341-765, 1a1-213a4.

Name in Gyatsa: ཞིག་པོ་གླིང་པ་གར་གྱི་དབང་ཕྱུག་ (zhig po gling pa gar gyi dbang phyug)

Page #s for bio of this person: 508 to 511

Folio #s for bio of this person: 84b3 to 86a3

[edit]

སླེ་མ་མཚལ་གྱི་རི་མོ་བྲིས་པ་ཡི༔ གནུབས་ཀྱི་སྲེག་པ་ལུང་དུ་མུ་གེ་འབྱུང༔ ཁྱུང་ཚང་བྲག་ལ་སྦས་པའི་གཏེར་ཁ་འདི༔ མི་བཞག་འདོན་པའི་རྟགས་དེ་བསྟན་ནས་འབྱུང༔ ཨོ་རྒྱན་ཞིག་པོ་གླིང་པ་ཞེས་བྱ་འབྱུང༔ ཞེས་པའི་གཏེར་སྟོན་ཞིག་པོ་གླིང་པ་གར་གྱི་དབང་ཕྱུག་ནི། ལྷ་སྲས་དམ་འཛིན་གྱི་རྣམ་པར་འཕྲུལ་པ་སྟེ། དབུ་རུ་ཇོ་ཤཱཀ་རྣམ་གཉིས་བཞུགས་པའི་ཡུལ་དང་ཉེ་བ་སྟོད་ལུང་སྣང་རྩེ་ཞེས་པར། ཡབ་ནམ་མཁའ་དབང་ཆེན་ཕུན་ཚོགས་ཞེས་དང་། ཡུམ་ཚེ་དབང་བརྟན་མའི་སྲས་སུ་ཤིང་ཕོ་སྤྲེལ་ལོ་ཟླ་བ་བཅུ་པའི་ཉེར་གསུམ་གཟའ་ཉི་མ་དང་སྐར་མ་བྲེ་འཛོམ་པའི་ཉིན་སྣང་རྩེ་གསེར་ཁང་གི་གཟིམ་ཁང་དགའ་བྱེད་ཤར་དུ་སྲིད་སྐྱོང་ཆེན་པོའི་རིགས་སུ་སྐུ་བལྟམས། དགུང་ལོ་ལྔ་པ་ལ། རྗེ་སྨན་ཆུ་བ་ནམ་མཁའ་རིན་ཆེན་པའི་དྲུང་དུ་སྐྲ་གཅོད་པ་དང་ལུས་བསྒྱུར་ཞུས་པས། འདི་སྐྲ་བཅད་ན་གཅོད་མཁན་ལ་མི་དགའ་བས་ངས་སྔགས་སྡོམ་སྦྱིན་ནས་མིང་བཏགས་གསུངས་ནས། མཚན་ནམ་མཁའ་ཚེ་དབང་རྒྱལ་པོར་གསོལ། དགུང་ལོ་ཉེར་གཅིག་གི་དུས་གཏེར་སྒྲུབ་མཛད་པས་མནལ་ལམ་དུ། མི་གཅིག་གིས་ཁྱུང་ཚང་བྲག་ན་ཁྱོད་ཀྱི་ནོར་ཡོད་ཐོ་ཡིན་ཟེར་ནས་དཔེ་ཆ་མགོ་ཚན་གོས་དར་སེར་པོའི་རྒྱབ་ཤ་བྱས་པ་ཞིག་གཏད་བྱུང་བ་གཟིགས་པས་གཏེར་གྱི་ཁ་བྱང་ཤིན་ཏུ་གསལ་བར་འདུག །མནལ་སད་དུས་ཐུགས་ལ་གསལ་ཧྲམ་མེར་འདུག་པས་ཟིན་བྲིས་ལ་བཏབ་ནས། ལོ་དེའི་ཟླ་བ་བཞི་པའི་ཚེས་བཅུའི་མཚན་མོར་དཔོན་གཡོག་བདུན་གྱིས་ཆིབས་གཤར་མཛད་ནས་ཕེབས་པས་གསང་ཕུག་གི་འགྲམ་དུ་ཕེབས་པ་དང་ནམ་ལངས་ཤིང་ཉི་མ་ཤར་བྱུང་བས་རྟེན་འབྲེལ་ལེགས་པར་དགོངས། གསང་ཕུག་གོང་མའི་ཐག་པ་ཆད་ནས་བགྲོད་ཐབས་ཟད་པ་ལ། རྫུ་འཕྲུལ་གྱིས་ཕེབས་ནས་གཏེར་རྟགས་བཙལ་བས་ཆུ་རྡོ་ནར་མོ་ཁྲུ་གང་ཙམ་ལ་ཅོང་ཞིས་ནོར་བུ་འབར་བའི་རི་མོ་བྲིས་པ་ཞིག་ཡོད་འདུག་པ་དེ་བཏོན་ནས་གཏེར་སྒོ་ཕྱེས་པའི་ནང་སོལ་ཕྱེའི་གསེབ་ནས་སོ་ཕག་གཏེར་སྒྲོམ་ཟུར་བརྒྱད་པ་ཞིག་བཏོན་པའི་ནང་ནས་ཚེ་སྒྲུབ་རྒྱལ་བ་འདུས་པའི་སྐོར་དང་དམ་རྫས་སྐྱེ་་་་་བདུན། ཚེ་ཆུ་སོགས་མང་དུ་བྱོན། གཞན་ཡང་ཟང་ཡག་བྲག །ཟུར་མཁར་རྡོ་ཡི་མཆོད་རྟེན། དབུ་རུ་ཞྭ་ཡི་ལྷ་ཁང་། གཞོ་སྟོད་གཏེར་སྒྲོམ། ལྷ་ས་དང་བསམ་ཡས་ཀྱི་གཙུག་ལག་ཁང་སོགས་ནས། ཐུགས་དམ་ཟབ་པ་སྐོར་བདུན། ཐུགས་རྗེ་ཆེན་པོ་འཁོར་བ་ལས་སྒྲོལ། རྫོགས་ཆེན་གསང་བ་སྙིང་ཐིག །རྟ་མགྲིན་ནཱ་ག་ཀླུ་འདུལ། དྲག་པོ་གནམ་ལྕགས་མེའི་འཁོར་ལོ། དམག་ཟློག་ཉེར་ལྔ་སོགས་གཏེར་ཆོས་མང་པོ་དང། སྐུ་ཚབ་རྟེན་གསུམ་དམ་རྫས་སོགས་བསམ་གྱིས་མི་ཁྱབ་པར་གདན་དྲངས། དགོངས་འདུས་ཀྱི་གཏེར་ཞབས་སྡུད་པ་པོར་ལུང་བསྟན་ཡོད་པར་གྲགས་པ་བཞིན་སྙིམ་ཕུ་ནས་ཀྱང་བསྙེན་བཀུར་ཕུན་སུམ་ཚོགས་པར་ཞུས། ཕལ་ཆེར་བཀའ་གཏེར་གོང་མ་རྣམས་ལ་ཐུགས་རྩིས་ཆེར་མཛད་པས་གསང་ཆེན་རྙིང་མ་བཀའ་གཏེར་ཐམས་ཅད་ཀྱི་བསྟན་པའི་བདག་པོར་གྱུར་ཏེ་འཆད་ཉན་གྱི་ཕྲིན་ལས་རྒྱ་ཆེར་བསྐྱངས་པས་བསྟན་པའི་རྩ་ལག་ཏུ་གྱུར་པའི་ཞལ་སློབ་ཀྱི་གཙོ་བོ་ནི། ཐམས་ཅད་མཁྱེན་པ་དཀོན་མཆོག་ཡན་ལག །ས་སྐྱ་བདག་ཆེན་ཀུན་དགའ་རིན་ཆེན། རྩེ་གདོང་བདག་ཆེན་ཀུན་དགའ་བསམ་འགྲུབ། འབྲུག་པ་ཞབས་དྲུང་མི་ཕམ་ཆོས་རྒྱལ་སོགས་དང། ཆོས་བརྒྱུད་འཛིན་པའི་སློབ་ཚོགས་ཁམས་ཀོང་། བྱར་དྭགས། ཨེ་གཉལ། ལྷོ་མོན། དབུས་གཙང་ཐམས་ཅད་ནས་བསམ་གྱིས་མི་ཁྱབ་པར་བྱོན་པས་གསང་ཆེན་རྙིང་མའི་སྲོག་མཐུད་པ་ལྟར་བྱུང་ཞིང་། གཙོ་བོ་གཏེར་ཆེན་ཉིད་དང་སོག་ཟློག་པ་བློ་གྲོས་རྒྱལ་མཚན་དང་། གངས་ར་ལོ་ཆེན་རྣམས་ལ་སྣང་སོག་གངས་གསུམ་དུ་གྲགས་ཏེ། འདི་རྣམས་ཀྱི་སྐུ་རིང་ལ་རྙིང་མ་བཀའ་གཏེར་ཐམས་ཅད་རྒྱ་ཆེར་འཕེལ་ཏེ་དེང་སང་གི་བར་དུ་མ་ནུབ་པར་བཞུགས་པའང་གཏེར་ཆེན་འདིའི་སྐུ་དྲིན་ལས་བྱུང་བ་ཡིན། དེ་ལྟར་ཕྲིན་ལས་མཐར་ཕྱིན་ནས་ལུག་ལོ་ཧོར་ཟླ་གཉིས་པའི་གནམ་སྟོང་དགུང་ལོ་དྲུག་ཅུ་བཞེས་པའི་ཚེ་ངོ་མཚར་བའི་རྟགས་མཚན་དང་བཅས་ཏེ་དགོངས་པ་ཆོས་ཀྱི་དབྱིངས་སུ་ཐིམ་པའི་ཚུལ་བསྟན། གཏེར་ཆོས་ཀྱི་རྒྱུན་ཕྱིས་འདིར་ཤིན་ཏུ་དཀོན་ཅིང་ཆོས་བདག་པདྨ་རྒྱལ་མཚན་ལ་ལུང་བསྟན་སློབ་མ་པདྨའི་མཚན་ཅན་བརྒྱད་དུ་གྲགས་པ་ཏ་བླ་པདྨ་མ་ཏི་སོགས་ལས་ཆོས་རྒྱུན་མ་ཆད་ཙམ་བྱོན་པ་ཁོ་བོས་ཀྱང་འབད་པས་བཙལ་ནས་སྨིན་གྲོལ་གྱི་རྒྱུན་ནོས་ཤིང་ཡིག་ཆའི་ཞབས་ཏོག་དང་འཆད་སྤེལ་གྱི་ཕྲིན་ལས་ཅུང་ཟད་བསྐྱངས་པ་ཡིན་ནོ།

