Terdzo-NYA-010-5
སྐུ་གསུམ་རིགས་འདུས་དཔེའུ་རིས་
revealed by བྱང་བདག་བཀྲ་ཤིས་སྟོབས་རྒྱལ་ (Jangdak Tashi Topgyal)
in cycle མ་ཧཱ་གུ་རུ་མཚོ་སྐྱེས་རྡོ་རྗེ་སྐུ་གསུམ་རིགས་འདུས་ (Ma hA gu ru mtsho skyes rdo rje sku gsum rigs 'dus)
Volume 8 (ཉ) / Pages 331 / Folios to
༈ སྐུ་གསུམ་རིགས་འདུས་དཔེའུ་རིས། ཉི་ཟླའི་གའུ་འདི་ལ་གཞུང་ནས་བཤད་པའི་ཚ་རྫས་གྲང་རྫས་སོགས་ངེས་པར་འདེབས་དགོས་ལགས། ༈ སློབ་མ་ལ་བསྐུར་ཚེ་སློབ་གྲངས་དང་མཉམ་པའི་མར་མེ་བཤམ། ༈ བུམ་རྫས་ཉེར་ལྔ་སོགས་དྲི་བཟང་། ཆུ་ཁྱེའུ་ཕ་མ་ཉེ་འབྲེལ་འཛོམ་ཞིང་མིང་བཀྲ་ལེགས་པ་ཞིག་གིས་ཆུ་རྒྱུན་མི་ཆད་པའི་ཆུ་གཙང་བླངས་ནས་སུམ་གཉིས་ཁེངསཔར་བྱ། གཟུངས་རྡོར་གྱིས་བརྒྱན། ཞི་རྒྱན་དཀྱིལ་དུ་ཚེ་དཔག་མེད་ཀྱི་སྐུས་མཚན་པ་དེ་མིན་རྒྱས་བསྡུས་གང་བདེ་། ཚེ་འབྲང་ལ་ཙཀ་ལི་འཛུག་དགོས་ལགས། ཚེ་འགུགས་སྐབས་སུ་ཚེ་འབྲང་སློབ་དཔོན་གྱིས་ཕྱག་གིས་འཛིན་དུས་བུམ་པར་ཁ་རྒྱན་བཞག་དགོས་ལགས། སློབ་མ་ལ་བསྐུར་ཚེ་སློབ་གྲངས་དང་མཉམ་པའི་མར་མེ་བཤམ།