Terdzo-LA-009

རྟ་མགྲིན་སྙིང་པོ་དོན་སྦྱོར་གྱི་བརྒྱུད་པའི་གསོལ་འདེབས་

rta mgrin snying po don sbyor gyi brgyud pa'i gsol 'debs

by འཇམ་མགོན་ཀོང་སྤྲུལ་ (Jamgön Kongtrul Lodrö Taye)
revealed by ཉང་པོ་མཆོག་ལྡན་རྡོ་རྗེ་ (Nyangpo Chokden Dorje)
in cycle རྟ་མགྲིན་སྙིང་ཐིག་སྙིང་པོ་དོན་སྦྱོར (Rta mgrin snying thig snying po don sbyor)
Volume 26 (ལ) / Pages 147-148 / Folios 1a1 to 1b4

Citation	'jam mgon kong sprul. rta mgrin snying po don sbyor gyi brgyud pa'i gsol 'debs. In Rin chen gter mdzod chen mo pod nyer drug pa (The Great Treasury of Rediscovered Teachings Volume 26) by 'jam mgon kong sprul, 147-148. New Delhi: Shechen Publications, 2007-2016.
Author	'jam mgon kong sprul འཇམ་མགོན་ཀོང་སྤྲུལ་
Source Revealer	Nyang po mchog ldan rdo rje ཉང་པོ་མཆོག་ལྡན་རྡོ་རྗེ་
Cycle	Rta mgrin snying thig snying po don sbyor རྟ་མགྲིན་སྙིང་ཐིག་སྙིང་པོ་དོན་སྦྱོར
Terdzö Category	Mahayoga
Tibetan Colophon(s)	ཅེས་པའང་གུ་ཎས་ཁྱེར་བདེར་བཀོད་པ་དགེ་ལེགས་འཕེལ
Wylie Colophon(s)	ces pa'ang gu Nas khyer bder bkod pa dge legs 'phel
Notes	Front left-side note: brgyud 'debs Back left-side note: gter mdzod mchog rdor rta mgrin snying po don sbyor
Links	No TBRC link // No THL link

< Previous Text

Next Text >

[edit]

རྟ་མགྲིན་སྙིང་པོ་དོན་སྦྱོར་གྱི་བརྒྱུད་པའི་གསོལ་འདེབས་བཞུགས་སོ། །ཨོཾ་ཨཱཿཧཱུྃ། མཉམ་ཉིད་སྤྲོས་བྲལ་དག་པའི་ཕོ་བྲང་དུ། །ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས། །ལྷུན་གྲུབ་འོད་ལྔ་འཁྲིགས་པའི་ཕོ་བྲང་དུ། །ལོངས་སྐུ་ཞི་ཁྲོ་ཡབ་ཡུམ་ལ་གསོལ་བ་འདེབས། །རྣམ་དག་སྟུག་པོ་བཀོད་པའི་ཕོ་བྲང་དུ། །སྤྲུལ་སྐུ་རྡོར་འཆང་ཡབ་ཡུམ་ལ་གསོལ་བ་འདེབས། །འོད་གསལ་མེ་དཔུང་འབར་བའི་ཕོ་བྲང་དུ། སྟོན་པ་རྡོར་སེམས་ཡབ་ཡུམ་ལ་གསོལ་བ་འདེབས། །དུར་ཁྲོད་གསང་ཆེན་རོལ་པའི་ཕོ་བྲང་དུ། །རིག་འཛིན་དགའ་རབ་རྡོ་རྗེ་ལ་གསོལ་བ་འདེབས། །དཔལ་རི་པདྨ་འོད་ཀྱི་ཕོ་བྲང་དུ། །ཨོ་རྒྱན་གུ་རུ་ཡབ་ཡུམ་ལ་གསོལ་བ་འདེབས། །བཀའ་བབས་ལུང་བསྟན་དམ་ཚིག་ཕོ་བྲང་དུ། །རིགས་ལྡན་ཆོས་བློ་མགོན་པོ་ལ་གསོལ་བ་འདེབས། །སྣང་སྲིད་སྒྱུ་མར་གྲོལ་བའི་ཕོ་བྲང་དུ། །རིག་འཛིན་མཆོག་ལྡན་རྡོ་རྗེ་ལ་གསོལ་བ་འདེབས། །བདེ་སྟོང་ཆོས་ཉིད་རོལ་པའི་ཕོ་བྲང་དུ། །ཆོས་བདག་གསང་བའི་ཌཱ་ཀི་ལ་གསོལ་བ་འདེབས། །དབང་ཆེན་ཟླ་གམ་འཁྱིལ་པའི་ཕོ་བྲང་དུ། །གཏེར་ཆེན་བསམ་གཏན་གླིང་པ་ལ་གསོལ་བ་འདེབས། །འགྲོ་དོན་ཕྱོགས་མེད་མཛད་པའི་ཕོ་བྲང་དུ། །དྲིན་ཅན་རྩ་བརྒྱུད་བླ་མ་ལ་གསོལ་བ་འདེབས། །བྲག་དཀར་ལྷ་ཆུ་གསང་བའི་གཏེར་གནས་སུ། །དམ་ཆོས་སྙིང་པོ་དོན་སྦྱོར་ལ་གསོལ་བ་འདེབས། །རང་ལུས་གདན་གསུམ་ལྷ་ཡི་གཞལ་ཡས་སུ། །ཡི་དམ་རྟ་ཕག་ཡབ་ཡུམ་ལ་གསོལ་བ་འདེབས། །བདེ་སྟོང་རྩ་རླུང་ཐིག་ལེའི་གྲོང་ཁྱེར་དུ། །རིག་འཛིན་དཔའ་བོ་མཁའ་འགྲོ་ལ་གསོལ་བ་འདེབས། །བཀའ་དང་དམ་ཚིག་གཉན་པོའི་ཕོ་བྲང་དུ། །བཀའ་སྲུང་དམ་ཅན་རྒྱ་མཚོ་ལ་གསོལ་བ་འདེབས། །མཁྱེན་བརྩེ་ཡེ་ཤེས་རྒྱས་པའི་སྐྱབས་མཆོག་རྣམས། །གསོལ་འདེབས་བུ་ལ་ཐུགས་རྗེའི་སྤྱན་གྱིས་གཟིགས། །བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས། །གཞན་དོན་འབད་མེད་འགྲུབ་པར་བྱིན་གྱིས་རློབས། །སྒྲུབ་ལ་བར་ཆད་མེད་པར་བྱིན་གྱིས་རློབས། །བསྐྱེད་རྫོགས་མཐའ་རུ་ཕྱིན་པར་བྱིན་གྱིས་རློབས། །ཚེ་གཅིག་སངས་རྒྱས་འགྲུབ་པར་བྱིན་གྱིས་རློབས། །ཅེས་པའང་གུ་ཎས་ཁྱེར་བདེར་བཀོད་པ་དགེ་ལེགས་འཕེལ།། །།

[edit]

Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).