[edit]

sle ma mtshal gyi ri mo bris pa yi:_gnubs kyi sreg pa lung du mu ge 'byung:_khyung tshang brag la sbas pa'i gter kha 'di:_mi bzhag 'don pa'i rtags de bstan nas 'byung:_o rgyan zhig po gling pa zhes bya 'byung:_zhes pa'i gter ston zhig po gling pa gar gyi dbang phyug ni/_lha sras dam 'dzin gyi rnam par 'phrul pa ste/_dbu ru jo shAka rnam gnyis bzhugs pa'i yul dang nye ba stod lung snang rtse zhes par/_yab nam mkha' dbang chen phun tshogs zhes dang /_yum tshe dbang brtan ma'i sras su shing pho sprel lo zla ba bcu pa'i nyer gsum gza' nyi ma dang skar ma bre 'dzom pa'i nyin snang rtse gser khang gi gzim khang dga' byed shar du srid skyong chen po'i rigs su sku bltams/_dgung lo lnga pa la/_rje sman chu ba nam mkha' rin chen pa'i drung du skra gcod pa dang lus bsgyur zhus pas/_'di skra bcad na gcod mkhan la mi dga' bas ngas sngags sdom sbyin nas ming btags gsungs nas/_mtshan nam mkha' tshe dbang rgyal por gsol/_dgung lo nyer gcig gi dus gter sgrub mdzad pas mnal lam du/_mi gcig gis khyung tshang brag na khyod kyi nor yod tho yin zer nas dpe cha mgo tshan gos dar ser po'i rgyab sha byas pa zhig gtad byung ba gzigs pas gter gyi kha byang shin tu gsal bar 'dug_/mnal sad dus thugs la gsal hram mer 'dug pas zin bris la btab nas/_lo de'i zla ba bzhi pa'i tshes bcu'i mtshan mor dpon g.yog bdun gyis chibs gshar mdzad nas phebs pas gsang phug gi 'gram du phebs pa dang nam langs shing nyi ma shar byung bas rten 'brel legs par dgongs/_gsang phug gong ma'i thag pa chad nas bgrod thabs zad pa la/_rdzu 'phrul gyis phebs nas gter rtags btsal bas chu rdo nar mo khru gang tsam la cong zhis nor bu 'bar ba'i ri mo bris pa zhig yod 'dug pa de bton nas gter sgo phyes pa'i nang sol phye'i gseb nas so phag gter sgrom zur brgyad pa zhig bton pa'i nang nas tshe sgrub rgyal ba 'dus pa'i skor dang dam rdzas skye bdun/_tshe chu sogs mang du byon/_gzhan yang zang yag brag_/zur mkhar rdo yi mchod rten/_dbu ru zhwa yi lha khang /_gzho stod gter sgrom/_lha sa dang bsam yas kyi gtsug lag khang sogs nas/_thugs dam zab pa skor bdun/_thugs rje chen po 'khor ba las sgrol/_rdzogs chen gsang ba snying thig_/rta mgrin nA ga klu 'dul/_drag po gnam lcags me'i 'khor lo/_dmag zlog nyer lnga sogs gter chos mang po dang/_sku tshab rten gsum dam rdzas sogs bsam gyis mi khyab par gdan drangs/_dgongs 'dus kyi gter zhabs sdud pa por lung bstan yod par grags pa bzhin snyim phu nas kyang bsnyen bkur phun sum tshogs par zhus/_phal cher bka' gter gong ma rnams la thugs rtsis cher mdzad pas gsang chen rnying ma bka' gter thams cad kyi bstan pa'i bdag por gyur te 'chad nyan gyi phrin las rgya cher bskyangs pas bstan pa'i rtsa lag tu gyur pa'i zhal slob kyi gtso bo ni/_thams cad mkhyen pa dkon mchog yan lag_/sa skya bdag chen kun dga' rin chen/_rtse gdong bdag chen kun dga' bsam 'grub/_'brug pa zhabs drung mi pham chos rgyal sogs dang/_chos brgyud 'dzin pa'i slob tshogs khams kong /_byar dwags/_e gnyal/_lho mon/_dbus gtsang thams cad nas bsam gyis mi khyab par byon pas gsang chen rnying ma'i srog mthud pa ltar byung zhing /_gtso bo gter chen nyid dang sog zlog pa blo gros rgyal mtshan dang /_gangs ra lo chen rnams la snang sog gangs gsum du grags te/_'di rnams kyi sku ring la rnying ma bka' gter thams cad rgya cher 'phel te deng sang gi bar du ma nub par bzhugs pa'ang gter chen 'di'i sku drin las byung ba yin/_de ltar phrin las mthar phyin nas lug lo hor zla gnyis pa'i gnam stong dgung lo drug cu bzhes pa'i tshe ngo mtshar ba'i rtags mtshan dang bcas te dgongs pa chos kyi dbyings su thim pa'i tshul bstan/_gter chos kyi rgyun phyis 'dir shin tu dkon cing chos bdag pad+ma rgyal mtshan la lung bstan slob ma pad+ma'i mtshan can brgyad du grags pa ta bla pad+ma ma ti sogs las chos rgyun ma chad tsam byon pa kho bos kyang 'bad pas btsal nas smin grol gyi rgyun nos shing yig cha'i zhabs tog dang 'chad spel gyi phrin las cung zad bskyangs pa yin no

[edit]

mailto:research@tsadra.org

15 Cycles

56 Works

Vol. 5, Text 1:

ཨོ་རྒྱན་པདྨའི་ཐུགས་བཅུད་མངའ་བདག་ཡབ་སྲས་ཀྱི་ཐུགས་དམ་རྒྱུན་གྱི་ཉམས་ལེན་ལས༔ དམིགས་མེད་རྩ་གསུམ་ཀུན་འདུས་ཀྱི་དབང་ཆོག་

o rgyan pad+ma'i thugs bcud mnga' bdag yab sras kyi thugs dam rgyun gyi nyams len las:_dmigs med rtsa gsum kun 'dus kyi dbang chog

Vol. 5, Text 2:

ཐུགས་དམ་ཟབ་པ་སྐོར་བདུན་གྱི་གསོལ་འདེབས་

thugs dam zab pa skor bdun gyi gsol 'debs

Vol. 5, Text 3:

མངའ་བདག་ཡབ་སྲས་ཐུགས་དམ་རྒྱུན་གྱི་ཉམས་ལེན་ཟབ་པ་སྐོར་བདུན་གྱི་ཕྲིན་ལས་བྱང་བུ་

mnga' bdag yab sras thugs dam rgyun gyi nyams len zab pa skor bdun gyi phrin las byang bu

Vol. 5, Text 4:

ཐུགས་དམ་ཟབ་པ་སྐོར་བདུན་གྱི་བཀའ་སྲུང་གཟའི་སྐོང་གསོལ་ལས་བྱང་

thugs dam zab pa skor bdun gyi bka' srung gza'i skong gsol las byang

Vol. 5, Text 5:

མངའ་བདག་ཡབ་སྲས་ཀྱི་ཐུགས་དམ་རྒྱུན་གྱི་ཉམས་བཞེས་ཟབ་པ་སྐོར་བདུན་ལས་རྩ་བའི་སྨིན་བྱེད་བཀླག་ཆོག་ཏུ་བཀོད་པ་རིག་འཛིན་ཐུགས་ཀྱི་ཐིག་ལེ་

mnga' bdag yab sras kyi thugs dam rgyun gyi nyams bzhes zab pa skor bdun las rtsa ba'i smin byed bklag chog tu bkod pa rig 'dzin thugs kyi thig le

Vol. 5, Text 6:

མངའ་བདག་ཡབ་སྲས་ཀྱི་ཐུགས་དམ་རྒྱུན་གྱི་ཉམས་བཞེས་ཟབ་པ་སྐོར་བདུན་ལས། ལྷ་སོ་སོའི་སྒྲུབ་ཐབས་རྗེས་གནང་དང་བཅས་ཆུ་འབབས་སུ་བཀོད་པ་རིག་འཛིན་ཞལ་གྱི་ལུང་བཟང

mnga' bdag yab sras kyi thugs dam rgyun gyi nyams bzhes zab pa skor bdun las/_lha so so'i sgrub thabs rjes gnang dang bcas chu 'babs su bkod pa rig 'dzin zhal gyi lung bzang

Vol. 8, Text 1:

ཐུགས་རྗེ་ཆེན་པོ་འཁོར་བ་ལས་སྒྲོལ་ལས༔ བླ་མ་པདྨ་བཛྲ་རྩལ་གཙོ་འཁོར་གྱི་ལས་བྱང་དགོས་འདོད་ཀུན་འབྱུང་

thugs rje chen po 'khor ba las sgrol las:_bla ma pad+ma badz+ra rtsal gtso 'khor gyi las byang dgos 'dod kun 'byung

Vol. 8, Text 2:

ཐུགས་རྗེ་ཆེན་པོ་འཁོར་བ་ལས་སྒྲོལ་གྱི་ཆོས་སྡེ་བླ་མ་པདྨ་བཛྲའི་དབང་བསྐུར་བདུད་རྩིའི་ཆུ་རྒྱུན་བཀླག་ཆོག་ཏུ་བཀོད་པ་

thugs rje chen po 'khor ba las sgrol gyi chos sde bla ma pad+ma badz+ra'i dbang bskur bdud rtsi'i chu rgyun bklag chog tu bkod pa

Vol. 8, Text 3:

བླ་མ་རྒྱལ་བ་འདུས་པ་དང་ཐུགས་ཀྱི་ནོར་བུའི་བླ་མའི་སྒོས་དབང་རྒྱུན་གཅིག་ཏུ་བཀོད་པ་ཟུང་འཇུག་ཐིག་ལེ་

bla ma rgyal ba 'dus pa dang thugs kyi nor bu'i bla ma'i sgos dbang rgyun gcig tu bkod pa zung 'jug thig le

Vol. 12, Text 37:

༔བླ་མ་དྲག་པོ་ཡང་གསང་མེའི་འཁོར་ལོའི་ལས་བྱང་

bla ma drag po yang gsang me'i 'khor lo'i las byang

Vol. 12, Text 38:

བླ་མ་དྲག་པོ་ཡང་གསང་མེའི་འཁོར་ལོ་ཞི་དྲག་གི་དབང་ཆོག་གནམ་ལྕགས་ཟིལ་པ་བདུད་རྩིའི་བུམ་བཟང་གསལ་བར་བྱེད་པ་

bla ma drag po yang gsang me'i 'khor lo zhi drag gi dbang chog gnam lcags zil pa bdud rtsi'i bum bzang gsal bar byed pa

Vol. 13, Text 45:

བླ་མ་རྒྱལ་བ་འདུས་པ་དང་ཐུགས་ཀྱི་ནོར་བུ་ཐུན་མོང་གི་དྲག་སྒྲུབ་མེའི་འཁོར་ལོའི་ཕྲིན་ལས་ཉུང་ངུར་བསྡུས་པ་ཟབ་ལམ་དགོངས་འདུས་

bla ma rgyal ba 'dus pa dang thugs kyi nor bu thun mong gi drag sgrub me'i 'khor lo'i phrin las nyung ngur bsdus pa zab lam dgongs 'dus

Vol. 13, Text 46:

བླ་མ་རྒྱལ་བ་འདུས་པ་དང་ཐུགས་ཀྱི་ནོར་བུ་ཐུན་མོང་གི་དྲག་སྒྲུབ་མེའི་འཁོར་ལོའི་དབང་བསྐུར་གྱི་ཡི་གེ་དཔའ་བོ་གཅིག་གྲུབ་

bla ma rgyal ba 'dus pa dang thugs kyi nor bu thun mong gi drag sgrub me'i 'khor lo'i dbang bskur gyi yi ge dpa' bo gcig grub

Vol. 18, Text 23:

འཇམ་དཔལ་ནག་པོའི་རྒྱུན་ཁྱེར་

'jam dpal nag po'i rgyun khyer

Vol. 20, Text 1:

ཚེ་སྒྲུབ་རྒྱལ་བ་འདུས་པའི་ཕྲིན་ལས་ཀྱི་རིམ་པ་ཆུ་འབབ་ཀྱི་ཁྲིགས་སུ་བསྒྲིགས་པ་འཆི་མེད་སྲོག་སྒྲུབ་

tshe sgrub rgyal ba 'dus pa'i phrin las kyi rim pa chu 'bab kyi khrigs su bsgrigs pa 'chi med srog sgrub

Vol. 20, Text 2:

ཚེ་སྒྲུབ་རྒྱལ་བ་འདུས་པའི་སྨིན་བྱེད་དབང་གི་ལག་ལེན་དཀྱུས་གཅིག་ཏུ་བསྡེབས་པ་འཆི་མེད་ཐིག་ལེ་

tshe sgrub rgyal ba 'dus pa'i smin byed dbang gi lag len dkyus gcig tu bsdebs pa 'chi med thig le

Vol. 23, Text 26:

ཐུགས་རྗེ་ཆེན་པོ་འཁོར་བ་ལས་སྒྲོལ་ལས། བཅུ་གཅིག་ཞལ་ནམ་མཁའ་རྒྱལ་པོ་གཙོ་འཁོར་ཡོངས་རྫོགས་ཀྱི་ལས་བྱང་དངོས་གྲུབ་གཏེར་འབྱུང་སྙིང་པོ་བསྡུས་པ་

thugs rje chen po 'khor ba las sgrol las/_bcu gcig zhal nam mkha' rgyal po gtso 'khor yongs rdzogs kyi las byang dngos grub gter 'byung snying po bsdus pa

Vol. 23, Text 27:

ཐུགས་རྗེ་ཆེན་པོ་འཁོར་བ་ལས་སྒྲོལ་གྱི་གཏེར་སྲུང་གཏོར་འབུལ་རྒྱུན་ཁྱེར་

thugs rje chen po 'khor ba las sgrol gyi gter srung gtor 'bul rgyun khyer

Vol. 23, Text 28:

གཟའ་གདོང་སྙིང་རྐུན་གྱི་སྔགས་

gza' gdong snying rkun gyi sngags

Vol. 23, Text 29:

ཐུགས་རྗེ་ཆེན་པོ་ནམ་མཁའ་རྒྱལ་པོའི་དབང་བསྐུར་རྒྱས་པ་བཀླག་ཆོག་ཏུ་བཀོད་པ་དངོས་གྲུབ་ཆུ་རྒྱུན་

thugs rje chen po nam mkha' rgyal po'i dbang bskur rgyas pa bklag chog tu bkod pa dngos grub chu rgyun

Vol. 23, Text 30:

ཐུགས་རྗེ་ཆེན་པོ་འཁོར་བ་ལས་སྒྲོལ་ལས། དོན་དབང་བསྡུས་པ་བཀླག་ཆོག་ཏུ་བཀོད་པ་དངོས་གྲུབ་རྫིང་བུ་

thugs rje chen po 'khor ba las sgrol las/_don dbang bsdus pa bklag chog tu bkod pa dngos grub rdzing bu

Vol. 23, Text 31:

ཐུགས་རྗེ་ཆེན་པོ་འཁོར་བ་ལས་སྒྲོལ་ལས། བླ་མ་འཕགས་པ་བཀའ་སྲུང་དང་བཅས་པའི་ཡོངས་རྫོགས་གཏད་རྒྱའི་དབང་ཆོག་

thugs rje chen po 'khor ba las sgrol las/_bla ma 'phags pa bka' srung dang bcas pa'i yongs rdzogs gtad rgya'i dbang chog

Vol. 26, Text 49:

རྟ་མགྲིན་ནག་པོ་ལྕགས་ཀྱི་རལ་པ་ཅན་གྱི་གསོལ་འདེབས་གཏེར་སྟོན་གྱིས་མཛད་པ་

rta mgrin nag po lcags kyi ral pa can gyi gsol 'debs gter ston gyis mdzad pa

Vol. 26, Text 50:

རྟ་མགྲིན་ནག་པོ་ཡང་གསང་ཐུགས་ཀྱི་སྒྲུབ་པའི་ལོ་རྒྱུས་ཟབ་མོ་

rta mgrin nag po yang gsang thugs kyi sgrub pa'i lo rgyus zab mo

Vol. 26, Text 51:

རྟ་མགྲིན་ནག་པོ་ཡང་གསང་ཐུགས་ཀྱི་སྒྲུབ་པའི་དབང་བཞི་བཀླག་ཆོག་ཏུ་བཀོད་པ་དབང་ཆེན་ཐུགས་ཀྱི་ཡང་ཞུན་

rta mgrin nag po yang gsang thugs kyi sgrub pa'i dbang bzhi bklag chog tu bkod pa dbang chen thugs kyi yang zhun

Vol. 28, Text 33:

རྗེ་སྲས་འབངས་གསུམ་ལ་གདམས་པའི་ཕྱག་ན་རྡོ་རྗེ་སྟོབས་པོ་ཆེ་ལས་གཏུམ་པོ་ཁྲོ་བོའི་རྒྱུད་

rje sras 'bangs gsum la gdams pa'i phyag na rdo rje stobs po che las gtum po khro bo'i rgyud

Vol. 28, Text 34:

ཕྱག་རྡོར་སྟོབས་པོ་ཆེ་རྡོ་རྗེ་གཏུམ་པོའི་བརྒྱུད་པའི་གསོལ་འདེབས་བྱིན་རླབས་ཆར་འབེབ་

phyag rdor stobs po che rdo rje gtum po'i brgyud pa'i gsol 'debs byin rlabs char 'beb

Vol. 28, Text 35:

དཔལ་ཕྱག་ན་རྡོ་རྗེ་སྟོབས་པོ་ཆེའི་ཕྲིན་ལས་ཀྱི་ཆོ་ག་དབང་བསྐུར་དང་བཅས་པ་བཀླག་ཆོག་ཏུ་བཀོད་པ་རྡོ་རྗེའི་ཞུན་ཐིགས་

dpal phyag na rdo rje stobs po che'i phrin las kyi cho ga dbang bskur dang bcas pa bklag chog tu bkod pa rdo rje'i zhun thigs

Vol. 35, Text 16:

རྫོགས་པ་ཆེན་པོ་གསང་བ་སྙིང་ཐིག་ཡང་ཟབ་བསྡུས་པའི་སྙིང་པོ་ལས༔ འཕགས་མ་སྒྲོལ་མའི་སྒྲུབ་ཐབས་

rdzogs pa chen po gsang ba snying thig yang zab bsdus pa'i snying po las:_'phags ma sgrol ma'i sgrub thabs

Vol. 35, Text 17:

འཕགས་མ་ཡིད་བཞིན་ཟླ་བ་ཚེ་སྦྱིན་མའི་སྒྲུབ་ཐབས་སྙིང་པོར་དྲིལ་བ་འཆི་མེད་བདུད་རྩིའི་གཏེར་མཛོད་

'phags ma yid bzhin zla ba tshe sbyin ma'i sgrub thabs snying por dril ba 'chi med bdud rtsi'i gter mdzod

Vol. 38, Text 18:

ཐུགས་རྗེ་ཆེན་པོ་འཁོར་བ་ལས་སྒྲོལ་ལས༔ དཔལ་མགོན་མ་ཧཱ་ཀཱ་ལ་ལྕམ་དྲལ་བདུན་ཅུའི་ལས་བྱང་

thugs rje chen po 'khor ba las sgrol las:_dpal mgon ma hA kA la lcam dral bdun cu'i las byang

Vol. 38, Text 19:

ཐུགས་རྗེ་ཆེན་པོ་འཁོར་བ་ལས་སྒྲོལ་ལས༔ དཔལ་མགོན་བདུན་བཅུའི་སྲོག་དབང་

thugs rje chen po 'khor ba las sgrol las:_dpal mgon bdun bcu'i srog dbang

Vol. 39, Text 12:

བླ་མ་དགོངས་པ་འདུས་པ་ནོར་བུ་པདྨའི་ཕྲེང་བ་ལས༔ ཚེ་སྒྲུབ་རྒྱལ་བ་འདུས་པའི་བསྟན་སྲུང་ཤ་ཟ་ཁ་མོ་ཆེའི་ལོ་རྒྱུས་དང་ལྷ་སྲས་དམ་འཛིན་རྒྱལ་པོ་ལ་ཞལ་གདམས་རིན་པོ་ཆེ་ནན་ཆགས་སུ་གསུངས་པ་

bla ma dgongs pa 'dus pa nor bu pad+ma'i phreng ba las:_tshe sgrub rgyal ba 'dus pa'i bstan srung sha za kha mo che'i lo rgyus dang lha sras dam 'dzin rgyal po la zhal gdams rin po che nan chags su gsungs pa

Vol. 39, Text 13:

བླ་མ་དགོངས་པ་འདུས་པ་ནོར་བུ་པདྨའི་ཕྲེང་བ་ལས། རྒྱལ་བ་འདུས་པའི་བཀའ་སྲུང་ཤ་ཟ་ཁ་མོ་ཆེའི་མངོན་རྟོགས་

bla ma dgongs pa 'dus pa nor bu pad+ma'i phreng ba las/_rgyal ba 'dus pa'i bka' srung sha za kha mo che'i mngon rtogs

Vol. 39, Text 14:

བླ་མ་དགོངས་པ་འདུས་པའི་བཀའ་སྲུང་ཤ་ཟ་ཁ་མོ་ཆེའི་སྲོག་གཏད་དམ་ལྡན་ལུས་ལ་གྲིབ་འཁོར་

bla ma dgongs pa 'dus pa'i bka' srung sha za kha mo che'i srog gtad dam ldan lus la grib 'khor

Vol. 41, Text 34:

རྩ་གསུམ་ཆོས་སྐྱོང་དང་བཅས་པ་རྣམས་ལ་གཏོར་མ་བསྔོ་བ་ཕྲིན་ལས་མྱུར་མགྱོགས་

rtsa gsum chos skyong dang bcas pa rnams la gtor ma bsngo ba phrin las myur mgyogs

Vol. 44, Text 73:

དམག་ཟློག་ཉི་ཤུ་རྩ་ལྔ་ལས༔ སྤྱི་རུ་ཟློག་ཐབས་ཀྱི་རིམ་པ་སྡེ་ཚན་དུ་བྱས་པ་

dmag zlog nyi shu rtsa lnga las:_spyi ru zlog thabs kyi rim pa sde tshan du byas pa

Vol. 44, Text 74:

དམག་ཟློག་ཉི་ཤུ་རྩ་ལྔ་ལས་རྒྱལ་ཆེན་བཞི་ཡི་སྒྲུབ་ཐབས་མཆོད་ཕྲིན་གྲོང་ཁྱེར་སྲུང་བ་ཡུལ་ཁམས་མངའ་འབངས་སུ་གཏད་པའི་ཐབས་བཅས་

dmag zlog nyi shu rtsa lnga las rgyal chen bzhi yi sgrub thabs mchod phrin grong khyer srung ba yul khams mnga' 'bangs su gtad pa'i thabs bcas

Vol. 44, Text 75:

དམག་ཟློག་ཉེར་ལྔ་ལས༔ བོད་ཀྱི་སྒོ་སྲུང་བཞི་དང་འཕྲང་སྲུང་བཞིའི་གཏོར་ཆོག་

dmag zlog nyer lnga las:_bod kyi sgo srung bzhi dang 'phrang srung bzhi'i gtor chog

Vol. 44, Text 76:

དམག་ཟློག་ཉི་ཤུ་རྩ་ལྔ་ལས༔ རྒྱལ་ཆེན་གཙོ་འཁོར་གྱི་དྲག་བསྐུལ་མཚོན་ཆའི་འཁོར་ལོ་

dmag zlog nyi shu rtsa lnga las:_rgyal chen gtso 'khor gyi drag bskul mtshon cha'i 'khor lo

Vol. 44, Text 78:

དམག་ཟློག་ཉི་ཤུ་རྩ་ལྔ་ལས༔ མགོན་པོ་བདུན་ཅུ་རྩ་གཉིས་མདོས་ཀྱི་བཅའ་ཐབས་བསྐུལ་པ་དང་བཅས་པ་

dmag zlog nyi shu rtsa lnga las:_mgon po bdun cu rtsa gnyis mdos kyi bca' thabs bskul pa dang bcas pa

Vol. 44, Text 79:

ཞིག་གླིང་གི་གཏེར་བྱོན་དམག་ཟློག་ཉེར་ལྔ་ལས་རྒྱལ་ཆེན་མཆོད་ཐབས་དང་གཏོར་ཟློག་མདོས་རྣམས་ཉམས་སུ་བླང་བའི་ལག་ལེན་བཀླག་ཆོག་མཐོང་བས་དོན་རྟོགས་

zhig gling gi gter byon dmag zlog nyer lnga las rgyal chen mchod thabs dang gtor zlog mdos rnams nyams su blang ba'i lag len bklag chog mthong bas don rtogs

Vol. 44, Text 80:

དམག་ཟློག་ཉི་ཤུ་རྩ་ལྔ་ལས། རྒྱལ་ཆེན་སྡེ་བཞིའི་སྲོག་དབང་བཀའ་རྒྱ་ཅན་བསྐུར་བའི་ལག་ལེན་གསལ་བར་བཀོད་པ་བོད་ཁམས་བདེ་བའི་ལས་འཇུག་

dmag zlog nyi shu rtsa lnga las/_rgyal chen sde bzhi'i srog dbang bka' rgya can bskur ba'i lag len gsal bar bkod pa bod khams bde ba'i las 'jug

Vol. 52, Text 1:

ཐུབ་དབང་གནས་བརྟན་བཅུ་དྲུག་གི་ཆོ་ག་མཆོད་པའི་སྤྲིན་ཕུང་

thub dbang gnas brtan bcu drug gi cho ga mchod pa'i sprin phung

Vol. 52, Text 2:

སྟོན་པ་ཐུབ་པའི་དབང་པོ་དང་འཕགས་པ་གནས་བརྟན་ཆེན་པོ་བཅུ་དྲུག་གི་རྗེས་གནང་

ston pa thub pa'i dbang po dang 'phags pa gnas brtan chen po bcu drug gi rjes gnang

Vol. 52, Text 39:

བདེ་མཆོག་འཁོར་ལོའི་ཆོས་ཀྱི་ལོ་རྒྱུས་

bde mchog 'khor lo'i chos kyi lo rgyus

Vol. 52, Text 40:

དཔལ་བདེ་མཆོག་འཁོར་ལོའི་གསོལ་འདེབས་

dpal bde mchog 'khor lo'i gsol 'debs

Vol. 52, Text 41:

དཔལ་བདེ་མཆོག་མཁའ་འགྲོ་གསང་སྒྲུབ་ཀྱི་སྨིན་བྱེད་ཆོག་ཟིན་བལྟས་ཆོག་ཏུ་བཀོད་པ་དབང་ཆེན་འཕྲུལ་གྱི་བཅུད་འབེབ་

dpal bde mchog mkha' 'gro gsang sgrub kyi smin byed chog zin bltas chog tu bkod pa dbang chen 'phrul gyi bcud 'beb

Vol. 54, Text 21:

དགྲ་གནན་གཤིན་རྗེ་རླུང་སྒྲུབ་ཀྱི་ལས་གཞུང་ལག་ལེན་ཞལ་ཤེས་དང་བཅས་པ་ཁྲིགས་ཆགས་སུ་བསྒྲིགས་པ་བསྟན་དགྲ་འཇོམས་བྱེད་

dgra gnan gshin rje rlung sgrub kyi las gzhung lag len zhal shes dang bcas pa khrigs chags su bsgrigs pa bstan dgra 'joms byed

Vol. 54, Text 22:

ཞིག་གླིང་གསུང་དགྲ་གནན་གཤིན་རྗེ་རླུང་སྒྲུབ་ཀྱི་ལས་གཞུང་ལག་ལེན་ཞལ་ཤེས་མཐོང་བརྒྱུད་དང་བཅས་པ་ཁྲིགས་ཆགས་སུ་བསྒྲིགས་པ་བསྟན་དགྲ་འཇོམས་བྱེད་

zhig gling gsung dgra gnan gshin rje rlung sgrub kyi las gzhung lag len zhal shes mthong brgyud dang bcas pa khrigs chags su bsgrigs pa bstan dgra 'joms byed

Vol. 55, Text 34:

རྫོགས་པ་ཆེན་པོ་རྒྱུད་བཅུ་བདུན་གྱི་དབང་ཆོག་རྫོགས་པ་རང་བྱུང་གི་རྒྱུད་ཀྱི་དགོངས་དོན་ཇི་བཞིན་ཆོག་བསྒྲིགས་ཟིན་བྲིས་སུ་བཀོད་པ་

rdzogs pa chen po rgyud bcu bdun gyi dbang chog rdzogs pa rang byung gi rgyud kyi dgongs don ji bzhin chog bsgrigs zin bris su bkod pa

Vol. 55, Text 35:

སྔགས་སྲུང་ཨེ་ཀ་ཛཱ་ཊའི་སྐོང་གསོ་

sngags srung e ka dzA Ta'i skong gso

Vol. 56, Text 1:

རྫོགས་པ་ཆེན་པོ་གསང་བ་སྙིང་ཏིག་ཡང་ཟབ་བཏུས་པའི་སྙིང་པོ་ལས༔ ཆོས་ཚན་གྱི་རྣམ་གྲངས་

rdzogs pa chen po gsang ba snying tig yang zab btus pa'i snying po las:_chos tshan gyi rnam grangs

Vol. 56, Text 2:

རྫོགས་པ་ཆེན་པོ་གསང་བ་སྙིང་ཏིག་ཡང་ཟབ་བསྡུས་པའི་སྙིང་པོའི། དཀྱིལ་འཁོར་གྱི་རྣམ་གཞག་རྫོགས་ཆེན་པ་འོད་གསལ་སྒྱུ་མས་མཛད་པ་

rdzogs pa chen po gsang ba snying tig yang zab bsdus pa'i snying po'i/_dkyil 'khor gyi rnam gzhag rdzogs chen pa 'od gsal sgyu mas mdzad pa

Vol. 56, Text 3:

རྫོགས་པ་ཆེན་པོ་གསང་བ་སྙིང་ཏིག་ཡང་ཟབ་བསྡུས་པའི་སྙིང་པོ་ལས། བླ་མ་བརྒྱུད་པའི་གསོལ་འདེབས་

rdzogs pa chen po gsang ba snying tig yang zab bsdus pa'i snying po las/_bla ma brgyud pa'i gsol 'debs

Vol. 56, Text 4:

རྫོགས་པ་ཆེན་པོ་གསང་བ་སྙིང་ཏིག་ཡང་ཟབ་བསྡུས་པའི་སྙིང་པོའི་མདུན་བསྐྱེད་དཀྱིལ་འཁོར་སྒྲུབ་པའི་ཆོག་སྒྲིག་རྫོགས་ཆེན་པ་འོད་གསལ་སྒྱུ་མས་མཛད་པ་

rdzogs pa chen po gsang ba snying tig yang zab bsdus pa'i snying po'i mdun bskyed dkyil 'khor sgrub pa'i chog sgrig rdzogs chen pa 'od gsal sgyu mas mdzad pa